واسندتها للي صعيب العراكا××يوسف معه غنيت والقافيه حبك

[صافى السريره]

بسم الله الرحمن الرحيم

نظمتها نظم( ن) كليف المحاكا
........................ مسبوك مسكوك(ن) كما المال لا سك

واسندتها للي صعيب العراكا
............................... يوسف معه غنيت والقافيه حبك

معلوم ما ياتيك معه ارتباكا
........................... .. كلام مبني(ن) على محكم الصك

لا ماخذ(ن) من ذا ولا سال ذاكا
.......................... ولا حاك في نفسي من القول بك شك

أفكرت في دنيا(ن) بها ذا وذاكا
................................ خلطت معانيها ولا عاد تنفك

صار الذهب والصفر فيه اشتراكا
........................... ما عاد تفرق يوم غشت على السبك

وسحابة(ن) زلة وحنا هلاكا
......................... وباقي سراب القيض والقيض به ضنك

يابن خليفه مجمل العلم جاكا
................................. وانت البخيص اللي تمحص وتدرك
آل- بوهلال التميمي (ابوراكان)

[أبوعبدالرحمن99]

ما دام يا حرفي خيالي تراكا =في روضةٍ فيها الزهر زان يعجبك

و البدع طاب و طايف الفكر جاكا = اسرج خيول الشعر و اختار طايبك

للي هجوسه يوم جادن عطاكا = عذب القصيد اللي معانيه تطربك

اكتب لابو راكان عاطر شذاكا = واكمل بها مع فايح الطيب واجبك

يسند بيوته يم طودٍ تحاكى= مع غيمةٍ في عالي الجو تجذبك

منها حقوق الوبل بالغيث جاكا = ينثر همايل وبلها من سحايبك

ابو خليفة راعي الساس ذاكا = اللي رست ـ يا خيمتي ـ به طنايبك

انا اشهد انا ما لحقنا عطاكا = و ان الوفا دايم على الدرب صاحبك

[عدم الانحياز]

وعليكم السلام ورحمة الله وبركاته
محاولة مجارة لأخواني صافي السريرة واسير النور ومجرد اجتماع اسميهما مع الاخ الفاضل يوسف الخليفه يدفعني لذلك طربا بوجودهم


اقبلت يامجلس وبالذات هاكا
لجلك نظمت القاف واقول مطيبك
في صفحة تجمع عصايب رشاكا
اللي لهم فعل على الطول يصلبك
يابادع حرفه وبالفن حاكا
قافه يصوغ الزين وجيك به حبك
هذا التميمي فوق عرشه تراكا
وهذا اسير النور يقبل بها سبك
ولا الخليفه نجم زين سماكا
فعله قديم اسس الدور وازهبك
كل يجيب الزين لجلك فداكا
صافي قراح تسكبه طاب مشربك
حبيت اشارك واشكر اللي بداكا
واللي سعو لك بالنوادر وماعجبك
والشكر موصول لكلٍ وذاكا
اللي يشارك بالترانيم واطربك

ودمتم سالمين

[صافى السريره]

بسم الله الرحمن الرحيم

صدر القصيده يوم ولّف على كا
............................ والعجز له كاف(ن) سكونه يجاوبك

تزلزل آبانات وطويق حاكا
.......................... ووادي الرْمه يجري به السيل مصطك

ياحي اسيرالنور حالي نباكا
.......................... تقلط على دار(ن) بها الباب ماصك

وعديم ما ينحاز الذا وذاكا
........................ اظفى على الصفحه جواهر ويطربك

واقول للي حلّ لا فض فاكا
........................... انعم وأكرم بالمجاري هلا(ن) بك

النظم زان وقد كمل باشتراكا
........................... مع نقوة الشّعار والشعر يعجبك

والحي يحيي فيك كل الحراكا
.......................... ويدعيك تمسك في تلابيبها مسك

واللي قصد بالقول لو غاب جاكا
............................ مثل السحاب اللي غمامه يظللك
آل- بوهلال التميمي(ابوراكان)

[عجيبان]

السلام عليكم

اخواني انا لست بشاعر ولاكن حبيت اشارككم
ارجو منكم التعليق على القصيده ، و اعلم ربما هناك الخلل الكثير فيها




جاكم صعيب القاف ماهو وزاكا=
الي بوزنه دايم الدوم يعجبك
الي تعب وزن القوافي وجاكا =
قافً على قافً طلع من قريحتك
عندي نصيحه وانتبه من هذاكا =
الي بظهرك ماحفض حق عشرتك
لامن حكى فيك الردي او هجاكا =
تلقاه مثل الطير في ماطرً صك
ابعد عنه لا تلتفتله تراكا=
في غنّوتً عن عشرت الي يتعبك
خلك مع الي لصعايب يحاكا =
الي اغتنمها في يمينه ودسمك
ماهو كثير القول والى حناكا =
وافعاله الي بالجمايل تكملك
واختم كلامي يا صلاتي علاكا=
يالي بوسط الغار فاداك صاحبك

[أبوعبدالرحمن99]

ياللي بوسط الغار فاداك صاحبك،،،
اللهم صلِّ على سيدنا و نبينا محمد و على آله و صحبه ،،
و ارض اللهم عن أبي بكر الصديق و عن الصحابة أجمعين .

صح لسانك يا عجيبان،،
تحياتي .

[صافى السريره]

]الشكر والتقدير للشعراء الفحول : عدم الانحياز؛ أسير النور. ؛وعجيبان. .. وبارك الله في أبياتي المتواضعة التي أهاضت قريحة شعراء مثلكم فانا تلميذ لكل واحد منكم. تقبلو تقديري واعتزازي. ولكن : ..........................................و سحابة(ن)زلة وحنا هلاكا .............. وباقي سحاب القيض والقيض به ضنك

[صافى السريره]

ما دام يا حرفي خيالي تراكا =في روضةٍ فيها الزهر زان يعجبك

و البدع طاب و طايف الفكر جاكا = اسرج خيول الشعر و اختار طايبك

للي هجوسه يوم جادن عطاكا = عذب القصيد اللي معانيه تطربك

اكتب لابو راكان عاطر شذاكا = واكمل بها مع فايح الطيب واجبك

يسند بيوته يم طودٍ تحاكى= مع غيمةٍ في عالي الجو تجذبك

منها حقوق الوبل بالغيث جاكا = ينثر همايل وبلها من سحايبك

ابو خليفة راعي الساس ذاكا = اللي رست ـ يا خيمتي ـ به طنايبك

انا اشهد انا ما لحقنا عطاكا = و ان الوفا دايم على الدرب صاحبك





صح لسانك يا ابوعبد الرحمن مافيك حيله

[احمدالدمام]

اخوي صافي السريرة واستاذنا ومشرفنا القدير ابو عبدالرحمن وباقي الأخوة صح السانكم
امتعتونا بابياتكم الجزلة واطربتونا بالجرس الموسيقي بمجاراتكم

يشبه صدى صوت يردد نداكا
سن السيوف الي تسله بعد سبك

[يوسف الخليفة1]

يا آل ابو هلال انا وانت نتحاكا=بين الضماير ما بها اللي لها فك
تصهل بها بين الحنايا الرماكا=مضمره دكت حنايا الحشا دك
كنه على البال حلبي ضغط كاكا=مغلوقة البيبان مقضوبه بشرك
اللي مضا خله بدربه وراكا=واللي بقا فيه الحلا الزين يطربك
ما قصر اللي في بحركم تراكا=ما قلتها تهوال ولا جبتها هك
وامقدر شعورك سماي بسماكا=تشبر مدا وقتي وانا مثلك اشبرك
الله يحيي يالصميدع نباكا=الخاطر بفرقا اللي شرواك منتك
هذا اختصاري يسعد الله مساكا=مع مقبل الايام يا مرحبا بك

[صافى السريره]

يا آل ابو هلال انا وانت نتحاكا=بين الضماير ما بها اللي لها فك
تصهل بها بين الحنايا الرماكا=مضمره دكت حنايا الحشا دك
كنه على البال حلبي ضغط كاكا=مغلوقة البيبان مقضوبه بشرك
اللي مضا خله بدربه وراكا=واللي بقا فيه الحلا الزين يطربك
ما قصر اللي في بحركم تراكا=ما قلتها تهوال ولا جبتها هك
وامقدر شعورك سماي بسماكا=تشبر مدا وقتي وانا مثلك اشبرك
الله يحيي يالصميدع نباكا=الخاطر بفرقا اللي شرواك منتك
هذا اختصاري يسعد الله مساكا=مع مقبل الايام يا مرحبا بك

الله يحييك يابوعبدالله ماقصرت والحمدلله على السلامه ؛ والقلوب شواهد .رحم الله ام يوسف واسكنها في فسيح جناته وجعلها الله في منزلة العليين من عباده .

[bebeto20]

الله يعطيك العافية

[صافى السريره]

اخوي صافي السريرة واستاذنا ومشرفنا القدير ابو عبدالرحمن وباقي الأخوة صح السانكم
امتعتونا بابياتكم الجزلة واطربتونا بالجرس الموسيقي بمجاراتكم

يشبه صدى صوت يردد نداكا
سن السيوف الي تسله بعد سبك
حياك ربي ياخوي احمد وشرفت