المساعد الشخصي الرقمي

مشاهدة النسخة كاملة : هل تنصحوني بشراء لاندكروزر موديل 2015 أو سكويا موديل 2015


إمرؤا القيس
15/02/2015, 10:37 PM
السلام عليكم ورحمة الله وبركاته

أرغب بشراء إحدى هاتين السيارتين ولكن محتار ...!

هل أشتري GXR-3 تايوتا موديل 2015 ( عبداللطيف جميل ) .

أو أشتري سكويا موديل 2015 نصف فل

علماً بأن سعر GXR-3 هو بمبلغ 216 الف ريال

وسعر السكويا هو 160 الف ريال

علماً بأني ابغها للعائلة وللسفر بالمقام الأول وطلعات خفيفة في البر .

أعطوني إقتراحتكم

وتقبلوا تحياتي
ريان2002
15/02/2015, 10:46 PM
وعليكم السلام ورحمة الله
الإختيار يعتمد على عدد أفراد أسرتك وعفشك وقت السفر أو طلعات البر
إذا الجيب يشيل وماعندك مشكله في فرق السعر فخذه وإذا كان مايكفيكم فخذ السيكويا
مكيشت
16/02/2015, 12:52 PM
السلام عليكم
الاختلاف بين السيارتين كبير جدا من نواحي عدة :
1- الحجم
2- المكينة والقوة
3- الراحة
5- المتانه
6- السعر في السوق ...
7- المواصفات والفئة من نفس نوع السيارة

يعني المقارنة لكي تكون صحيحة ونافعة فالافضل ان تكون السيارتين من نفس الفئه كحجم ونوع

في النهاية ساقول لك مميزات السيكويا بشكل عام :

الوسع الداخلي والرحابة بشكل مميز سواءً للسائق او الركاب
الراحة في السفر
العزم والقوة حتى في حالة التحميل او حتى في البر يعني يوصلك المكان اللي ما تتوقعه لكبر حجمه
سعره مقبول وذلك لان صناعته امريكي فبالتالي تكلفة التصنيع تقل


وفيه عيب قوي جدا لاهل البر وهو ان تانكي البنزين صغير مقارنه بحجمة ،
kasdar
16/02/2015, 01:00 PM
انصحك بالجي اكس ار

السكويا حلو وسعره مغري على حجمه ومكينته

لاكن فيه عيبين كبير بالنسبه لي بحكم اني مجربه
تانكي البنزين صغير لدرجه تحس انه بينكبك بالخط

لاشك ان الوساع الداخلي صفه زينه لاكن السكويا دفش يعني تحس كأنك تسوق مجلس

وهالشي هو الي خلاني اقرر بيعه
سلطان أبونايف
16/02/2015, 01:01 PM
المقارنة ظالمة

يبقى الجيب أفض خيار

السكويا الليميتد رائع شكل ومواصفات لكن قيمته غالي حسب علمي
أنا عن نفسي أشتري اكسبدبيشن جديد خليجي ممكن 138 ألف نصف فل جديد
و40 ألف اشتر لك جي اكس مكينة وقير كويسات وخله للبر
المجموع 180 تقريبا ومريح راسك
الدوسري2010
16/02/2015, 10:36 PM
اذا عيالك ماهم واجد اشتر جي اكس ار احسن لك
حسين السبيعي
17/02/2015, 10:13 PM
اذا تبي سيارة عائله راحه وفخامه وسعه وكل الموصفات خذ السكويا المتتد ولا تشاور وستخر والله يكتب لك كل خير
راعي دسمه
17/02/2015, 10:23 PM
وعليكم السلام ورحمة الله وبركاته
اولا الاستخارة قبل كل شي

اما انا من واقع تجربه خذ الاسكويا ولاتشاور فرق سعر وراحة وقوة مكينه

يعلم الله اني قنصت الساحل عليه ومن ابدع مايمكن
صحيح كبير بس اذا شفت راحة عيالك بالسفر تعرف قيمته
والله يكتب لك اللي يسرك
ذيب ذهلان
17/02/2015, 10:43 PM
استاجر السياراتين وجربها وشف الانسب لك قبل ذالك الاستخاره
مسير عليكم
19/02/2015, 12:28 PM
اخوي اذا تبي الرحابه السكويا واذا تبي الرزه الاند
واذا ودك في الاثنين شف الباترول الجديد وسيع ورحب ووذف

وسعره بين الاثنين ولا تحكم على كلامي رح شفه وقلبها واستخر وكلامي لك من تجارب ناس جربو الاثنين
masssss
20/02/2015, 03:40 AM
ابعد عن السكويا

من واقع تجربة شخصية لمدة 3 سنوات