---- الطريق من الإمارات إلى الأردن عن طريق السعودية ---- الرجاء المساعدة أفضل طريق!!

[angelmohd]

السلام عليكم

أود ان أسأل عن أفضل طريق من الإمارات إلى الأردن عن طريق السعودية ؟؟؟


هل هو طريق حفر الباطن أم عن طريق الرياض؟؟

وهل طريق حفر الباطن ( سايدين ) ؟؟ يعني في فاصل بين الشارعين ؟؟؟

أرجوكم دلّوني ... إني أبحث عن الإجابة من فترة طويلة ولم يجبني أحد :(

وهل توجد نصائح يمكن ان تفيدونني بها ؟؟؟ سواء خلال السفر أو في الأردن ؟؟؟

الله يجزي الخير كل من يجاوبني

[أحتمال]

المملكه كبيره وطرقها عد واغلط لكن بعطيك اقتراحات

طبعاً انت بتمر منفذ البطحاء !!
الطريق الاول .. البطحاء / سلوى / الهفوف / الرياض
طريق مريح وهو الافضل لكنه طويل تقويبا 750 كيلو (( الرقم غير دقيق ))

الطريق الثاني / البطحاء / حرض / الخرج / الرياض
اقل في المسافه حدود 500 كيلو (( رقم غير دقيق بعد )) لكنه شوي خطر ومعرض للغبار والرياح واغلب الطريق مسار واحد في معظمه ولا انصحك ابداً بان تمشيه في الليل


اذا وصلت الرياض الموضوع صار سهل
الرياض = القصيم = حائل = سكاكا = القريات
من الرياض لحايل خط سريع ومسافته 600 كيلو بعد حايل مادري كم المسافه


اما طريق الحفر
البطحاء / سلوى / الهفوف / عريعره / حنيذ / الريان / النعيريه / القيصومه / حفر الباطن / عرعر / طريف / منفذ الحديثه
مسافته حدود 1950 كيلو
عيوبه تدخل قرى ومدن كثير .. ولاهو خط سيده مثلا كبري وتاخذ يسار .. مخارج اشارات

لكن تراه خطير من الهفوف لين النعيريه كله بعارين ولاينمشي الا نهار

لذلك اذا تبي خط الحفر انصحك
بالبطحاء / سلوى / الهفوف / الدمام / الحفر
وكمل الباقي 😂

اي خط بتسلكه لازم تحط في بالك حاجتين
الاولى انك لازم توقف وتنام فيها لسلامتك
الثاني ان البنزين لاينزل عن الثلث لاشفت محطه وقف تجنباً لاي طاري
والله يوصلك بالسلامه واي استفسار حاضرين
والاخوه الاعضاء اذا عندهم طريق افضل ماراح يبخلون اكيد

[Alnoor33]

ابحث عن طريق تطبيق google maps

وانا اشوف اكثر اللي يجون من الامارات وقطر يمرون بقيق ابو حدرية وبعديها تتجه الي الشمال حفر الباطن ...

[الهواوي 1]

اذا وصلت الرياض الموضوع صار سهل
الرياض = القصيم = حائل = سكاكا = القريات
من الرياض لحايل خط سريع ومسافته 600 كيلو بعد حايل مادري كم المسافة خلك على هذا الطريق البداية من البطحاء الهفوف خريص الرياض وكمل الباقي من الرياض

[اسكاليد 07]

البطحاء / سلوى / الهفوف / الرياض 600 كيلوا ( اتكلم عن نفسي عادة اخذ من البطحاء للرياض 5 الى 6 ساعات على سرعه 140 الى 160 )

الطريق الثاني / البطحاء / حرض / الخرج / الرياض 500 كيلوا ( ابتعد عن ذا الطريق ) سيد واحد وشاحنات يعني ما تسوى ذي الـ 100 كيلوا اللي تفرق

قالك الاخ البترول لا ينزل عن الربع وانا افضل انه ما ينزل عن النص لا بعض السيارات المؤشر على الربع وهو بالاساس على الصفر والسبب ضغط الهواء داخل التانكي ، صارت عند مسؤولي فالعمل عنده سوبربان 08 خلص عنه البترول والمؤشر على الربع ..

الله ايسر امورك ويحفظك في حلك وترحالك ..

[راعي الرجم]

الطريق الأفضل من الطرق الأخرى : وذلك لان كامل الطريق سريع ومريح
البداية من
البطحاء / سلوى / الهفوف / الرياض 600 كيلوا
الرياض القصيم (أسم منطقة ولا يمر اي مدينة بل محاذات عنيزة وبريدة ) = 350
القصيم حائل (الطريق لا يمر حائل عليك بتعبئة الوقود ) = 300 كم
حائل الجوف(الجوف اسم المنطقة لا يوجد مدينة بهذ الاسم ) والطريق ايضا لا يمر سكاكا ودومة الجندل
=300 كم من الجوف الى القريات تقريبا =350
من القريات الى عمان = 180 كم

[angelmohd]

جزاكم الله خير جميعا
لكن أنا احترت الآن :)

أنا يهمني أنه الطريق يكون مسارين ( سايدين ) ويكون أمان

بالنسبة لطريق:

(( لذلك اذا تبي خط الحفر انصحك
بالبطحاء / سلوى / الهفوف / الدمام / الحفر
وكمل الباقي ))

أفضل أم طريق:

البطحاء / سلوى / الهفوف / الرياض 600 كيلوا
الرياض القصيم (أسم منطقة ولا يمر اي مدينة بل محاذات عنيزة وبريدة ) = 350
القصيم حائل (الطريق لا يمر حائل عليك بتعبئة الوقود ) = 300 كم
حائل الجوف(الجوف اسم المنطقة لا يوجد مدينة بهذ الاسم ) والطريق ايضا لا يمر سكاكا ودومة الجندل
=300 كم من الجوف الى القريات تقريبا =350


وأين نبيت الليل إن شاء الله بالنسبة للطريقين ؟؟؟؟

أرجوكم أفيدوني جزاكم الله الجنة بلا حساب ولا عذاب

[جني صغير]

بالنسبة للمبيت

لما توصل للرياض خذلك سويت
واليوم الثاني كمل مشوارك اللين توصل للقريات وخذلك سويت

انا انصحك من البطحاء الى سلوى على الخبر على الرياض على القصيم على حائل على القريات هذا بالليل اذا تبي تمشي من الشرقيه للرياض
اما بالنهار من البطحاء على سلوى على الهفوف على الرياض على القصيم على حائل على القريات

وبإذن الله توصل بالسلامه

[ابوعمرالفاروق]

عليكم السلام ورحمة الله وبركاته

بالنسبة للأمان الحمد لله أمان

والطريق أنت بين خيارين

1- طريق البطحاء سلوى الهفوف عريعرة الصرار النعيرية حفر الباطن عرعر طريف الحديثة
2- البطحاء حرض الخرج الرياض القصيم طريق الجوف إلى القريات (الطريق لا يمر حايل ولا يمر سكاكا ولا يمر دومة الجندل )من القصيم (بريدة ) إلى القريات الحديثة وما بينها قرى وبلدات صغيرة على الخط والمدن يسار ويمين مالك لزوم تمرها وفيه وصلات سايد واحد بين حرض والخرج للعمل وربما انتهت لا أدري واللي ما يدل فيه يضيع شوي لازم تنتبه خصوصا إذا أقبلت على الخرج والخروج منه للرياض تجعل الخرج كله يسار والرياض صعب طول دخولك فيه 70 كم تصادف زحمة تصاب بدوار بعض الشيء وضياع وقت وربما 30 كم منها الصدام على الصدام مع التوقف ربما تاخذ فيها 2-3 ساعات
تبي تبيت وترتاح كل الخط فيه مبيت فنادق وشقق مفروشة تفرق للمدن القريبة منك وممكن تلقى في القرى أماكن للمبيت من شقق مفروشة
لو تحدد الخط اللي تبيه نوضح لك أكثر وكل خط فيه مزايا وعيوب والمسافة للخط 1-1820كم والخط 2-1850 كم من الحد للحد
ولو تبي الأفضل الخط الأول أفضل تسلم من زحمة المدن في الخرج والرياض وبريدة واقرب شوي ، من زمان ما مشيته ربما اكتمل سايدين وربما تجد وصلة صغيرة بين عريعرة وما قبل النعيرية خط واحد لكن خفيف وانتبه
والله أعلم
موفق

[راعي المسرى]

البطحاء _ سلوى ١٢٥كم "منوع سايد وسايدين"
سلوى _ الأحساء ١٦٥ كم"منوع سايد وسايدين"
بعدها: الأحساء _ الرياض ٢٨٥ كم "سايدين"
الرياض _ القصيم ٣٥٠ كم "سايدين"
القصيم _ حائل٢٥٠ كم "سايدين"
حائل _ الجوف٣٥٠ كم"سايدين"
الجوف _ القريات ٣٥٠ كم"سايدين" وبعده منفذ الاردن ب٣٠ كم

_ ممكن تنام وتستريح في : مدينة الهفوف في الاحساء او الرياض اومدينة بريدة في القصيم او حايل او دومة الجندل في الجوف او في القريات ....

يسر الله دربك واعانك

[angelmohd]

جزاكم الله الجنة بلا حساب ولا عذاب

إن شاء الله باختار طريق حفر الباطن

وان شاء الله يكون الطريق سايدين كله

الله يحمينا جميعا من كل شر
ونوصل سالمين

اللهم آمين

[angelmohd]

أخواني

قرأت قبل قليل في موقع :


الطريق الجديد والذي يربط الرياض بالجوف عن طريق بريده وحائل وفر الكثير من الوقت والجهد على الاخوة المسافرين ... كونه شارع جديد وواسع ويوفر تقريبا 350 كيلو متر من اجمالي المسافة الكليه من الامارات والاردن ...

فعند وصولك الرياض فانك تتجه شمالا باتجاه بريده ثم بعد ذلك تتوجه الى حائل ومن ثم الى الجوف ومن هناك الى القريات التي تبعد مسافة قليلة عن الحدود السعودية الاردنية ....


البطــحاء --- 130 كم ---> ســـلوى ( مفترق طريق حدود قطر ) ----- 150كم ----> الهــفــوف

الهــفــوف ---- ( احذر المشي بها ليلا " الجمال تكون نائمة في الشارع وانت قادم بسرعة فلا تراها فاحذر اشد الحذر هنا ) للخروج من الهفوف اتبع طريق الشاحنات الاجباري ،،، في الهفوف ستمر عند دخولك بها على دواريين الاول والثاني اسمه بده ... ثم عليك التوجه الى الطريق الخارجي باتجاه الرياض .. واذا كنت تريد التأكد من انك تسير بشكل صحيح اسأل عن مسجد الملك فهد ... اجعله على يسارك وامشي الى الامام باتجاه الطريق الخارجي - الرياض


الرياض ---- 330 كم ---> بريده ---- 260 كم -----> حائل ---- 320 كم ----> الجوف

الجوف ---- 270 كم ----> القريات ----35 كم ---> حديثة ( حدود السعودية - الاردن )


هذا الطريق الجديد يوفر عليك 350 كيلو .. اضف الى ذلك انه طريق حديث وليس فيه حفر او ما شابه كما هو طريق النعيريه حفر - الباطن - رفحه السيء ...

اذا من نقطة دخولك الى السعودية من البطحاء ستمر 6 منطاق رئيسيه هي عالتوالي ...

السلع/البطحاء - الهفوف - الرياض - بريده - حائل - الجوف - القريات - حدود حديثة/ العمري



------------------------

يعني هذا الطريق لا يسير في النعيرية ؟؟؟


ومارأيكم في هذا الطريق التي ذكرها ؟؟؟

هل فعلا مريحة وكل الطريق سايدين ؟؟؟


واذا اخترت هذه الطريق .. فأي منطقة نبيت فيها ؟ اذكروا لي اسم المكان واسم الفندق ..؟؟؟

يعني لو طلعت الفجر ان شاء الله وقت المغرب ان شاء الله أين نصل ؟؟؟

وهل فعلا يختصر 350 كم عن طريق حفر الباطن ؟؟؟



احترت والله :(

[مدهوش]

اخي الكريم انا من سكان بريدة واسافر برا للإمارات كثيرآ وسافرت للأردن عن طريق البر عده مرات .

خلاصة كلامي لا تنظر لجانب عدد الكيلومترات وماذا ستوفر من هنا ومن هنا ولكن انظر للراحه النفسية بعد الله سبحانه وتعالى والطريق الميسور والطريق اللي فيه خدمات قدر المستطاع واهم شي يكون طريق يريحك ولا يشد اعصابك لأن المسافة بعيدة ولو نظرت الفرق بين هذا وذاك راح تلقى الفرق (بالكثير) 100 او 150 كيلو على إجمالي وقدره 1900 كلم واعتقد انه ما يشكل فرق امام الرقم الكبير اللي ذكرته .

عمومآ انا لو كنت بمكانك وبدون نقاش او تفكير راح اسلك طريق البطحاء / سلوى / الهفوف / الرياض / القصيم / حائل / الجوف / منفذ الحديثه ;)

طبعا الطريق كله سريع من الباب للباب ولا يوجد عندك إلا نقطة واحده فقط يجب ان تنتبه لها وهي انك إذا كنت بالسريع وتقريبآ بمحاذاة حائل راح تجيك محطة على يسارك كبيرة لازم تعبي منها بنزين وهو كافي بإذن الله لتوصيلك للحديثة .

واحرص ان يكون ممشاك بعد صلاه الفجر وبإذن الله راح تحل عليك البركة والتسهيل من رب العالمين ..

مقترح - مسالة المبيت ارى ان تبيت في بريدة لسبب ! أنها راح تقع (تقريبآ) في منتصف طريقك فتكون حينها قد قطعت نصيب الأسد من المسافة .

وإذا هالمقترح يناسبك فمرحبآ بك في بلدك الثاني ويسعدني ويشرفني إستظافتك :):) وارجو ان تتواصل معي على الخاص .


اسال الله لك التوفيق ..

[angelmohd]

أشكرك أخي الفاضل (مدهوش )

وجزاك الله خيرا


أود أن أسأل :

كم ساعة تأخذ من الإمارات إلى بريدة ؟؟؟

وإذا طلعت الفجر من الإمارات إن شاء الله

وقت المغرب بإذن الله أي مدينة نصل ؟؟

لأننا لا نريد أن نسير بالليل إن شاء الله

[خالد تميم]

اتوقع تحتاج تقريبا 7 ساعات من دبي للرياض
تزود وتنقص حسب سرعتك وظروف الجو وزحمة المنفذ الحدودي .
لوكنت متعب ريح باالرياض وفجر اليوم الثاني كمل مشوارك ولو شفت فيك شده كمل للقصيم لان بين الرياض وبريده تقريبا 320 كيلو ثم حائل 280 كيلو
اتمني لك التوفيق برحلتك وفي حفظ المولي ..

[مدهوش]

مثل ما تفضل اخونا خالد تقريبآ لو تمشي الفجر وسرعتك ما بين 130 و 140 راح توصل بإذن الله اخر العصر لبريدة هذا في حال كنت نشيط وقت وصولك للرياض ؟

اما اذا مو نشيط ومتعب يلزمك الراحة بالرياض مع العلم اني ما افضل ذلك لانك إذا صحيت الصبح من الرياض راح تحط فوق حساباتك 350 كيلو إضافية حتى الوصول لبريدة :good2:

[ابوعمرالفاروق]

إذا ما لك لزوم يا أخ في الرياض لا تجيه
الرياض فقط من دخوله حتى الخروج منه 70 كيلو متر تقريبا ولو تجيه في أوقات الذروة لزحمته يبي لك 3 ساعات حتى تخرج منه وإن جئت له في آخر الليل تاخذ ساعة للخروج منه إذا عرفت الطريق المناسب

ما فيه أحسن لك من طريق الهفوف عريعرة النعيرية حفر الباطن خط أغلبه مزدوج ومن النعيرية مزدوج حتى الحديثة وسترى فيه أشغال حتى طريق البطحاء الرياض فيه أشغال وطريق الهفوف الرياض لا يخل من أشغال والله أعلم

شف يا أخ أنا مترت لك المسافة بالمتر من دخولك من الحد إلى خروجك من الحد الآخر 1820-1850 كم عن طريق الويكيمابيا
طريق الهفوف النعيرية ما يمر الهفوف يخليها يمين ويمر مطار الأحساء يخليه يسار فهو طريق لا تعوقه المدن مطلقا حتى الحديثة
ولا تنس سؤال أصحاب التريلات في منفذ سلع والبطحاء خصوصا البرادات لأنها تبحث دائما عن الطريق الأقصر والأفضل فهم سيخبروك ولا تشيل هم المبيت كل الخط شقق وفنادق وغرف نوم للتأجير بس انت إنتبه للخط دائما من الإبل والسيارات المتوقفة وعابري السبيل ولا تسرع على هونك
موفق

[رمال النفود]

أخي لكي تزول الحيرة منك شاهد هاتين الخريطتين وما كتبته أنا هنا لك ..
لديك طريقين من دبي (الامارات) إلى الحديثة (منفذ القريات للأردن):
الأول: هذا الطريق من دبي إلى الحديثة (منفذ القريات) للأردن مرورا بالرياض والقصيم وحائل والجوف والقريات .المسافة مرورا بالرياض 2281 كم.
https://www.google.com.sa/maps/dir/%D8%A7%D9%84%D8%AD%D8%AF%D9%8A%D8%AB%D8%A9%E2%80%A D/%D8%AF%D9%8F%D8%A8%D9%8A+-+%D8%A5%D9%85%D8%A7%D8%B1%D8%A9+%D8%AF%D8%A8%D9%8A %D9%91+-+%D8%A7%D9%84%D8%A5%D9%85%D8%A7%D8%B1%D8%A7%D8%AA+ %D8%A7%D9%84%D8%B9%D8%B1%D8%A8%D9%8A%D8%A9+%D8%A7% D9%84%D9%85%D8%AA%D8%AD%D8%AF%D8%A9%E2%80%AD/@27.7775287,47.6063594,6z/data=!4m13!4m12!1m5!1m1!1s0x151aa51f4c354577:0x149 abab15bbf9a5d!2m2!1d37.159722!2d31.455278!1m5!1m1! 1s0x3e5f43496ad9c645:0xbde66e5084295162!2m2!1d55.2 707828!2d25.2048493?hl=ar


الثاني: أما الطريق الآخر مرورا بالهفوف (الأحساء) ثم النعيرية ثم حفر الباطن فعرعر فطريف ثم القريات فهذا 2275 كم .
https://www.google.com.sa/maps/dir/%D8%A7%D9%84%D8%AD%D8%AF%D9%8A%D8%AB%D8%A9%E2%80%A D%E2%80%AD/%D8%AF%D9%8F%D8%A8%D9%8A+-+%D8%A5%D9%85%D8%A7%D8%B1%D8%A9+%D8%AF%D8%A8%D9%8A %D9%91+-+%D8%A7%D9%84%D8%A5%D9%85%D8%A7%D8%B1%D8%A7%D8%AA+ %D8%A7%D9%84%D8%B9%D8%B1%D8%A8%D9%8A%D8%A9+%D8%A7% D9%84%D9%85%D8%AA%D8%AD%D8%AF%D8%A9%E2%80%AD%E2%80 %AD/@27.816403,48.0677852,6z/data=!4m19!4m18!1m10!1m1!1s0x151aa51f4c354577:0x14 9abab15bbf9a5d!2m2!1d37.159722!2d31.455278!3m4!1m2 !1d48.3762306!2d27.3338503!3s0x3fccc83f19746fe3:0x 42fac1d9bdf4db27!1m5!1m1!1s0x3e5f43496ad9c645:0xbd e66e5084295162!2m2!1d55.2707828!2d25.2048493!3e0?h l=ar

وهنا لمشاهدة الخريطة بشكل عام بدون رسم طريق لك ، لاحظ التوازي بين الطريقين لذا هما فعلا متقاربين في المسافة.
https://www.google.com.sa/maps/@27.7289163,47.6860103,6z?hl=ar

وما يميز طريق الرياض انك من بعد الخرج ثم الرياض ثم القصيم وحائل والجوف هذا الطريق سريع (يعني 3 مسارات بكل اتجاه) وليس سدين كما في طريق النعيرية الحفر وعرعر .. لكن يلزمك تفلل بنزين بعد خروجك من حائل لقلة محطات الطريق نوعا ما وانا اظن امر محطات الوقود تم اكثارها خبري بالطريق قبل 5 سنوات.

اعتقد بعد مشاهدتك للخرائط ستزول حيرتك كليا بإذن الله. ثم حينها يكون قرارك بيدك.

وأي ملاحظة نحن بخدمتك .

[ريف النشاما]

مشاء الله تبارك الله بارك الله فيك رمال النفود

شرح واضح ومميز :good:


أخي لكي تزول الحيرة منك شاهد هاتين الخريطتين وما كتبته أنا هنا لك ..
لديك طريقين من دبي (الامارات) إلى الحديثة (منفذ القريات للأردن):
الأول: هذا الطريق من دبي إلى الحديثة (منفذ القريات) للأردن مرورا بالرياض والقصيم وحائل والجوف والقريات .المسافة مرورا بالرياض 2281 كم.
https://www.google.com.sa/maps/dir/%D8%A7%D9%84%D8%AD%D8%AF%D9%8A%D8%AB%D8%A9%E2%80%A D/%D8%AF%D9%8F%D8%A8%D9%8A+-+%D8%A5%D9%85%D8%A7%D8%B1%D8%A9+%D8%AF%D8%A8%D9%8A %D9%91+-+%D8%A7%D9%84%D8%A5%D9%85%D8%A7%D8%B1%D8%A7%D8%AA+ %D8%A7%D9%84%D8%B9%D8%B1%D8%A8%D9%8A%D8%A9+%D8%A7% D9%84%D9%85%D8%AA%D8%AD%D8%AF%D8%A9%E2%80%AD/@27.7775287,47.6063594,6z/data=!4m13!4m12!1m5!1m1!1s0x151aa51f4c354577:0x149 abab15bbf9a5d!2m2!1d37.159722!2d31.455278!1m5!1m1! 1s0x3e5f43496ad9c645:0xbde66e5084295162!2m2!1d55.2 707828!2d25.2048493?hl=ar


الثاني: أما الطريق الآخر مرورا بالهفوف (الأحساء) ثم النعيرية ثم حفر الباطن فعرعر فطريف ثم القريات فهذا 2275 كم .
https://www.google.com.sa/maps/dir/%D8%A7%D9%84%D8%AD%D8%AF%D9%8A%D8%AB%D8%A9%E2%80%A D%E2%80%AD/%D8%AF%D9%8F%D8%A8%D9%8A+-+%D8%A5%D9%85%D8%A7%D8%B1%D8%A9+%D8%AF%D8%A8%D9%8A %D9%91+-+%D8%A7%D9%84%D8%A5%D9%85%D8%A7%D8%B1%D8%A7%D8%AA+ %D8%A7%D9%84%D8%B9%D8%B1%D8%A8%D9%8A%D8%A9+%D8%A7% D9%84%D9%85%D8%AA%D8%AD%D8%AF%D8%A9%E2%80%AD%E2%80 %AD/@27.816403,48.0677852,6z/data=!4m19!4m18!1m10!1m1!1s0x151aa51f4c354577:0x14 9abab15bbf9a5d!2m2!1d37.159722!2d31.455278!3m4!1m2 !1d48.3762306!2d27.3338503!3s0x3fccc83f19746fe3:0x 42fac1d9bdf4db27!1m5!1m1!1s0x3e5f43496ad9c645:0xbd e66e5084295162!2m2!1d55.2707828!2d25.2048493!3e0?h l=ar

وهنا لمشاهدة الخريطة بشكل عام بدون رسم طريق لك ، لاحظ التوازي بين الطريقين لذا هما فعلا متقاربين في المسافة.
https://www.google.com.sa/maps/@27.7289163,47.6860103,6z?hl=ar

وما يميز طريق الرياض انك من بعد الخرج ثم الرياض ثم القصيم وحائل والجوف هذا الطريق سريع (يعني 3 مسارات بكل اتجاه) وليس سدين كما في طريق النعيرية الحفر وعرعر .. لكن يلزمك تفلل بنزين بعد خروجك من حائل لقلة محطات الطريق نوعا ما وانا اظن امر محطات الوقود تم اكثارها خبري بالطريق قبل 5 سنوات.

اعتقد بعد مشاهدتك للخرائط ستزول حيرتك كليا بإذن الله. ثم حينها يكون قرارك بيدك.

وأي ملاحظة نحن بخدمتك .

[ريف النشاما]

محطات طرق حائل سكاكا

الطريق الذي يمر الرياض .... متوفر عليه جميع الخدمات
طريق .. حائل - القريات
يقطع النفود الكبير وهناك 3 محطات على هذا الطريق هي كالتالي


هام التعبئة منها آخر محطة قبل النفود مباشرة على يسارك وتقع شرق مدينة حائل
27° 49.504'شمال 41° 33.976'شرق
https://www.google.com/maps/@27.8247252,41.5667215,319m/data=!3m1!1e3


بعدها بحدود 63 كيلوا متر تأتيك مدينة جبة على يسارك
وفيها متحف النائف يستحق الزيارة
https://www.google.com/maps/@28.0311002,41.020453,10533m/data=!3m1!1e3


وبعدها تأتيك محطة العليم على يمينك في وسط النفود
محطة وبقالة فقط
https://www.google.com/maps/@28.7353127,40.339488,14614m/data=!3m1!1e3


وفيه طريق مردوم من المحطة يصل بك إلى جبل العليم والذي يقع شرق الطريق السريع وشرق المحطة
وتشاهده وأنت على السريع
-----------------------------------------------

بعدها يأتيك مثلث

سكاكا = دومة الجندل = طبرجل
https://www.google.com/maps/@29.8551725,39.768268,110054m/data=!3m1!1e3

إذا كنت للسياحة لا تفوت المرور على معالم دومة الجندل

[رمال النفود]

مشاء الله تبارك الله بارك الله فيك رمال النفود

شرح واضح ومميز :good:

وبارك الله فيك أخوي ريف النشاما ..
وجزاك الله خير على جهودك الكبيرة في المنتدى.
أشكرك متابعتك وردوك المتميزة.