المساعد الشخصي الرقمي

مشاهدة النسخة كاملة : باتــــرول 2002 ربــع ..... ماقــدرنا نصلحــه ولا عــرفنا الســبب !


خيام الندم
26/12/2006, 01:55 PM
السلام عليكم جميعا ... أرجو أن تكونو بخير ......... هذه دعوه لأهل الفزعه من أصحاب النيسان وأهل التجربه والخبره ..................
فأرجو التكرم بأبدا الرأي أو من حصلت له هذه المشكله وعانا منها أو من يعرف ورشه تخص هذه المشكله :
مع أخوي جيب نيسان ياتــــــــــــرول ربع 4500 موديل 2002 ... والمشكلـــــــــــــــــــــــــــــــــــــــه
أنه يطفى أثناء القياده ........... رحنا للورشه وقالو هذي مشكله كهربائيه وشافو الكتاوت حق الطرنبه سليم وقالو جب طرنبه وغيرناها جديده وما زالت المشكله وقالو لنا كلبليتر واصلا الكلبليتر مطرف ومكسور ختمه وغيرناه جديد اصلي وكاله وماراحت المشكله يطفى بعد ماتمشيــبه او بعد مايحتر وتشغله معد يشتغل ألا بعد جهد جهيد ويبدأ يشرق وريحة البنزين تطلع والان وديناه ورشه ثانيه وفحصووه وقالو ان الموتر سليم ............ مشكله خطيره .............
الفزعه تكفوووووون ؟
طحنون
26/12/2006, 02:03 PM
خيام الندم الله يعينك
لاكن مايمنع انك تقراء عليه يمكن صايبته عين الله يكافي الشر
_n_
26/12/2006, 02:10 PM
وعليكم السلام ..

اخوي .. ممكن يكون الكمبيوتر حق البخاخ خربان .. او يبيله وزن ..

مع المعلوميه اذا خرب مايبدء يوصل بانزين مضبوط للماكينه وبعد كذا مافيه شي يحترق .. وهذا سبب تطفئة المحركـ

مجرد راي ولكـ حرية القرار

وارجو ان تنحل مشكلتكـ
imksa
26/12/2006, 02:10 PM
اخي الحبيب

جرب غير غطاء البنزين

كانت معاي كرسيدا ( الله يذكرها بالخير ) فيها نفس المشكلة وتذكرت مره من المرات كنت عند ورشه وقام يمدح لي في نفسه وانه جاهم صالون عجزت الوكاله تصلحه وقال لصاحب الصالون خله عندنا ، قام وشبك طرمبة البنزين على تانكي خارجي وخلاه شغال ( كان يطفى بعد نصف ساعه ) وجلس يشتغل 3 ساعات من ابدع ما يكون وبعد الفحص لقى الغطى خربان ، فقمت وفكيت الغطى وحطيته في الشنطه ومشيت بالسياره بدون غطى وكانت النتيجه انها معاد طفت ولله الحمد ، صرت بعدها افتح غطى البنزين شوي ومعاد شفت خراب ولله الحمد.


في امان الله
imksa
26/12/2006, 02:12 PM
عندما بدأت في كتابة هذا الرد لم يكن فيه اي ردود وبعدها وجدت 3 ردود في وقت واحد


الله يجزى الجميع خير على هذا الحرص
هاوي الله
26/12/2006, 06:18 PM
لااااااااااااااااااا ويمدحون نيسان بعد !!!!!!!!!!!!!!!!!!!!!!!!!!؟
المتليك
26/12/2006, 06:43 PM
شف وايرات البواجي يمكن منها حاول تغيرها
والله اعلم
العملاق النائم
26/12/2006, 07:10 PM
الله يعينك

لكن اعد وزنة الديلكوا ...
شبح الصحراء
26/12/2006, 07:13 PM
دائماً الخرابات الغريبة واللي مالها حل سببها العين ، انصحك تقرأ على الموتر المعوذات واذا ما نفع بع الموتر لأخوك ولو بريال بدون نقل الملكية وخله يستخدمه ولو ساعة واحدة وبعدين استخدمه انت وإن شاء الله تروح العين عنه .
قناص الوعول
26/12/2006, 07:48 PM
اخوي عندك الكبيوتر خربان اخوي صارت له نفس المشكلة كان شاري له نيسان بيكب جديد وغسلة عند المغسلة بستم وعندما ركب السيارة تفاجى
ان السيارة لا تشتغل وبدت معناته مع الورش واخر شي طلع الخلل من الكبيوتر وراح لتشليح السيارات وشرى كبيوتر وصلحت السيارة والان
تشتغل السيارة مثل الساعة
أبو_خالد
27/12/2006, 12:29 AM
افحص "منظم البخاخات"
سلكي نت
27/12/2006, 12:36 AM
اخوي شف احد هالامور:
1- الكمبيوتر ان كان فيها كمبيوتر.
2-اسلاك البواجي.
3-شف الديلكو فكه وامسك العمود الذي بمنتصفه وحركه اذا تحرك ولو حركه خفيفه غير له الجلب عند المخرطه لكن عيبها انك كل بعد فتره راح تغير جلب.
4-طرمبة البنزين وصفاياتها.
5-يوجد وجه بلاستيك سميكه ومقواه بين الكربريتر والتلاجة احياناً يهرب هواء داخل المكينه من دون المرور بالكربريتر ويكون الهواء غير مشبع بالبنزين لذلك لن تشتغل السيارة"مهم" كثير من اصحاب الورش يضعون سيلكون وهذا خطاء للانه يتمدد مع الحرارة ويهرب الهواء.
6-البلاتين والبويبينه وقد يكون سلك الدعسه ثقيل او يعلق وعند رفع القدم عن الدعسه لا يرتد بسرعه الحل غير السسته حقت الدعسه.
7- في بعض السيارات القديمه لحد موديل 87 (باترول) توجد وصله بيضاء تحت الكويل تسمى عظمه بها زنبرك ينضم قوة الكويل المرسل لنبضة الكهرباء للديلكو لكي يوزعها على البواجي انتبه له "هو لايخرب ولكن ممكن يكون تعرض لسحب او شد جرب واحد مستعمل لو من سيارة احد الشباب"انا لا اعلم هل هو موجود في السيارات الحديثة ام لا.
8- احتمال نادر جداً وهو ان يكون جنزير الراس مرخي او احد عصافير البلوف في الراس محلول الحل تاكد منها بفك غطاء الراس ومراح يكلفك شي ويضل احتمال نادر ومستبعد.
ولدالهلالية
27/12/2006, 12:39 AM
عين ماصلت على النبي ، الحمدلله إنه جت بالسيارة مهب بالرجّال ، أذكار الصباح والمساء تكفي شر العيون بإذن الله ...
mfad
27/12/2006, 01:01 AM
الشباب ما قصرو بالردود وبعض الحلول اذا مانفعت حلولهم ؟؟؟؟؟؟؟؟؟؟؟؟؟



فيه ورشة خاص بالكهرباء في الصناعية الكبيرة ((القديمة)) أسمها (( الجابري )) هذي أنا جربت عندهم كم شغله وجابوا خبرها,, بس ؟؟؟؟؟؟؟؟؟ الله يعينك على ضرب الفاتورة اقل شيء 400ريال ....

خذ حسابك هي دائماً مزحومة تعال بدري ولا خذ معك احد يجيبك واترك السيارة عندهم

الورشة تقع في الشمال الشرقي من الصناعية قريبة من شارع الأمير سلمان قبل النفق ووجهك شرق يمين أسئل هناك معروفة..........
مفك 14
27/12/2006, 01:05 AM
شف وانا اخوك انا معاي هايلوكس 1995 كانت تطفي وانا ماشي وابتلشت المهم لقيت المشكله كلها بالصفاية ( صفاية البنزين ) وغيرتها والحين السياره لها حول 4 سنين زي الساعة .

وفيه نفس المشكلة صارت مع واحد من اخوياي وماخلا ورشة ماجاها وبالاخير حصل ورقة (فاتوره) مقطعة ومرمية جوا التانكي من فواتير محطة بنزين يعني العامل اللي يعبي بنزين قطع الورقة ورماها جوا التانكي المهم نظف التانكي وصارت السيارة 100%

وفيه واحد صارت معاه نفس المشكلة وراح لاكثر من ورشة وبالاخير حصل المشكله بوحده من مواسير البنزين اللي تحت وهي اللي تسحب البنزين من التانكي الى الكلبليتر او البخاخ المهم الماسوره هذي ضاربها حجر وطاعجها وماتوصل بنزين زين وغير الماسوره وصارت السيارة 100%

هذا اللي مر علي من عطالات بالسيارات واتمنى اني افدتك .
المتهني
27/12/2006, 01:07 AM
السلام عليكم ورحمة الله وبركاته

الحمد لله على كل حال

انا (واعوذ بالله من كلمة انا) عندي الحل ، بس تدعيلي اذا نجحت معك العملية وهي
ابسالك سؤال : هل اذا كنت تمشي يطفى عليك الموتر ؟ وهل اذا احتمى يطفى؟وهل اذا برد اشوي او بعد ما تطفيه بنصف ساعة وتشغله يشتغل ؟

هذي سلمك الله طرمبة البنزين . والله ان اخوي حصلت معه وقعد اكثر من شهر وهو عند الورش اخر شي طلعت الطرمبة حقت البنزين

بس اذا كان هذا السؤال جواب للي عندك

وارجو اني افدتك

وتقبل تحياتي
اخوك راعي الوفا
alz3em_1
27/12/2006, 01:21 AM
مرحبا أخوي راعي الباترول الربع 2002
أنا من وجهة نظري أن موتركم منضول
وأنا أقترح عليكم أنكم
ياتقرون عليه والإ تبيعونه
ويخلف الله عليكم
زعتر
27/12/2006, 02:43 AM
اخوي انا معي جيب باترول 2003 صارلي نفس المشكله اذا مشيت تطفاء السياره ولقيت المشكله بسيطه ان احد ليات الموصله للكبليتر مقطوع قطع صغير غيرت الليات ضبط معي تاكد من ليات الكبليتر ولا تنسى تشيك على الفيوزات وبالتوفيق.
عاشق البر 898
27/12/2006, 02:57 AM
هلا وغلا الحقيقه واحد من زملائي عنده نفس المشكله حاول فيها اكثر من شهر وتخسر قرابه الفين ريال وملقى حل وبعدين راح لكهربائي فاهم ولقى المشكله بالظفيره بعضها محترق وغير بعض اسلاك الظفيره ولقاه منها واعتقد ان مشكلتك نفس مشكلته والله اعلم.
البريدي
27/12/2006, 04:29 AM
السلام عليكم
انت مركب فلتر اذا مركب احتمال ما ربط القفيز زين
واذا ماركبت شيك على خوطوش الهواى الي جاي من الفلتر والحساس اذا هو مربوط ولا احتمال فيه خراب
اذا فيه اي استفسار راسلنس على الخاص
اسف على الاطاله
اخوك البريدي
مجتهد***
27/12/2006, 04:34 PM
الله يعينك على ما ابتلاك

ياليت في يدي شي أسويه لك

لك مني الدعاء
صحيح
27/12/2006, 06:27 PM
اخوي حاول تجرب تغير طرنبة البنزيين بطرنبه كابرس أصليه وانشاء الله بيضبط الموتر انا كان عندي نفس المشكله في جيييب رانجلر اخو الشيروكي كنت اذا رحت الثمامه قبل ما اوصل الثمامة بكيلو يطفى الموتر ركبت طرنبه شد بلد اصليه ما نفعت ركبت طرنبة الكابرس اصليه والحمد الله ضبط بعدها .
ولاحظ انه بعد ما تمشي مسافة بعيدة اذا احتمت الطرنبه يطفي الموتر, وشيك عندك على الكهرباء عموماً يمكن يكون فيه ماس بسيط يخلي الطرنبه تحتمي وطبعاً من باب الامان تقطع الطرنبه ويطفي الموتر
ابو خضير
28/12/2006, 10:43 AM
السلام عليكم
انا هذي المشكلة صارة معي وعجزت اصلحة بكل مكان
ورحت عند واحد باكستاني وقالي غير الابر حقت الكلبريتر
وشرط انة تكون تجارية ماهي اصلية!!!!!!
وغيرتهن وانا ماني مقتنع فية ولا بكلامة
ولكن الحمد للة انة صارت احسن من اول
ولكن فرقت صرفيت البانزين؟؟؟؟
وواحد قالي انة بعض الاحيان يكون من سلك الكويل
يكون فية تهريب كهرباء ولا يعطي كهرباء كفاية للسيارة!!!!!!
فغير السلك مع اسلاك البواجي
ويمكن يكون طرمبة البنزين اذا احترت ماتسحب بنزين كفاية
ولكن شوري لك جرب الحل الاول لاني مجربة
ولاتنسى تقراء عليها
واعذرونا على القصوووووووووووووور
imksa
28/12/2006, 04:34 PM
يالربع وين راح صاحب الموضوع ؟؟؟؟
القويعي
28/12/2006, 04:41 PM
شكله مصفوق بعين
حد الشمال
28/12/2006, 05:02 PM
هذي عين ماصلت على النبي انا صارت لي نفس المشكله مع سياره قبل 12 سنه تقريبا

القصه كانت عندي سياره نيسان ميتين واربعين لاوريل اللي جت بعدها الالتيما واحد عطاها عين عسى عينه للفضخ عموما صاربها خراب واللي هو تطفي وهي ماشيه كل شي بالسياره يطفي حتى الانوار اكثر من مره تحرجني احيانا تطفي من امشي من الاشارة طبعا انا شريتها مافيها شي والمشكله طلعت بعد ماشريتها بمده لان في وقتها كانت السياره لها قيمه والكل يبي يشتريها ماطول عليك جيت كل الورشات مافي كهربائي او ميكانيكي محتفين ولهم صيت ولا واحد قدر يعرف المشكله ولا وصارو يخبصون بعد واحد منهم خرب لي الكبريتر وقامت تكافخ السياره بعدها بفتره جاني ولد عمتي واخذ السياره بدل ببيوك الطويله وزادني سبعة الاف وطبعا عنده علم بخراب السياره وجاه واحد مطفوق واخذها منه قصاد وطبعا علمه بالعله والمطفوق سوابها حادث وانعدمت السياره وحتى تشليح محد قالها بكم طبعا سلم راعيها باعجوبه 0
والسلام عليكم
خيام الندم
29/12/2006, 03:19 AM
السلام عليكم جمـيعا ......... شكرا يالنشامـى ... شكرا يالأجـاويد ... شكرا يا أهل الفزعــات ... شكرا يالذيابــه ...
ما قصرتو يعلـم الله ..................... الله حــق ما قـصرتـو .......... شاكــر ومقـدر لكل من شاركنـي مشكلتـــــي
الله يعطــيكم العافيــه وكل عـــــام وأنتــــــــم بخيــــــر وصحـــــــه وعافـيــه يارب ياكريم وعــــــيدكم مبـــــــــارك والله يقبل ضحــــاياكم .. أمييين .................................................. .

بالنسبه للمشكلــــــــــه أبشركم ولله الحمد عرفت السبب وصلح الموتر ... كان السبب هو : ( كتــاوت )طرنبة البنزين
فقط وغيرته بأصلي ياباني ... وموجودالكـــــتاوت يســــــــــااار الكلتـــش ورى فصالات الباب !!!!!!!
أنصح بأقتنائه ووضعه بالدرج للي يبعدوووووووووووووووووووووووون ...

أكرر شكري لكم واحد واحد .................. خيام الندم ....................................