وين اللي مولع في القلص (المقطورة) يفيدنا

[الدبوس]

ودي أشتري قلص صغير (مقطورة) لسيارة دفع رباعي وأبغى شوركم وش السلبيات والايجابيات والمشاكل وأنواعها ونوع الهوك وش أضمنها وأمكان بيعها أو تأجيرها ومواصفاتها ، لأني سويت بحث في مكشات مالقيت إلا موضوع واحد ومبالغ فيه من ناحية كثرة العدة والزهاب . فاللي عنده خبرة وإلا رابط لا يبخل علينا وله جزيل الشكر ووافر الدعاء .

[راعي الرجم]

انا انصحك عند تفصيل مقطوره مايلي


ان يكون طول المقطوره اطول من عرضها مثال الطول 2 متر
العرض 1.35
ان يكون مقدمتها انزل والخلف ارفع حتى تكون متكيه على الهوك بذالك تكون راسيه ولا ترج معك او يختل توازنها

مراعات طول الهيكل السحاب بحيث ان يكون الطول في حالة اللف (الانعطاف لليمين واليسار) لا يحتك باي جنب من اجناب السيارة

اختيار اسلاك الاسطبات من محلات الكهرباء التي تكون مبرومه وبداخلها اربع خطوط ونوع السلك الناعم هذة الاسلاك غلافها ابيض وبداخلها اربع خطوط ازرق واحمر واخضر بني
بالنسبه للكفرات ان كان الطريق مزفلت فاختر التي جنوطها صغيره
ك جنط 10 واعتقد لن تجده او 12 حتى تكون واطيه وتكون ارسى لها

تجعل الكفرات والجنوط بارزه عن حوض المقطوره
اختر الهوك الذي له رمانه حتى تكون اكثر مرونه في السير واقل رجه وقرقعه
ضع سلسله تربط في الهوك كامان له
هذا مايحضرني الان بالنسبة للمواصفات المهمه

[خيال نجد]

بدون ما أتكلم وبدون شرح

كل ما تتمناه في هذا الرابط وزياده

http://www.mekshat.com/vb/showthread.php?t=65076&page=1&pp=15


ودمتم سالمين

[ابوسفرجل]

فيه محل في الرياض طريق خريص قبل شركة الجميح كبير مااذكر اسمه فيه قلص (مقطورة) قيمته الفين ريال ستيل وشكله زين مر وشفه يمكن ينفع . وفيه في ساكو واحد تقريبا نفس الحجم بس سعره حول السته الاف . وفيه العاديات المصنوعه محلياً لكن الصراحه مالقيت احد يشجع على القلص كل مابغيت اشتري لقيت من يعذرب ولا ادري وش الاسباب .

[سالم بن سالم]

افضل مكان لتفصيل القلوص ( ورشة رتل ) فصلت قلص للدباب من عندهم ممتاز جداً بمبلغ 1200ريال فقط وصاحب الورشة سعودي امين جداً يعمل لك افضل المواصفات سواء بمتانة الحديد او الجنوط اوالكفرات اوالرمانات ولديه خبرة طويلة في انتاجها كما ان اسعاره منخفضة جداً مقارنة مع نفس المواصفات للشركات والورش الاخرى .
من يريد رقم صاحب الورشة يجده عند محل البرية للوازم الرحلات مقابل الكلية المتوسطة من جهة الشرق ( حي السلام )

[ابوريم1]

السلام عليكم

اخوي انا شريت وحده قريب وقبل لااشتريها سويت بحث.

علشان تقدر تحدد اختيارك لابد تضع شروط لك, مثل السعر , السعة , الشكل الخارجي, واخيرا واهمها الا وهو السلامة.

الموجود في السوق :
1- مصنع الضويان في القصيم (اشكال روعة ويتم تجيزها بالكامل علي مااعتقد والسعر من 5000 وانت طالع.
2- القاضي لاشكل ولا سعر (الاسعار تبدء من 6000 )
3- العليان يوجد لديه صيني بسعر 1900 ريال تقريبا(مايحتاج وصف يكفي انه صيني)
4- ورش متنوعة في الرياض والقصيم باجتهادات فردية لاترتقي للحرفيه.

بما ان سلامتك انت وسيارتك من الاولويات لان لاسمح الله اذا شريت رخيص او معدل السلامه فيها منخفض ممكن تسبب انقلاب للقلص وتسبب اضرار لك.

الخيار الاخير والذي انشاء الله يكون مناسب لك (طبعا انا توني شاريه)

هي عربات فرنسية ممتازه مطابقه للمواصفات السلامه الاوربية باشكال وانواع مختلفة.

القلص الي معاي مقاس 158 (150سم*105سم) بسعر 5500 ريال (يزود وينقص)
بس تاخذ شي وانت مرتاح (مصنوع من الالمنيوم من غير اي لحيم)

وحسب كلام الموظف ذكر اني اقدر السير بسرعة 160 وانا مطمأن انشاء الله.
الرياض
موقعهم مخرج 8 بعد شرطة غرناطة ب 500 متر وانت متجه للشرق

(طبعا ان لا اعمل عندهم لاكن والحق يقال ان معاملتهم جدا ممتازه وقطع الغيار متوفره)

بس للاسف يفتقدون للدعاية.

اسف علي الاطاله

ودمتم

[الدبوس]

http://www.mekshat.com/vb/images/avatars/ksa.gif (http://www.mekshat.com/vb/member.php?u=10368)راعي الرجم (http://www.mekshat.com/vb/member.php?u=10368) http://www.mekshat.com/vb/images/statusicon/user_offline.gif vbmenu_register("postmenu_618931", true);
عضو مكشاتي


http://www.mekshat.com/vb/images/avatars/21.gif (http://www.mekshat.com/vb/member.php?u=23868)خيال نجد (http://www.mekshat.com/vb/member.php?u=23868) http://www.mekshat.com/vb/images/statusicon/user_offline.gif vbmenu_register("postmenu_619253", true);
http://www.mekshat.com/vb/images/ranks/medal3.gif

ابوسفرجل (http://www.mekshat.com/vb/member.php?u=39179) http://www.mekshat.com/vb/images/statusicon/user_offline.gif vbmenu_register("postmenu_619531", true);
عضو مكشاتي
سالم بن سالم (http://www.mekshat.com/vb/member.php?u=38025) http://www.mekshat.com/vb/images/statusicon/user_offline.gif vbmenu_register("postmenu_621579", true);
عضو مكشاتي
ابوريم1 (http://www.mekshat.com/vb/member.php?u=41048) http://www.mekshat.com/vb/images/statusicon/user_offline.gif vbmenu_register("postmenu_622004", true);
عضو مكشاتي

شكراً على مروركم ولكن يهمني الصوت (القربعة ) والتجهيز من تانكي الماء والتخزين للغرض (دبابات - حطب - فرش - معدات بسيطة . . إلخ) .

[المستوي 1]

يمكن يصلح لك...

http://70.86.213.226/~mekshat/vb/showthread.php?t=69020

[فهد الفراج]

عندي خبره في القلوص وفصلها
واذا تبي المعلومات الكافيه راسلني على الخاص وابشر بسعدك
ولي رجعه للموضوع وافيدك لكي يستفيد الجميع من الموضوع

[خاطف الأعضاء]

شف هاذا الرابطhttp://www.alfarraj-ws.com/vb/showthread.php?t=2