قصيدة للشاعر غازي بن مهنا في قلة الصيد

[المرتحل]

يامقعد ايام المقانيص زلت=كم واحدبأول شبابه طردها
واليوم تالي هالزمان اضمحلت=تقافت الايام واقفا سعدها
ايام طرد الصيد والهجن ولت=وراع الولع يبكي ليال فقدها
كم عنز ريم بالمشاقيق فلت=في قفرة ماطبها الا ولدها
مابين حاضا والينوفي تعلت=تقطف زماليق الوسامي وحدها
خد بروق الصيف فيه استهلت=في عبلة كاسن شجرها جردها
لازان نبته والخباري تملت=من مزنة يسبق مطرهابردها
يازين شوف اقبالها لاستظلت=في فيضة مانش باقي رثدها
لاشافت القناص ثم استقلت=شافت وخافت ثم اغارت جهدها
ومن بعد ضيع شوفها واسفهلت=لقف لها لين انبطح في وعدها
واطلق عليها بندقه واستجلت=طبق مناكبها على كوع يدها
واليوم خلي الدار ماكن حلت=ياقلها من عقب كثرة عددها
حتى الحباري والكراوين قلت=كم واحد يتعب لها ماوجدها
دنيا تقافى وقتهاواستملت=ماتنعرف حفاتها من رغدها
حتى الموارد تالي الوقت ظلت=تذري عليها النود ماحد وردها
والارض يبست من دهرها وكلت=والسحب تال الوقت كنه رعدها
والناس عن بعض العوايد تخلت=شانت قلوب اهل الوفامن حسدها

ارجو ان تنال استحسانكم . ولكم تحياتي

[قتال]

السلام عليكم ورحمة الله وبركاته ،،

أخوي المرتحل .. صح لسانك ولسان قائلها ..

قصيدة جميلة وواقعية نعيشها الآن للأسف ..

[المرتحل]

صح بدنك وعسى الله يعدلها وانا اخوك وتربع الارض ويكثر الصيد ونستانس حنا وياك وباقي هوات الصيد.

[التغلبي]

قصيدة رائعة جدا ونشكر المرتحل على ادراجها تحياتي واشواقي لك

[الـقــناص]

صح لسانك اخوي المرتحل وصدق قائل القصيده .

اصراحه اننا نعيش من قلت الصيد و ارتفاع الذخيره ، ومن يوم ما طلعة علينا الاجهزة .

اشكرك على ذوقك و اختيارك لهذه القصيده .

وارجووووووووو منك ان تسمعنا مثل هذه القصيده في الايام المقبله انشاء الله ......

[المسفهل]

أخي الحبيب المرتحل ... قصيدة تجسد الواقع خير تجسيد وتصورالزمن الأليم الذي نعيشه هذه الأيام ..

فشكرا لجهودك المتواصلة وإسهاماتك الرائعة.

[المرتحل]

صحت ابدانكم وشكراً على الردود وابشروا بالمزيد انشاء الله .
والعفو يامشرفنا ماقدمنا شي .

[أبوزيد]

قصيدة في غاية الروعة

واقعية جدًا

تسلم أنامل الكاتب


بانتظار المزيد أيها المبدع .

[أخو صــلـفـــه]

آه من هذه القصيدة فهي مثيرة للشجون

فهي صادقة جدًا ، وعاطفتها قوية ، آه ثم آه

بارك الله فيك يامرتحل اختيار يدل على ذوق رفيع .

[المرتحل]

اخوي ابو زيد ومن قال يسلم وشكراً على الزياره .
اخوي اخو صلفة شكراً على الزيارة وبارك الله في الجميع.

[المرتحل]

اسم الشاعر / غازي مهنا الشيباني

[المرتحل]

للرفع

[ذيب مجيرة]

ونعم بقايل القصيدة عز الله انها جزلة وووافية
لاهنت ياولد وبيض الله وجهك

سجل اعجاااااااااااااااااااااااااااااااااااابي

[تالي الاولين*]

.


قصيدة في الصميم

صح لسانك اخوي المرتحل ولسان الشاعر

وعزالله قصيدة تحكي حال القوانيص في هالوقت


.

[ابو جدايل]

جيد . . . جيد

بارك الله فيك ... ياولدي

[عــاشق الشـاص]

مساكم الله بالخير...

قصيدة رائعة لاهنت يالغالي..

قائل القصيدة غازي بن مهنا آل اباالخيل..؟؟؟؟

[المري]

صح السانك والسان الشاعر ابن مهنا

وعز الله انه قصيده رائعه,,,

[المرتحل]

صحت ابدانكم واحب اوضح ان القصيدة للشاعر :-
غازي بن مهنا بن عبدالمحسن العتيبي من قبيلة الشيابين من عتيبة وهو مخرج برنامج الباديه في اذاعة الكويت والقصيدة من ديوانه / شواهد نبطيه .وهذا التعريف ايضا من ديوان المذكور
فما ادري من وين جاب اخوي عاشق الشاص ( آل اباالخيل ) فلعله يوضح لنا هالموضوع . وشكراً للجميع