وش رايكم بسالفه لاتحمي سيارتك ؟؟!!

[سبحان الله 96]

السلام عليكم ورحمة الله وبركاته



يالنشاما وش رايكم بسالفة لاتحمي السيارة يقول شغل واممش
نبي احد الاخوان اللي له خبره بالسيارات

ودمتم

[فارس العمور]

هذي مصدرها الغرب والهدف منها توفير الوقود والوقت فقط
بالنسبة لنا التحميه ايجابيه جدا بغض النظر عن الوقود

[يعرب بن قحطان]

وعليكم السلام ورحمة الله وبركاته
بالنسبة لي أنتظر لحد ما ينزل عداد الRPM وأتوكل على الله.

[طلال مكشاتي]

وعليكم السلام ورحمته الله وبركاته
بالنسبه لي انا
المواتر الحديثه (البخاخات ) 3 دقايق كافيه وبعدها تمشي تدرج
المواتر القديمه ( الكبليتر) 5 الى 10 دقايق
اما بدون تحميه فهذا خطأ.

[مقناص الحفر]

انا اعرفلي رجال .. فاك لندكروزر ايام ال ٢٠٠٩

وكان يدق سلف ويمششي على طوول مايحمي الموتر

بععد ٦ اشهر الموتر قععد يطللع دخان ابيض . ،، وسلامتكم

[أبو شيري]

اذا الصباح مافيه اشكال تخلي االسياره تشتغل خمس دقايق بغض النظر تضر أو ما تضر التحميه

واذا وقت اخر او من مدة قصيره واقف توكل على الله وحرك

[التعـ King ـديل]

انا عن نفسي يوميا صيف وشتاء اشغل السياره واحركها وراء مترين علشان كفرات البالون واوقف غالبا دقيقه او اقل بشي بسيط وامشي بهدوء
مع دعسه خفيفه على البنزين وبالتدريج ازيد والحمدلله رب العالمين اموري طيبه ماشاء الله تبارك الله

[سبحان الله 96]

عندي طلعت مشكلة في قير السيارة نيسان عبارة عن صوت خرفشة
المهم بعد فترة فتحت الكاتلوج وقرأت وجدت الشركة ذكرت ان تشغيل السيارة اثناء الاجواء الباردة والمشي بدون احمائها قد يعرض تروس القير للخراب وهذا ماحصل معي فعلا بعد ماسمعت كلام المنتديات ومشيت بدون تحمية

[سبحان الله 96]

والله يستر من تاليها لايكون الهدف تجاري عشان الخرابات :mad:

[حبل الوريد]

بالنسبه للقير التماتيك يجزي عليه ما يجري على المكينه لازم يحتمي انا الكلام هذا كذب في كذب ما تحمي عطه فتره ورح غير جلد بلوف هذا غير تآكل اجزاء المحرك الكذبه الهدف متها تقليل استخدام الوقود و التقليل من تصاعد الغازات الي يؤثر على طبقة الاوزون وكان العبد الفقير الى ربه هو السبب بالاوزون ما كنه مصانعهم وتجاربهم النوويه وغيره ههههههه

[صحيح]

لازم التحمية وخاصة في الأجواء الباردة

[متيم قنص]

تحمية الموتر من الاسباب بعد اله في طول عمر المحركات
المشي والسياره بارده تجيب لك البلاوي ولنا تجارب عدة
الافضل ان تبقى على التحمية لانو ما شفنا منها ضرر لا قديم ولا السيارات الحديثة

[عابر قفار]

صاحبي طبق رئي ميكانيكي ( لاتحمي وامش وعلى ظمانتي)

المراد صاحبنا ما وصل اخر الشارع الا ماكينة موتره مخبطه

اخواني

عقلآ

المعادن تحتاج الى وقت كافي كي تتمدد وتكون مرنه بحد معين

التحميه مطلوبه لكن نختلف على مدة التحميه

المهم اذا قدر الله عليك وكنت مستعجل وماحميت السيارة بالشكل المعتاد ( لاتسرع ) امش بشويش لين يرتفع موشر الحرارة

من ناحيتي انا ما امشي الا الموشر على الربع شغل شيبان :D

ملاحظة بسيطة قد تكون الشركة تقصد من التحمئه دوران الزيت داخل الماكينة وهو بالطبع يحتاج الى ثواني قليلة حتى يتم دوران الزيت داخل الماكينة :good2:

[.ابومالك]

السلام عليكم

من 25 سنة ولا عمري حميت السيارة اشغل وامشي علي طول
وكل سياراتي تايوتا
والان معاي 2014 له 16 شهر واقسم بالله ماعمري انتظرت حتي تحتمي السيارة ولا فيها اي مشكلة ولله الحمد
واقسم بجلال الله ماعمري وضبت مكينة او قير
وكل سياراتي افكها جديدة وبعد 3 او 4 سنوات اغير
ماعدي جي اكس ار 2003 جلس 4 سنوات معي وبعتة ولم يشتكي من قير او مكينة
و اسكويا 2009 جلس 4.5 سنوات وبعتة ولم يشتكي من قير او مكينة

فقط احافظ علي تغيير الزيت مع السيفون كل مرة من 8000 الي 10000 كيلو

[وضاح القمر]

الله سبحانه هو العالم.. لكن من خلال قناعتي أن السيارة بعد التشغيل لو كان المحرك بارد.. جرب وامش وهي باردة ولاحظ صوت المكينة يختلف عما لو كانت محتمية.. أيضا القير يبطي مايغير للنمرة الثانية وهو بارد

ناهيكم عن ضعف عزم السيارة.. وكل واحد وقناعته وسلامتكم

[العنابي 616]

أبد ما قد حميت موتر من مواتري أبد
العلم و مصنعين السيارات و الخبراء و التجربة كلها أثبتت ان السيارة ما تحتاج تسخين

لكن بعض الناس يحب الفلسفة

[حسين السبيعي]

اقول من يقول شغل وامش هذا مصدق كلام مصانع السيارات عشان توظب ؟؟ عدم تحمية السياره يسبب 1 خرب جلد البلوف2 خراب ميزانية البلوف3 سرعة خراب الشنابر 4صرف الزيت5 اصوات في البلوف والسبايك ؟؟؟ وصدق ولا تصدق؟؟؟ وكل واحد حر في سيارته انت المتضرر ومااحد معطيك قيمة القطع او شغل المكنيكي اذاتعطلة سيارته وخلا الئ يقول لا تحمئ سيارتك ينفعك

[sha3lan2011]

انا بالنسبة لي التحمية ضرورية لكن لا تزيد عن المعقول 4 دقايق كافية
منها يرتفع الزيت والثاني اعتدال الحرارة في المكينة مو شرط يرنفع مؤشر الحرارة
لأنه يبداء الطرد الحرارة الى حساس الحرارة

[E Teacher]

بالصباح بالكثير وقت الصيف من دقيقتين الى ثلاث دقايق
وبالشتاء بالكثير خمسه دقايق
ليش مستعجلين ؟ ومنها فوائد كثيره مثل الدعاء - اللهم اني اعوذ بك ان اضل او اضل او ازل او ازل او اظلم او اظلم او اجهل او يجهل علي -
بسم الله امنت بالله استعنت بالله اعتصمت بالله توكلت على الله لا حول ولا قوة الا بالله.
اذكر الله واستغفر ربك لمدة 3 دقايق وبعدين توكل على الله
هذا علمي وسلامتكم

[الوافي512]

بين كل هالكلام والاراء الطيبة

فيه سؤال ؟!!!!!

ليش حاطين خاصية التشغيل عن بعد

بالسيارات الامريكية من قديم والحين باليابانية

اذا التسخين ماله داعي معناها هالميزة مالها داعي ايضاً

انا من واقع تجربة اشوف نقص الحرارة يضر وخصوصا قيور التماتيك

بالنسبة للسيارات الامريكية

بعض سيارات فورد فيها امبير لقياس حرارة القير


لكن التحمية ماتضر 3 دقائق اشوفها كافية الا في اوقات البرد الشديد

وشكراً

[A7MAD-STYLE]

أنا أشوف ان الأفضل هو انتظار عداد الـ RPM لين يوصل 1000 أو ينزل تحته
لكي لا يتأثر كلتشات القير عند التعشيق بعد تشغيل السياره مباشره والله أعلم

[ابوقاسم]

التحمية لابد منها
تخيل انك تصحى من نومتك وتقوم تركض
بتطيح على وجهك من تالي خطوتين
التحمية تهيئ المحرك للتسارع وهو ساخن والبساتم ماخذه راحتها لان احتكاك البساتم مع جدار المكينة قب الاحتماء يسبب في تآكلهما ويجيك بعدين نقص الزيت واحتراقه وبلاويه من تخبيط وتوضيب وخلافه
والتحميه المعقولة مدة دقيقتين كافية جدا صيف وشتا
والعلم عند الله

[الذئب الاليف]

وعليكم السلام ورحمة الله وبركاته



اشغل بعد ماينزل مؤشر ضغط الهواء امشي وبشويش

المؤشر وقته حسب الجو

[علبات]

معي باترول له 14 سنه من هاليوم وماعمري حميته اللهم اني انتضر ابو نص دقيقه لين مايرقى الزيت بعدين امشي شوي شوي وبعدها اخذ راحتي وماعمري وديتها للورشه من ناحية توضيب للمكينه وغيره.
وبعض الاحيان امشي والحرارة توها ما ارتفعت على ال 0 توصل للشخطه الآولى وانا واصل للمكان اللي آبيه

[لامبالي]

انا كلمت صديقي لي في العمل ميكانيكي سيارات يقول ماعمري حميت السيارة اشغل وامشي بس ما اسرع مشي خفيف بتدريج
,
وانا كنت احمي السيارة وبعدين امشي سيارتي النترا 14
ثم صرت اعطي السياره دقيقتين وبعدها امشي بتدريج والحمد لله محافظ على الزيت والموية والامور طيبة ماصار الا كل خير

[قمر القصب]

تختلف السيارات القديمه عن السيارات حاليا

القديمه ذات الكابليتر لابد من التحميه

الحديثه ذات البخاخات لاتحتاج الى تحميه . لكن يراعى المشي الخفيف في البداية مع ملاحظة عدم الدعس على وطاية الوقود بسرعة مفاجئة قبل ان يرتفع مؤشر الحراره وسلامتكم

[صاروخ الغطغط]

من ناحيتي في الصيف مافيه مشكله دقيقه لاقمت الصباح اما الشتا قد شغلت السياره ومشيت مهيب صافيه مكينتها لين تسخن ونا من رايي تشغل السياره لين يطلع الزيت في جميع انحا المكينه

[مشاغب شوي]

انا من رائيي ان كل سيارة تختلف عن الثانية.. الكاتلوج هو اللي يحدد تحمي ولا لا،، دقيقة ولا دقيقتين.

لان اللي صنعها ابخص في تحديد الافضل للسيارة.

الشركات تسوي اختبارات وابحاث لمدة طويلة تصرف عليها ملايين عشان يحددون المقاييس والتعليمات الافضل للاستخدام

[مسير عليكم]

عطوني ضمان ٥٠٠ الف على المكينه وبعدين قلولو لا تحمي...!

[بومهاجر]

والله ياخوي لازم تحميه شوي وخصيصا كالربيترات

[خالي الهم]

كلام فاضي جربتها وخرب المنيفولت لاتمشي الا اذا نزل الريس للضغط الطبيعي