قالو ليا عنزت عنز على جبال

[بطل]

قصيدل مصيبيح متعب بن قويد


قالـوا لـيـا عـنّـزت عـنّـز عـلـى جـبـال :: ولا الهـيـال ادنــات شــي(ن) يهيـلـه

جنّب عن اللـي لارتكـى للحمـل مـال :: مـاشـال ربــع الـلـي متـونـك تشيـلـه

الحـمـل لــه جـمـال والطـيـب خـيــال :: ماتسـتـوي روس البـشـر والفصيـلـه

المجد ماناله سوى ارجال(ن) أبطال :: ماخاشروا في المجد ناس(ن) هزيله

يالـلـي تمنّيـنـا تـراكـم عـلـى الـبــال :: لـكـن اخــاف انـــك تـجـيـب القلـيـلـه

تـقـول لــي لامــن تثاقـلـت الاحـمـال :: ابـشـر بـنــا عـنــد الامـــور الثقـيـلـه

لكـن اشـوف الهـرج ماينقـص المـال :: وقــت الـرخـا كــل(ن) يميـنـه طويـلـه

لكن في الشـدّات مـن يصفـي قـلال :: يــاقــلّ مـنــهــو لـلـحـمــل يـرتـكـيـلـه

ماتـدري انـي عـالـم(ن) كــل حـيّـال :: ياجـعـل مانـرجـي وراكـــم حصـيـلـه

اعرف من الي لارتكـى للحمـل شـال :: واعـرف مــن الـلـي مايـوفّـي عميـلـه

خذيـت فـي الدنيـا مشاويـر وطــوال :: حــتــى تعـلّـمـنـا دروس(ن) طـويـلــه

منـهـا تعلّمـنـا عـلـى كـــل الاحـــوال :: ماهـوب الــى ذلحـيـن يـابـن القبيـلـه

لـكـن لـيـا عـنّـزت عـنّـز عـلـى جـبـال :: مـايـسـتـوي زوم الـجـبــل والـنـثـيـلـه

حذراك لاتنغـرّ فـي بعـض الاشكـال :: كـم واحـد(ن) عنـد المـواقـف فشيـلـه

يـوم المواقـف تكشـف رجـال ورجــال :: انــا خـذيـت مــن الـمـواقـف فضـيـلـه