المساعد الشخصي الرقمي

مشاهدة النسخة كاملة : طريق حايل الجوف --, ماهي اخر اخباره؟؟؟


قاطع شعيب
20/12/2006, 12:45 PM
السلام عليكم ورحمة الله وبركاته

من الي عنده علم وخبر عن طريق حايل الجوف؟

كم باقي من الطريق ما تزفلت؟؟ قبل ما نعسه بالعيد!:o
جرير
20/12/2006, 01:14 PM
دحدر وتوكل علي الله كلش سالك

علي الطاري

به له شايب معذبته النفود يوم انه شباب وقبل الخط

وكان يضرب مشاوير طويله عن طريق الحفر واحيانا يخاطر مع هالنفود

ويوم كبر وماقدر يسوق جاء طريق حايل الجوف ومار يذكر العذاب اللي جراله ويحاكي طريق الجوف ويقول

.









تـوك تجـي ياطريـق الـجـوف



من عقب ماصرت أنـا شايـب







مـالـك جـمـالـه ولا مـعــروف



عندى سوى حاضر أو غايب











توصلون بالسلامه وعطنا اخبار الرحله
مسافر1
20/12/2006, 02:12 PM
أخي الكريم ..
أخبار هذا الطريق ..
تجدها بإذن الله على هذا الرابط ..
http://www.mekshat.com/vb/showthread.php?t=54447 (http://www.mekshat.com/vb/showthread.php?t=54447)
أجسن الأسماء
22/12/2006, 10:59 PM
بقي 22 كيلو ردمية ممتازة
بالتوفيق
فارس طي
23/12/2006, 09:37 AM
توكل على الله والطريق ممتاز وكله مسفلت ماباقي إلا عدة كيلوات قليلة ردمية ممتازة . السيارة الصغيرة تمشي عليها 0

والأفضل أن تمشيه بالنهار لأن أغلبه لم يتم تخطيطه وأحيانا تمشي على المسار الأيمن وأحيانا تمشي على المسار الأيسر

لأنه لم يتم الإنتهاء منه 0 ويسافر عليه يوميا تقريبا حسب إحصائية مابين خمسين إلى ستين مسافر بالسيارات مابين سيارات صغيرة

وسيارات دفع رباعي 0 وونيتات 0والجوال توهم بادين بتركيب الأبراج على الخط ويشتغل الجوال إلى جبة 0والطريق ممتع

وإن شاء الله يصادفكم مطر أثناء سفركم على هذا الطريق 0ولازم تمروننا بحايل لكي نقوم ببعض الواجب تجاهكم 0

تحياتي لكم وتا صلون بالسلامه ؟؟؟؟؟؟؟؟؟؟؟والله يعطينا من خير هذاالطريق ويكفينا شره 0

وفيه ردمية على يمين الطريق من بداية النفود من حائل لسكة الحديد بادين فيها 0 للمعلومية فقط
nejjer
23/12/2006, 02:16 PM
انا قبل اسبوعين ماشيت مع الطريق هذا من حائل إلين بعد تربه بـ 80 او 90 كيلو زفلت والباقي كله رادميه تمشي الفوردات فيه شوف عيني مايقالي يعني باقي حوالي 150 على الجوف
المذاريب
23/12/2006, 08:07 PM
أخي نجر :الطريق الذي سلكته ومر بك على تربة لايؤدي إلى الجوف , وإنما إلى رفحاء ,والطريق الذيي يوصل سالكه إلى الجوف يمر بجبة وعليم العطش , والذي بقي فيه عذة كيلوات لم تتم سفلتتها , ولاينصح أصحاب السيارات الصغيرة بإرتياده ,لعدم صلاحيته في الوقت الحاضر لتلك السيارات , وإنما للسيارات الكبيرة , وفق الله الجميع لما يحبه ويرضاه , والسلام عليكم ورحمة الله وبركاته .