المساعد الشخصي الرقمي

مشاهدة النسخة كاملة : ابي الفزعه تكفون ... اشتريت كاميرا كانون s3 ولا عرفت استخدمها ولا عرفت اشغلها ابد


الماضي الدفين
21/12/2006, 03:50 PM
الحقيقه دخلت منتدى مكشات بالصدفه وشفت الاعضاء الكرام يمدحون الكاميرا وشفت الصور وتهيضت وانا اروح لـ الكترو واطق الكاميرا هذي

ويوم رحت للبيت والله ماعرفت اصور بها ولا عرفت استخدمها بالمره الشيء الوحيد اللي انا اعرفه فيها كيف اشغلها وكيف اطفيها بس

اما كيف اقرب والا كيف ابعد والا كيف اصور والا كيف استعرض الصور والا طريقة القتاط الصور والله ماعرفت لها بالمره

اللي عنده خبره كيف تستخدم يقولي وله جزيل الشكر والامتنان

والا اللي عنده كتالوج عربي يقولي

ابي لو شي بسيط عن طريقة تشغيلها وطريقة تصويرها واللي يعرف لها لا يبخل عني

ابي الفزعه تكفون وترى تكفى تهز الرجاجيل

تقبلوا تحياتي وتقديري
عيناوي
22/12/2006, 03:25 AM
ما صار الا الخير

بس ابي اتأكد هل هي هالكاميرا؟ وبعدين هل هذي اول كاميرا لك؟ ان كان جوابك ايه ..فأنت اخطيت
http://www.dpreview.com/news/0602/06022111canons3is.asp
و لاحظت انها سته ميغا بكسل..ماتسوى والله
كاميرتي اصفر منها واعلى منها بالبكسل

بعدين يا عرب لا تشترون من اكسترا..خلوكم على الوكالات افضل لكم بكثير..انا راحتي عندهم صراحه

اقولك غيرها مره وحده وريح بالك
الماضي الدفين
22/12/2006, 03:53 AM
اي هذي هي الكاميرا
والكاميرا هذي انقطعت من السوق كله
ورحت للوكيل وقال انقطعت ورحت لمعرض بست وقال انقطعت ورحت لكذا محل ولا لقيتها
المهم اني دخلت الكترو مره من المرات ولقيت الكاميرا هذي واخذتها والسبب اللي خلاني اشتريها مدح الشباب اللي في المنتدى لها يقولون كاميرا اكثر من رائعه
وانا مانيب راعي تصوير ولا نيب هاوي تصوير ولا نيب محترف تصوير بس اخذتها عشان اذا جاءت امطار اصور فيها والا اذا سافرت اصور فيها
وهذي اول كاميرا اشتريها
اشكرك كل الشكر على مرورك الكريم
الماضي الدفين
22/12/2006, 05:17 AM
ابي اعرف كيف استعرض الصور اللي في الكاميرا
كلما صورت اختفت الصوره
كيف القى الصور اللي صورتها
محب البر
22/12/2006, 08:03 AM
بسم الله الرحمن الرحيم
السلام عليكم ورحمة الله وبركاته

الغالي احلى كلام إختيار موفق ، فهي من أحسن الكاميرات في فئتها

ومن الشبكة أورد لك ملف بصيغةPDF عبارة عن الكاتلوج العربي للكاميرا المقصودة

http://www.savefilez.com/315533

أو

http://up.9q9q.net/up/index.php?f=KJjae8lLJ


كلمة المرور للملف [ ajmn ]

إن شاء الله تجد فيه كل الأسئلة التي تدور في بالك حول هذه الكاميرا ومنه تتعلم كيفية التعامل مع هذه الكاميرا
الباحث_الصغير
22/12/2006, 08:44 AM
مع الكاميرا سي دي فيه كتيب الكتروني يعلمك خطوة خطوة طريقة تشغيلها وطرق التصوير وهو نفس الملف اللي أضافة الغالي محب البر بدون رقم سري.

ولك مني أطيب تحية.
نعمان الفهمان
22/12/2006, 10:39 AM
محب البر كثر خيرك والله

الا على طاري الكتلوج ما تخبر حق نيكون D200
الماضي الدفين
22/12/2006, 01:04 PM
اخوي العزيز محب البر
اشكرك على مرورك الكريم واشكرك على تفاعلك مع الموضوع لك مني كل الود والاحترام

اخوي الغالي الباحث الصغير
كل الشكر على مرورك وعلى المعلومه القيمه ودمت بحفظ الله ورعايته


اخوي العزيز نعمان الفهمان
اشكرك على مرورك الكريم
الماضي الدفين
22/12/2006, 01:11 PM
بالنسبه للملف حملته بس كيف افتحه عن طريق اي برنامج افتحه هل هو برنامج الوورد وماهو الترميز الذي يجعل الملف قابلاً للقراءه اذا كان في برنامج الوورد
الباحث_الصغير
22/12/2006, 01:21 PM
البرنامج اسمه Adobe Acrobat وهو مخصص لفتح ملفات pdf
الباحث_الصغير
22/12/2006, 01:41 PM
لتحميل البرنامج اضغط على الرابط:
http://ardownload.adobe.com/pub/adobe/reader/win/7x/7.0.7/enu/AdbeRdr707_en_US.exe


يعطيك رسالة اضغط على حفظ لتخزين البرنامج على جهازك . يفتح رسالة أعط البرنامج أسم وحدد مساره .
بيدأ بتحميل البرنامج.
ألغ العلامة الموجودة على خيار إغلاق النافذة تحت .
بعد ماينتهي من التحميل اختر فتح.
لكن حجمه كبير شوي 20 ميجا إذا كان الانترنت dsl ماعليك بتحمله سلام سلام
وإن كان ديل أب الله يعينك
الماضي الدفين
22/12/2006, 01:52 PM
اخوي الباحث الصغير الحقيقه مادري وشلون اشكرك الخدمه اللي انت قدمتها لي
الف الف الف شكر والله يعطيك العافيه
تعبتك معي
لك مني جزيل الشكر والامتنان
ودمت بحفظ الله ورعايته
الماضي الدفين
22/12/2006, 02:16 PM
ابشرك اخوي الباحث الصغير
نزلنا البرنامج
وطلع لي الكتالوج
شكرا لك
الباحث_الصغير
22/12/2006, 03:41 PM
وش دعوى ((أخو مكشاتي)) ولازم نخدمك هههههههههههه

لا شكر على واجب.

وأنا مثلك الكاميرا توي مشتريها ماكملت معي إسبوع لكن إستخدامها سهل نوعاً ما وإنشاء الله بتعجبني أنا وإياك.
عيناوي
23/12/2006, 01:32 AM
الشباب ما قصروا..

حبيبي..انت اشتريت كاميرا ولا حسبت حساب كونك جديد على هالشغله...غلطت يالغالي..هالكاميرات تقنيتها عاليه جدا والكثير ما زالوا يعانون من مشاكل في استخدام كاميراتهم على الرغم من كونهم متمكنين شوي وانا منهم ما اخفي عليك..مسألة وقت يالطيب وبتحترف
عاد الله الله بالصور نبي شي يشرح البال ههههههههههه
الماضي الدفين
23/12/2006, 06:06 PM
الشباب ما قصروا..

حبيبي..انت اشتريت كاميرا ولا حسبت حساب كونك جديد على هالشغله...غلطت يالغالي..هالكاميرات تقنيتها عاليه جدا والكثير ما زالوا يعانون من مشاكل في استخدام كاميراتهم على الرغم من كونهم متمكنين شوي وانا منهم ما اخفي عليك..مسألة وقت يالطيب وبتحترف
عاد الله الله بالصور نبي شي يشرح البال ههههههههههه
ياشيخ عساني اعرف اصور
والصور الحلوه لاحقين عليها بعد مانتعلم كيف نصور
احترامي وتقديري لك
فتى الدهناء
23/12/2006, 06:38 PM
احلى الكلام أخوي .. دامك شريت من الكترو .. فيه هناك أحد المندوبين كنيته أبو همام ..

لو تروح له يشرح لك كيف تستخدم الكمرة ..ويعلم على الخصائص المتقدمة بعد ..
الماضي الدفين
23/12/2006, 11:10 PM
احلى الكلام أخوي .. دامك شريت من الكترو .. فيه هناك أحد المندوبين كنيته أبو همام ..

لو تروح له يشرح لك كيف تستخدم الكمرة ..ويعلم على الخصائص المتقدمة بعد ..
شكرا الله يعافيك ولا يهينك
المسطره
24/12/2006, 03:00 PM
مبروووك عليك الكميرا

ومع احترامي وتقدير لكلام بعض الاخوان
لكن انا اشوف انهم مبالغين بقضية انها كميرا صعبة
بالعكس هي سهله وعمليه لكن مثل هالكميرات لازم الواحد يقراء في الكتلوج ويطبق الي قراة و يستخدمها كثير علشان يعرف يستخدم كل شي فيها بطريقه صحيحه

تقبل تحياتي :)
علي الشهري
24/12/2006, 05:00 PM
مبروووك عليك الكميرا

ومع احترامي وتقدير لكلام بعض الاخوان
لكن انا اشوف انهم مبالغين بقضية انها كميرا صعبة
بالعكس هي سهله وعمليه لكن مثل هالكميرات لازم الواحد يقراء في الكتلوج ويطبق الي قراة و يستخدمها كثير علشان يعرف يستخدم كل شي فيها بطريقه صحيحه

تقبل تحياتي :)


100% :good: :good: :good: :good:
الماضي الدفين
24/12/2006, 08:12 PM
مبروووك عليك الكميرا

ومع احترامي وتقدير لكلام بعض الاخوان
لكن انا اشوف انهم مبالغين بقضية انها كميرا صعبة
بالعكس هي سهله وعمليه لكن مثل هالكميرات لازم الواحد يقراء في الكتلوج ويطبق الي قراة و يستخدمها كثير علشان يعرف يستخدم كل شي فيها بطريقه صحيحه

تقبل تحياتي :)
شكرا على مرورك يالغالي
وتسلم على كلامك
تحياتي وتقديري لك
الماضي الدفين
24/12/2006, 08:14 PM
100% :good: :good: :good: :good:
شكرا على مرورك