هل يوجد ونش متحرك أو غير ثابت في السيارة ؟

[البهلول]

أفكر أركب ونش سحب لددسن !
لأني عرفت فايدته في الطين والتغريز بسيارات ثانية ولكن خطر في بالي لو فيه ونش متحرك بصندوقه يطلع للضرورة ولا يصير ثابت في السيارة؟


هل قصدي واضح ؟تخيل معك في صندوق الأغراض ونش يؤدي الغرض تشبكه في السيارة وفي منساب او شجرة او سياره ثانية وتطلع نفسك من التغريز ؟وترجعه مكانه وتستخدمه لأكثر من سيارة ؟

[SAS2]

الفكرة ممتازة وشايفها باليوتيوب مع الاجانب بس طبيعة الارض تختلف عندنا الاشجار قليلة والنقطة الاهم ان التغريز الي يحتاج ونش هو يا بالطين او بالنفود بالطين تكون الارض بمجرى شعيب كبير وهذا الغالب عليه الرمث والارض ما يمسك فيها الوتد ونفس الكلام بالنفود وممكن الاخوان يصححون لي اذا اخطأت

[الطنب]

كان موجود عند السنيدي لاني شفته مع زميل لي ولا اعرف مازال يستورده ام لا اما اذا كنت بشعيب ومافيه شجر مالك الا تفك الاسبير الكفر وتدفنه زين وتربط الواير فيه

[ABO AZZAM 123]

السلام عليكم ورحمة الله وبركاته
اخوي الغالي الونش موجود ويتحمل على سحب ما اعتقد طن وله فتحة من الخلف تركبها على شنكار الموتر
انا انعرض علي قبل تقريبا فترة ب500 ريال صناعته طيبة ويجي منه كهرب ويدوي
والمقصد بالكهرب واليدوي هو انك ترجع الواير لداخل الونش نفسه اما كهربائي او يدوي

ان شاء الله افدتك يالغالي

[hamido]

تقدر بس بيكلف كرسي وضفيره للونش مثل هذي
http://www.amazon.com/WARN-26370-Multi-Mount-Winch-Carrier/dp/B0002Z9SYC/ref=sr_1_2?ie=UTF8&qid=1427976179&sr=8-2&keywords=warn+mounts

وكذالك تيوب يستقبل الونش قدام ولو تبي بعد ورا زائد ضفيره