اليسوزو الجديد وش رايكم ياشباب

[ابوقاهر]

السلام عليكم ياهل اليسوزو ودي اشري واحد جديد بك اب وش تنصحوني فيه اكون شاكر لكم وش هي مميزاته وعيوبه وهو دفرنشين والا واحد

ارجو الرد سريعا==========

[الكلاسك]

اسمع تجربتي ولا اقولك اقراء تجربتي دفرنسين ايسوزو 2005 ديزل هذه السياره طال عمرك بها المكينه قوتها 2.5 دي ما تنفع ولا بريال عطها العمال ولا سواق بيتكم ومن زين الطبايع حاطين دفرنسين واذا مشيت لازم تحط رجلك على كامل الدعسه ما يمشي الا كذا لا يجيني واحد يتميلح يقولي يمكن فيها خراب رجعها للوكاله.. السياره كذا ضعيفه جدا وجدا وجد جدا بعد تعبت من كثر ما اكتب جدا فيها ميزه وحده انها شكلها حلو مريحه في المشي في البر ما تقرقع تشغيل الدبل بلمسة زر عموما اللي جرب الديزل تربو والبنزين يفيدك في هالنوعيه لكن انحش من النوع اللي عندي ولا تراك بتتحسف وسلامتك

[س هـ ى دماكس]

السلام عليكم ورحمة الله وبركاتة

مع احترامي وتقديري للأخ / الكلاسك

كلامك غير صحيح ! ! !

السوزو الديماكس التريبو 3،0

و أنا ممن يستخدم هذه السيارة من مدة سنتين و هي مديل 2005 4×4

و الله السيارة خيالية في كل شي في السفر و البر و الديرة و ليس فيها عيب البتة

أما قولك ضعيفة فهذا مجانب للصواب

وحتى في النفود و الطين و السجب أن جربت السيارة و الله ماعليها كلام

أخي أبو قاهر خذ السيارة و توكل على الله .

و الله يعطيك خيرها يكفيك شرها .

للمعلومية فيها عيب واحد فقط وهو أن تانكي الديزل يمشيك من 550 إلى 600 كم فقط

وهو العيب الوحيد .

[كاشت شمال]

هلا بخوي ,,

انا بصراحة كان معي ديزل 2002 - الشكل القديم ديزل غمارتين- كرفتها كرف ماكرفته للتويوتا ولاالنيسان وانا اشهد انه موتر في سنتين مشا معي اكثر من 250الف وكنت اجور عليه في الزيت والدوووس بالخطوط ويشهد الله اني ماشفت منه إلا كل خير, ولم يطلب مني اي شيء حتى الفحمات والقماشات لم اغيرها وبعتها ولم اغير فيها سوى الكفرات وكنت اعبيها بـ 19 ريال فل وتمشيني 750 كيلو ماشاء الله تبارك الله.

وانصحك إذا انت راعي سرعة وتطعيس لاتشتريها الموتر رايق ويبي تكرفة لما يقول باكر العيد بس مايصلحله التطعيس بالتمشي في البر رائع جداً وفي الديرة والخطوط كنك تسوق صغيرة ماشاء الله.

[اسيزو 4x4]

السيزو الجديد قوووووي جدا خاصة إذا كان 3000 سي سي

ولا تدور غيرة ونيت

...

[نيشان نجد/]

أنصحك وبقوه أنا عندي 2006 المكينه 3.0 دفرنسين مشي عليه 45 ألف ما شفت منه مكروه والله يعلم إني أكرفه كرف لوتشوفه تقول مهبول
فنفود والحجر والأرض الوعره والمويه كله مايحتاج توكل على الله و خذه

وننتظر تنزل موضوع باسم
باخوان أبشركم شريت سوزو دبل وش أحط من عدة البر ...................

[سلكي نت]

توكل على الله انا الحمد لله شريت وحدة من 4 اشهر 2007 فل كامل 4×4.. ما شاء الله لا قوة الا بالله سيارة لا يعلى عليها
مريحة وقوية مثل ما قال اخزنا الكلاسك غير 3000 ماكينة لا تاخذ

[ابوقاهر]

الكلاسك =س ه ي دماكس= كاشت شمال=اسيزو4*4= نيشان نجد= سلكي نت

الله يعطيكم العافيه كفيتو ووفيتو والله اني استفدت من كل واحد فيكم ومشكورين على الردود الرائعه وانا ان شاء الله باشتري لي واحد جديد 2007 4*4والمكينه 3000 سي سي ومشكورررررررررررررين.......

[فـــــلاح]

توني شاري واحد اليوم

موديله 2007 مكينة 3000 رمادي

من اليمني

سعره الآن 68 ألف

يا بلاش كان قبل فتره 74 ألف

والحين عرض لا يفووووووووووووووتك

وعز الله مريح على طريق خريص بس ما بعد جربته في الصمان ههههههه

[hisham.555]

مساكم الله بالخير انا مشتري واحد 3000 تيربو من سنه تقريبا ،عز الله انه يرفع الراس ، راح اطرح بعض المزايا والتعديلات 1)انا اشتريته من با خشب في جده وكان يفرق قرابه 4000 2)مطبه خيف ما كانك راكب وانيت بذات الى راكب وراء يلاحظ ذلك 3) انا غيره كفراته وركبت كفرات لاند كروزر برجستون طلع الكفر عريض ورفيع مريح جدا بالنفود وشكله جميل 4) مراتبه الاماميه مفصوله ومريحه 5) يعاب على الدفرنسين انه يشتغل بزرار فقد يضغطه احد الاطفال وانت تمشي بسرعه عاليه 6)مريح عند التفاتيش عكس الهايلكس والددسن

[((فانتوم))]

الاخ الفاضل



الايسوزو دي ماكس سيارة اثبت جودتها العالية وللمعلومية



في اختبار قوة الجر للمحور الخلفي ( الدفرنس ) فان الايسوزو دي ماكس تستطيع جر



3000 كيلو جرام اي مايعادل 3 طن والهايلوكس من تويوتا 2250 كيلو اي مايعادل 2.250 طن



ولك الحكم فلذلك فان الكرونة والبنيون افضل بكثير زد على ذلك قوة المحرك والسيارة ذات تصميم رائع



تحياتي لك

فانتوم .

[الجفن]

انا مع جميع الشباب انه موتر يمكن يتحمل بس الي ما ني قادر اهضمه انهم يقلون قويه كيف تكون قويه وهي ديزل واربع سلندر صعب يا شباب والله صعب صح انه موتر يمشي حالك بس هذا موتر اربع سلندر انا اشوف ان الي الهايلكس او الددسن بدون دبل تجي اخف من الي تجي بدبل وايضا اسيزو مع اني ما هضمت السيزو لانه بصراحه معطينه اكثر من حجمه مهما كان ما يتقارن في الهلي او الددسن وينه من قبل عشر سنوات صعب يتنافس مع الهلي وادادسن بصراحه

[القويعي]

رأي انه مويتر قوي جدا بالنفود

ويتحمل اكثر من الهلي والددسن