ماهو افضل رديتر للباترول 97

[شاص99]

السلام عليكم ورحمة الله وبركاته..

يالربع انا معي باترول 97 وترتفع حرارته الظهر بحكم الاجواء الحارة وانا امشي ومشغل المكيف تكون على الربع وايضاً ترتفع الحرارة بالنفود

الموتر عليه مراوح سوبارو كبار سرعتين بالليل اشغل المكيف وهو واقف ساعة ولاترتفع حرارته..

فكرت اغير الرديتر حق البلد النحاس وقلت اركب رديتر فكسار لان اشوفه يركبونه على المرهمات واموره مظبوطه ..لكن سؤالي الرديتر حق اي موديل وكم سعره الاصلي والتجاري ووش تنصحون اركب هل الفكسار او اركب اديتر باترول المنيوم اردني. ويين يباع موقعي بريدة....؟؟؟؟

[SAS2]

عندي بالباترول اديتر نحاس وميزته يعيش معك اكثر من الالمنيوم وما فيه فرق كبير بين الالمنيوم والنحاس الا ان الالمنيوم يبرد بسرعة اكثر عند تطفيه الموتر فقط اما بالخط كلهم حول بعض ومشواري اليومي وانا راجع من الدوام ١٥ كيلو ومشغل المكيف الحرارة عند اول خط لاكن انت غير موية الاديتر بموية مناسبة وبدون موية مقطرة وانشالله تروح الحرارة انا لقيت المتوفر موية تويوتا الحمرا وماشي حالها والاخوان يفيدونك اكثر مني انشالله

[التعـ King ـديل]

الوكاله مافي مثله

شيك على الليات قبل التغيير وركب مويه تويوتا جالون مع ماء مقطر وامورك ان شاء الله تمام

[شاص99]

عندي بالباترول اديتر نحاس وميزته يعيش معك اكثر من الالمنيوم وما فيه فرق كبير بين الالمنيوم والنحاس الا ان الالمنيوم يبرد بسرعة اكثر عند تطفيه الموتر فقط اما بالخط كلهم حول بعض ومشواري اليومي وانا راجع من الدوام 15 كيلو ومشغل المكيف الحرارة عند اول خط لاكن انت غير موية الاديتر بموية مناسبة وبدون موية مقطرة وانشالله تروح الحرارة انا لقيت المتوفر موية تويوتا الحمرا وماشي حالها والاخوان يفيدونك اكثر مني انشالله

ماشاء الله..
افهم من كلامك انه مايسوى اغير الرديتر للاردني الالمنيوم..

ماء الرديتر عندي احمر ويحتمي وش الحل:l

[شاص99]

الوكاله مافي مثله

شيك على الليات قبل التغيير وركب مويه تويوتا جالون مع ماء مقطر وامورك ان شاء الله تمام


الليات ممتازة والمااء احمر مادري وش نوعه

[شاص99]

شيكت على بلف الحرارة وصار الموتر مابه بلف حرارة. هل اذا ركبت بلف تنزل الحرارة او لا..؟؟

[SAS2]

بلف الحرارة ان حبيت تركبه ركبه بالشتا اما بالصيف لا تركبه ابد هذا الاكيد

ومالك الا تغير الغطاء وتسيخ الاديتر لاكن ابد بالغطاء وانشالله تنحل المشكلة ولو المهندس اصيل حجازي فيه بيفيدك اكثر

[cadillac911]

بلف الحرارة ان حبيت تركبه ركبه بالشتا اما بالصيف لا تركبه ابد هذا الاكيد

ومالك الا تغير الغطاء وتسيخ الاديتر لاكن ابد بالغطاء وانشالله تنحل المشكلة ولو المهندس اصيل حجازي فيه بيفيدك اكثر


مع أني ما اعرف شي بالباترول الا انه عندي مشكلة في قصة عدم وجود بلف الحرارة وهذا عن تجربة شرين جمس بدون بلف مع المكيف او بدون وانا واقف ترتفع لكن من امشي تنزل لكن من يوم ركبت البلف والحرارة ثابتة بدون المكيف ومع المكيف في مراوح كهرب


اذكر الله تكسب حسنة

[SAS2]

مع أني ما اعرف شي بالباترول الا انه عندي مشكلة في قصة عدم وجود بلف الحرارة وهذا عن تجربة شرين جمس بدون بلف مع المكيف او بدون وانا واقف ترتفع لكن من امشي تنزل لكن من يوم ركبت البلف والحرارة ثابتة بدون المكيف ومع المكيف في مراوح كهرب


اذكر الله تكسب حسنة

نفسك اخوي معرفتي بسيطة جدا وما اكتب الا الي جربته بنفسي بالنسبة للمواتر القديمة الي ما فيها حساسات اشيل البلف وتنزل الحرارة وبالشتا اخلي الموتر ياخذ وقتة بالتحمية

اما الامريكي فيه الف شغلة للحرارة وممكن تغير كل شي وانت ما عرفت وش علتة كلامي بعد معاناه مع كابريس 2004 الله لا يعيده بس الصراحة ما طلعت مشاكل الحرارة فيه الا بعد حادث خفيف وما تلقى احد يعرفله عشان كذا الامريكي اعتبره حاله خاصة لكثرة حساساته

[التعـ King ـديل]

انا ضد فكه بلف الحراره وجوده شي مهم في تنظيم دوران حركه المويه

[الحميضاني]

السلام عليكم ورحمه الله وبركاته
ركب اردني وتدعي لي باذن الله صارله اكثر من سنتين ولله الحمد ما شكيت منه واذا مكينه سيارتك ٤٢٠٠ ركب بلف حراره ٩٨ يجي اقصر من حق الوكاله انا مركبه الحراره على الخط الاول

[You Like Me]

وعليكم السلام ورحمه الله وبركاته

اخوي الحرارة وين توصل بالضبط اذا ارتفعت ؟
واذا عندك مشكله حرارة لو تركب رديتر شيول ما تستفيد شي
لازم تعالج المشكله بالأول بعدين فكر بتغيير الراديتر

[شاص99]

السلام عليكم ورحمه الله وبركاته
ركب اردني وتدعي لي باذن الله صارله اكثر من سنتين ولله الحمد ما شكيت منه واذا مكينه سيارتك 4200 ركب بلف حراره 98 يجي اقصر من حق الوكاله انا مركبه الحراره على الخط الاول

جزاك الله خير.
لكن بلف الـ98 على كم يفتح..؟؟
الرديتر الاردني هل رايك انه ممتاز وينزل الحراة بحكم انك مجربه..؟؟

[الحميضاني]

بلف ال٩٨ يفتح نفس حق الوكاله بس يجي قصر اول كان على سيارتي راديتر نحاس مع بلف الوكاله كانت الحراره الربع ومع الوقوف تتعدى الربع مع وجود مروحه تبريد اصليه وغيرت للاردني مع بلف ٩٨ صارت الحراره على الخط الاول ومع الوقوف الطويل تفرق عن الخط الاول بشوي وبدون تشغيل المروحه بالنسبه الرديتر ولله الحمد ما شكيت منه ابد وصار له اكثر من سنتين وللحين ما شاء الله كانه جديد وفيه نقطه احب اقولها لك ولمن يقرا غطاء الرديتر لا تركب غير الاصلي بنووووب

[الحميضاني]

وعلى شان اطمنك اكثر فيه كم واحد من خوياي مركب اردني وبلف ٩٨ ونفس حراره سيارتي بالضبط

[ابوخلف..]

بالنسبة للراديتر افضل شي حق الوكالة لو تحصل مستعمل نظيف
احسن لك .

[مير خان]

سيخ الارديتر قبل اي شي وشيك على ربلت الغطا
قبل ماتخسر

[ddd500]

كم سعر الارديتر الارني وكم رصه 3 او2 وين احصله اذا ممكن

[ابو فهد...]

البلف ضروري كان معي اخو موترك وترتفع
ركبت بلف وكاله + مويه تويوتا + وركبت رديتر اردني المونيوم سعره حول ٣٠٠
الحراره نامت ولاصرت اعرفها

[راعي المعرض]

.
.
.
.
متابع