فزعتكم يالكشااااته ضروري" واللي مهوب شاري يتفرج" [الأرشيف]

سواق الوايت

25/12/2006, 12:22 AM

السلام عليكم ورحمة الله وبركاته

حياكم الله يا أخواني الكشاته

قعدت أفكر أفكر ومن كثر التفكير تلخبطت أفكاري

أفكاااري " يحسبها قصيده "

:rolleyes:

:rolleyes:

انا رجال عندي دوره خارج المملكه لمد سنه تقريبا

والمشكله انهم ماوقتوااا الا يوم جاء أمطار وخير وربيع

لكن

اذا كان صاحبك عسل لا تلحسه كله " ماله دخل "

وانا ماشي ان شاء الله عقب العيد بكم يوم ان شاء الله

وتكفون عاد أبي فزعتكم

وش آخذ معي من أغراض تتوقعون أحتاجها بديرة بوش الله يآخذه :mad:

أنتظر ردودكم

ترى أبغى عدد الردود أكثر من عدد الزوار :D

ملاحظة

أخذت

قهوه

وتمر

وشاهي ربيع :D :D :D

وبيالات وفناجيل

وبريق غضار

وش غيرها تتوقعون ضروري

حد الشمال

25/12/2006, 12:28 AM

تروح وتجي بالسلامه ان شاءالله وبالنسبه وش تاخذ والله مدري وش اقولك بس احسن شي واغلى شي المصحف الشريف

ولـد الدوادمي

25/12/2006, 12:32 AM

اكيد اول شي المصحف

وغيره لاتنسى الرز اخوي ؟

سواق الوايت

25/12/2006, 12:35 AM

جعلك تسلم يا حد الشمال

ويشرفني انك تكون أول واحد يفزع معي " يرد على مشاركتي "

والمصحف اذا ما أحطه أول شي والله مافيني خير

ياشيخ لأحط الشنطه اللي فيها المصحف على طبلون الطياره قدام السواق :D

__________________

واخوي ولد الدوادمي

يقولون الرز عندهم هناك على قفا من يشيل :D

وتسلم على مشاركتك

القويعي

25/12/2006, 12:35 AM

خذلك جكيت يدفيك

سواق الوايت

25/12/2006, 12:38 AM

تسلم يارعي مزعل

ما خذ معي الفروه :D

سواق الوايت

25/12/2006, 12:41 AM

ياشبااااااااااب افزعوا

الزيارات 6

والمشاركات 5

فيه واحد دخل ولا رد

دوروه معي :D :D :D

خالد 27

25/12/2006, 12:45 AM

في البداية أخوي تروح وتجي سالم ان شاء الله

طبعاً المصحف أهم شي تاخذه معك ولاتنسى كتاب حصن المسلم (( لونه برتقالي وسعره بريال ))

وتكون محافظ على الإذكار والله يحفظك في حلك وترحالك :d

سواق الوايت

25/12/2006, 12:50 AM

أخوي خالد

الله يسلمك ويجزاك خير

وبالنسبه لكتاب حصن المسلم هذا في الشنطه اللي عند السواق :D

وان شاء الله انه في القلب قبل يكون في الشنطه

أخو ريان

25/12/2006, 12:53 AM

الله يوفقك خير تروح وتجي بالسلامه ان شالله ...حافظ اول شي على دينك اخوي فاءنك تمثل بلدك
لكن قصة وش اخذ معي هذي سهله !!!
لكن وش تيجيب معك !!!!!!!!!!

تكفى هات معك اكوات ريش حقت البرد وكثرها تراها مطلوبه عندنا واااااااااااااااااااااااااااااااااجد اخوك ذبحه البرد وذبحته الفروه ههههه
كم طويل وصدريات ولا تنساني وحده هديه لي علشان ذكرتك فيها هههههههههههههه
ون شالله وبقوته تمر السنه كانها يوم وترجع ونت سالم وغانم ولك تحياتي
اخو ريان

مشعل_1001

25/12/2006, 12:53 AM

تروح وترجع باالسلامة وتبيض الوجه انشاء الله اعتقد كل شي انت اخذته بس انا ابي انصحك
اولاً- لاتاكل من اي مطعم غير عربي او مسلم
ثانياً- لاتاكل اي شي من انواع الشوكلاته لأنه يوجد بها زيوت الخنزير كرمكم الله
ثالثاً- التمسك بتعاليم دينك الأسلامي
رابعاً-الصلاة الصلاة
خامساً- الوايت قبل تسافر فرغه من الماء ؟؟:p

بواسامه

25/12/2006, 12:53 AM

خذ معك رد دينا معمول
تراه يوسع الصدر

سواق الوايت

25/12/2006, 01:04 AM

يا جعلك تسلم يا أبو ريان

وأبشر والله بالكوته

مالك هم

ان أجيب لك كوته تتمنى السنه كلها مربعانيه عشان تلبسها :D

______________________________________

وأخوي مشعل _1001

أشكرك على نصائحك اللي مانستغنى عنها

والصلاة ياخوك عمود الدين والله ثم والله ان الرجال مافيه خير ولا ينفعه شي مهما كان اذا هو ماتمسك بدينه

وبالنسبه للوايت

واحد من الجماعه يعرف قهوجي يشتغل في البيت الأبيض يقول بيكلمه يجيب لي استثناء عشان اشحنه معي :D

______________________________________

وأخوي بو اسامه

أخاف مايدرون وش هي ذي يقولون ملغمها خخخخ

تسلم يالغالي

القويعي

25/12/2006, 01:16 AM

تسلم يارعي مزعل

ما خذ معي الفروه :D

ادفالك بواجد

العشة

25/12/2006, 01:23 AM

اخوي سواق الوايت ..

انا انصحك انك ماتروح لديار الكفار لانهم لايرقبون في مؤمن الا ولا ذمة وشف وشو سوو بالحصين والمهندس

ثم حميدان التركي الله يفك اسره .. لان هذولا مايبون شي اسمه اسلام ..

والرسول صلى الله عليه وسلم يقول : (( ان برئ من كل مسلم يقيم بين ظهراني المشركين )) .

لايجوز السفر لبلاد اهل الشرك الا لمسوغ شرعي ، وليس قصد الفسحة مسوغا للسفر
لقول النبي صلى الله عليه وسلم( انا برئ من كل مسلم يقيم بين اظهر المشركين )
(كتاب اللجنة الدائمة للبحوث العلمية والافتاء .)

*****************************

ماهي شروط السفر الى بلاد الكفار ؟؟
1- ان يكون عند الانسان علم يدفع به الشبهات .
2- ان يكون عنده دين يمنعه من الشهوات .
3- ان يكون محتاج لذلك .
4- ان يحافظ على شعائر الاسلام .

*****************************

ماحكم السفر لبلاد الكفار من اجل النزهة والسياحة ؟؟
لايجوز السفر الى بلاد الكفار من اجل النزهة والسياحة لما في ذلك من الخطر على العقيدة والأخلاق ، ولايجوز للمرأة ان تطيع زوجها في السفر في هذه الحالة لأنه معصية ، ولاطاعة لمخلوق في معصية الخالق .
من كتاب المنتقى لسماحة الشيخ صالح الفوزان
ــــــــــــــــ
السفر لبلاد فيها الكفر والضلال والحرية وانتشار الفساد والزنى وشرب الخمر وانوع الكفر والضلال فيه خطر عظيم على الرجل والمرأة ، وكم من صالح سافر ورجع فاسدا ، وكم من مسلم رجع كافرا فخطر السفر عظيم والواجب الحذر من السفر لبلادهم لافي شهر العسل ولافي غيره .
سماحة الشيخ عبدا لعزيز بن باز من كتاب فتاوى علماء البلد الحرام

*****************************
السفر الى بلاد الكفرا فيه خطر عظيم على الدين والاخلاق وفيه اضاعة المال الكثير في غير فائدة ، ويخشى كذلك على عقيدة المرء من الاعجاب بهم وتوليهم ( ومن يتولهم منكم فإنه منهم )وهو خطر على دين المرء من تضييع الصلوات والانزلاق وراؤ الشهوات ، وهناك لاحياء ولادين .
سماحة الشيخ عبدالعزيز بن باز ، فضيلة الشيخ محمد بن عثيمين .

ــــــــــــــــــــ

فالحذر من السفر الى بلاد الكفار والبلاد التي فيها الحرية الظاهرة والفساد المعلن وعدم انكار المنكر ، وعلى من يجوز له السفر شرعا ان يتقي الله ويحافظ على دينه ويظهره ويعتز به ويدعو اليه ويبلغة للناس ، وان يكون قدوة صالحة يمثل المسلمين تمثيلا صحيحا ، وان لايبقى في بلاد الكفار اكثر من الحاجة الضرورية .

راعي الكيف

25/12/2006, 01:35 AM

اسأل الله لك التوفيق والسداد ..

وان يفرج عنك غربتك ويجعل لك من كل هم فرجا ..

اما بالنسبة للاغراض والاشياء ... فما اعتقد انك راح تقدر تاخذ معك اي شي غير ملابسك الضرورية فقط ... والسبب اهم مانعين اي حاجة تاخذها غير الملابس ... وبعدين اللي يسمعك يقول تبي تروح للصومال ..!!! مقطعة ماحولك احد !!

يخوي تراك رايح لديرة نص انتاجها استهلاك ربيّعك هنا !! ... يعني تبي تلقى اللي تبيه هناك وزيادة ...

والله الله بالانضباط بكلللل شي .. تراهم يدورون الزلة على السعودي ...

الله يستر ويحجي عليك ... ويقوض لك ملائكة السماء والارض ...

تحياتي لك

شـهـاب

25/12/2006, 01:39 AM

طبعاً بعد الي قالو لك الاخوان واهم ماقالوا المصحف

خذ معك كمرا

لأنك تبي تشوف مناظر عجيبه

والتوثيق مامثله

سندباد الخليج

25/12/2006, 01:53 AM

اخوي راعي الوايت تروح وترجع بالسلامه ان شاء الله

خذ معك عفريته وشطرطون وعصفور وحبل وزراديه:p

امزح

اهم شي المصحف والاذكار لاتنساها ولااوصيك صيام الاثنين والخميس ان امكن

وان شاء الله تبشرنا برجعتك للبلد سالم غانم وماتشوف شر

نيتروجين xp

25/12/2006, 05:10 AM

اخوي راعي الوايت تروح وترجع بالسلامه ان شاء الله

لا تنسى تآخذ معك كمبيوتر محمول ولا تشتري من هناك ما نبغاك تغيب عنا بمكشات

نبي نآخذ أخبارك وتآخذ أخبارنا !!

ولا تنسى تآخذ معك جارمن ===> حشى رايح للربع الخالي

وخذ معك حبحر أهم شي ترى ما عندهم هناك ===>بعذري من الرس

وتروح و ترجع بالسلامة ..

وتقبل تحياتي . .

عاشق الGX

25/12/2006, 05:18 AM

احذف كل شي بتاخذه

واخذ المصحف الشريف

واخذني انا

abdul2005

25/12/2006, 05:30 AM

نيشان نجد/

25/12/2006, 06:25 AM

تروح وترجع بالسلامه ولاتنسى مكشات ترى نفقدك

فلاجكو

25/12/2006, 06:32 AM

الله يردك سلام وغانم التمر نوع منه وكثر ام تكله او تهديه وسلامتك .......

المشراق

25/12/2006, 06:42 AM

أخي الكريم سواق الوايت تروح وترجع بالسلامة الله يوفقك في الدنيا والآخرة ويبعد عن الأشرار وترجع رافع الرأس والربع ما قصرو ا بالنصائح والتوصيات وبس لاتنسى تحط لك معاوني للوايت يعطينا اخبارك ويطمنا عليك ولو كل أسبوع مرة وبالتساهيل إن شاء الله وأحرص على الجواز تراه مرغوب وهو أساس المشاكل, وأعرف لك واحد قبل عودته ب 6 ساعات سرق الجواز والتذاكر وجلس خمسة أسابيع بين أخذ ورد والله ردة بالسلامة 0

المرقاب

25/12/2006, 06:56 AM

تروحي وتجي بالسلامة
والله بنفقدك وبنفقد صوت الوايت الي يورد لنا الأخبار السنعة

لكن وأا أخوك مثل ما قالو الأخوان أهم شي المصحف وبعض الكتب الي تفيدك من النواحي الشرعيّه وغيرها لغرض الأستفادة.

وبالنسبة لأمريكا تخبر مالها طرف فالأحتياجات على حسب الولاية والمدينة الي أنت بتروح لها,بعض المدن فيها كل شي وبعضها أكثر الي تبي ما تلقاه.
وفي الختام أستودع الله دينك وأمانتك وخواتيم أعمالك
والله يحفظك ويردك سالم وغانم

احمد الثقفي

25/12/2006, 07:00 AM

دربك السلامة اخوي سواق الوايت
وأخواننا ماقصروا واشارو عليك بالطيب
الله يحفظك في حلك وترحالك

السنع كله

25/12/2006, 07:03 AM

سافر يااخي وارجع لا اطول علينا الغيبه00 المصحف في الجوال يكفيك عن المصحف الورقي وانتبه لا تصور الا وانت حاسب مليون حساب لنا زملاء في الجامعه رايحين تبع وفد من طرف السفارة حقتهم يعني وفد رسمي ويوم واحد من الدكاترة طلع جواله واخذ له صورة مسكوه ساعات سين جيم وما انت ملزوم 00حفظك الله في حلك وترحالك

الكونترولCONTROL

25/12/2006, 07:06 AM

خذ :
قهوة و هيل و معاميل قهوة و تمر و بهارات طبخ
كميرة - لاب توب -
=============================
احذر عند استعمال دورات المياه العامة فهي غالبا ملوثة
==============================

طــامــي

25/12/2006, 07:27 AM

اخوي تروح وترجع سالم وغانم هذول مهمب اخوان ههههههههههه لتكون من العيال الي معي في العمل (h) موفق بئذن الله

مشغول

25/12/2006, 07:29 AM

هلا بسواق الوايت

اسمع يا حبيبي ... خذ كل اللي في خاطرك

أنا أخوي له ثلاث سنوات يدرس هناك وجانا زيارة .. توه ماشي من اسبوع واخذ معه كل شيء..حتى اخذ بسكوت أولكر الأحمر .. لدرجة اني مستغرب .. قلت له ليش .. قال بعض الاحيان نشتهي ناكل بسكون او كاكاو .. ولا نقدر ناكل لأن بساكيتهم واغراضهم يحطون فيها زيت الخنزير .. (( الحين فهمت )) .. والله يا خوي .. اذا الكلاب الامريكان ناوينك .. والله لو ما معك شيء التحقيقة فيك فيك ..

يعني بيطوفون القهوة والهيل والبهارات .. ولا هم بيطوفون البسكوت .. يعني اذا اخذت شيء واحد خربت .. خذ بعده أشياء

وهلا بك والله يستر عليك وتروح وترجع بالسلامه

قناص بغداد1

25/12/2006, 07:30 AM

تروح وتجي بالسلامه ان شاءالله
واهم شى تقوية لايمان بالله
والله الموفق

عاشق النوكيا

25/12/2006, 08:18 AM

مجرد سؤال علشان التوصيه. أي مدينه وفي أي ولايه رايح لها. أنا سبق إن عشت هناك أكثر من خمس سنين . أي سؤال مستعد. تروح وترجع بالسلامه.

الكونترولCONTROL

25/12/2006, 08:22 AM

في المطاعم أحيانا مكرونة أو دجاج أو بيتزا
و لكنه مطبوخ باستعمال زيت الخنزير - اعزك الله -
دائما اسأل عن كل شيء قبل أكله
===============================
و لو تحدد الجهة التي سوف تذهب اليها ..... لكي يفيدك من ذهب اليها
عن الطريقة المناسبة للأكل و الشرب و العيشة هناك
=======================================
لاحظ اني مركز على الأكل و الشرب !!!!!
لا تستغرب !!!!!!
لأني طحت بالسمك و ذبحني !!!!!!!
=======================================

عليم الظمى

25/12/2006, 08:45 AM

انا لاانصح بالدهاب الى ديرت الكلب بوش وان كان ولابد اوصيك ونفسي بتقواى الله
والاستغفار
والصلاه
ولاتنسى انا الرز الامريكي به مشكله هرمونات وبلاوي يعني دور مستورد وتاكد انه مستورد
وشف ان لقيت ام صتمه تصيد الدخل وتنتفه وتكشن جب لي وحده

والله يردك سالما غانم

الجبيلاوي2007

25/12/2006, 08:45 AM

السلام عليكم

بناء علي تجربة لاني عايش هالحين بكندا منذ ثلاث سنوات وكذلك كانت بمريكا لاتاخذ اي اكل معك من السعودية باستثناء البهارات والقوة العربية . بالمطار احتمال تاخذ من ثلاث الي ساعتين تحيقيق علي شانك سعودي لا تحسب انك لاخذت الفيزة خلاص تبي تدخل امريكا , اهم شي تكون اوراقك كاملة من المعهد الي تبي تدرس فية والقبول وين تبي تسكن العنوان ووراق من جهة عملك تثبت انك مبتعث ويكون معك بطاقة فيزا لان الفيزة مهمة عندهم من ناحية حجز سيارة او فندق .
وان احتجت اي شي تراني سداد راسلني علي الخاص انا اعرف ناس واجد بمريكا اي خدمة تراني حاضر والله يردك لاهلك سالم غانم.

السلام عليكم ورحمة الله وبركاته
الرجال عطاك العلم الله يستر عليه ويرده لديرته فايز غانم ,أهم شي دينك وصلاتك وباقي الأمور تهون إذا الله هونها
بس التمر والقهوة أعتقد أنه ضروري تأخذها وبعض الأعشاب الأخري(نعناع-مرامية-ألخ):D (حلتيته-مرة-عنزروت ...ألخ):D

دائم العز

25/12/2006, 08:52 AM

أولا: يارب تتيسر كل أمورك .
ثانيا: حافظ على جوازك جدا .
ثالثا:كتب أحاديث وكتب عن الفتاوى الصحيحة تكون عندك وقت الحاجة علشان لاتسأل بوش وربعه.
رابعا:بعض الصور المهمة بنسبة لك ....
خامسا:تذكرا أن الله يراك في كل مكان

أخيرا..... الله يحفظك في سفرك
أبو خالد

ولـد الدوادمي

25/12/2006, 08:53 AM

الله مدري وانخوك لاكن ماتوقع نفس الي عند نا

عبدالله الحصيّن

25/12/2006, 09:01 AM

انصحك تاخذ كميره .
وكتب لدعوه
واشرطه تدعوا الى الإسلام تجدها في محلات التسجيلات الإسلاميه
وانصحك بعد تشوف واحد قد راح للولايه الى انت ناوي تروح لمها وتسئله عن الولايه وش فيها وش مافيها وش طبعهم وش تاخذ معك .. وهذا مهم جدا اسئل مجرب ولا تسئل طبيب ولو عن طريق النت .. والله يستر عليك في الدنيا و الاخره قل آآمين

اخوك / ابوعبدالعزيز

الهواوي0

25/12/2006, 09:02 AM

أخوي سواق الوايت تروح وتجي بسلامة أنشاءالله ورجوا منك المحافظة على صلواتك الخمسة ونتبة من الخنازير ولاتطلع بعد الساعة 9.30 م من المكان الى انت فية وحول تأخذ أغراضك بدري ونتبة على نفسك مع تمنياتنا لك بتوفيق وترجع لهلك سالم غانم أخوك الهواوي0

السعيد

25/12/2006, 09:48 AM

السلام عليكم ورحمة الله وبركاته
نسأل الله تعالى لك التوفيق في سفرك وأن يجعلك مرسول خير وبركة ودعوة
معرفتي بالأمريكان كبيرة بحكم الدعوة وعرفت من خلال الحوار معهم مستوى عقلياتهم
وفي رأيي أن الاهتمام بالدراسة هناك سوف يزيد من تقديرهم لك ويكسبهم الثقة فيك وبعدها تستطيع أن تؤثر فيهم
وتستطيع أن تحمل الكثير من الكتب الإلكترونية من الحاسب وطباعتها هناك وتوزيعها وخصوصاً هذا الكتاب
Abrief illustrated guide to understanding Islam
وتجده في هذا الرابط
http://www.islam-guide.com/

كما أنبه أخي إلى أخذ جهاز محمول مع أسطوانات نسخ عربية لبرنامج الوندوز والأوفيس .

مع تمنياتي لك بالتوفيق والسداد

السلق لعبتي

25/12/2006, 10:02 AM

والله ياخوي الي بيروح لامريكا كنة رايح للحرب
ما يندرا يرجع سالم غانم ولا مايرجع ويكون مكانة غوانتنامو

لكن ما اقول الا الله يستر عليك ويرجعك لميمتك سالم غانم

<<<<<<<<ولو ادري ان رزقي في امريكا ويجيني بوش بكبرة ومعة كومندز عشان اروح معة
والله ما اروح معة لو يحب كوعة

تمنياتي لك بالتوفيق

HAMAD554

25/12/2006, 10:34 AM

الاخ العزيز حفظه الله
را فقتك السلامة
أولاً:اوصيك بالدين
ثانياً:بالاجتهاد

وفقنا الله وياك والخوة الاعضاء

الكشاتي

25/12/2006, 11:53 AM

أسمع نصيحتي...ولا تضحك علي......

1- خذ معك القارمن.....تراك تبي تحتاجه كثير...للمطاعم والفنادق....والمواقع....والشوارع....وإذا قلت لي فيه شوارع...وللوحات تدلني....ترا ماعندك سالفة!!
2- أذكر لي وش أسم الولاية...والمدينة الي تبي تقعد فيها وأبشر بالمعلومات والاخويا.....ترا ......الكشتات بأمريكا ......أفضل من هنا......وعندي لك .....شلل مكاشيت.....في كل ولاية.....رجال شرواهم من عندي.........وإذا مسافر مع الاهل ( الزوجة والاطفال ) قلي علشان يجهزون لك البيت والاثاث....في مجمع يوجد فية عوائل سعودية...عشان ما تبلش بالاهل.......أنتظر ردك

تحياتي لك

دغيم

25/12/2006, 12:30 PM

السلام عليكم
تروح وترجع بالسلامة
ماظن باقي شيء ولكن انتبة من الذهاب الى الاسواق دون التاكد من وسيلة نقل لعدم وجود سيارات اجرة عند البعض الابوسيلة الاتصال .
وعدم الالتفات للمتجولين بغرض تبديل العملة اوترويج المخدرات .
ارسال صورة الجواز للسفارة حال الوصول .

أبوكلبشة

25/12/2006, 12:32 PM

ياخوي الامر بسيط مررررة خذ الي قالولك الشباب
وترا الوضع هناك عاااااادي مرررررررة لي ربع هناك لهم 4سنين
ولحد تعرض لهم ولاشي الا يقول وضعنا هناك زي الفل
واذا تشابة البقر عليك هناك دق علي وانا اعطيك ارقام شباب موجودين بأمريكا وهم بأذن الله يفيدوووونك
ولك رسالة على الخاص

الحسكولي

25/12/2006, 12:55 PM

اخوي سواق الوايت تروح وترجع بالسلامة

بس لاتنسى الوايت خذه معك هههههههه امزح
والجد انصحك مثل ماقالوا الاخوان تقوى الله والاوراد اليومية كل صباح ومساء تراها مهمه لاتنساها مهما كانت الظروف
ومن الاغراض المهمة البهارات لانه لايمكن تلقى نكهة طبخك المفضلة في اي مكان . والطحين البر لزوم المطيزيزات او المرقوق او القرص . ولاتنسى الكليجا ترى لها طعم خاص في ديرة السلق امريكا ( تكرم انت ومن فيها من المسلمين ) وكذلك ثوب النوم لاتنساه للبيت او استقبال ربعك في البيت وبوصله صغيرة لتحديد القبلة وخلها معك على طول تحصلها في محلات الساعات في البطحاء وافطن للاصلية ترى فية تجاري .
اول ماتزل الديرة اللى تبي تروحلها رح للمركز الاسلامي او الجامع واسأل عن محلات بيع اللحوم الحلال والمذبوحة على الطريقة الاسلامية .
واهم شي تكون واضح جدا عند التفتيش في المطار او غيره ولاتعطيهم معلومات غير صحيحة عن الاغراض اللى معك تراكم تكرم كلاب يتصيدون اي زله لعنة الله عليهم . .. الا وش رايك تهون بس ههههههههههه امزح الله يحفظك ويردك لاهلك سالم غانم .
اسف على الاطالة .

سواق الوايت

25/12/2006, 01:54 PM

أنا أشهد انكم ماقصرتوا

كفيتوا ووفيتوا

اخوي راعي الكيف الله يعطيك العافيه

ــــــــــــــــــــــــــــــــــــــــــــــــــ ـــــــــــــــــــــــــــــــ

أخوي شهاب : تسلم على تعليقك وأكيد الكمره ملزومين بها " ياشيخ لو آخذ ذيك الكمره اللي يجيبونها أهلنا عقب الحج اللي على شكل تلفزيون " :D

ــــــــــــــــــــــــــــــــــــــــــــــــــ ـــــــــــــــــــــــــــــــ

أخوي سندباد الخليخ : ياجعلك تسلم والدال على الخير كفاعله والله يجزاك خير

ــــــــــــــــــــــــــــــــــــــــــــــــــ ـــــــــــــــــــــــــــــــ

أخوي المجتهد : تسلم على تعليقك وبالنسبة للمحمول موجود وهالحين قاعد أحاول في سواق الطياره يمرون قبل نمشي على شارع الزينه اللي في سلطانه عشان يركبون له واير لس
عشان اصير على اتصال مع اخواني في مكشات :D

ــــــــــــــــــــــــــــــــــــــــــــــــــ ـــــــــــــــــــــــــــــــ

أخوي عاشق الGX : أبشر بعزك
وترى كلمت السواق حق الطياره وقلت له ترى عاشق الGX يبي يركب عند دريشة المعاوني قال وش لون مايمدي المهم وانا وياهـ لين صلحنا انك تركب في موترك وحنا بنسحبك بواير عشان متى مابغيت تعود ماترتبط بأحد :D

سواق الوايت

25/12/2006, 02:06 PM

وللمعلومية

انا ان شاء الله رايح لولاية بن سلفانيا

والمدينه اسمها انديانا " قريه صغيره "

مع ذلك فيها جامعه :confused: :confused:

وأقرب مدينه لها يقولون بتسبرق

بروق الجنوب

25/12/2006, 02:24 PM

تروح وترجع بالسلامه
والا قالوا الشباب فيه الكفاية واتمنى من الله العلي القدير الا تحتاج للحلاوه الطحينية

بروق الجنوب

25/12/2006, 02:35 PM

تروح وترجع بالسلامه
واللي قالوا الشباب فيه الكفاية واتمنى من الله العلي القدير الا تحتاج للحلاوه الطحينية

نص الليل

25/12/2006, 02:39 PM

أخونا سواق الوايت
ترى عندهم مستلزمات رحلات فظيعه لاتفوتك خاصة الفراش اللي يحطونه على ظهورهم في رحلاتهم (مبروم وله ثلاث أحزمه تشده)
خفيف وفي نفس الوقت ممتاز عندي واحد منها له 4سنوات وماتغير للآن وغيره الكثير
أما ماتأخذه معك فالأخوان ماقصروا ولو إن البقالات العربية متوفرة
موفق وتلاقي خير والله الله في دينك

الأجردي

25/12/2006, 02:46 PM

السلام عليكم ورحمة الله وبركاته
نصيحتي لك أخي
أولا: عليك أولا أعطاء معلومات صحيحه إما في كرت الجوازات أو للموظف.
ثانيا:لاتحرص علي شراء الملابس الغاليه والكشخه لأن غالبية الأمريكيين لا يحبون التأنق.
ثالثا: لاتحرص علي أخذ المواد الغذائيه إذ ربما تعرضك لبعض الإشكالات التي انت في غني عنها علما بوجود أماكن عربيه تبيع مثل هذه المواد.
تروح وترجع إن شاء الله بالسلامه,,,,,,,,,,,,,,,,,,,,,,,,,,,

برق المنشا

25/12/2006, 02:51 PM

الله يهديكم كلكم خذ معك ... خذ معك خذ معك ... خذ معك خذ معك ... خذ معك ماتركتوا بالطيارة مكان ترى اذا شفت طيارتين بجنببعض فوقنا على طول بعرف انه انت ياسواق الوايت وحده لك والثانية للعفش هههههههههههههههه

ولا واحد قال عطنااااا
أنا لي طلب عند بسييييييييط

ابي الوايت لين ترجع ..هههههههههه

تروح وترجع بالسلامة يالطيب والله يوفقك لاتنسَ تلطش لنا من افكارهم بالسيارات والتجهيزات والقلوص

واذا بغيت اي شي رح للسفارة وقل انا سواق الوايت ترى مايقصرون معك

عاشق القمة

25/12/2006, 02:53 PM

تروح وتجي بالسلامة ان شاء الله
اخذ وانا اخوك قهوة برية ان تسانك راعي كيف مثلي تراك ماتلقى احد يسويها هناك
ولالالالالالالالالالالالالالالالاتنسى صلاة الليل تراها خير معين لك ان شاء الله

مدالنظر

25/12/2006, 04:07 PM

لاتنسى تآخذ لك كم صندوووووووووووووق ببسي قوارييييييييييييير

((تـبــديـــل))

:p :p :p

كخخخخخخخخخخخخخخخخخخخخخخخ

أمزح معك أخوي <<<<أشوا

الله يحفظك في حلّك وترحاااااااااالك

ويرجّعك لأهلك وديرتك سالم غانم معافى

ومعك الدكتورااااااااااهـ

ومن ناحية توقيت ربعك بالبعثه

أنا أقول وسّع صدرك يارجااااال

((ماحـدّش أحسن من حـــدّ ))

أو

من

حـــدّ لـــــدّ

:D

,,,

ياخوي ترانا حول دعواك او أردى شوي

ماعندنا الاّ يوم العيد و 2العيد و 3العيد

واللي يليه

دوااااااام

,,,

والدواااااااااااااام لله عزّ و جلّ<<<ناوي شرّ

لكن لاتآخذ معك الاّ القهوه والهيل

والــقدوع

والباقي ((من عندهم)) هواللي تجيبه معك

((أضـــمـــــن))

:j

سلاااااااااااااااااااااااااااااااااااااااااام

ابوسعد

25/12/2006, 04:33 PM

تروح وتجي بالسلامة ان شاء الله ...

لالالالالالالالالالا تاخذ معك شي .. ايشي تاخذه بيعطلك بالمطار ...

سواق الوايت

26/12/2006, 12:19 AM

أخواني

abdul2005

نيشان نجد/

فلاجكو

المشراق

المرقاب

الجراحي

السنع كله

الكونترولCONTROL

طامي

مشغول

قناص بغداد 1

عاشق النوكيا

عليم الظمى

الجبيلاوي2007

دائم العز

والد الدوادمي

العازم

الهواوي.

السعيد

السلق لعبتي

HAMAD554

الكشاتي

بربك دغيم

أبو كلبشه

الحسكولي

بروق الجنوب

نص الليل

الأجردي

برق المنشا

عاشق القمه

مد النظر

أبو سعد

يعطيكم العافيه واحد واحد

والله لايهينكم
وانا أشهد انكم ماقصرتوا

وهذا حبة خشم وراس لكل واحد منكم

وما ناقصنا منكم الا الدعاء

وان شاء الله اني اجيب لكم علوم ذيك الديار وصور مكاشيتنا هناك ان الله سهل

واللي يبي شي والا شي

والله انها ابرك الساعات

ووالله اني افرح خدمة هالوجيه الطيبه
شروى من في المنتدى

واعذرونا ان كان جاء منا قصور في الردود

والله يعطيكم العافيه

أبوتركي 999

26/12/2006, 09:36 AM

البهارات وثوب وشماغ وعقال أخاف تنسى لبسهن ثم تجينا تكشت بالجنز

سواق الوايت

26/12/2006, 10:03 AM

هههههههههه

الله يهديك يا أبو تركي

الوعد الشتوه الجايه

اذا مالقيتوا موقع مكشات ثاني ينافس مكشاتكم

مصلحينه الامريكاااان خخخخخخخخخخخخخخخخخ

مجتهد***

26/12/2006, 10:14 AM

تروح و تجي بسلامة

عليك بتقوى الله في السر و العلن

و ننتظر مواضيعك إلي بتنزلها من ذيك الديرة
يمكن يطري علينا نكشت عندهم !!!!!!

L I M I T E D

26/12/2006, 01:05 PM

اهم شيء لاتاخذ معك شغاله او عامله

لان الانظمه عندهم مهب مثل اللي عندنا

الاكل وغيره خله بشنطه بلحاله لان فيه احتمال كبير مايوصل

والكلام صاير قبل رمضان مع واحد من العيال حاط شنطه في ملابسه ومعها تمر وهيل وقهوه وحب ....الخ)

في الاخير قالوا له الشنطه مصادره التمر ممنوع .......!!!

يعني حطها في شنطه بلحالها على الاقل لو صادروها تروح بحاله ولا تروح ثيابك

خذ معك لابتوب حتى يكون فيه تواصل مع اهلك بالماسنجر خذ احتياجات من مايك وكاميرا ويب لانها هناك اغلى

الشاهي ترى النوع اللي عندهم اطيب ،،،

احذر شديد الحذر عند شرائك للحوم ،، فقد يكون فيه لخبطه في نفس المحل

خذ معك ملابس لان هناك اغلى بشوي ،،

هذا اللي اذكره

والله يوفقك ويبعد عنك الحراااام