المساعد الشخصي الرقمي

مشاهدة النسخة كاملة : ياشباب ابي وصف محل البرية ولا الرماية بالرياض


أبوكلبشة
26/12/2006, 11:49 AM
ياشباب ابي وصف محل البرية ولا الرماية بالرياض

وغير كذا ما ابي الاسلامتكم
عاشق النوكيا
26/12/2006, 12:06 PM
الرمايه لهم محل على شارع التخصصي على اليمين قبل إشارة شارع الأمير محمد بن عبدالعزيز ( التحليه ) وإنت بإتجاه الشمال.
ساقان
26/12/2006, 12:08 PM
البريه على شارع الشافعي شرق كلية المعلمين
مخرج 15 تتجه شرق ثاني اشاره تاخذ يسار
بعد اول اشاره يكون بنك الراجحي على يمينك والكليه بيسارك المحل بعد البنك على اليمين
أبوكلبشة
26/12/2006, 12:25 PM
يعطيكم الف الف عافيه
مشكورين وماقصرتو
كويشيت
26/12/2006, 12:45 PM
السلام عليكم ورحمة الله وبركاته
أخوي أبو كلبشه حياك الله وش أخبارك وأخبار حسني البرزان وغوار وابو عنتر وشلة صح النوم كلهم
بالنسبة لمحل الرماية فالمقر الرئيسي يقع على شارع التخصصي إذا لفيت يمين مع شارع التخصصي وانت جاي من طريق خريص وتصير بنده العزيزية ومطعم ماكدونالدز على يسارك وبعد حوالي ميتين أو ثلاثمية متر يجيك محلهم على اليمين ولهم فرعين وأحد بعد الدوار الثاني إلي على طريق الثمامة وانت جاي من جامعة الامام باتجاه الشرق يعني إمتداد التخصصي والفرع الثاني مقابل مطعم عمو حمزة إللي جنوب الرياض حول مستشفى الأمير سلمان أظن أسم الشارع طريق المدينة المنورة .( للمعلومية أسعارهم غاليه شوي مقارنة بمحلات الرحلات الأخرى علماً بأنهم معذورين ما يجيبون إلا ماركات ) .
أما بالنسبة لمحل البرية بالرياض فهو يقع في حي السلام مقابل الكلية المتوسطة من جهة الشرق يعني إذا كنت جاي من طريق خريص ومتجه من الغرب إلى الشرق تمسك طريق الخدمة وتلف يمين بعد وكالة الجميح مباشرةً مع طريق الابراج إلي يودي لحي السلام ويمر على مستشفى اليمامة ومعهد حرس الحدود إذا رحت مع هذا الشارع جنوب تتعدى الاشارة الأولى اللي عند حرس الحدود وتسوي يو تيرن عند الاشارة الثانية اللي عند كلية المعلمين ويصير المحل على يمينك بعد حوالي ثلاثمية متر أما إذا كنت جاي عن طريق الدائري الشرقي فتتجه مع مخرج 15 شرقاً اللي هو المخرج اللي عليه مسجد الراجحي و أسواق المجد وتتعدا الاشارة الأولى وتلف يسار مع الاشارة الثانية اللي عند أسواق الهرم ويصير اتجاهك شمال وتستمر حتى تصل الاشارة الاولى اللي عند أسواق السدحان وبعد الاشارة بثلاثمية متر يصير المحل على يمينك ( ياحبيلهم أسعارهم معقوله وشغلهم زين وقايمين على شغل المحل بانفسهم ولاتنسى إذا جيتهم سلمني على أبو صالح وأبو يزيد )
أرجو أن أكون أفدتك والسلام ختام
أبوكلبشة
26/12/2006, 02:06 PM
مشكور وماقصرت وبيض الله وجهك ياخوي كويشيت