#اسطلاع,, كل من جرب شركه تضليل ,لومار , ثري ام , زيبارت, الخ

[مسير عليكم]

السلام عليكم ,,

كيف حالكم يا شباب عساكم بخير

اليوم حبيت اسوي استطلاع معكم الله يحفضكم بخصوص شركات التضليل

طبعا يهمني تجربت كل واحد فيكم يعطينا الشركه ونوع الفلم وكيف العزل و الوضوح بالفلم واخيرا ملاحضاتك عليهم بالشغل لانها تهم كل واحد قرى هنا والكل يبي يستفيد وان كان واحد ناوي يركب ويبي خصم نكون قورب ونروح لهم

من ناحيتي انا مابعد جربت وناوي اركب ومحتار وخصوصن مع شركه 3m صار حتى محلات الزينه يجيبونها فماعاد ندري من الزين من الشين وخصوصن التركيب يهمني جدا جدا وشغل الغرابي مابيه يجيك شاطف نص القزاز ومسوي اكشن بالموس على الربلات والبلا يقول امريكي وهو نصاب جربته في موتري وتحسفت الحين صارت متموجه والي قدام انواع الغبش قال اصبر يومين تروح وخليها اسبوع والله وكيلكم لعبت في عيوني مافيها اي صفاوه ولاعزل حقيقي .

هذي تجربتي وانتضر تجاربكم ياغالين ,,:f

[cadillac911]

الصراحه أنا أشتريه الرول كامل بالكرتونه وأروح عند واحد اعرفه يركبه بحدود 150 ريال كامل السيارة من داخل


اذكر الله تكسب حسنة

[maj-vip]

وعليكم السلام ورحمة الله وبركاته
بعد تجربة محل بروتكت ماكس PROTECTMAX في الاحساء
و جيو شيلد الخبر و زيبارت الخبر بعد المدح والتجربة :

بروتكت ماكس PROTECTMAX( كابرس)
التكلف 3200 ريال تظليل و حماية مقدمة السيارة ورش الصدأ
1- حماية مقدمة السيارة بعد مرور 2 سنتين تغير لونها إلى الاصفر
2- التظليل بعد التجربة على الموقع تحت درجة حرارة 50 لا يوجد فرق بين السيارة الي عليه تظليل أو الي ما عليه تظليل برضوا سيئ جداً

جيوش يلد ¬(كابرس )
طبعن تم تركيب عازل النانو سرميك أخر ما نزل في السوق عام 2012
طبعن التجربة على سيارة واحد من الشباب
1- لا يوجد فرق بين السيارة الي عليه تظليل أو الي ما عليه تظليل برضوا سيئ جداً

زيبارت أخر حل (يوكن)
تم تجربة بعد عناء مع المحلات أقلبها كذب في كذاب ودعايات
طبعاً تم تركيب التظليل كامل 2800 مع عازل أنوار 400 (3200) طبعاً السعر غالي كثير بس ما شاء الله الفرق واضح في العزل عز الظهر تحت درجة حرارة (55)
هذا بعد تجربة شخصية بعد فترة من الاستخدام من 2 إلى 6 سنوات

[مسير عليكم]

يعطيك العافيه اخوي كدلك شغل الزينه تعبت منه وكله غبش

maj-vip اشكرك على اضافتك وتجربتك بس بالنسبه لزيبارت كيف الصفاوه والاحترافيه بالقص

[SAS2]

جربت فقط جيوشيلد سيئة جدا من ناحية الحماية من الشمس ومثل كلام اخوي ما كني مركبها كلفت تقريبا ٢٤٠٠

[maj-vip]

يعطيك العافيه اخوي كدلك شغل الزينه تعبت منه وكله غبش

maj-vip اشكرك على اضافتك وتجربتك بس بالنسبه لزيبارت كيف الصفاوه والاحترافيه بالقص

المقاس يظهر بالكمبيوتر مافي قص
صافي مافي هواء أو يحط مناديل بعد التركيب زي بعض الشركات:D
بس نصيحة اذا بتركب خلها لين الصيف يدخل يعني توصل الحرار 40-45

[ريان2002]

أنا مركب عازل إسمه ريفيكس من شركه يمكن الغالبيه مايعرفها إسمها كارتك في جده
من تسع سنوات إلى الآن لا لونه تغير ولا قوته في العزل ممتاز ومايجيك من الشمس غير نورها

جربت ثري إم وكان فاشل بكل المقاييس من أول يوم عندما قارنته بالريفيكس

إذا كنت محتار وخايف تتورط فركب عازل من شركة في كول ولا أعرف أحد ركب عندهم وما رضي عليهم

[م.سعيد]

ركبت في كول لكامل السيارة من سنة 2009 الى حد الان..جودة فلم وخدمة ممتازة..
جربت على سيارة اخرى لومار CTX لجميع النوافذ ومن الامام airblue سنة 2013 ولحد الان..ممتاز
الشراء كان عن طريق النت والتركيب في احدى المحلات..

[مسير عليكم]

الله يعطيكم العافيه
اخري ريان2002 وش الفلم الي ركبته من 3 ام لان عندها 5 افلام انت وش عطوك لان عندهم fx زي قلته ماينفع ودايم عليه عروض500 ريال

م سعيد الله يعطيك العافيه واشكرك على اقتراحك

Maj-vip ماشاء الله اعجبتني ملاحضتك هههههه خصوصن المناديل شغل محلات الزين ذا

[مسير عليكم]

انتظر مشاركات باقي الاخوان

[مطر وربيع]

الدرجة الاولى والاغلى شيء الفي كول لكن سمعت انه يؤثر على الخريطة gps
الدرجة الثاني 3ام لكن في نوع عندهم اسمه كرستيال لاين ممتاز ولا يوثر على الخرايط
الدرجة الثالثة جونسون وطقتها الخ
والتضليل الكوري الرخيص الي في محلات الزينة حده 6 شهور سنه ويغبش ويروح لونه !!

[cadillac911]

الدرجة الاولى والاغلى شيء الفي كول لكن سمعت انه يؤثر على الخريطة gps
الدرجة الثاني 3ام لكن في نوع عندهم اسمه كرستيال لاين ممتاز ولا يوثر على الخرايط
الدرجة الثالثة جونسون وطقتها الخ
والتضليل الكوري الرخيص الي في محلات الزينة حده 6 شهور سنه ويغبش ويروح لونه !!


عدم المؤاخذة اخوي التظليل الكوري شريته من 2009 وركبته من داخل السيارة وما غبش ولا تغيير لونه الين ما بعت السيارة في 2014


اذكر الله تكسب حسنة

[مسير عليكم]

اخوي كدلك تعال اوريك موتري مضلله ٢٠١٢ الحين انواع التموجات وعزله سيء الكوري لايقارن بالشركات هذي وخصوصن في العزل والصفاوه وحط خطين تحت الصفاوه
اخوي مطر وربيع اشكرك على اضافتك بس ٦ شهور قويه هههههه قل سنه ويبهت والثانيه تشوف ابداعات التموج انا مضلل كوري وللاسف البخل شين اشيل هم السفر في الضهريات من الشمس وحس بضربتها براسي

[cadillac911]

اخوي كدلك تعال اوريك موتري مضلله ???? الحين انواع التموجات وعزله سيء الكوري لايقارن بالشركات هذي وخصوصن في العزل والصفاوه وحط خطين تحت الصفاوه
اخوي مطر وربيع اشكرك على اضافتك بس ? شهور قويه هههههه قل سنه ويبهت والثانيه تشوف ابداعات التموج انا مضلل كوري وللاسف البخل شين اشيل هم السفر في الضهريات من الشمس وحس بضربتها براسي


اخوي اذا انت مركب التضليل من خارج القزاز في وجه الهواء والسافي أكيد بيختلف اللون وتطلع التموجات


اذكر الله تكسب حسنة

[مسير عليكم]

من داخل الله يحفضك وبعدين من برا لونه امركي اصلي ماتعدى شهرين الا مبهته

[مسير عليكم]

انتظر ارائكم

[مراسل2008]

السلام عليكم

بعد قراءة بعض الردود قررت امر اليوم على زيبارت فرع القطيف واشوف اسعارهم
انا ناوي اركب تظليل ورش صدا اذا ناسبني اسعاره توكلت على الله وياليت تعطونا إذا في بديل بسعر أنسب وجودة عالية

[مراسل2008]

زيبارت بيركب لي تظليل + رش صدا لسيارة باجيرو بسعر 3400 ريال

[شيخ بني تميم]

افضل شي في السعودية في كووول من تجربه

[عمرين العمري]

السلام عليكم ورحمة الله وبركاته
من واقع تجربة خمسة سنوات زيبارت ممتاز ركبته على اكسبيدشن واخذت الشفاف لكل السيارة
وايضا من تجربة سنة الجونسون ليوكن طويل ركبت شفاف قدام واقل بدرجة للشباكين الاماميين والباقي غامق ولكن عازليته احسها اقل من زيبارت
ومن تجارب الشباب حولي في كول ولو مار
وسلامتكم

[abdo5044]

من رائي ان التظليل الكوري احسن حاجة لسيارتك

[الحربي حاتم]

ماجربت شي منها وننتظر مزيد من التجارب

[أبومحمدالشهري]

من واقع تجربتي لجيوشيلد ، لو قالك التضليل كامل بي 200 ريال لاتروح له ، نصابين حراميه وشغلهم أوسخ منهم

تصدق ركبت عندهم تضليل وعازل واجهه ، عازل الواجهه تفكك وباقي ماطلعت السيارة من عندهم ، قلت إيش هذا قاموا يتفلسفون علي عندك الزاوية هذه منحنية بزيادة ومدري إيش

المهم ركبوا مره ثانية ورجعت بعد ثلاث أيام لنفس الشي ، لدرجة دخل زبون جديد وأنا متخاصم معهم قلت إيش جابك قال بركب عندهم قلت تعال شف شغلهم على سيارتي ماله 3 أيام والمصري قدامي يسمع كلامنا شاف السيارة قال هذا بالله شغلهم قلت أبشرك ، طوالي ضحك ، قالي وين أروح قلت روح لبروفيشنال

بصراحه مجربهم سنة 2009 شغل ممتاز وسعر مناسب جدا وجودة عالية

ويوم رحت بسيارتي الجديدة 2013 وقتها واحد نصحني بجيوشيلد ولاشفت شغله مجرد اتصال وفارق السعر عن بروفيشنال اغراني شوي فرحت لهم وياليت مارحت لهم

وبعدها اضطريت أرجع لبروفيشنال بعد مخاصمات مع الجيوشيلد رجعوا لي المبلغ وخصموا يد شغلهم ورجعت ركبت ببروفيشينال

هذه تجربتي والعطر على الاطالة

[Abu..Saud]

بيض الله وجهك أخ أبو محمد الشهري وجزاك الله خير يا صاحب الموضوع

جيوشيلد كنت ناوي أمرهم وأظللل عندهم نوع geo
والأن بعد ردك هونت وكمان ذكر لي شخص آخر
إن جيوشيلد أساساً عازل مخصص للمباني .


بحثت عن لومار أيرو بلو درجة 80 عبر الأنترنت وما حصلته يقولون الشركة بطلت تبيعه .

والنية في كول

[مطر وسم]

انا مركب تضليل كوري من عام 2012 الى الان رغم انه تضليل خارجي الا انه ممتاز ماتغير لونه ويعزل حرارة الشمس وبنفس الوقت رخيص اشوف انه يدى الغرض وزياده يغني عن ابو 1500 و 2000

واذا لبد من تضليل ماركات اشترها من برى وضللها هنا تعرف بعدها ان فيه ناس (ورش) مستغليننا بغلاء الاسعار وينصبون علينا في كل شي وان فيه ناس سذج يصدقونهم ويروحون عندهم بالورش ويطلع من عندهم خساران 4000 او 5000 على ايش مدري ؟

[dc55s]

انا جربت جونسون وفعلا ممتاز ويستاهل والله