إستشارة أهل العرف والتجربة (تكفوون)

[روحي بحايل]

السلام عليكم ورحمة الله وبركاته

الأخوة : أعضاء مكشات الكرام


أبغى أستشيركم يا أخوان أنا مقبل على البناء يعني على أسبوعين أكون بدأت إن شاء الله ..

ولازم أبيع موتري اللي ممكن يجيب لي سبعين ألف إن شاء الله

وأبغى سيارة أقساط ومالقيت إلا عن طريق الراجحي اللي هو أجار مع الوعد بالتملك ...

وأرخص سيارة لقيتها من فئة الدفع الرباعي بحكم إني راعي بر هي الهايلوكس الدبل 2015

أعطانياها البنك بقسط 1745 ريال ودفعة أخير 35،775 ريال

سؤالي اللي أبغى الرد عليه :
1. هل السيارة قوية وتستاهل الأقساط.
2. هل تصلح للتردد 220 كم كل أسبوع مرة .
3. هل السيارة تخارج نفسها بالرمل ولا ثقيلة .
4. هل هي نفس قوة العادية في الخط .


تكفووون فزعتكم ما أعرف أحد جربها ولا عمري جربت الهايلوكس الدبل ..
عطوووني علومها

[روحي بحايل]

معقول 25 مشاهدة للموضوع ولا حد رد

[برق السر]

الهليكس الدبل قوويه وحقت مكده لرجال اللي ماهو راعي تطعيس وقيمتها شيك في مخباتك

وخذ قير عادي والتماتيك مايصلح

[برق السر]

شف الشيبان يكدونها كد والسياره ما عليها كلام لرجال الراكد اللي ماهو كل شوي يزر الموتر لانها اربعه سلندر

دامك تبي تبني بتفيدك بالتحميل والسياره ترا وسيله لا اقل ولا اكثر ودامك بنيت نصيحه لا تضغط علي نفسك

بالديون لو تأخذ اي سياره فيها حوض وخل تفكيرك بعيد الموتر لاحق عليه اهم شي البيت تأمنه لعيالك بعدين الموتر

والله يوفقك ويسهل امورك

[روحي بحايل]

صدقت أخي برق لكني بعيد عن الديرة وقدامي خط 220 كم أسبوعيا ومدري هي تنفع أوو لا جزاك الله خير على النصيحة

[كم كيلو باقي]

محل بدجت يأجرها بحول 220 ريال في اليوم
اطلع فيها النفود وشف تناسبك ولا لا

[Bodi1]

لي صديق عاشق صيد يقول جربت انواع السيارات بالصيد والمكشات ماعجبني الا الهايلوكس الدبل نصيحتي لك استأجرها يومين وشوفها كيف


أرسلت بواسطة iPhone بإستخدام Tapatalk

[Bodi1]

دامك مقبل على بناء عمارة السيارة المناسبه لك الحوض صدقني مهمه جدا بهالوقت


أرسلت بواسطة iPhone بإستخدام Tapatalk

[---ابو يوسف-]

السيارة ممتازة بالنفود بس تعيبة الراحة وخف البدي ميزتة تمسك سعرة نسبيا
شف الفورد الرينجر مريحة واكثر موصفات وسعرة الكاش79 الف انصحك بة
اما اذ كان معك موتر مهب مريح فهايلوكس تبي تمشي معك

[مسير عليكم]

السيارة ممتازة بالنفود بس تعيبة الراحة وخف البدي ميزتة تمسك سعرة نسبيا
شف الفورد الرينجر مريحة واكثر موصفات وسعرة الكاش79 الف انصحك بة
اما اذ كان معك موتر مهب مريح فهايلوكس تبي تمشي معك

رأي ممتاز هذا 80 الفورد وما حد ذمه

والهايلكس ميه وفوق

والله يوفقك ويسمح امرك

[najd star]

شف اخوي انا معي هايلوكس دفرنسين الموتر مايعلى عليه تبيه خط ولا شعبان ولا مقانيص لاكــــــن إذا أنت راعي نفود لا تاخذه مايصلح أبداً

[بحيرية]

توكل على الله الموتر يؤدي الغرض في كل اﻻحوال

[اللهم اغفر لي]

هايلوكس دبل وشفلك كفر حجرية عريض
اهم شئ الكفر

[طلال مكشاتي]

وعليكم السلام ورحمته الله وبركته



انا معي هايلكس دبل2015 يوميآآ امشيها 220 كيلو تقريباا

واشوفها ارسى من الدفرنس في الخط

والنفود يظهر نفسه

موتر قوي ومتماسك

هذا اللي حبيت افيدك فيه

[ابوسليمان77]

اخي الكريم وهل المنتهي بالتمليك جائز

باعك عقدين بعقد يعني اهم حاطين شرطين الي هو التاجير والتملك وانت عقدك تاجير ماتملك لين تدفع الدفعه الاخيره

ياليت تسال وتتاكد وتبرى ذمتك من الشبهات الكثير ياخذ منتهي بالتمليك بدون سوال اهل العلم

[.. PATROL ..]

اخي الكريم وهل المنتهي بالتمليك جائز

باعك عقدين بعقد يعني اهم حاطين شرطين الي هو التاجير والتملك وانت عقدك تاجير ماتملك لين تدفع الدفعه الاخيره

ياليت تسال وتتاكد وتبرى ذمتك من الشبهات الكثير ياخذ منتهي بالتمليك بدون سوال اهل العلم

كلام جميل وعذرا على التدخل

لكن وش البديل بارك الله فيك اذا الكل يمشي بهالنظام والناس ماعندها قدرة تشتري كاش !!