المساعد الشخصي الرقمي

مشاهدة النسخة كاملة : اسفسار من خواني المكشاتيين


رمح/ البراري/
03/02/2015, 06:29 PM
السلام عليكم ورحمه الله وبركاته
وبعد ....ياخوان انا مبتدى في الصقور واريد منكم خدمه بسيطه للي قد ربطو عندهم طيور
انا عندي وكري فرخ واريد ان اربطه للموسم الجاي .وسؤال هو (متى اربط الطير وش اوكله في وقت الربطه
وهل ارفع البرقع من على عيونخ طول الوقت ولاكيف وش الفيتامينات الازمه اللي ماتضر الطبر
وشكرا لكم ..ونبغا نعرف من واقع خبره والسلام عليكم ورحمه الله وبركاته....وجزاكم الله باخير
رمح/ البراري/
03/02/2015, 07:46 PM
الرجاء الافاده من قبل الاخوان لكي تعم الفائده
رمح/ البراري/
03/02/2015, 07:56 PM
الرجاء الرد
بسرعه ياخوان

تكفون
رمح/ البراري/
03/02/2015, 08:19 PM
ياخوان الرجااااااااااء الرد بسرعه
a.a.
03/02/2015, 09:14 PM
هلا اخوي
الطير اذا بتربطه جهز له مكان مناسب وتدخله الشمس تضع الطير فيها وتفك سبقة والبرقع وتخليه بالمربط وتعلفه سمان او الي تبي



اذا فيه نقص يكملون لك الاخوان
رمح/ البراري/
03/02/2015, 09:15 PM
اكثر من ميئه مشاهده ولا يوجد حتى رد واحد
رمح/ البراري/
03/02/2015, 09:18 PM
ابيض وجه يالخوي بس متى اربط الطير
صقار جدة
03/02/2015, 10:03 PM
اطلق سبوقه احسن مالك ومالك و العنا نصيحتي لك
صقار الغربيه
03/02/2015, 10:24 PM
عليكم السلام ورحمه الله وبركاته
اخوي اربط الطير وفك برقعه وارفعه بالعلف اذا مجفيه عطه ثندوه صبح وعطه عصر لين يتصنع واذا تصنع علفه بس العصر وخل المويه عنده متوفره لين يصفي واهم شي نظافه المكان
صقار الغربيه
03/02/2015, 10:29 PM
اربط طيرك شهر 3 ميلادي
Bin 3baid
03/02/2015, 10:30 PM
السلام عليكم ورحمة الله وبركاته...
اول شي جهزله مكان مناسب ويا تربطه بمرسله كامل يا تفك سبوقه انا افضل ربط الطير للحفاظ على ريشته اما اذا شاهين ماعندك غير الفك هذي اول نقطه...
ثاني شي افحص الطير قبل لا تقيضه وتاكد انه خالي من الامراض واذا مريض طبعا لازم تعالجه ولا تهمله وكل شهر حاول انك تفحص ذرقه مره على الاقل..
ثالث شي حاول بقدر الامكان تحافظ على درجة حرارة الغرفه وتخليها معتدله يعني الجو الي انت تقدر تقعد فيه ولا تحس بالبرد ولا بالحر..
رابعا النظافه ثم النظافه ثم النظافه واعتبرها هاي النقطه الاولى والاهم نظف مكان الطير صبح ومسا..
خامس شي اكرم الطير واطعمه مرتين في اليوم وحافظ على اوقات توزيع الوجبتين ونوعله معشاه - حمام - فري - دجاج - جرابيع - الجرذي الابيض - الارانب - الخ ) ...
تقدر تربط الطير في اي وقت وانا عن نفسي اربطهن من عقب رجوع الكراوين في اخر شهر 3 ..
ملاحظه : ارفع وزن طيرك في المقيض واذا بدا يحذف الريش فرطه يومين ولا ثلاث خاصه انه وكري وعقب رد زيد وزنه تدريجيا بس لازم يوم تفرط الطير تنتبه عليه وتراقب صحته عشان ما يضره الجوع ويمرض حاول تكون لك نظره في طيرك وتعرفه اذا تغير عليك شي ...
الفيتامينات والمكملات الغذائيه تفيد الطير في المقيض وتساعد على نمو الريش بشكل صحيح ...
والسموحه على الاطاله وهذا روتيني في مقيض الطيور الي تعودت عليه واتمنى اني ماقصرت في شي وشكرااا...
Bin 3baid
03/02/2015, 10:35 PM
السموحه على الغلطه المطبعيه �� قصدي فرط الطير يومين ولا ثلاث عشان يحذف جوعه عدل وراقب صحته اذا لقيته تعب اعلفه بس اهم شي تكون رافع وزنه عدل قبل لاتجوعه او تفرطه ... والسموحه
أبو محمد 201
04/02/2015, 11:11 AM
بذكر لك نقطه مهمه وللجميع الصقاره
السبوق لزم تغيرها من سبوق المقناص الا سبوق الربطه
عشان مايلتف على مخالب الطير وتقصها
والمجول لا تنساه

هذا اذا ربط واذا هدد يختلف الكلام

وكور الطير نوعها خلها وحد جذع شجره املس واحد الوكر العادي الي عليه الانجيله الخضراء
وحد حصاه ملساء
رمح/ البراري/
04/02/2015, 12:42 PM
يا خواني المكشاتيين في نقطه بسيطه هل يصلح المكان مكيف او يشاهد الشمس على طول وشكرا لكم
بيض الله وجيهكم