باجيرو سبورت فل كامل !!!!

[القناص الشامي]

السلام عليكم ورحمة الله وبركاته

أمس كنت في وكالة ميتسوبيشي مسويين عروض على السيارات

المهم حصلت باجيرو سبورت فل كامل ( 6 سلندر، 3.5 سي سي ، دبل ،كاميرا خلفية ، حساسات ، وشاشة )

كاش بسعر 92850 ريال

معلش طولت عليكم ... السؤال :

حاب أسألكم عن قطع غيارها هل هي غالية صحيح كما قالو ؟

والله يعطيكم العافية ... طولت عليكم :D أفيدونااا

[ريان2002]

وعليكم السلام ورحمة الله وبركاته
نعم صحيح قطع غيارها غاليه وبعض الأعطال ماتلقى فني يعرف لها
لكن مايميز قطعها مع غلائها الكبير أنها أصليه وتركب القطعه وتنساها سنين

[الفهيد بدر]

أسأل مجرب ولا تسأل طبيب الموتر ما عليه خلاف ونأخذ واحد فل قبل 9شهور ب 99700 خذه ولا تشاور القطع متوفره بالوكالة وماهي بذاك الغلاء مثل التيوتا والموتر ممتاز جدا إذا ودك تجربه كلمني على الخاص

[التعـ King ـديل]

ميزه الباجيرو تكده 5 سنوات مايحتاج مسمار

افضل مكينه هي 3.8 ماانصح بال 3.5

[مطر وربيع]

انا صراحة ماجربته لكن
الصناعة تايلندية وهو عبارة عن ونيت متسبيشي مصندق منافس للفورتشنر
انصح بالباجيرو الياباني 3.8 وهو رخيص في المعارض ومواصفاته افضل

[الفهيد بدر]

اخوي مطر أنا مجربه واشوف انه أحسن من الكبير لأنه دفرنس خلفي عكس الكبير يجيك فليور مع الوقت تميل كفراته

[زقم]

اسال مجرب ولا تسأل طبيب
الباجيرو عز الله انه سيارة
شريته موديل 2010 جديد وبعته قبل اسبوع فقط

بدون مبالغة اقول لك اني ما حطيت فيه الا بنزين وزيت وفحمات وبواجي فقط
وطقم كفرات
الموتر ما يطلب ابد ابد
فحماته سعرها اقل من البرادو وحسب ما اعرف ان قطعه متوفرة بشكل كبير عند الوكيل
وعند غيرة
بس نصيحة
مر معارض النسيم تلقى عروض اقل
وانصحك تاخذ المكينه الكبيرة 3800 الي يجي 4 ابواب تبدأ اسعارها من 96 الف

[][][زلفاوي][][]

سلمك الله

معي باجيرو سبورت موديل 2009 شريته مستخدم وارد الامارات واخذته ماشي تقريبا 70الف ما شاء الله تبارك الله الآن ماشي 120الف خلال ما يقارب سنتين ما يستهلك بنزين تقريبا 31 ريال تعبيه فل اما زيت المحرك فاحرص على الزيوت ذات الجودة العالية يعني اللي تمشيك 10آلاف أو 15ألف علشان ترتاح وتجدع همه المحرك لكل فئاته تجي 3500 موتر للعائلة الصغيرة هو بالفعل تصنيع تايلندي لكن تبقى قطع غياره وارد اليابان :good2: اصلية وعليها ضمان وهو ما شاء الله تبارك الله ما يستهلك ابد يعني مثل ما قال الاخ الكريم التعـ King ـديل من متى الى متى يطلب قطع غيار بالنسبة للصيانات فاحرص على الاساسية اول ما اشتريته غيرت زيت القير مع فلتره ولما مشيت 100الف غيرت الجنزير وبعض الامور الاستهلاكية مثل السير والبواجي والفحمات وبالنسبة لقطع الغيار فسعرها معقول وان كنت تبغى البدائل اللي هي الاقل جودة متوفره بالسوق لكن ما انصح بها ابدا اتمنى ان اكون قد قدمت المفيد والله يطرح لك اللي فيه الخير،،

[الهوى جنوبي]

الله يكرمكم جميع من تجارب مع الباجيرو
حماااااااااااااار كد والقطع متوفره بس عند الوكيل لأن الموزعين قليل
موتر ممتاز بس الوكيل ضعيف

[الهوى جنوبي]

اما اسعار القطع
فمابقي شي رخيص حتى قطع غيار السيكل

[القناص الشامي]

الله يعكيم العافية على المعلومات القيمة ,,, وشاكر مروركم ماقصرتو

الله ينفع بكم ...