وين احصل مخابي للشنطة مثل هذي ؟

[المقلع 9]

السلام عليكم ..

وين احصل مثل هذي المخابي للبرادو في الرياض ؟

مع اعتذاري الشديد لصاحب الصورة ..


http://up.harajgulf.com/uploads/gulfup9657354157fa1.jpg

[أبن المدينة]

فصلتها انا عند المطرودي بالقصيم

[عمرين العمري]

أخي الكريم
جرب تزور محلات لوازم الرحلات مثل السنيدي والرماية ومحلات زينة السيارات عموماً
وبالتوفيق

[المقلع 9]

ابن المدينة ..

انا محتاج محل في الرياض .. شكرا لك ..

العمري ..

رحت كثير من المحلات و ما حصلتها عندهم .. شكرا لك ..


انتظر المساعده من باقي الاعضاء ..

[عبقري زمانوه]

صبحك الله بالخير

على ما اعتقد هذه لا تاتي الا تفصيل وعندك محلات التفصيل كثيره

[المقلع 9]

اخوي عبقري ..

وين محلات التفصيل في الرياض ؟

شكرا لك

[سلطان البراق]

موجود عندك في الغرابي محلات الأشرعة والخيام وعندك السنيدي اللي على الدائري

[تزبطي]

هذي تفصيل

وعلى تخطيطك انت لﻻن مافيه شكل رسمي ﻻزم تبلغ العامل
تخطيطك حبه حبه كم مخبا وطريقة التقفيل سحاب وﻻ شماع
واحجام المخابي ومواقعها طويله فوق تحت او عريضه يمين وشمال

افضل شي خذ الصوره واعرضها على العامل

وبالتوفيق

[(هزاع)]

وعليكم السلام ورحمة الله وبركاته

مر على محل احمد الحسن

شارع سلمان الفارسي رضي الله عنه وعن صحابة رسول الله صل الله عليه وسلم

اول اشاره ونت جاي من خريص ادخل يمين

وهذه احداثيه الموقع

24,45,583
046,49,026

يفصل أي شي تبي وحاول تاخذ صورة ماتريد تفصيله

[المقلع 9]

,

يعطيكم العافية يا غاليين .. كفيتوا و وفيتوا ..

[صاحب حي]

نفس كلام الي يقول ماتجي جاهزة لالزم تفصيل مع وجود الصورة معك

[النو]

السلام عليكم

تحصلها عند محل البراري في تمير .
تفصيل ممتاز وخدمة ممتازة . وتعامل اصحاب المحل راااقي جدا

[المقلع 9]

بارك الله فيكم و جزاكم الله خير ..

هذا الظن في موقع مكشات .. اي سؤال تلقى الاعضاء متفاعلين معاك ..

[أخو شيخة]

فيه المحلات اللي في الغرابي يفصلون اللي تبي مره وبتحصل مبتاغك بإذن الله .. لانها ما تجي جاهزه يفصلونها حقين البرادوات ((:

[المقلع 9]

^

تسلم يا زعيم ، مشكلة الغرابي انه بعيد مره و زحمه .. بروح محل الكشاته مخرج 15 و ان شاء الله تتسهل الامور ..

شكرا لك ..

[ا ل ح]

انا شاريها من السنيدي جاهزه السيارة باترول
وبعدها تروح لمحل التنجيد يفصل خشب خفيف و ثبتها فيه و يركبها بدال ديكور الوكاله

[عاشق الكشتة]

السلام عليكم

تحصلها عند محل البراري في تمير .
تفصيل ممتاز وخدمة ممتازة . وتعامل اصحاب المحل راااقي جدا

مثل ما قال أخوي
تحصلها في محل البراري في تمير على الشارع العام
قبل ما تروح له اتصل عليه وقله نوع سيارتك عشان يضبطها لك قبل ما تدق مشوار
وخل مشوارك واحد تروح له ويركبها لك بعد ما تتفاهم معه

[أنس الحزيمي]

مد رجلك شوووي ورح تمير عندك الصياد يفصلها تفصيل ممتاااز ومجربه 👍👍

[المقلع 9]

يعطيكم العافية يا شباب ..

رحت محل الكشاته مخرج 15 و قالوا لي الاستلام بعد اسبوع ..