موترك جديد !! .... لاتغير فيه شيء .. ادخل وتعرف السبب

[مدور ربيع]

السلام عليكم

امتلك ولله الحمد اكثر من سيارة جديده للبر !!

ولكن شريت هايلكس 2007 جديد وبغيته لكشتات الخفافيه ,, يعني من قريب

وباول رحلة لنفود خشوم البتر ,, حب الارض لين شبع , وقام يخابط بالعاذر وسوافيه لين مل

وقررت اول مادخل اشوف له حل !!

سألت وقالو ركب كعكات وارفع وجهه

قلت اوكي شوركم وهدايت الله ,, وبالفعل سلمناه ورشة محترمة وركبولة الكعكات مدري الكيكات

ويوم استعملنا الموتر ولا انه تقال موتر مفحط فيه لين شبع ,, ويالله يمشيء ويالله يوقف ,,, ابلش !!

وصار الموتر كنة له سنيين !!

قلت يجماعة رجعوه زي ماجاء ويكفي

وبالفعل فكو الكعاكات ,,,,, ووووووولكن ,,, الموتر اختلف !!!!!!!!!!!!!!!!!1

وتغير وصار كنة مستعمل والفرامل راح فيها ... والمطب زاد ,, واحساسي بسلامة الموتر اختل

الموفيد ان الموتر صار مايسوى بعيني !!

فا نصيحتي لااحد يلعب بموتر جديد ابدااااااااااااااااااااااا

لانه حليت المشكلة بكفرات اكثر ارتفاع فقط !!

[ابرق العزاف]

ان كانك من هواة البر
خذ جيب والا نيسان واستعمله بر بحر رمل حجر
وخل عنك حكيهم اللى مابه ثمره الا خساير على غير برهان
اشكرك

[مدور ربيع]

اخوي ابرق لاهنت

وترى الموتر المخصص للبر عندي جاهز هدد ومديل جديد يالله لك الحمد

ولكن احب اجرب البر على سيارات عاديه ,, ومنها الهليلكس ,, لني اشوفها مع اغلبية الناس وهي بالفعل تعني التحدي

لانه دفع ثنائي ,, يعيني اذا انت راعي بر جرب على مواتر عاديه ,, على شان تعرف امكانيتك , في التعامل مع البر

اما راعين الجيوب فمالهم فخر ,, لانه الموتر مجهز لذلك

بغيت افيد راعين الدفع الثنائي لاهنت

[مقام البدر]

اخوي ابرق لاهنت

وترى الموتر المخصص للبر عندي جاهز هدد ومديل جديد يالله لك الحمد

ولكن احب اجرب البر على سيارات عاديه ,, ومنها الهليلكس ,, لني اشوفها مع اغلبية الناس وهي بالفعل تعني التحدي

لانه دفع ثنائي ,, يعيني اذا انت راعي بر جرب على مواتر عاديه ,, على شان تعرف امكانيتك , في التعامل مع البر

اما راعين الجيوب فمالهم فخر ,, لانه الموتر مجهز لذلك

بغيت افيد راعين الدفع الثنائي لاهنت

كلامك سليم بس لو الله يفكك من لسانك كان بخير

هالحين يبون يقومون عليك راعين الجيوب :rolleyes:

[الهدد...؟]

اخوي ابرق لاهنت

وترى الموتر المخصص للبر عندي جاهز هدد ومديل جديد يالله لك الحمد

ولكن احب اجرب البر على سيارات عاديه ,, ومنها الهليلكس ,, لني اشوفها مع اغلبية الناس وهي بالفعل تعني التحدي

لانه دفع ثنائي ,, يعيني اذا انت راعي بر جرب على مواتر عاديه ,, على شان تعرف امكانيتك , في التعامل مع البر

اما راعين الجيوب فمالهم فخر ,, لانه الموتر مجهز لذلك

بغيت افيد راعين الدفع الثنائي لاهنت
كلامك 100%
الدبل ماله فخر إذا غرز طق الدبل
بس ياخي الهايلوكس عباله اشوي تنسيم قلق الجيب عز انا انصحه يبيعه ويشري جيب
مع التحيه

[صحيح]

والله ياخوي انا سويت نفس اللي سويته بس صار الهواء يرد الموتر شوي بس الكفرات ما ترفع السيارة زي الكعكات لأنه أحسن لك ان يكون مرفوع ولا ترفعه بحيث يكون وجه السيارة ارفع من خلفية السيارة.

[طحنون]

مدورالربيع قبل كنت املك هايلكس غمارتين GLXموديل 2001
والله العظيم ان ذيك الهايلكس لو تتكلم ان تقولك الهوايل من الاماكن اللي راح له والخطوط اللي مشت به
ونوع من التحدي ان مشينا من الهامون الى مركز البطحاء (جمرك البطحاء )
لدرجه ان حرس الحدود ماقدر يرقى الطعس اللي كنا راقيين فيه هايلكسات ثنتين سيارتي وسياره واحد من الربع
موديل 2000

ولف الصمان والشمال لاكن ماوصل الى الجنوب
لان عندي موتر ثاني مخصص للخطوط
560sel
وبعت الهايلكس وهوماشي 285الف ماتغيير فيه غير البواجي وفلتر البنزين وكفرات وقماشات فقط
وبعدين الموتر انهبل تحس انه انصرع من الخطوط والمشاوير ولا يرتاح ألا على سرعه 160 قلبته مرسدس
وعلى طريق ابوحدريه قفشني الرادار والسرعه 203 كيلومتر وكان اللي في النقطه العسكري ماهو مصدق انه مشي الهايلكس على سرعه 203 كبلومتر والله ان كان موتر مصروع الى الاخر
(السرعه ماهي مفخره )لاكن ايام التحديات والرجه راحت
ومن الجنون كنا نتحدى مع شباب من يوصل اول اشاره من الرياض ويديور ويرجع الدمام
طبعا الاول دائم طحنون لان معه مرسدس 560 والثاني واحد من الربع معه ماكسيما
الحمد لله -
على كل حال
مثل ماقال فهد بن سعيدالله يرحمه

مشينا في دنيانا .. واخذنا وخلينا طويله عريضه مالها اول ولا تالي نبي ننهي الدنيا ...

[شبح الصحراء]

لمعرفة أفضل طريقة لرفع الهايلوكس ثنائية الدفع هو محاولة تقليد الطريقة التي تم فيها رفع الهايلوكس رباعية الدفع ، الهايلوكس الرباعية الدفع لا تختلف كثيراً عن الهايلوكس ثنائية الدفع إلا بالإرتفاع ونظام الدفع الرباعي أما بقية الأجزاء الميكانيكية بشبه متطابقة ، لذلك حاول معرفة الطريقة التي رفعت بها الهايلوكس رباعية الدفع في المصنع ثم حاول الحصول على القطع اللازمة من الوكالة وابحث عن ورشة متميزة أو ركب القطع في الوكالة مباشرتاً .
هايلوكس رباعية الدفع :
http://www.toyotasarthou.com/okm/hilux.jpg

[راعي حَرمه]

اقول يا الحبيــب اول شئ انت غلطت يوم انك ركبـت كعكات لأن الياي اصـرف وازين وارسى واضمـن ثاني شئ اكيد الموتر يبي يختلف عليك لأنك غيرت رفعة الوكاله من حيـث ان الموتر يبي يصرف بنزين اكثر لان الهواء يضرب في وجهه اما من ناحية الفرامل اول مره في حياتي اسمع ان الكعكات تخرب الفرامل ..


وردي على اخوي مدور الربيع : كل حقين الهايلكسات سلمك الله يتمنون الجيـب وأول مره اشوف واحد معه جيـب ويتمنى هايلكس لأنه اذا قعد فيها راعي الهايلكس عرف ان طق دبل وامش ميب مهايط والواحد اذا بغى يختبر موتر يختربه في حديقتهم لأن كم من واحد وواحد بزوط واكلهــا وتقبلوا تحيـاتي