افزعوا لنا يااصحاب الباثفندرات [الأرشيف]

محب التطعيس

21/12/2006, 06:41 PM

واحد من الشباب معه باث 2003 صار له مشكله في الموتر وهي انه يدعس بنزين ولا يمشي الموتر الا خفيف ... راح لكم ورشه وقالوا له الحساس يبي تغيير مع الكمبيوتر والسبب فلتر الهواء المهم قالو له الورشه يمكن يكلف عند الوكاله 6000 ريال او حولها .
سؤالي هل احد صارت له مثل هالمشكله ويفيدنا .
صاحب الموتر تعقد ويقول ان الورشه يقولون ان المشكله صايره بس بالموديل2003
احد يذكر لنا ورشه متخصصه بالباثفندرات او يعرفون يصلحون هالمشكله بدون الحاجه للوكاله.
اشكر لكم مقدما يااهل المكشات

عمار*

21/12/2006, 07:24 PM

الوكالة حرمية شوي
وكل هذا بسب وزارة التجارة
وش ذنبنا منظم حساس بستة آلاف ريال والله حرام
المهم الوكالة تبي تغير المنظم كله
عشان هذا أكثر فايده له
صارت معي أخوي
تحتاج لحساس جديد والله يعينك ما يعطونك إياه إلا بالواسطة وطلعة الروح
أول ما تروح لهم يقولون المنظم هو الّي خربان عشان ستة آلاف ريال طبهاً
خذ الحساس وانفخ الأماكن المحيطة فيه مع الحذر من المنظم سد الفتحة الموصلة إليه وانفخ الباقي
المشكلة صارت معي قبل سنتين
المهم من اليوم ورايح اهتم بالفلتر خصوصاً إذا طلعت للبر أو أماكن فيه غبار كثير
يعني كل عشرة آلاف غير الفلتر

قارئ

21/12/2006, 08:25 PM

يا اخي انا صارت لي المشكلة وغيرته من الوكالة بعد الخصم للقطعة 2900 ريال

وواحد من الشباب يقول فيه ورش في الصناعية القديمة يفكونه وينظفونه بـ 500 ريال مع ضمان شهر

والمشكلة مثل ما تفضلت في 2003 فقط

اعانك الله

وشوري عليك خذها من الوكالة والله يعوض عليك

ما تدري هاللي بالصناعية يضبطونه والا لأ

واذا تبي رقم الورشة اشوفه لك

والسلام

محب التطعيس

21/12/2006, 08:53 PM

الاخوة الاعزاء: عمار و قاري اشكر مروركم وبالنسبه هل يتم تغيير الكمبيوتركامل مع الحساس , لانهم قالو ان الحساس لازم يغير مع الكمبيوتركامل علشان البرمجه ماتختلف. وهل نغيره بالوكاله او نغيره عند ورشه معينه

وياليت رقم الورشه تكفى يالغالي

عمار*

21/12/2006, 10:07 PM

أن قدامي فكة وجاب حساس جديد
وسواله نفخ كل هذا قدامي في ورشة الوكالة في بريدة
لا كمبيوتر ولا حاجة

نجد 1

21/12/2006, 10:27 PM

الاخوه الاعزاء
المشكله صارت لى فى موديل 2003 وتم التغير فى الوكاله بعد الخصم 3500
( ملاحظه اذا كانت السياره عاى الضمان يتم التغير على الوكاله) ،

salehhd

22/12/2006, 01:40 PM

السلام عليكم

هذي مشكلة الباث 2003 والله يعينك

لاكن سمعت انه بالتنظيف ممكن يضبط والسبب مثل ماتفضلو الاخوان من الغبار يعني الاهتمام بالفلتر وتغييرة كل 20 الف
والله يعينك
جرب في التشليح ممكن تحصل

الأسد

22/12/2006, 01:53 PM

السلام عليكم ..

هذي المشكلة صارت لي بالضبط قبل سنتين وما لقيت حل الا اني اغيرها عند الوكالة ونهبوا مني 2600 ريال
لكن الى الان والموتر تمام علما انه موديل 2003

لكن انت منت خسران شي جرب تنظفه قبل عند الورشه ان مشى والا الله يعينك ...

8
7

ملك الباثفندر

22/12/2006, 03:04 PM

السلام عليكم ورحمت الله وبركاتة
شكراً على طرح هذا الموضع المهم والذي استفدت منه كثيراً لكن عندي سؤال لكم وش الرابط بين الحساس و فلتر الهواء
ارجو الاجابة كما ارجو استدعاء الاستشاري ( قرم ) مشكوراً مأجوراً ولكم جزيل الشكر والامتنان
إلى اللقاء

NOOOMAS

22/12/2006, 03:23 PM

صارت معي نفس المشكله ولعت عندي لمبة صفراء شكل مكينه وديتها الوكاله على الضمان وغيروه مجانا وقالوا لي ان القطعة القديمة ماتناسب اجواء الحر وتم تغييرها بقطعة أكبر

طيب يالنصابين يومها ماتناسب ورى ماسويتو إعلان زي مايسوي جميل وعبدالله هاشم وغيرتوها مادام العيب مصنعي لكن مادام وزارة التجارة نايمة يحقلهم يسوون اللي يبون والله يرحم حماية المستهلك حنا اذا جينا نشكي مع الأسف مانشكي الا الأجنبي اللي هو المكتب الإقليمي لنيسان ويتجاوبون لكن ربعنا ماعندك أحد ويبونا نتقدم ايه هين مدام مافيه نظام قوي يردع الطماعين طيب خوفو من الله في الناس وراعوا أماناتكم؟؟؟؟؟؟؟؟

الباثفايندر

22/12/2006, 05:41 PM

اخوي بر الغميس
مولعه عندك لمبه المكينه على الطبلون
ارجو الرد قبل ماتروح اي ورشه

المطلوب

22/12/2006, 07:56 PM

يا اخوي الباث 2003 فيه المشكله هاذي ... اولا : لازم تغيره بالوكاله لان الحساس خربان عليك والسبب فلتر الهواء
ثانيا : لا زم تخلي معك فلتر هواء احتياطي تشتريه من الوكاله اذ جيت تغير الزيت ركب الجديد وخذ القديم واغسله بمويه ونضفه من الغبار وانشره كم يوم الين ينشف تماماً وبعدين اذا غيرت الزيت مره ثانيه ركبه ويكون تبديل بين الاثنين كل مره .
ثالثاً : اذا جا يركب البنشري الفلتر خلك عنده علشان لا ينفخ هواء جو مكان الفلتر بس خله يمسه بمناديل او خرقه نضيفه جداً ...

المطلوب

22/12/2006, 07:59 PM

اخوي بر الغميس
مولعه عندك لمبه المكينه على الطبلون
ارجو الرد قبل ماتروح اي ورشه

رح للوكاله وخلهم يطفونه ...وسبب توليعته لانه مفجر الجيب

غضنفر

22/12/2006, 11:47 PM

تحصل الحساس الحاله ينباع عند الموزعين المعتمدين كلهم ما عدا الحمراني
وقيمته 350 ريال
فكه وتركيبه ما يبيله شي
الحساس عليه مسمارين فكها وركب الحساس الجديد
ولا تقرب من الوكالة الحرامية
اجل يبيلها كمبيوتر
ههههههههههههههههههههه

نمر بن حثلين

23/12/2006, 05:50 AM

كان الله في عونه

لو كانت السياره تدق لها سلف وتطفي ولو اشتغلت تكون تقطع وما تسرع يكون الخراب من الحساس وهو مثل ما قال اخوي بلاك ب350

لكن الا صارت تشتغل وتدوس ولا تستجيب لك
يكون الي اسمه Throttle body الي يتحكم بالدعسه هو الي خربان وهذا على كلام الوكاله ب 3000 ريال ( يمكن تلقاه عند الموزعين بارخص )
لكن على كلامهم ان المنظم الجديد معدل وما يخرب مثل الاول

مدري يا جماعه احد سبق خرب عليه وبدله ورجع له ؟

أبوناصر

23/12/2006, 12:26 PM

الله يعينك ان شاء الله

قد قريت في ها الموقع شرح لطريقة تنظيف الحساس

فيه بخاخ بحدود 35 ريال يبخ به الحساس وينظفه من الغبار الي فيه وتركبه ويرجع زي أول

البخاخ يباع على النت

بدور لك رابط الموضوع واعطيك اياه

عبدالرحمن السالم

23/12/2006, 02:21 PM

انا معي 2005 وحصلت معي وزينتها بدراهمي الشكوي الله بس السبب

كنت بالنفود وغطس موتري فجأه وانا امشي تخيلو كان يمشي معي ومافيه احسن منه

فجأه غطست وثبت الموتر حاولت احرحر فيه قدام ورى ولا نفع

والرمل دخل على البخاخ وخربه على ولعت لمبه وزينته عند الوكاله الشكوي الله

بس الحين الحمد الله كل شى تمام التمام وضبط الموتر

غضنفر

23/12/2006, 03:45 PM

محب التطعيس

23/12/2006, 11:34 PM

الاخوه الاعضاء كل باسمه ... اشكر لكم تكرمكم بالاجابه عن استفساري ودخولكم والمشاركه بما تعرفونه عن المشكله وهذا يدل على شهامتكم وطيبه قلوبكم اتمنى من الله العلي القدير ان يدوم هذا التواصل باذن الله واخيرا اكرر شكري وتقديري لكم

بر الغميس

الباثفايندر

24/12/2006, 01:27 AM

يا طويل العمر هذي تلقاها في الفيوز

الي في الكبوت الجهه اليسرا انا قد صارلي مثل هل المشكله

بس انا الي خربته با لغلط وصلحته كلها فيوز