للاهمية مانوع هذا الطائر

[فيصل22]

اخواني اليوم في المزرعة وفي قفص الحمام وجدت هذا الطائر دخل شبك الحمام وما عرف يطلع طبعا الحمام كان على اسلاك العمود يعني بشكل كامل حتى استغربت وعند مشاهدتى شبك الحمام لقيت هذا الطائر اكل حمامة ولعن ام الزغاليل يقتل الواحد وياكل منه شوي ويخليه ياليت تعطوني نوعه لانه شكله غريب ومسرول وبعض الاخوان من الي شافوه عندي اليوم قالو صقر وناس تقول عقاب وناس تقول مهجن بين العقاب والصقر ياليت الي يعرف يفيدنا لاني ناوي اصقره اخليكم مع الصور
http://www.samaup.com/S3e0

http://www.samaup.com/S610

http://www.samaup.com/Sf13

http://www.wata.cc/up/2015/01/images/w-5dc9d29047.jpg

طبعا ملاحظة الطائر عنيف جدا حتى اني اخذت الصور وهو يكافخ ياليت الي يعرف معلومات وافيه وكافية يفيدنا وجزاكم الله خير

[تزبطي]

ماضنتي ان هالوجه صقر ركز فيه
شبوط الظاهر
ويفيدونك اﻻخوان

[فيصل22]

الله يجزاك خير الطير حجمه كبير اكبر من الوكرية بشوي يجي تقريبا 15في 15 او يزيد انا الحقيقة شاك في الطير
اول مرة اشوف هانوع

[فيصل22]

شوفو هذه الصورة بعد مابرقعنا الطير وهو هادي الان

http://www.wata.cc/up/2015/01/images/w-5dc9d29047.jpg

[فيصل22]

http://www.wata.cc/up/2015/01/images/w-5dc9d29047.jpg

[al9abr]

السلام عليكم

هذا باز ومايسوى

بالتوفيق

[فيصل22]

السلام عليكم

هذا باز ومايسوى

بالتوفيق

الباز تكون رجولة طويلة وجناحانه قصيرة واصغر من هذا بكثير وكذلك ماتجي رجوله مسروله
وتجي عينه صفرا وفيها سواد ليس باز قطعيا ننتظر اهل الخبرة الي عندهم معلومات اكثر وشكرا
لك ماقصرت

[THE SNIPER H]

باز وﻻ يسوي شيئ
اعتقه لوجه الله

[فيصل22]

يعطيكم العافية طيب ايش الي يصيده غير الحمام
ممكن معلومات للفائدة

[هاوي4]

تقريبا الطير هذا مهاجر ماقد سبق ان شفت مثله لكن
اذا بتبيع انا اشتريه منك

[فيصل22]

اعتقد مهاجر بسبب البرد

[فيصل22]

ليس للبيع لكن نريد معلومات عنه

[صقر البحارى]

ليس باز ابدا,,,,,, الطير هذا اعتقد انه هجين طبيعى والله اعلى واعلم ..
اول مره اشوف طير مثل هذا ...!!!

[العقرب3]

هذا طير خارجي اول مررة اشوف هالنوع باين عليه هجين ومازال انه دخل على الحمام
اكيد الطير من فصيلة الصقور لكن الشيئ الي متاكد منه انه ماهو باز اكيد طير من طيور الخارج المهاجرة
عليك ان تعتني به وتحافظ عليه وتصقرة وتعطينا تجربتك واتوقع انه طير راح تكون افعوله طيبه
والله يطعمك من صيده

[محقان السليطي]

مافيها كلام هجين الطير والله اعلم لكن باين انه نادر
وجوده عندنا او على مستوى الجزيرة العربية هذا طير ماهو من بلدان العرب ابد ابد الي ابيه منك اعتني فيه ونبي نعرف تجربتك معاه
ولا تفرط فيه ابد الين تعرف عنه كل شيئ وتتاكد من مدى مناورته على الصيد
وعلمه على الكراوين والارانب ولله يرزقك ويطعمك من صيده وحاول تتعامل معه بكل هدوؤ

[ايراهيم عسيري]

سبحان الخالق الطير هارب من البرد حط في الي اقوى منه هههههه
اول مرة اشوف هالطير لكن باين عليه يجي منه ,,,, وقفته وقفت صقر ماشالله تبارك الله
باين انه من طيور الخارج المهاجرة

[فيصل22]

شكرا اخواني اتمنى من اهل الخبرة او من مرت عليهم هالنوعية يفيدونا

[صقر البحارى]

اخى انا قلت فى مشاركة سابقة لا اعرف و قلت ربما يكون هجين طبيعى ،،،،

لكن عرضت الموضوع على احد الناس عندنا وهو ليس بالهين ،،، فقال لى هذا الطير

احد انواع العقبان ويعيش فى غابات زى البرازيل والارجنتين وحتى اميركا

وقال لى بالحرف سبق وان شاهدت فى قناة سلطنة عمان برنامج تلفزيونى

عنه وقال لازلت اذكره جيدا يعنى حسب ما قال لى الطير من انواع العقبان اللى

احنا لانعرفها فى عالمنا العربى ..

[قصر عيدان]

السلام عليكم ورحمة الله

هذا الطير ليس من صنف الصقور أبدا بل هو من صنف النسور

وهو نوع من أنواع العقبان .. وهو لايصلح أبدا ولا يمت للصقور بصلة ..

ومافي بأس لو قنص الحمام أو الدجاج ... الجوع ومايفعل ياصديقي

لاراسة ولا جناحه ولا ريشه ولا حتى طيرانه مثل الصقور ..

أنا نصيحتي اعتقه لوجه الله

والله يعوضك بأحسن وأفضل منه

موفق ياخوي

[فيصل22]

مشكورين ماقصرتو على الردود والمعلومات بحثت في عدة اماكن وحتى في مكتبة الجامعه
ماوجدت معلومات كافية عنه وفيه طيور تشبه له لكن تختلف والاقرب له هوصقرالامازون
ومن خلال تجربتي عطيته ارنب وماتاخر عنها يوم بعدت عنه شوي
ذبح الارنب بطريقة تدل انه عارفها ... وقبلها عطيته وزه متوسطة
وذبحها بسرعه وعنده شراهة في الاكل غير طبيعية ماشالله تبارك الله ...
سبحان الله الطير شكلة طير غابات وبراري وبحيرات ماهو طيرجبال
و ليس من فصيلة النسور ابدا واتمنى من اهل الخبرة لوفيه معلوماتن عنه يفيدونا
مقاس الطير بعد القياس 17نص عرض طول 17

[سيرحوت]

هذي عيزا وهي تتكاثر في الرمله بالربع الخالي وهي نوع من الباز

[فيصل22]

مشكورعلى التوضيح ممكن اعرف الرملة هي منطقة اواسم موقع ام تقصد رمال الارض
لاني قراة ان مثل هذه النوعيات تعيش في اعالي الاشجار وشكرا لك

[راعي سحآب]

اتوقع انه عقاب مهجن

والله اعلم ..

[saad1ksa]

هذي حديا ويسمونها عيزا مع اني ما شبكتها بس اتوقع
او انه طير لايهاجر من عند جزيره العرب ــ اتوقع من الطيور المهاجره داخل قارة افريقيا ــ قلت هذا الكلام لأني اعرف فصيله من الصقور اصغر من الوكري يهاجر من عمان الى جزيره مدغشقر الافريقيه ــ والسلام عليكم

[أبو العنود1]

السلام عليكم ورحمة الله وبركاته . . .
نسميها طير ابو الجراد لكن مالها علاقه بالحر كما ذكر ...

[الشيخ مطرف]

هذا مو صقر .. عقاب نوع من انواه العقبان .. بس دامه يعرف الارنب صقره ودور معه الارانب والله يطعمك من صيده

[فيصل22]

مشكور ماقصرت الطيريرغب الارنب بقوة وصراحة
الطير بدا يكون هادي
وتظبطت امورة والصراحه
ياكل اي شيء اعطية بدون تردد
لكن يجن اذا شاف الحمامه او الارنب

[سيرحوت]

ااخوي فيصل الرمله هي الطعوس اقصد طعوس الربع الخالي وهالنوع من الطيور عندنا نسميه عيزا وقد لقيت لها فروخ في اعشاش تبنيها ع شجرة العبل اللي بها الطعوس وهالطيور تهد ع كل ماهو متحرك من الفرائس وبتلاحظ ان طرف جناها اذا طارت مثل المشط فيه فرق بين الموس والنايفه والثالثه ماهو مثل جناح الصقر

[فيصل22]

ااخوي فيصل الرمله هي الطعوس اقصد طعوس الربع الخالي وهالنوع من الطيور عندنا نسميه عيزا وقد لقيت لها فروخ في اعشاش تبنيها ع شجرة العبل اللي بها الطعوس وهالطيور تهد ع كل ماهو متحرك من الفرائس وبتلاحظ ان طرف جناها اذا طارت مثل المشط فيه فرق بين الموس والنايفه والثالثه ماهو مثل جناح الصقر


فعلا كلامك صحيح وفعلا الطير يهد على اي شيئ لكنه الطيور مثل الحمام والسمان والارنب يرغبها بشكل غير طبيعي وجناحه طويل زيادة بالنسبه لحجمة والي لفت انتباهي سرعة تعود الطير على المنادة وقت العشا واذا شاف الحمامة في يدي يهجم عليها وبسرعة بدون خوف او تردد لكن الي مستغربه انه اي طير او ارنب مايهجم فيه الا الراس اول شيي يضغط على الراس ويفقع العين زززز يعني ماينزع الا عين الفريسة قبل يحللها مادري هذا طبيعي او ان طبعه هذا مكتسب لان الاخوان الي شافو الطير يقولون انه متعود على الطرائد في الصحراء ومايسيطر عليها الا عن طريق نزع الاعين للفريسة وبعدين يحللها حتى انها بشكل سريع تتم هذه الطريقة يعني مايوقف الا على العين وفي ثواني ينتزعها وهذا الشيئ غريب علي اول مرة اشوف هالاسلوب ياليت لوعندك معلومات شرح لنا مبررات هذه الطريقة من هانوع من الطيور يعني كانه عارف ان العين هي نقطة ضعف في الطريدة والاهم من ذلك ان اول يوم مسكتة في القفص كان عنيف في الحركات ويم مااني ربطته بالحبل وكان قصير شوي كان يحاول مهاجمتي بالتجاه الوجه مباشرة لكن كنت حذر منه ويشهد الله اول يوم هاجمني باتجاهي راسي والعيون مباشرة لكن كان الحبل ماسك فيه الان تغير الوضع صار متوالف معي لكن احذرو من هاالنوعيه لانه خطر جدا على العيون والطير يعجبكم على الهدد الدجاج والبط والحمام والارانب والسمان لكن طبع العيون واجتثاثها خلاني استغرب من هذا الطائر

[محقان السليطي]

هذا الفعل عادي بالنسبة للطيور الجوارح الي تعيش بالصحراء لانه متعود على اصطياد الافاعي والثعابين
وربما انه ياهجم فرائس اكبر منه حجم وسلاحة الاول والاخير فقئ العين انت الان ماشي في طريق ممتاز مع الطائر ومعلوماتك مفيده اجمع معلومات اكثر الى ان تعرف كل شيئ عن الطير وبعدها انت حر تبي تقنص فيه والا خلة يروح في حال سبيله اهم شيئ انك تدرس طبوع الطير ونستفيد من تجربتك

[فيصل22]

اشكرك اخوي محقان اكيد تحليلك في محله انا الان لازلت اهد الطير وهو مربوط بسبب والطير لحد الان ممتاز في سرعة التجاوب كانه كلب سلوقي في الهدد الله يكرمكم ومايتاخر ابد في الانقضاض والي عجبني فيه قوة شجاعته على الهدد وسرعه استجابته للتدريب الطير انشالله بعد ماقنص فيه بدون سبب ومعرفة جميع المعلومات عنه كامله وكافية راح اعتقه لوجه الله مع اني تونست بطبوعه رغم خطورته في اول يوم

[محقان السليطي]

اشكرك اخوي محقان اكيد تحليلك في محله انا الان لازلت اهد الطير وهو مربوط بسبب والطير لحد الان ممتاز في سرعة التجاوب كانه كلب سلوقي في الهدد الله يكرمكم ومايتاخر ابد في الانقضاض والي عجبني فيه قوة شجاعته على الهدد وسرعه استجابته للتدريب الطير انشالله بعد ماقنص فيه بدون سبب ومعرفة جميع المعلومات عنه كامله وكافية راح اعتقه لوجه الله مع اني تونست بطبوعه رغم خطورته في اول يوم


معلوماتك راح تفيدنا في المستقبل
وكيفية الاستفادة من الطائر لكن ان شفته تظبط معك
مايمنع انك تقنص بالطير وتستفيد منه

[فيصل22]

لحد الان الطير ممتع ويستاهل مواصلة التدريب
ومايعيبه شيئ واشكرك عل ابدائك الرائ وعلى معلوماتك

[صقار جدة]

لازت اقول نوع عقاب ابو الحنشان يجي مهاجر

[محقان السليطي]

لازت اقول نوع عقاب ابو الحنشان يجي مهاجر

الطبر الله العالم انه ابو فقنه واعتقد له عدة اسماء
اليوم صادفت واحد وكان صايد قمريه

[MohammadGhamd]

متااااااااااااااااابع

[مجنون الدهناء]

مواصفات الصقر بعيد عنه كثير :good2:



ومنكم نستفيــد :D

[الموهبي]

من انواع العقبان وأشوف انه اخذ اكبر من حجمه هذا الطائر
ولا تزعل مني ياصاحب الموضوع
وجهه نظر

والخيمة لبيع وشراء الصقور

[ابو سعد9990]

ليس للبيع لكن نريد معلومات عنه

السلام عليكم
اخوي فيصل، من مايعرف الحر يشويه.
ممكن تواصل معي واتس أب رقم 0504178017

[ابو سعد9990]

السلام عليكم
اخوي فيصل ممكن تواصل على واتس أب 0504178017
وناصح لك لا تبيع ولا احد يلعب . دناك تبي وآخرتك تبي ...

[ابو سعد9990]

ماشاءالله تبارك الله عليه

[صياد الصحراء]

اخوي ابو حقب هاذا واجد اشوفه في صحاري الشرقيه

[فيصل22]

مشكورين اخواني على المعلومات والطير صرت اشوفه عندي اغلى من كل الطيور وصايد فيه البط والحجل والدجاج والكراوين والارانب والطير صار هادي وراكد وماعنده مشكلة لكن مايقدر على مطاردة الحمام والقماري لانها سريعه لكن يجيب الحمام الي منزوع من ريشته ماعدا السمان ماشالله عليه يجيبه يجيبه وانا الان اصيد فيه كل عصرية ومساء ارانب وبط وطيور البحر وامتعني صراحة في مطاردة الارانب في الصباح الباكر ومع المساء وطير فيه قوة وجسارة ماقد شفتها في طير ماشالله تبارك الله ويعلم الله مايبات الا وهو متعشي من مخلبه والي سبق وان جرب هالنوعية بيعرف معنى كلامي ووالله اني كنت ناوي اطلقه لو جه الله وفعلا فكيته وحام حولين الموتر ورجع وقف حولي بعدها ماعاد طاوعتني نفسي اخليه والي عاجبني فيه اذا مالقيت صيده مايبعد عني الطير وان ناديته يستجيب طوالي وفيه كثير من الشباب صارو يدورون مثله وماحد لقى شيئ والطير ماهو ابوحقب ولا ابو الحنشان وليس مما وصفه الاخوان باسماء كثيرة الطير نوع من انواع الصقور الجارحة ويعيش في غابات الاموزون ويتغذى على جميع الطرائد في الغابات من بط وزواحف وطيور وارانب وسناجب وحتى ياخوان لوفيه احد عنده من نفس النوع ويبي يبيعه انا شراي وبدون تردد واحلى مايعجبني فيه انه طبعه مثل طبع الكلاب اذا تعود عليك ماعاد يتركك وهذه تجربتي وللامانه الطير يستاهل حتى لوكان ليس من نفس شكليات طيورنا الجميله المعروفه واسال الله ان ينفع بتجربتي من لديه الرغبه في القنص بهالنوعيه واشكر كل من شاركني هذا الموضوع

[(هزاع)]

مشكورين اخواني على المعلومات والطير صرت اشوفه عندي اغلى من كل الطيور وصايد فيه البط والحجل والدجاج والكراوين والارانب والطير صار هادي وراكد وماعنده مشكلة لكن مايقدر على مطاردة الحمام والقماري لانها سريعه لكن يجيب الحمام الي منزوع من ريشته ماعدا السمان ماشالله عليه يجيبه يجيبه وانا الان اصيد فيه كل عصرية ومساء ارانب وبط وطيور البحر وامتعني صراحة في مطاردة الارانب في الصباح الباكر ومع المساء وطير فيه قوة وجسارة ماقد شفتها في طير ماشالله تبارك الله ويعلم الله مايبات الا وهو متعشي من مخلبه والي سبق وان جرب هالنوعية بيعرف معنى كلامي ووالله اني كنت ناوي اطلقه لو جه الله وفعلا فكيته وحام حولين الموتر ورجع وقف حولي بعدها ماعاد طاوعتني نفسي اخليه والي عاجبني فيه اذا مالقيت صيده مايبعد عني الطير وان ناديته يستجيب طوالي وفيه كثير من الشباب صارو يدورون مثله وماحد لقى شيئ والطير ماهو ابوحقب ولا ابو الحنشان وليس مما وصفه الاخوان باسماء كثيرة الطير نوع من انواع الصقور الجارحة ويعيش في غابات الاموزون ويتغذى على جميع الطرائد في الغابات من بط وزواحف وطيور وارانب وسناجب وحتى ياخوان لوفيه احد عنده من نفس النوع ويبي يبيعه انا شراي وبدون تردد واحلى مايعجبني فيه انه طبعه مثل طبع الكلاب اذا تعود عليك ماعاد يتركك وهذه تجربتي وللامانه الطير يستاهل حتى لوكان ليس من نفس شكليات طيورنا الجميله المعروفه واسال الله ان ينفع بتجربتي من لديه الرغبه في القنص بهالنوعيه واشكر كل من شاركني هذا الموضوع

حياك الله يافيصل

ممكن صور لراس الطير مفرع وصوره لضهره



ولومكن عدة صور افضل

[صقار جدة]

يافيصل موقعك وين حولك محميه

[محقان السليطي]

الله يبارك لك في الطير لكن في الحقيقة استغربت ان الطير سلاحه خربشة الوجة للفرائس الي تسبب له اشكالية مثل التعالب والسنوريات ويصيد حتى طيور اكبر منه 3مرات مثل طيور مالك الحزين والبجع وغيرة والطير من طيور غابات الامازون ويتكاثر بين الاشجار في اعشاش الطيور الاخرى وفيه منه انواع الرمادي والاحمر والبني والابيض طبعا بتقولو من وين هالمعلومات ؟؟؟؟ ابي اقلكم من وين !! طبعا زاد فضولي في البحث عن هذا الطائر وبدات اقرا عنه في الكتب حتى لقيت كتاب اسمه (موسوعة الحيوان والطيور - ترجمة وتحقيق : اميل بديع يعقوب - الناشر الدار العربية للعلوم ) هذا الكتاب انجاز علمي بمعنى الكلمة وفيه معلومات عن هذا الطائر العجيب وتصرفاته العجيبة ومن اهمها انه طائر خجول ويتصف بالحنان الزائد لفراخه وزوجه طائر مستوطن في غابات الامازون يصطاده الصيادون للاستفاده من ريشه في بعض الكماليلات والصناعات يمتاز بقوة ريشه وتحمله للطيران حيث يستطيع رفع سنجاب كامل لفراخه وبسرعه فائقه .. اتمنى من اخواني الصقارين يقتنون هالكتاب الجميل والمفيد لان فيه دراسة كاملة ومهمة لسلوكيات اهم الطيور والحيونات واغربها وانواعها

http://im55.gulfup.com/6sfTfN.jpg

والشكر موصول للاخ فيصل 22 الي اعطانا تجربته لكي نستفيد منها جميعا فجزاه الله خير وللمعلومية لاتدورو للطيرلانه هجرتة باتجاه استراليا وليس باتجاه الشرق
والطير الله العالم كيف وصل علانا في السعودية واعتقد ان من شدة البرد هالسنة توجه لجهة الشرق والله اعلم

[هاوي4]

والله ياخوي عندنا طيور واجد وتجينا طيور مهاجرة واجد
لكن ماندورعليها دائما ومتعودين ندور الطيور المزيونه من الاحرار والشواهين والوكارا
اما هالطيور ماقد جربناها وهذه مشكلتنا دايم ندور المنظر والمتعارف عليه وماندور
الجديد او الي يلفت الانتباه الحين لوتسالني عن اي طير غير صقورنا المعروفه
بكل تاكيد ابي اقول لك ترى مافيه فايدة واصلا انا مجربت وهذا هو الفرق بيننا
وبين الغرب هم يبحثون ويدونون في كتب العلم ويدرسون كل شيئي لكن حنا الله يعييننا على جهلنا
في كتاب ثاني اكتشفت ان سر ريش القدم لهذا النوع من الطيورهو حماية من الله عزوجل لسيقان الطير
من الحيوانات اثنا الصيد وحماية ضد الزواحف والفرائس الاخرى فتبارك الله احسن الخالقين
والله ان عندنا طيور واجد ولاحد فينا سبق وان قام بتاليف ولو كتيب بسيط عن الطيور او الحيوان
واتمنى ان فيه احد يتبنى الفكرة ويحط كل خبرته في كتاب او كتيب
وانا متاكد انه راح يفيد ويستفيد

[ايراهيم عسيري]

وسع صدرك ماحولك احد القلم مايجبرنا عليه
الا العمل لانحب نقرا كتب ولا نكتب كتب
وبعدين الطير زي اي طير ويش بايصيد فيه
غير الحمام والطيور وحتى الارانب يعني مثله
مثل غيره لكن استفدنا بالمعلومة يمكن
انه شوي غريب علينا لكن
معلوماتكم افادتنا كثير وتعرفنا على نوع الطير
ونا معكم اننا امة اقرأ ولكننا لانقرأ

[مقناص الكويت]

اخي الفاضل هذا نسميه بالكويت مساح الريضان

مايصيد الا الفيران والسمان والحمام وطياره بطى جدا ولا ينفع بشي

سبله لوجه الله والله يرزقك بفضل منه

[المرسدس]

والله ياليت تنزل لنا كم مقطع وانت تقنص به وياليت ينقل الموضوع في مكانه المخصص

اشترك في اليوتيوب وحمل المقطع عليه ونزله رابط او في موقع مباشر لتحميل الفديو رابط
ياليت تعطينا فديو له باين طير من نوعه ونادر اذا قلنا عقاب العقاب جرمه كبير بس انتبه يغدربك خلك حذر دامه يهجم عل وجه بتوفيق

[صقار جدة]

ياكثر ماقلت ابا اسوي وباسوي
لافيه شيامن الي قلت سويته