المساعد الشخصي الرقمي

مشاهدة النسخة كاملة : مطلوب محور وسست قلص مقطورة


صقارينبع
12/02/2015, 11:57 AM
السلام عليكم
اخواني كما هو في العنوان مطلوب محور مع الهوبات والسست الخاصة بالمقطورة القلص
ارجو فزعتكم وافادتي عن اماكن بيعها
تقبلوا تحياتي
http://www.aberdeentrailers.co.uk/images/large/14%27%20Car%20Transporter%20Trailer.gif
السومر
15/02/2015, 12:13 AM
التشاليح تاخذ من دفرنس رجيع مفرغ
صقارينبع
15/02/2015, 03:02 PM
التشاليح تاخذ من دفرنس رجيع مفرغ
تسلم اخي بالنسبة للهوبات من التشليح يبا لها ترهيم مخرطة ودوخة راس اريد الجاهز شريته قبل من الشراع بالغرابي ولكن مخلص من عندهم
ليتي احد يفيدني عن غيرهم وين اهل المكاشيت
صقارينبع
20/02/2015, 01:49 PM
فزعتكم ياشباب
خالد تميم
20/02/2015, 02:12 PM
حياك الله اخوي .
من تجربه سابقه باالمقطورات افظل شي استقريناعليه باالهوبات ....
فلنجة تيرسل خلفيه تجي كامله او اذا كان حملك ثقيل فلنجة كامري من عندحقين القطع ماتتعدا الوحده 120 ريال تكد
وتركبها علي تيوب داآري او مربع حسب ماتحب والعرض الي تحتاج .
والسست فيه محلات باالصناعيه القديمه عندهم سست قصيره ومقاسات مختلفه حسب الوزن الي بتحمله وبكذا تزبط شغلك مايكلفك شي
الجنوط والكفرات حسب الفلنجه الي اخترتها .
انامركب علي عربه عندي 4 فلنجات كامري وتشيل عدد 2 خيول لها 5 سنوات عندي ماشاء الله ماخليت مكان مارحت له .
used-cars
22/02/2015, 08:34 AM
سبحان الله وبحمده
صقارينبع
23/02/2015, 10:06 PM
جزاك الله خير اخي خالد
سوف اعمل بشورك الله يوفقك
اذا فية محل معين يبيع السست القصيره ياليت تدلني علية
خالد تميم
23/02/2015, 11:07 PM
محلات السست تلقاها خلف بنك الراجحي الي علي طريق الخرج بصناعية الأميرسلمان
Crazier
01/03/2015, 08:07 PM
حياك الله اخوي .
من تجربه سابقه باالمقطورات افظل شي استقريناعليه باالهوبات ....
فلنجة تيرسل خلفيه تجي كامله او اذا كان حملك ثقيل فلنجة كامري من عندحقين القطع ماتتعدا الوحده 120 ريال تكد اخوي الفلنجه اي مديل تكون ومعها عكس العمود اللي يركب بالفلنجه ولا تلحمها على الماصوره دايركت
وتركبها علي تيوب داآري او مربع حسب ماتحب والعرض الي تحتاج .
والسست فيه محلات باالصناعيه القديمه عندهم سست قصيره ومقاسات مختلفه حسب الوزن الي بتحمله وبكذا تزبط شغلك مايكلفك شي
الجنوط والكفرات حسب الفلنجه الي اخترتها .
انامركب علي عربه عندي 4 فلنجات كامري وتشيل عدد 2 خيول لها 5 سنوات عندي ماشاء الله ماخليت مكان مارحت له .

السلام عليكم اشكرك على الاضافه ياطيب اذا ماعليك امر توضح لنا واكون شاكر لك
1-فلنجة كامري من عندحقين القطع ماتتعدا الوحده 120 ريال تكد اخوي الفلنجه اي مديل تكون ومعها عكس العمود اللي يركب بالفلنجه ولا تلحمها على الماصوره دايركت
2-فلنجة تيرسل خلفيه تجي كامله اي مديل ونفس الؤال معها عكس عمود يركب فيها ولا تلحيم ع الماصوره ؟
راجع ندم
02/03/2015, 11:45 AM
السلام عليكم ورحمة الله وبركاته.
الأشياء اللتي تلزمك نعمل قلص دباب او حوض
1- طقم سست بالتشليح تويوتا ( عدد أربع قفيز مع القاعد والبراغير , لعابات سست , قواعد لتثبيت اللست بالشاص)
2-عدد 2 فلنجة كامري موديل قديم خمس براغي صناعة صينية 150 ريال للحبة
3-عدد 10 براغي للجنوط الحبة ب 4 ريال
4- ماصورة 2.5 اتوقع أكبر من مقاس القلص بعشرة سم لكل جهة
5- تيوبات : بالنسبة للقاعدة تختار حديد 80*40 وتعمل مربع مثلا 150 سم في 100 سم أو المقاس اللي تحتاجه
6- تيوبات للحوض من فوق داير مايدور على مقاس بأرتفاع مثلا 50 سم
7- المرور على المخرطه وذلك لربط الماصورة بالفلنجات عن طريق وضع صاجه قرابة 20*20 سم سماكة 10 ملم في نهاية المصاورة من الطرفين وعمل فتحات براغي لتثبيت الفلنجات عليها
خذ هالرابط لأحد الزملاء في المنتدى يمكن يفيدك ( http://www.mekshat.com/vb/showthread.php?t=538010)
8- جنوط المقاس اللي يعجبك اهم شي تحسب حساب تكون فيه مسافه بين الكفرات والشاص
9- تشتري ماكينة لحام صينية ب 350 ريال
10- اصياخ لحام دخان خفيف 18 ريال
11- صاروخ فيبر ثابت ب 700 ريال
12- صاروخ يدوي 5 أو 9 بوصه ب 400 ريال
13- شبك بقلاوة ثقيل الحبة ب 20 ريال
14- لك تحياتي وتقديري
15- لاتحرمونا من صالح دعائكم لوالدي
Crazier
13/03/2015, 12:19 AM
الله يجزاك خير ويوفقك ويسعدك ويرحم والديك

ابيض وجه وبارك الله فيك اشكرك ولاقصرت والله
Crazier
13/03/2015, 12:26 AM
صارلي شهر ادور موضوع نفس ردك هذا باذن الله بينفع كثير ناس واتمنى تثبيت الموضوع والله يستاهل