شاص تويوتا 4500EFI أو شاص نيسان 4800VTC

[مخاوي المكشات]

السلام عليكم ورحمة الله وبركاته

اسعد الله اوقاتكم بالمسرات

لدي مشروع اقتناء سيارة مخصصه للبر(فقط) لا اريدها للمشاوير العادية او اي غرض آخر
السيارة ستكون للرحلات البريه وشق الصحاري والمغامرات :redcar: والمكاشيت :f البعيده جداً

ولدي خيارين بإذن الله لا ثالث لهما ، لذلك الرجاء لا اريد اي اقتراح لسيارة غيرهما.

السيارة الاولى: نيسان باترول حوض 4800VTC جديد
السيارة الثانية: شاص تويوتا 4500EFI من مديل 2004 إلى 2009 سأبحث عن مستخدم نضيف

المطلوب يا اخوان اي من السيارتين التي لا تخونك والاكثر اعتمادية بعد الله في قلب الصحراء من الناحية الميكانيكية او الكهربائية وتحمل قسوة الارض بجميع تضاريسها
الصراحه بحكم تجربتي لمكينة الـ 4500EFI كوني امتلك GXR 2004 فهي ممتازه من ناحية التحمل وحراره ممتازه في اشد الظروف وصيانتها سهله وقطع غيارها جداً مقبوله ومتوفره بكثره ومبلغ شغل اليد في الورش ايضاً مقبول

ولكن بالنسبه لشاص النيسان الفتك لا اعلم عنه من ناحية ميكانيكية او كهربائية
وهل قطع الغيار رخيصه ومتوفره او حتى اسعار اليد العامله في الورش ؟؟
مع اني قرأة كثير عن عيوب الكهرباء والحرارة او مسمار الثلاجه فلا اعلم صحة العيوب هذه
ارجو من الذين يمتلكون (حوض الفتك من 2012 وأعلا افادتنا)
-------------------
طبعاً المشروع راح يكون تفصيل بالحوض دروج لأغراض الرحله وجميع اللوازم وسيكون هناك تانكي بنزين احتياطي لا يقل عن 100 لتر ايضاً تانكي الماء لا يقل عن 250 لتر
وسحابات وسيتم رسمها عن طريق احدى برامج الـ 3D قبل تفصيلها بالملي لتفادي الاخطاء بإذن الله

مثال:
http://www.mekshat.com/pix/upload06/images/2015/02/mk167438_010010.jpg

ارجو من الاخوان من المجربين والمهندسين الاقتراح ماهي السيارة الافضل من ناحية التحمل والصبر وقلة الصيانه
ايضاً اي السيارتين اكثر من ناحية صرفية البنزين ؟؟؟


تمنيت ان تكون لي صلاحية لوضع استفتاء بالموضوع ووضع تصويت بين السيارتين لمعرفت اكثر المؤيدين لأحد السيارتين من خلال التصويت

كما ارجو ان تكون العنصريه بعيده عن الموضوع لان الغرض هو السيارة المناسبه لأستخدامي وفق ما ذكرته أعلاه
وسلامتكم .....

[الفهيد بدر]

اشوف حوض الفتك أحسن لانه جديد والجديد ما راح يطلب بإذن الله

[عمرين العمري]

السلام عليكم ورحمة الله وبركاته
إستخدامي للسيارتين محدود لذا لن يكون كلامي عن تجربة لمدة معتبرة ، ولكن إنتشار شاص التويوتا يجعله خياراً أقرب لأن قطع غياره متوفره وأعطاله معروفة والورش تفهم له
ولا تنسى الإستخارة أسأل الله أن يسدد رأيك ويستعملك في طاعته

[AL-OTAIBI]

السلام عليكم و رحمة الله و بركاته

والله كل الموترين عينين في راس لكن بحكم اني املك الفتك الحوض اقدر اقولك انه موتر كفو جربته في المطاريش البعيدة و الوعره في شمال المملكة و وسطها و جنوبها ، موتر كفو و يجمل و قوي و في نفس الوقت يطربك. انا مثل حالتك الفتك للبر فقط اما داخل المدينه عندي السياره الصغيره اقضي فيها اموري.

اما بالنسبه للتويوتا يفيدونك فيه الاخوان اللي جربوه.

[التعـ King ـديل]

اذا تبي راحه ظهرك خذ الفتك واذا عندك ملف بقسم العظام بالحبيب ومعك تامين طبي خذ التويوتا

كانك راعي تحميل التويوتا اذا صار محمل حموله طيبه يصير كنه كروان 98 واما اذا تحميلك عزب وماعزب عز الله ظهرك راح فيها

نصيحتي لك شاص النيسان 4800 عز الموتر دفلك وثلاجه ويايات يالله من فضلك

[ابونبيل]

اشور عليك بالتويوتا لانه هو الافضل في التحميل و ومحد ينقد عليه خاصه انك تقول انك بس للبر ومجرب مع اهل القنص بالربع الخالي ما ياخذون الا هو وتحميلهم عليه مو بسيط ومع ذلك ما يقصر معهم انت ناوي تفصل وتتكلف وانت تثق ومعجب بمحرك الجكسار فشوري لا تغامر بشي جديد عليك والله يوفقك ويختار لك الصالح ولا تنسى الاستخارة

[اليامي قطر]

ماتقدر تطلع اعيوب على المواتر اللي ذكرت

كلها وافيات وسيوفن مجربه

مواترررر كفوووو :)

[نواف685]

شف وانا اخوك ضع السيارتين في وضع المقارنه العادله
اولا/ الشاص النيسان الفتك ٤٨٠٠ مكينه جباره عن تجربه على الرجال العاقل نشاط وقوه . الموتر ياي بمعنى انك كسبت الراحه والقوه معا . الموتر تانكين +دفلوك + سعر معقول جدا
ثانيا/ الشاص التويوتا . مثل هذه النوعيه من المواتر النظيف فيها قليل اذا ماهو معدوم بحكم تجربه الناس للمكينه
الجديده . الموتر وعر وعر بشكل ماتصور مطبه قاسي ولكن ارى انه اوسع غماره من النيسان . تانكيين+دفلوك+ونش


من وجهه نظري ارى التفوق لمصلحه الفتك. ��������

[ناصح]

تم إضافة الاستطلاع

...........

أخي الكريم
لوصول لمقارنة عادلة ضع جدول لكل العناصر المهمة

مثلا

الراحة , جديد , الشكل , الاعتمادية , المساحة , توفر قطع الغيار , الاقتصادية في الوقود , جودة التكييف , المواصفات الداخلية ,...إلخ

[الحربي حاتم]

ودنا نفيدك لكن ماجربنا الإثنين

[وهج الحياة]

كلهن طيبات ولكن اظن أن شاص النيسان اعرض من شاص التويوتا مما يعني انه أرسى في الخط واثبت والله يوفقك وتشتري اللي يسرك ولا يضرك

[طلال مكشاتي]

تم التصويت لشاص نيسان

[awadh8874]

تم التصويت للنيسان من اقتناع بجودته ومواصفاته وراحته

ولم استخدم أي منهن

وبعد قرائتي للموضوع .. اتمنى ان لا تاخذ تصويتي بالاعتبار نظراً لكون الموضوع يحتاج لناس خبرة وتجربة ودراية وفهم اكثر مني ..

وفقك ربي

[ناصح]

حسب ما وصلني والله أعلم

شاص النيسان فيه يايات وفيه سست حسب الطلب

شاص التايوتا سست

وعندي واحد موديل 2010 عادي بدون رفارف

ممتاز من ناحية الكد لكن متعب جدا جدا في البر والمطبات وتخف حدة المطبات والمناقز عندما يكون محمل بعفش كثير وثقيل

شاص الباترول ما جربته
لكن جربت الباترول العادي بابين واربعة أبواب كلها

مريح وسلسة في القيادة وقد يكون الشاص مثله والله أعلم

[راكان 11]

كنت من عشاق شاص التايوتا لعدة سنوات
ولم أكن أتخيل إقتناء النيسان ولو بالحلم
لعدم إقتناعي به

لكن بعد الموديلات الحديثة له
أشتريت واحد وهو معي إلى الآن

الراحه فرق السماء عن الأرض مقارنة بالتايوتا
النفود خفيف خفيف بمعنى الكلمة
والسعر جديد 2015 بــــ 103 الآف مقارنة بالتايوتا

إستخر وتوكل على الله

[ابوسليمان77]

وعليكم السلام ورحمه الله وبركاته

اخي الكرريم رايي اسال مجرب ولا تسال طبيب بعض الاراء فيها تعصب

رايي من ناحيه قطع الغيار التايوتا اهم نقطه متوفر وباقل اسعار من النيسان والجيب اكثر عملي واستخدام

اذا انت بتركب شد او طبق زي مايسميه البعض

التايوتا الحوض الوحيد الي يكون شده مسح التنده والطبق الارضي مع اعلى الصندوق يعني تجلس مرتااح

اما صندوق النيسان ماتقدر تخليه مسح التنده او بالاصح موازي له الا بحاله انك تنزل الطبق الارضي وتخسر اغلب مساحه الحوض
وتقل عندك كميه الماء والاغراض والحطب وغيره او ترفع الشد وبالحاله راح يوثر علا ممشى السياره وصرف البنزين

والنقطه الاهم سياره فيها شد وتوانك واغراض البر ماتنفع يااي راح يتعبك بالبر من الدق ونزول السياره

[awn050]

الياي من التحميل ينزل واذا نزل اكل المطبات مزعج خلك علي دبرت الأولين لاتحيد

النيسان مكينه عزم وغيره لاتدور مكاين الفتك لهن مشاكل وأسأل قوقل يفيدك بعطالاتهن

شف سحمان الي عطا جيبه البازعي وعطاه البازعي جيب جديد

والخيره في ما أختارها الله

[ريان FJ]

الأفضلية للنيسان لأنك بتاخذه جديد وهذي لحالها تكفي

لكن بكل الحالتين النيسان افضل من التويوتا بالراحه + رخص السعر مقارنه بالتويوتا + وجود الثلاجة + العزم .. مجنوون الموتر

يتميز التويوتا بالونش و الدفلك الأمامي , الونش تقدر تركب و السوق مليان , لكن الدفلك الامامي ماله حل ولا ظنتي انه ذيك الأهميه الخلفي يكفي ..

و الرأي لك

بالتوفيق

[مخاوي المكشات]

اشوف حوض الفتك أحسن لانه جديد والجديد ما راح يطلب بإذن الله

بارك الله فيك على النصيحه واوافقك الرأي كونه جديد


السلام عليكم ورحمة الله وبركاته
إستخدامي للسيارتين محدود لذا لن يكون كلامي عن تجربة لمدة معتبرة ، ولكن إنتشار شاص التويوتا يجعله خياراً أقرب لأن قطع غياره متوفره وأعطاله معروفة والورش تفهم له
ولا تنسى الإستخارة أسأل الله أن يسدد رأيك ويستعملك في طاعته


الله يجزاك خير على دعواتك الطيبه
صحيح كلامك بان شاص التويوتا ممتاز
ولكن هل يعقل بأن شاص النيسان قطع غياره غير متوفره بشكل كبير حتى في المدن الصغيره
مع ان النيسان من السيارات المرغوبه ايضاً
ايضاً هل مكينة الفتك بها صعوبه في الصيانه ؟؟


السلام عليكم و رحمة الله و بركاته

والله كل الموترين عينين في راس لكن بحكم اني املك الفتك الحوض اقدر اقولك انه موتر كفو جربته في المطاريش البعيدة و الوعره في شمال المملكة و وسطها و جنوبها ، موتر كفو و يجمل و قوي و في نفس الوقت يطربك. انا مثل حالتك الفتك للبر فقط اما داخل المدينه عندي السياره الصغيره اقضي فيها اموري.

اما بالنسبه للتويوتا يفيدونك فيه الاخوان اللي جربوه.


بارك الله فيك اخوي العتيبي، على النصيحه ولو ذكرت لي ان كان شاص الفتك به بعض الملاحظات حتى نكون على بينه قبل الشراء







اذا تبي راحه ظهرك خذ الفتك واذا عندك ملف بقسم العظام بالحبيب ومعك تامين طبي خذ التويوتا






كانك راعي تحميل التويوتا اذا صار محمل حموله طيبه يصير كنه كروان 98 واما اذا تحميلك عزب وماعزب عز الله ظهرك راح فيها


نصيحتي لك شاص النيسان 4800 عز الموتر دفلك وثلاجه ويايات يالله من فضلك



اشكرك اخوي كنق التعديل على النصيحه
ولكن التويوتا ايضاً به بعض الأكسسوارات اللي موجوده في شاص النيسان
ونستطيع اضافتها ان لم تكن موجوده من شركات ربما تكون افضل من الوكاله
ولكن اريد عن قوة تحمل وصبر محركاتها، وقوة الكهربا وقطع الغيار والصيانه القليله وعدم التعطل المفاجئ الغير مبرر

اتمنى اضافة خبرتك في فوة تحمل مكينة الفتك (ننتظر الاجابه) ..


اشور عليك بالتويوتا لانه هو الافضل في التحميل و ومحد ينقد عليه خاصه انك تقول انك بس للبر ومجرب مع اهل القنص بالربع الخالي ما ياخذون الا هو وتحميلهم عليه مو بسيط ومع ذلك ما يقصر معهم انت ناوي تفصل وتتكلف وانت تثق ومعجب بمحرك الجكسار فشوري لا تغامر بشي جديد عليك والله يوفقك ويختار لك الصالح ولا تنسى الاستخارة

الله يعطيك العافيه وبارك الله فيك على النصيحه
الصراحه شاص التويوتا ممتاز وخاصه للمكاين القديمه
اما الجديده فللأسف انها لا تنفع للبر ومكاينها ضعيفه في العزم مقارنه بالقديم
وصيانتها مكلفه اكثر من القديم
فلو تويوتا يوفرو مكائن V8 في الشاص مثل المركبه على الـ GXR لكان الافضل بلا منازع

ولنرى باقي اراء الاعضاء لعل ان نخرج بنتيجه مقنعه بعد الاستخارة بإذن الله


ماتقدر تطلع اعيوب على المواتر اللي ذكرت

كلها وافيات وسيوفن مجربه

مواترررر كفوووو :)

ياهلا باليامي
اكيد بأن المواتر المذكورة ما عليها كلام
ولكن نبي الافضل والاجود ولازم نطلع بواحد منهم

الف شكر على النصيحه :good2:


شف وانا اخوك ضع السيارتين في وضع المقارنه العادله
اولا/ الشاص النيسان الفتك ٤٨٠٠ مكينه جباره عن تجربه على الرجال العاقل نشاط وقوه . الموتر ياي بمعنى انك كسبت الراحه والقوه معا . الموتر تانكين +دفلوك + سعر معقول جدا
ثانيا/ الشاص التويوتا . مثل هذه النوعيه من المواتر النظيف فيها قليل اذا ماهو معدوم بحكم تجربه الناس للمكينه
الجديده . الموتر وعر وعر بشكل ماتصور مطبه قاسي ولكن ارى انه اوسع غماره من النيسان . تانكيين+دفلوك+ونش


من وجهه نظري ارى التفوق لمصلحه الفتك. 👍👍👍👍

مرحباً اخوي نواف
الف شكر على النصيحه
وانا اخوك كلامك منطقي جداً ولا عليه غبار
واكيد ان مكينة الفتك اقوى من مكينة الـ 4500 ولكن هل الصبر والجوده مثل جودة مكينة التويوتا وخاصه الـ 4500 ؟؟
ثانياً صحيح ان النظيف قليل والنظيف ان وجد مغلينه ايضأ
بالنسبه للأكسسوارات مثل المساعدادت والونش ليس هماً استطيع تغييره وتركيبه والشركات الممتازة متوفره بكثره


تم إضافة الاستطلاع

...........

أخي الكريم
لوصول لمقارنة عادلة ضع جدول لكل العناصر المهمة

مثلا

الراحة , جديد , الشكل , الاعتمادية , المساحة , توفر قطع الغيار , الاقتصادية في الوقود , جودة التكييف , المواصفات الداخلية ,...إلخ


بارك الله فيك مشرفنا وناصحنا
واقتراحك هذا لم يطري على بالي
والان لا استطيع التعديل على الموضوع

والمطلوب هو
الاعتمادية:
مساحة الحوض:
توفر قطع الغيار:
اقل تكلفه لقطع الغيار:
الاقتصادية في الوقود:
جودة التكييف:
المواصفات الداخلية:
اقل طلب للصيانه:
سهولة الصيانه:

ان كان لديك اظافة لتذكرها:


ودنا نفيدك لكن ماجربنا الإثنين


نورتنا بمرورك


تم التصويت لشاص نيسان

مشكور على المشاركه


تم التصويت للنيسان من اقتناع بجودته ومواصفاته وراحته


ولم استخدم أي منهن

وبعد قرائتي للموضوع .. اتمنى ان لا تاخذ تصويتي بالاعتبار نظراً لكون الموضوع يحتاج لناس خبرة وتجربة ودراية وفهم اكثر مني ..

وفقك ربي

الف شكر على مشاركتك وعلى امانتك
ولكن سنضعها بالاعتبار :good2:


حسب ما وصلني والله أعلم


شاص النيسان فيه يايات وفيه سست حسب الطلب

شاص التايوتا سست

وعندي واحد موديل 2010 عادي بدون رفارف

ممتاز من ناحية الكد لكن متعب جدا جدا في البر والمطبات وتخف حدة المطبات والمناقز عندما يكون محمل بعفش كثير وثقيل

شاص الباترول ما جربته
لكن جربت الباترول العادي بابين واربعة أبواب كلها

مريح وسلسة في القيادة وقد يكون الشاص مثله والله أعلم

ناصح وفايد مشرفنا العزيز
بارك الله فيك والف شكر على نصيحتك
وشرفنا مرورك ولا يهونون البقيه

فعلاً شاص النيسان متوفر به يايات ومساعدات حسب الطلب
والصراحه النيسان به مواصفات ممتازه ، ولكن المتخوف منه هو صبر المحركات وقوة تحملها لسنوات عديده ومسافات طويله دون التعطل بأسباب مجهوله للمستهلك العادي


كنت من عشاق شاص التايوتا لعدة سنوات

ولم أكن أتخيل إقتناء النيسان ولو بالحلم
لعدم إقتناعي به

لكن بعد الموديلات الحديثة له
أشتريت واحد وهو معي إلى الآن

الراحه فرق السماء عن الأرض مقارنة بالتايوتا
النفود خفيف خفيف بمعنى الكلمة
والسعر جديد 2015 بــــ 103 الآف مقارنة بالتايوتا

إستخر وتوكل على الله
كلامك مريح صراحه اخوي راكان
ولكن هل تجربتك لشاص الفتك ؟؟
وهل واجهت صعوبات في اعطال او صيانه او غلاء في اسعار القطع الاستهلاكيه مقارنه بالتويوتا ؟؟
ننتظر الاجابه


وعليكم السلام ورحمه الله وبركاته


اخي الكرريم رايي اسال مجرب ولا تسال طبيب بعض الاراء فيها تعصب

رايي من ناحيه قطع الغيار التايوتا اهم نقطه متوفر وباقل اسعار من النيسان والجيب اكثر عملي واستخدام

اذا انت بتركب شد او طبق زي مايسميه البعض

التايوتا الحوض الوحيد الي يكون شده مسح التنده والطبق الارضي مع اعلى الصندوق يعني تجلس مرتااح

اما صندوق النيسان ماتقدر تخليه مسح التنده او بالاصح موازي له الا بحاله انك تنزل الطبق الارضي وتخسر اغلب مساحه الحوض
وتقل عندك كميه الماء والاغراض والحطب وغيره او ترفع الشد وبالحاله راح يوثر علا ممشى السياره وصرف البنزين

والنقطه الاهم سياره فيها شد وتوانك واغراض البر ماتنفع يااي راح يتعبك بالبر من الدق ونزول السياره
حياالله ابو سليمان
ونصيحتك في عين الاعتبار ولكن اللي راح اركبه في الحوض غير متوفر جاهز
سيكون تفصيل خاص وعلى حسب المساحه سواء كان على التويوتا او النيسان
فأمر الزياده او النقصان فيرجع على التفصيل واخذ المقاسات بالملي ، فأن شاء الله ليس هماً

اما بالنسبه لليايات فيوجد يايات تتحمل حتى 450 كيلو توفرها شركة أولدمان
ويوجد شركات اخرى توفر يايات تتحمل احمال ثقيله ، فأمرها ان شاء الله هين


الياي من التحميل ينزل واذا نزل اكل المطبات مزعج خلك علي دبرت الأولين لاتحيد


النيسان مكينه عزم وغيره لاتدور مكاين الفتك لهن مشاكل وأسأل قوقل يفيدك بعطالاتهن

شف سحمان الي عطا جيبه البازعي وعطاه البازعي جيب جديد

والخيره في ما أختارها الله


حياك الله اخوي awn050
شرفنا مرورك
بالنسبه للياي يوجد يايات تستوعب احمال ثقيله وهمي ليس بالاكسسوارات
فحلها التغيير إلى الافضل
ولكن الهم من المحركات اللي تغييرها مكلف وصيانتها متعبه

ولم افهمك هل تمدح الفتك او التويوتا ؟؟


الأفضلية للنيسان لأنك بتاخذه جديد وهذي لحالها تكفي


لكن بكل الحالتين النيسان افضل من التويوتا بالراحه + رخص السعر مقارنه بالتويوتا + وجود الثلاجة + العزم .. مجنوون الموتر

يتميز التويوتا بالونش و الدفلك الأمامي , الونش تقدر تركب و السوق مليان , لكن الدفلك الامامي ماله حل ولا ظنتي انه ذيك الأهميه الخلفي يكفي ..

و الرأي لك

بالتوفيق

يا هلا اخوي ريان
صحيح الجديد افضل
ولكن الجديد بعد سنه سيكون مستخدم
ويبقى الجودة تلعب دورها في هذه الحاله

فبحثي هو جودة المكينه التي ستخدمني لعدة سنوات وفي اصعب الظروف
وهذا هو المطلوب اما من ناحية الاكسسوارات فلا التفت لها ابداً عندما يكون الموتر متعطل في اماكن حرجه فلن تنفع هذه الاظافات ابداً

والف شكر على المداخله القيمه ويوفقنا وياك ...

[ابو فهد...]

شاص التويوتا المكاين القديمه ماتفوت ومعروفه بتحملها
الباترول تعليقه احسن وكوارينه ودبله احسن من التويوتا اما المكينه العكس الفتك انشط بس كهربها واجد وحساسات
لو كنت بمحلك ابي ادور لي شاص تويوتا ٢٠٠٨ او ٢٠٠٩ نظيف نظيف نظيف ولو كان غويلي ان ماحصلت النيسان طيب وسعره اطيب بعد

[أحمد الدهمشي]

أحب شاص النيسان خصوصا الموديلات الجديدة
لكن حسب طلباتك ما يناسبك إلا شاص التويوتا
دور لك نظيف وتبي تستانس بإذن الله
وأشوف أن موسم الشتاء انتهى
اصبر شف التويوتا 2016 باقي كم شهر
قد يكون فيه خير لك..

[الفهيد بدر]

اخوي اذا خوفك من محرك الفتك خذ العلم عند واحد اعرفه فتك 2002 ممشاه 600 الف وما فكت مكينته حسب الاستخدام وواحد عند جكس ار 2007 وممشاه 300 موظب مكينته الاستخدام هو المعيار وأنت إذا بتاخذ مؤثر 2009 بيكون ممشاه فوق 200 الف يعني منتهي صلاحيته وما تدري راعيه يصينه لو لا ومحافظ على زيوته ولا لا فنصيحة محب خذ فتك وتوكل على الله ويكفيك انها مضمونة من الوكيل وحافظ على زيوته وابشر بخدمته لك وراح تعيف المواتر كلها بعده راحه وعزم وسلاسة

[عابر الموج]

وعليكم السلام ورحمة الله وبركاته
شاص تايوتا ياي مفتوح و8 ريش خلفي مريح
التايوتا قطع الغيار ارخص من النيسان
صرف البانزين لصالح التايوتا
شكل البدي التايوتا افضل في نظري
التايوتا اقوى تماسك من النيسان
للبيع التايوتا يمسك قيمته افضل من النيسان
قوة الماكينة لصالح النيسان
بالتوفيق للجميع

[مطر وربيع]

لا انصح بالمستعمل نهائيا وش الي يدريك عن الموتر هو مرشوش او مقلوب او العداد منزل او صاحبه القديم مركب قطع
تجاري اقل شيء يغشك الشريطي في السعر
الا في حالة وحدة تشتري موتر تعرف صاحبه وتعرف استخدامه
والجديد مامثله يمشيك سنتين على الاقل بنزين وزيت وان طلع فيه عيب الوكالة غصب تصلحه على الضمان مجانا

[---ابو يوسف-]

يااخي انت تبحث عن شي واضح الفتك مينه مجربه ودارجه مع الناس والتويوتا كذالك
والكلام مهب بالمواتر انت تتكلم عن شركات عالميه مكاينهم ممتازه وبالنسبه
الصبر يصبر معك الموتر علي استعمالك له وفيه شي معروف كل ماكثر بالموتر
وسائل الراحه كل ماكثرت اعطاله ولو ان بعض الاضافات مهمه والسيارات اللي
انت عارضهن كلهن مخصصات لي الطرق الوعر يعني مهيات للصبر والسيارات
مهب جدد لهن عقود وهن يصنعن انا اراي انك تشوف القوه في المكينه والدبل والقير وكله لصالح النيسان
والموديل وايضا لصالح النسان ولاتحسب انك تبي تاخذ موتر ماشي 200 مهب طالب يبي يشغلك بالصيانه
ولو كان مصنوع من ذهب واهم شي فكر بنفسك قبل الموتر ان اشوف راحتي اهم من الموتر ولذالك اخذت فورد f150
وخصصته للبر والحمد لله مرتاح معه

[mohammed_i9]

السلام عليكم ورحمة الله وبركاته


اخوي انا ماجربت الموترين لكن بقولك معلومه مفيده بالبر وعن تجربه
كل ما صار الموتر ارفع كل ما زان وقوى ممشاه


انا معي هايلكس مديل 11 دفرنس، وكان على رفعت الوكاله ويوم ركبت له كفرات عراض زان ممشاه بالبر
وقبل فتره قريبه رفعته من قدام و ورى ، يا رجال يفرق معك الموتر وممشاه يصير ثقه ثقه بالبر واتمشى به بأي بر ، ولاغرزت العبه تلعيب بسيط ويطلع زي السلام عليكم لأن بطن الموتر رفيع
بس قبل يوم كان وكاله البطن يدق ولو لعبته من اليوم الى بكره صعب صعب يطلع

الشاهد من كلامي إن الشاص ارفع من الفتك ف يوم تدخل في رمل ناعم الي يخفس بالموتر فجأة وانت تمشي، اتوقع الشاص بيمشي افضل من الفتك لأنه ارفع

وفيه ثنين من عيال عمي معهم شيصان 14 واحد رفرف وواحد سلق
دايم يتحدون بالبر ودايم الرفرف يدقر ويغرز واحيان يدق بطنه لأنهم يدخلون بأماكن قويه ، وجربو يبدلون يعني راعي الرفرف ياخذ السلق وراعي السق ياخذ الرفرف والنتيجه نفسها السلق يمشي والرفرف يدقر ولا يمشي بصعوبه

لأن لادخلت برمل ناعم الموتر يخفس فيه شوي وهو يمشي فإذا كان بطن الموتر قريب وصار يلمس الرمل او حتى الكارونه الي ورى لحالها وانت تمشي الموتر بيثقل ويمكن لو ماكنت شاد على الموتر من اول بتغرز ويمكن حتى لو شاد وطالت المسافه بهالرمل الناعم بيغرز الموتر ، فلو كان رفيع والبطن مايلمس راح تمشي افضل بكثير من الموتر الي اقل رفع من موترك



وحسب الي سمعته عيب الفتك يجيه خرابات وبلاوي واغلب الي معهم فتك استعمالهم كويس ، ماهو مثل الكرف الي يجي الشاص ينكرف كرف الحمير ومتماسك جدًا ومايخذل ابد
لذلك لو تلقى واحد يسعمل الفتك استعمال شديد مثل اغلب راعين الشاص يكون احسن عشان تستفيد من تجربته

[صالح السالم]

بارك الله فيك أبويوسف أنالي نية إن شاءالله بوانيت نيسان أوفورد وبحكم تجربتك هل الفورد قريب من الشاص النيسان في التحمل والراحة خاصة جزيت خيرا.

[XTERRA -2010]

الموتر ليس استخدام يومي لذا موضوع الراحة امر جانبي

شاص تايوتا المكينة الجديدة
و الشاص التايوتا يقوى الحمل الثقيل سست
و أغلب مقناص الرملة يعتمد عليه بإرتكاز العفوش

[فتك واحد]

هلا اخوي انا معي شاص فتك 2012 والله انوه موتر وسعره رخيص وعزم جبار وراحه وتانكي البنزين انا معبيهن اثنين وهني قاطعات 110 ومشن معي 900 وانا مشيي 120 بالشمال والله حلو مره وكان تبي التحميل ركب ياي استرالي ويحمل مثل الشاص اواكثر بعد ويصير قاسي شوي بس عيبه صراحه اثنين مافيه فخامه ابد والضيق من داخل علشان الثلاجه يعني لو تاخذ سياحي دفلك كويس والله يكتب لك اللي فيه الخير

[---ابو يوسف-]

بارك الله فيك أبويوسف أنالي نية إن شاءالله بوانيت نيسان أوفورد وبحكم تجربتك هل الفورد قريب من الشاص النيسان في التحمل والراحة خاصة جزيت خيرا.
واله ياخي من تجربتي موتر مريح وقوي طبعا معي fx4 مكينه 6200
411 حصان والغمار مكينه5000 و360حصان وش جابه للونيات اليابنه
والله اني لاركبت موتر 6 سرند افرق مره وبالبر يطربك وحرارته كويسه
وكان معي غماره 6 سرند 2012 وممتاز بالبر احن من اللي معي الحين
بحكم طوله بس النشاط يفرق والفورد يجي دفلك خلي وممشاه بالنفود ممتاز
وطبعا اكلمك عن تجربه الشاص 2009والفتك 2014والاند كروز2011 والهايلوكس دبل2013 كلهن
جربتهن وماشوف ان الفورد يفرق عنهن بالبر والتحميل الشاص تحمولته الاساسايه من الوكاله 1100كيلو
والفود 800 كيلو ونا مركب شد وتاكي 200 لتر ودروج واغراض ثانيه وزوت سسته عشان نزل شوي والنور اعمي الناس

[كم كيلو باقي]

ماسجلت تصويت لأني ماجربت الشاص التويوتا ف ما اقدر احكم
الشاص النيسان عيبه ضيق الغمارة من داخل ف اذا انت متعافي جرب قبل ماتاخذه وتتوهق
لكن بحكم انك بتاخذ تويوتا مستعمل ف انا بهالحالة أرشح الجديد
واحرص على الدفلك والله يكتب لك الخير

[خوي السطحه]

4800 لاتتعداه مريح قوي وياي وسعر ممتاز ويمسك قيمه
الشاص الفتك النيسان اصفار 105 تشريه بعد سنه تبيعه 95 الى 90
الشاص التايوتا تشريه 145يزود السعر او ينقص حسب مزاج ابوجميل تبيعه بعد سنه 115 او 110 هذا اذا سلمت مكينته ماتتحمل الجور ام راسين

[فاقد ارسال]

وبواقع اقتنائي للحوض الفتك
وعشقي للحوض التايوتا مع بعض التجارب
انصحك بالفتك لانه مريح جدا جدا جدا خصوصا في الطرق الطويله
واذا كنت محمل الموتر العزم ممتاز جدا يشد معك الموتر
اما التايوتا اذا كان محمل فعزمه يضعف
( بواقع تجربه بنفس الحموله )
اما بالنسبه للمناطق الوعره وفي النفود روعه متناهيه (الفتك)
بس الفتك فيه مشكله في حساس الدفلوك ولاحظتها عند كثيرين وانا منهم انه بشبك بعض المرات من نفسه
او انه يفصل
لان بعض المرات يكون بعض فيه لي الدفلك ينفصل
اما بالنسبه لمسامير الثلاجه فهي موجوده في التايوتا والنسيان وكلهم يفكونها

[مخاوي المكشات]

لا انصح بالمستعمل نهائيا وش الي يدريك عن الموتر هو مرشوش او مقلوب او العداد منزل او صاحبه القديم مركب قطع
تجاري اقل شيء يغشك الشريطي في السعر
الا في حالة وحدة تشتري موتر تعرف صاحبه وتعرف استخدامه
والجديد مامثله يمشيك سنتين على الاقل بنزين وزيت وان طلع فيه عيب الوكالة غصب تصلحه على الضمان مجانا

يا هلا باخوي مطر وربيع
صدقت ان المستعمل ما هو مثل الجديد
ولكن ان شاء الله نجد النظيف في حال كان التويوتا هو الافضل في استخدامي
ولكن بحكم التصويت واكثر آراء المشاركين وانت من ظمنهم فالارجح هو الحوض الفتك

والله يكتب اللي فيه الخير
وننتظر باقي الاراء لعل نظهر بنتيجه مرضيه جداً ومؤكده


يااخي انت تبحث عن شي واضح الفتك مينه مجربه ودارجه مع الناس والتويوتا كذالك
والكلام مهب بالمواتر انت تتكلم عن شركات عالميه مكاينهم ممتازه وبالنسبه
الصبر يصبر معك الموتر علي استعمالك له وفيه شي معروف كل ماكثر بالموتر
وسائل الراحه كل ماكثرت اعطاله ولو ان بعض الاضافات مهمه والسيارات اللي
انت عارضهن كلهن مخصصات لي الطرق الوعر يعني مهيات للصبر والسيارات
مهب جدد لهن عقود وهن يصنعن انا اراي انك تشوف القوه في المكينه والدبل والقير وكله لصالح النيسان
والموديل وايضا لصالح النسان ولاتحسب انك تبي تاخذ موتر ماشي 200 مهب طالب يبي يشغلك بالصيانه
ولو كان مصنوع من ذهب واهم شي فكر بنفسك قبل الموتر ان اشوف راحتي اهم من الموتر ولذالك اخذت فورد f150
وخصصته للبر والحمد لله مرتاح معه

يا هلا بأبو يوسف
الف شكر على النصيحه وانت صادق فعلاً اراى ان النيسان هو الافضل من ناحية القوة ايضاً بحكم انه جديد ان شاء الله راح يعيش اكثر من قديم وصحيح ان الجديد ماراح يطلب صيانه في البداية ومع المحافظه راح يكد ويمد



السلام عليكم ورحمة الله وبركاته


اخوي انا ماجربت الموترين لكن بقولك معلومه مفيده بالبر وعن تجربه
كل ما صار الموتر ارفع كل ما زان وقوى ممشاه


انا معي هايلكس مديل 11 دفرنس، وكان على رفعت الوكاله ويوم ركبت له كفرات عراض زان ممشاه بالبر
وقبل فتره قريبه رفعته من قدام و ورى ، يا رجال يفرق معك الموتر وممشاه يصير ثقه ثقه بالبر واتمشى به بأي بر ، ولاغرزت العبه تلعيب بسيط ويطلع زي السلام عليكم لأن بطن الموتر رفيع
بس قبل يوم كان وكاله البطن يدق ولو لعبته من اليوم الى بكره صعب صعب يطلع

الشاهد من كلامي إن الشاص ارفع من الفتك ف يوم تدخل في رمل ناعم الي يخفس بالموتر فجأة وانت تمشي، اتوقع الشاص بيمشي افضل من الفتك لأنه ارفع

وفيه ثنين من عيال عمي معهم شيصان 14 واحد رفرف وواحد سلق
دايم يتحدون بالبر ودايم الرفرف يدقر ويغرز واحيان يدق بطنه لأنهم يدخلون بأماكن قويه ، وجربو يبدلون يعني راعي الرفرف ياخذ السلق وراعي السق ياخذ الرفرف والنتيجه نفسها السلق يمشي والرفرف يدقر ولا يمشي بصعوبه

لأن لادخلت برمل ناعم الموتر يخفس فيه شوي وهو يمشي فإذا كان بطن الموتر قريب وصار يلمس الرمل او حتى الكارونه الي ورى لحالها وانت تمشي الموتر بيثقل ويمكن لو ماكنت شاد على الموتر من اول بتغرز ويمكن حتى لو شاد وطالت المسافه بهالرمل الناعم بيغرز الموتر ، فلو كان رفيع والبطن مايلمس راح تمشي افضل بكثير من الموتر الي اقل رفع من موترك



وحسب الي سمعته عيب الفتك يجيه خرابات وبلاوي واغلب الي معهم فتك استعمالهم كويس ، ماهو مثل الكرف الي يجي الشاص ينكرف كرف الحمير ومتماسك جدًا ومايخذل ابد
لذلك لو تلقى واحد يسعمل الفتك استعمال شديد مثل اغلب راعين الشاص يكون احسن عشان تستفيد من تجربته

وعليكم السلام ورحمة الله

حياك الله اخوي محمد
وانا اخوك اللي اخترتها كلها رفيعه ولكن طلبي هو قوة تحمل السيارة من جميع النواحي
وصحيح اختيار الكفرات المناسبه للطرق الوعره هي اهم شئ قبل كل شئ
والاهم هو المحركات والكهرباء وانا ماسئلة في هذا المنتدى العريق الا اني انشاء الله راح اجد مستخدمينه بكثرة وان شاء الله ماراح يقصرون
وانت ماشاء الله عليك ماقصرت وابيض وجه وجميع الاعضاء اللي ادلو بمشاركتهم بيض الله وجيههم وماقصرو


هلا اخوي انا معي شاص فتك 2012 والله انوه موتر وسعره رخيص وعزم جبار وراحه وتانكي البنزين انا معبيهن اثنين وهني قاطعات 110 ومشن معي 900 وانا مشيي 120 بالشمال والله حلو مره وكان تبي التحميل ركب ياي استرالي ويحمل مثل الشاص اواكثر بعد ويصير قاسي شوي بس عيبه صراحه اثنين مافيه فخامه ابد والضيق من داخل علشان الثلاجه يعني لو تاخذ سياحي دفلك كويس والله يكتب لك اللي فيه الخير

حياك الله اخوي فتك الف شكر على مداخلتك
والله يعطيك خير موترك ويكفيك شره
ياليت لو معطينا معلومات اكثر خاصه من ناحية المشاكل اللي واجهتها خلال السنتين او الثلاث السنوات اللي راحت
هل الموتر طلب منك شئ غير القطع الاستهلاكيه
وش اغلا قطعة غيار اشتريتها خلال تجربتك ؟
ياليت تذكر لنا بعض التفاصيل الداخليه وليست من ناحية الشكل او الراحه

[مخاوي المكشات]

ماسجلت تصويت لأني ماجربت الشاص التويوتا ف ما اقدر احكم
الشاص النيسان عيبه ضيق الغمارة من داخل ف اذا انت متعافي جرب قبل ماتاخذه وتتوهق
لكن بحكم انك بتاخذ تويوتا مستعمل ف انا بهالحالة أرشح الجديد
واحرص على الدفلك والله يكتب لك الخير

الف شكر اخوي العزيز على مشاركتك
من ناحية الوسع داخل الغمارة فأرى انه لا يوجد فرق يذكر بينه شاص النيسان والتويوتا

وياليت لو ذكرت لنا من الناحية الميكانيكية والكهربائية والصبر في الجرش والكد والكرف

ايضاً مشاكل العضلات وقوت تحملها في البطناج او في المطبات القوية


4800 لاتتعداه مريح قوي وياي وسعر ممتاز ويمسك قيمه
الشاص الفتك النيسان اصفار 105 تشريه بعد سنه تبيعه 95 الى 90
الشاص التايوتا تشريه 145يزود السعر او ينقص حسب مزاج ابوجميل تبيعه بعد سنه 115 او 110 هذا اذا سلمت مكينته ماتتحمل الجور ام راسين

بيض الله وجهك وماقصرت

صحيح اخوي المواتر المختاره هي ممتازه من ناحية السعر عند البيع
وجديد التويوتا ام راسين لم اللقي لها بال لانها مكاينها للاسف ضعيفه في الرمل وعند التحميل اكثر من نصف طن


وبواقع اقتنائي للحوض الفتك
وعشقي للحوض التايوتا مع بعض التجارب
انصحك بالفتك لانه مريح جدا جدا جدا خصوصا في الطرق الطويله
واذا كنت محمل الموتر العزم ممتاز جدا يشد معك الموتر
اما التايوتا اذا كان محمل فعزمه يضعف
( بواقع تجربه بنفس الحموله )
اما بالنسبه للمناطق الوعره وفي النفود روعه متناهيه (الفتك)
بس الفتك فيه مشكله في حساس الدفلوك ولاحظتها عند كثيرين وانا منهم انه بشبك بعض المرات من نفسه
او انه يفصل
لان بعض المرات يكون بعض فيه لي الدفلك ينفصل
اما بالنسبه لمسامير الثلاجه فهي موجوده في التايوتا والنسيان وكلهم يفكونها

الف شكر اخوي "فاقد ارسال" وحياك الله
ياليت لو ذكرة لنا مديل الموتر اللي جربته
وهل حساس مشكلة الدفلك في مديلات معينه ام جميع المديلات ؟

[مخاوي المكشات]

يا شباب لحد الان لم اجد الجواب الشافي من الناحية المكانيكية والكهربائية مقارنه للسيارتين المذكورة ؟ وقوة تحملها بعد الكرف

[AL HAWEE]

الله يمسيك بالخير اخوي
بالنسبه للمقارنه صراحه صعبه
لكن مافيه سياره كامله كل موتر له مميزاته وله عيوبه
فلابد تشوف وش اهم شي عندك فالموتر
قوت عزمه - تحمله - الاعتماد عليه فالاماكن الوعره والقاسيه - صرفية البنزين - الراحه- الرساوه - قلة الاعطال - توفر قطع غيار - اسعار قطع الغيار...الخ

لكن من ردودك اشوف انك مركز على الاعطال والتحمل للمدى البعيد واعتقد هذي الميزه لصالح التويوتا.
بس صراحه التويوتا متعب ويقطع النفس
بأختصار التويوتا اكثر تحمل واكثر ارهاق..
النيسان اقل تحمل واكثر راحه
بمعنى آخر المطب فالتويوتا في عضلاتك انت
والمطب فالنيسان في عضلاته...ادق من كذا وصف مافيه😁

اذا انت ما بتستخدم الموتر الا فالرحلات البريه فالمفروض يبقى لعمر اطول
ولو انا مكانك بآخذ النيسان : خفّه - قوه - راحه - رساوه

آسف عالاطاله وارجو من الله لك التوفيق والسداد
وياليت توافينا بالقرار وبالتجربه

[اليامي قطر]

بمعنى آخر المطب فالتويوتا في عضلاتك انت
والمطب فالنيسان في عضلاته...ادق من كذا وصف مافيه😁

اذا انت ما بتستخدم الموتر الا فالرحلات البريه فالمفروض يبقى لعمر اطول
ولو انا مكانك بآخذ النيسان : خفّه - قوه - راحه - رساوه



كلاااااااااام :good2::good2:

[صالح السالم]

شكراأخي الكريم وبارك الله لك في صحتك وأهلك ومالك.

[used-cars]

سبحان الله وبحمده

[باسورد]

صوتي اانيسان
راحه وقوه جباره
ايضا حوض اكبر من الشاص
لاكن اذا بتحط عزب واجد لازم تغير مساعداته وياياته وبتدعيلي بعدها
الشاص ممتاز لاكن النيسان اقوى وتقدر تعدل في النيسان وتضيف اكثر من الشاص

[السليطين]

فتك ...
راحه صبر مكدة قوة

[azeezx]

ماقدر اصوت لاني لم استخدم هذا او هذاك مع اني من عشاق البر

لاكن اذا بصوت بصوت للفتك موتر روعه من كثر ماسمعت عنه الله يرزق اصحابة خيره ويكفيهم شره ولو الدراهم موجوده بكره اشتريه

[الذاهب]

خذ إللي وكالته وصيانته قريبه منك

[ابن عكاش]

كلها سيارتين عمليه ومعروفه خذ الموتر اللي يلبي احتياجاتك وميولك لابد من وجود بعض السلبيات في كلا الخيارين لكن بعض السلبيات يمكن تلافيها او تكون ضريبة لإيجابيات تناسبك
بالتوفيق يالغالي

[مخاوي المكشات]

الله يمسيك بالخير اخوي
بالنسبه للمقارنه صراحه صعبه
لكن مافيه سياره كامله كل موتر له مميزاته وله عيوبه
فلابد تشوف وش اهم شي عندك فالموتر
قوت عزمه - تحمله - الاعتماد عليه فالاماكن الوعره والقاسيه - صرفية البنزين - الراحه- الرساوه - قلة الاعطال - توفر قطع غيار - اسعار قطع الغيار...الخ

لكن من ردودك اشوف انك مركز على الاعطال والتحمل للمدى البعيد واعتقد هذي الميزه لصالح التويوتا.
بس صراحه التويوتا متعب ويقطع النفس
بأختصار التويوتا اكثر تحمل واكثر ارهاق..
النيسان اقل تحمل واكثر راحه
بمعنى آخر المطب فالتويوتا في عضلاتك انت
والمطب فالنيسان في عضلاته...ادق من كذا وصف مافيه😁

اذا انت ما بتستخدم الموتر الا فالرحلات البريه فالمفروض يبقى لعمر اطول
ولو انا مكانك بآخذ النيسان : خفّه - قوه - راحه - رساوه

آسف عالاطاله وارجو من الله لك التوفيق والسداد
وياليت توافينا بالقرار وبالتجربه

حياك الله اخوي الهاوي
وتشرفت بردك وافادتك بارك الله فيك
وفعلاً اختصرت كلام طويل باجابه مختصره كنت ابحث عنها
وبما ان اكثر الردود ترجح فتك الحوض فإن شاء الله نستخير ونقتنيه
ويلزمنا نجربة قيادته قبل الشراء خاصه بالنفوذ وبالخطوط والله يكتب اللي فيه الخير والبركه

[المداوي2]

لا يغرك الفتك فزت كديش و خرباته اكثر من مميزاته
احد يقارن بين محرك نيسان فتك 4800 و4500 تايوتا!!!!!!!
مقارنه ظااااااالمه
ويكفي فخر محرك من عام 1992الی 2009 ما احد اشتكی منه

[راعي الجيوب 1]

نيسان ولا تتردد أبدا ! قوه راحه قياده لصالحه !! ما يعيبه نزول قيمته عند البيع
اما آلتايوتا مطب قاسي ما فيه راحه ولا ثبات !! لأكن يمسك سعره عند البيع
لأكن نصيحه من محب ( نيسان ) بلا تردد وقبل كل شي صلاه الاستخاره
والله يوفقك بما يحبه ويرظاه

[XTERRA -2010]

نص مواتر نيسان عليها مكائن تايوتا فكسار او لكزس !

[شاق النفد]

خذلك فتك وارتح قوة راحة رساوة عزم وعزل هواء صاحي والله انه صبور بس العالم لو يخرب فيه ادنى شي قالو ايه
النيسان ابوالخرابات ولو تخبطمكينة التيوتا قالو اكيد سوء استخدام

مافيه اي مقارنة مع جحش التيوتا حتى والله الجحش اريح منه ولا عزم ولا رساوة وعزل هواء تمشي 60 توشوش البيبان هواء

واحد من الربع بايع حوض تيوتا 2008 و وشرى حوض نيسان 2014 يقول فرق الثرى عن الثريا

[شاق النفد]

لا يغرك الفتك فزت كديش و خرباته اكثر من مميزاته
احد يقارن بين محرك نيسان فتك 4800 و4500 تايوتا!!!!!!!
مقارنه ظااااااالمه
ويكفي فخر محرك من عام 1992الی 2009 ما احد اشتكی منه

ههههههه فيه واحد من الشباب مثلك متعصب تيوتا ويدخل احيانا بحسابي هذا طبعا اول كان معه حوض
تيوتا 2007 وباعه وخذله 2012 وخذت مثله انا بضبط 2012 ب135 كلها بريمي وانا والله ماهمني تويوتا ولا نيسان ماكمل معي سنتين الا وانا بابعه وبخساره 40 الف للي يقولون شيك خخخخ
ورزقني الله بربع فتك 14 والله العظيم ان الفرق بينهم مثل فرق الحر عن الغراب

هذا الحق ولاحد يزعل

[اليامي قطر]

ههههههه فيه واحد من الشباب مثلك متعصب تيوتا ويدخل احيانا بحسابي هذا طبعا اول كان معه حوض
تيوتا 2007 وباعه وخذله 2012 وخذت مثله انا بضبط 2012 ب135 كلها بريمي وانا والله ماهمني تويوتا ولا نيسان ماكمل معي سنتين الا وانا بابعه وبخساره 40 الف للي يقولون شيك خخخخ
ورزقني الله بربع فتك 14 والله العظيم ان الفرق بينهم مثل فرق الحر عن الغراب

هذا الحق ولاحد يزعل

انا اشوف انه شيك

له معك سنتين وانت لاعن جدفه سفر ومكشات وبران ومراح ومجي

وجاب لك 95 الف تمام

[السليطين]

نص مواتر نيسان عليها مكائن تايوتا فكسار او لكزس !



تدري ليش ؟؟؟؟؟؟

لان مكينة اللكزز 3000 ريال . ومكينة الفتك 20000 ريال وزود بعد ...

[أبوتركي V8]

تم التصويت الفتك النيسان

اه ياناس

[ابو خــــالد]

جربهن كلهن ولايهمك الكلام اللي ماله سنع
واللي يقول نص مواتر نيسان عليه لكزس رد أعمى
ﻷنك تتكلم عن موديلات راح عليه 25 سنه هي اللي يسقطون عليه مكينة لكزس
ولاطاحوا به الا من قريب
وثانياً اذا بتاخذ لك شاص تويوتا من 2009 وتحت فتوكل على الله إذا انت تميل لتويوتا ﻷن مكينة هالموديل راس واحد ولايبرد عزمه وتحمل الجور والتعديل
بعكس ام راسين الجديده مع كثر الجور ينشعر الراس صارت مع كم واحد اعرفهم
واما الفتك برأيي مكينة صبورة ولاهيب راعية خراب
لكن ان جاه خراب بعد عمر فأغلب خرابه كهرب
وأنا الحمدلله ماشكيت وكل مابغيت دقيت سلفه للشمال او الجنوب
موديل 2002 اللي معي واي استفسار حاضرين
وما أنصحك لا بالنيسان ولا بالتويوتا
أنصحك بالتجربة أولاً ثم اﻹستخارة
وأي موتر تفكه وكاله حتى لو هونداي الى 5 سنوات ماتحط به الا اﻷشياء اﻷستهلاكية بالغالب

[ابن عكاش]

معقولة اغلب الاصوات للنيسان وين راح ذيب الصحاري عز الله اللي ماعرفتو قدره
نصيحه لايهمك التصويت ولا كلام احد تجربتك وميولك هي الفيصل
والله يوفقك ويبارك لك مقدماً

[السليطين]

معقولة اغلب الاصوات للنيسان وين راح ذيب الصحاري عز الله اللي ماعرفتو قدره
نصيحه لايهمك التصويت ولا كلام احد تجربتك وميولك هي الفيصل
والله يوفقك ويبارك لك مقدماً



لامعقولة ولاشي .. الامر بسيط
نعرفه ونعرف الباترول وكل ايامنا بالبر والنفود ومجربين . يعني مهوب انت لحالك اللي مجرب .

جربنا اباترول وجربنا التويوتا .. نسمع ان التويوتا افضل وبالواقع نشوف النيسان ارخص وافضل

[حرقوصي]

لامعقولة ولاشي .. الامر بسيط
نعرفه ونعرف الباترول وكل ايامنا بالبر والنفود ومجربين . يعني مهوب انت لحالك اللي مجرب .

جربنا اباترول وجربنا التويوتا .. نسمع ان التويوتا افضل وبالواقع نشوف النيسان ارخص وافضل
صدقت
مع اني مستخدم للتويوتا
الا اني عارف انه ماخذ اكبر من حجمه
يا زين النيسان بس لا في جيوبه ولا في الصغيرات
اسعار رخيصة وفخامة وراحة وجودة وقوة