المساعد الشخصي الرقمي

مشاهدة النسخة كاملة : ابي شوركم ومن شاور ماخاب


راعي دسمه
15/02/2015, 06:47 PM
السلام عليكم ورحمة الله وبركاته
بفضل الله تم شراء لاند كروزر في اكس ار 2006 استبنة علاقي وناوي اخليه للبر
وودي اجهزه تجهيز مضبوط ولاكامل الاوجه الله سبحانه وتعالى
ابي اركب ونش وسلة فوق وبطارية مع تسليكاتها ثلاجة وكنود وكم فيش داخلي محول الكهرب وش تنصحوني فيه كم قوته وتانكي الماء احطه تحت او فوق وكم لتراللي ماياثر على الموتر
ولا لنا غنى عن شوركم ومن شاور ماخاب
نبي المكان والشغل النظيف والسعر المعقول بالرياض او القصيم
بيض الله وجيهكم وجزاكم الله خير
سيوف الدهناء
16/02/2015, 07:02 AM
وعليكم السلام ورحمة الله

ماشاء الله مبروك الله يطعمك خيره ويكفيك شره


ماشاء الله عز الله اخترت موتر بر وسفر وكل شي ماشاء الله


تانكي الماء برايي مايزيد عن 120 لتر وتقدر تاخذ الوطني او الوادي
او الالمنيوم وهو الافضل لكن غويلي شوي


اما شغل تسليك الكهرب

عندي 1الصبي 2المنديل كلهم في الرياض

كلهم شغلهم زين والاسعار الان كلها غالية

والله يوفقنا وياك ويجعل موترك عونا لك على الطاعة
سلطان أبونايف
16/02/2015, 01:06 PM
دامه في اكس ار غير جنوطه هلل وخله هدد والقصيم عندهم هالشغلات أكثر
والله أعلم
الدوسري2010
16/02/2015, 10:35 PM
المنديل سمعته طيبه اما سعره مادري عنه اهم شي ماطور هوا وونش للسحب وبطاريه اضافيه
يزيد 999
17/02/2015, 05:15 PM
الونش =السليماني بالرياض
سلة = الوادي بالرس
التسليك = لاتسلك إلا عند سعودي والأفضل إنك أنت تروح تجيب الأسلاك بنفسك وتاقف عليه لأن الكهرب ماينلعب معه وكم موتر انحرق بسبته والمحول لايقل عن 600واط أما التانكي 200لتر هو الأنسب يكفيك يوم كامل غسيل وشرب والأفضل ألمنيوم إذا تبي تحطه داخل الموتر أما إذا نويت تخليه تحت عند الاستبنة فخذلك ستيل


الكهرب أهم شي بالموتر فحاول انك ماتركب إلا شي أصلي لك وللزمن
راعي دسمه
18/02/2015, 01:19 PM
بيض الله وجيهكم وما قصرتو بس اللي يعرف موقع ورشة المنديل يعلمنا لاهنتو