الرسن
27/12/2006, 03:19 AM
نعم واقولها بملء فمي كاشت رغم انف مديري وليفعل مايشاء
وعمر بن الخطاب (يقول متى استعبدتم الناس وقد ولدتهم امهاتهم احرار)
فلتسمع يامديري وليسمع كل مدير به صمم انني كاشت في ارض الله.
ياشيبان وشباب المنتدى مكشات من اصغركم وحتى اكبركم
مديري هذا معقد وعقدني وطلع الشيب في راسي لعب في برمجتي
اقول الشمس تطلع شرق يقول لا تطلع غرب
بصراحه انا اذكى منه دائما احل له مشاكله هو غبي وانا ذكي
دائما يحرمني من الاجازات يكلفني بالعمل خميس وجمعة
يعطيني خارج دوام وانا جالس في البيت تراي ماكل حرام
مديري يطنشني عند مدراءه مديري يعقدني اذا صار انتداب للصمان
والدهناء يحرمني من السفر اجازتي يبلع نصها يعطيني نص اجازتي
والنص الثاني يقول اجل الى وقت لاحق ويوم يجي وقت لاحق يقول نخليه الى وقت
لاحق حتى اذا اكتربت وتغيرت نفسيتي يجي بكل برود يقول لي بكره لاتجي تراك مجاز
اذا جاء مطر وخير فزت نفسي استئذن منه ياطويل الذراع بعد اذنك يوم واحد ابشوف
الخير والامطار يقول لا ولو تحركت من ذا الباب تراك غايب يامسلم يالحبيب انا فلان
يقول لو انك علان جعلك العلل اللي يعل بطنك يامال الهم والغم واذا جته مشكلة تكفى يالرسن
شد حيلك تراك انت ابوها وخالها وعمها نبيك تحلها فيه موظفين مطنشين يعني موظف سائح دايخ اجازته
في مخباته معطي المدير قفى مع زبيريه اكرمكم الله.
وانا ياحسرتي على حظي طايح مع مديري الامعة، تصدقون طلبت نقل من قسمه قامت قيامته قعد يسبني
عند مدراء الاقسام الثانين طيب ليش حرام عليك ارحمني بقاء يقول طالما انا في القسم مالك نقل المشكلة انه
يسبني عند الاقسام الاخرى وصارت سمعتي سيئة عند المدراء الآخرين دائما يشوفوني بعين وشكل ثاني
مرة غبت يومين مع خميس وجمعة رحت امارس هواياتي في البر كاشت في الدهنا مرورا بالصمان والحجرة
واخيرا جيت العمل قال لي وين يابو الشباب ان كان كملت الاسبوع كلفت على عمرك واحصله خاصم اربع ايام
طيب ليش اربع ايام انا غبت يومين قال مالي شغل بعد شوي لقيته جامع كل اشغال اليومين هاذي وراميها على
يالله خلص شغلك احصل جميع الشغل هذا في نهاية الدوام على مكتبي منتهي يابن الحلال ارحمني والله واطنش مندوبه واطلع من الدوام وعلى طول للكوفي شوب مادريت الا لحقني عند الكوفي شوب يالرسن تراي احترمك واقدرك يالرسن انت عزيز وغالي يالرسن انت مامثلك بهالدنيا ولد يالرسن ويالرسن والله واصدق عمري قلت بس مديري صارخاتم في اصبعي وبس وصلنا مكاتبنا تغير مديري صار اسد هصور وهو دجاجة صقعاء معي في الكوفي شوب يمدحني آه يالقهر المهم وانا اخربها معه واصك بابا مكتبه واحط عيني بعينه قلت يافلان احترم نفسك وخلك رجال تراك مسختها وتراك غربلتها وتراك زودتها وتراك طينتها وتراك زفتها وتراك قلبتها وشف عيني حمراء
والله ثم والله ثم والله اني لأفضحك وترا عندي مستندات وادلة مثبتها عليك منها ومنها وبكره بتكون صور من المستندات على مكتبك يوم تغير مديري وتبدل حاله وصار حمل وديع واصبح يترجىء وتغير 180درجة لا قلب 360درجة سبحان مغير الاحوال تصورو كان بيكلفني بالعمل خلال اجازة الحج غصب عني يوم هددته بالوثائق تغير حاله
طبعا انا ماعندي وثائق ولا لي عليه شي بس اللي في بطنه ريح مايستريح آخر شي قال تمتع باجازتك ومارس هوايتك قلت ابي 15 يوم اجازة مع الحج قعد يتعتع قلت هاه قال خلاص قدم ومافيه مانع ياربي وش السالفه
تصدقون انا ماني مصدق اني ابااخذ اجازة واروح لللصمان والدهناء والتيسية والحجرة وسامودة ولينة اجازتي
طويلة ونيسة الله يعينا على طولها تصدقون ماني مصدق انا في حلم والا علم مديري عطاني اجازة الحج وعليها خمسطعش يوم شي خرافي شي لايصدق وش اقول وين ابدء وين انتهي ومن زود فرحتي كتبت هالسطور عشان تشاركوني فرحتي الل يمن زودها قاعد اكتب مادريت الا انا في السطر الاربعين هو صحيح انا في السطر الاربعين
عاد تدرون وش قال لي مديري قبل لا اطلع من عنده قال عساك راضي علينا يالرسن قلت الحين توك ماصرت مدير والا قبل انا ادربي راسي ماعرف من وين توكل الكتف.
وسلامتكم وطولت عليكم ونسم علينا الهواء شمالي.
وعمر بن الخطاب (يقول متى استعبدتم الناس وقد ولدتهم امهاتهم احرار)
فلتسمع يامديري وليسمع كل مدير به صمم انني كاشت في ارض الله.
ياشيبان وشباب المنتدى مكشات من اصغركم وحتى اكبركم
مديري هذا معقد وعقدني وطلع الشيب في راسي لعب في برمجتي
اقول الشمس تطلع شرق يقول لا تطلع غرب
بصراحه انا اذكى منه دائما احل له مشاكله هو غبي وانا ذكي
دائما يحرمني من الاجازات يكلفني بالعمل خميس وجمعة
يعطيني خارج دوام وانا جالس في البيت تراي ماكل حرام
مديري يطنشني عند مدراءه مديري يعقدني اذا صار انتداب للصمان
والدهناء يحرمني من السفر اجازتي يبلع نصها يعطيني نص اجازتي
والنص الثاني يقول اجل الى وقت لاحق ويوم يجي وقت لاحق يقول نخليه الى وقت
لاحق حتى اذا اكتربت وتغيرت نفسيتي يجي بكل برود يقول لي بكره لاتجي تراك مجاز
اذا جاء مطر وخير فزت نفسي استئذن منه ياطويل الذراع بعد اذنك يوم واحد ابشوف
الخير والامطار يقول لا ولو تحركت من ذا الباب تراك غايب يامسلم يالحبيب انا فلان
يقول لو انك علان جعلك العلل اللي يعل بطنك يامال الهم والغم واذا جته مشكلة تكفى يالرسن
شد حيلك تراك انت ابوها وخالها وعمها نبيك تحلها فيه موظفين مطنشين يعني موظف سائح دايخ اجازته
في مخباته معطي المدير قفى مع زبيريه اكرمكم الله.
وانا ياحسرتي على حظي طايح مع مديري الامعة، تصدقون طلبت نقل من قسمه قامت قيامته قعد يسبني
عند مدراء الاقسام الثانين طيب ليش حرام عليك ارحمني بقاء يقول طالما انا في القسم مالك نقل المشكلة انه
يسبني عند الاقسام الاخرى وصارت سمعتي سيئة عند المدراء الآخرين دائما يشوفوني بعين وشكل ثاني
مرة غبت يومين مع خميس وجمعة رحت امارس هواياتي في البر كاشت في الدهنا مرورا بالصمان والحجرة
واخيرا جيت العمل قال لي وين يابو الشباب ان كان كملت الاسبوع كلفت على عمرك واحصله خاصم اربع ايام
طيب ليش اربع ايام انا غبت يومين قال مالي شغل بعد شوي لقيته جامع كل اشغال اليومين هاذي وراميها على
يالله خلص شغلك احصل جميع الشغل هذا في نهاية الدوام على مكتبي منتهي يابن الحلال ارحمني والله واطنش مندوبه واطلع من الدوام وعلى طول للكوفي شوب مادريت الا لحقني عند الكوفي شوب يالرسن تراي احترمك واقدرك يالرسن انت عزيز وغالي يالرسن انت مامثلك بهالدنيا ولد يالرسن ويالرسن والله واصدق عمري قلت بس مديري صارخاتم في اصبعي وبس وصلنا مكاتبنا تغير مديري صار اسد هصور وهو دجاجة صقعاء معي في الكوفي شوب يمدحني آه يالقهر المهم وانا اخربها معه واصك بابا مكتبه واحط عيني بعينه قلت يافلان احترم نفسك وخلك رجال تراك مسختها وتراك غربلتها وتراك زودتها وتراك طينتها وتراك زفتها وتراك قلبتها وشف عيني حمراء
والله ثم والله ثم والله اني لأفضحك وترا عندي مستندات وادلة مثبتها عليك منها ومنها وبكره بتكون صور من المستندات على مكتبك يوم تغير مديري وتبدل حاله وصار حمل وديع واصبح يترجىء وتغير 180درجة لا قلب 360درجة سبحان مغير الاحوال تصورو كان بيكلفني بالعمل خلال اجازة الحج غصب عني يوم هددته بالوثائق تغير حاله
طبعا انا ماعندي وثائق ولا لي عليه شي بس اللي في بطنه ريح مايستريح آخر شي قال تمتع باجازتك ومارس هوايتك قلت ابي 15 يوم اجازة مع الحج قعد يتعتع قلت هاه قال خلاص قدم ومافيه مانع ياربي وش السالفه
تصدقون انا ماني مصدق اني ابااخذ اجازة واروح لللصمان والدهناء والتيسية والحجرة وسامودة ولينة اجازتي
طويلة ونيسة الله يعينا على طولها تصدقون ماني مصدق انا في حلم والا علم مديري عطاني اجازة الحج وعليها خمسطعش يوم شي خرافي شي لايصدق وش اقول وين ابدء وين انتهي ومن زود فرحتي كتبت هالسطور عشان تشاركوني فرحتي الل يمن زودها قاعد اكتب مادريت الا انا في السطر الاربعين هو صحيح انا في السطر الاربعين
عاد تدرون وش قال لي مديري قبل لا اطلع من عنده قال عساك راضي علينا يالرسن قلت الحين توك ماصرت مدير والا قبل انا ادربي راسي ماعرف من وين توكل الكتف.
وسلامتكم وطولت عليكم ونسم علينا الهواء شمالي.