من يساعدني وله الاجر ان شاءالله

[altheeeb79]

انا ادور عن شئ مادري وشلون اوصفه زين 00لكن هو مثل القاعده الصغيره تلزق على الطبلون وبها ثلاث اماكن صغيره 00(للساعه والبوصله ومقياس حرارة الجو) وهي مثل اللي عند المحلات لكن اللي عندهم كل وحده بلحاله مثل تلقى (البوصله بلحاله تلزق على الطبلون اوالقزاز) (الساعه بلحاله تلزق على الطبلون)(مقياس الحراره بلحاله يلزق) وانا ابغاهن مجتمعات على لوح واحد(يعني قاعده)000اللي خابر شي يعلمني وله الاجر من الله 000والله يرحم والدين الجميع0000000000000000

[القويعي]

يفيدونك الاشناب

[المموه]

تبي الاعضاء يفيدونك احذف الصوره اللي انت حاطه . قالع كم شجرة ارطأ وتبيهم يردون عليك ما اظن .

[altheeeb79]

مادري يالقويعي وش قصدك 000لكن الله يعطي كل واحد على قدر نيته000 والله يكتب اللى فيه الخير ويغفر لوالدي ووالديك والجميع000

[altheeeb79]

((((قالع كم شجرة ارطأ ))) اولا يالمموه انت اتهمت وانت تجهل مع احترامي لك وكان من الافضل ان تسألني عن خلفيات الصوره 00لكن يبدو لى انك توك شباب وعجل بأحكامك على الناس بدون تقصي للحقائق 000لكني اعذرك لاني قبل عشرين سنه كنت مثلك طائش وعجل بكل شئ000 ومن الحياة تتعلم والحياة مدرسه 000الله يهدينا وياك000قل امين000 ملاحظه اخيره ومهمه ونصيحة اخو لاخوه(وتبيهم يردون عليك ما اظن )دائما تكلم وجاوب عن نفسك الا اذا كان الاعضاء مفوضينك فهذا شئ اخر 0000وعلى كل حال الباب اللى يجيك منه ريح سده واستريح وابشر نشيل الصوره ونحط بداله 00تامر شئ ثاني000

[عبدالله الحصيّن]

دورها عند ساكو يمكن تلقها ..

[abunaser]

احتمال تلقاها عند العليان بطريق خريص
اخوك ابو ناصر

[altheeeb79]

مشكور اخوي العازم على الرد وكذلك الشكر موصول للاخ ابو ناصرمع العلم انها لاتوجدعند العليان وسبق ورحت لمهم (وفعلا يابو ناصر اعجبني توقيعك)

[عبدالله123]

الخ الكريم / السلام عليكم

ما تبحث عنه يوجد بمحلات الغرابي بوصله ودرجة الحراره والساعه ولكنها ليست ذو دقه عاليه او انك تدورها بالتشليح حقت جيب برادو او متسوبيشي تبي تلقا واجد

واللـــــــــــــــــــــــــــــــــــــه يوفقــــــــــــــــــــــــــــــــــــــــــك000 00000000

[ابو سحاب]

جزاك الله خير يا أخوي 79 altheeeb





على ردك الي بصراحه يثلج الصدر ويوسع الخاطر على الي أتهمك



أما الي تسأل عنها فهي والله العالم عند ساكو

[مدور ربيع]

اتوقع بمحلات الزينه تلقى شيء يقوم بالمطلوب ,,, يعني انت حاول ترهم لنفسك

اذا وجدت قاعده كبيره لجهاز او مشابه ذلك ,, تقدر تجمعهم جميع

وبالتوفيق

[altheeeb79]

بسم الله الرحمن الرحيم الشكرلله ثم لاخي ابو سحاب على الكلام الطيب (والمؤمن مراة أخيه) وبمثلك وراجحة عقلك يكون منتدانا عملاق00 كما أشكر اخوي عبدالله123 وأخوي مدور الربيع وأحب أقولك لاتدور الربيع ان شاء الله الربيع اللي بيدورك وبتشوف خير هالسنه00 ربيع وخضره وفقع وخير يحبه قلبك000 قولوا أمين 000وكل عام وأنتم بخير00