تموين الرحلات

[عبدالله الدوسري]

في كثير من الأحيان وخاصة في الرحلات الطويلة كثير العدد...


يحتار الإنسان ماذا يعمل؟!! ماذا يشتري....؟؟؟!!


أرجو أن يكون الملف المرفق مفيدًا بالنسبة لهذا الموضوع...



ولكم شكري...



أخوكم/ عبدالله الدوسري (أبو حمد)

[new1]

جزاك الله خير بو حمد
غفر الله لنا ولك ووالدينا ووالديك وكل مسلم:)

[عبدالله الدوسري]

آمين أخي الجديد

[عبدالعزيز الدباسي]

وش دعوى اخوي عبدالله عسى منتب زعلان على اخوياك :D

الحين يوم شفت الموضوع عن التموين قلت بس ابو عابد يبي يضف كل اللي بالتموينات وينغنغ اخوياه .

لكن تفاجأت ان القائمة كلها نواشف ،،، وش دعوى فطوركم وغداكم وعشاكم نواشف ،،،

كل الدعوى جبن وعسل وعسل وجبن ...:mad:

وين تموين الكبسه والمرقوق والمطازيز والقرصان والمقلقل والمكرونة و اغراض الشوي والا اغراض المقلي ولاتنس اغراض اللحم المسلوق او الخضار المسلوق ،،،

وكلها اغراض مهمة وضرورية اذا كنت مخطط انك تعمل وحدة منهن في الرحلة .

وتقبل تحياتي

[سمنان]

شقردي .. الله يسعدك على هالرد

والله اني كنت متضايق . بس اسلوب ردك خلاني اضحك غصب ...وارجو ان ابو حمد ما يزعل

[راعي شقراء]

بصراحة مشكور اخوي ابوحمد على الجهد
بس بصراحة يبدو ان القائمة ينقصها بعض المستلزمات
مثل (مواد وأواني) الطبخ والكبسات والايدامات والمشروبات الساخنة (عدة القهوة والشاي)
والاواني والعدد المتوقع احتياجها والادوات الكهربائية المعاد شحنها واجهزة الاتصال (كنود) وخزانات البنزين الاحتياطيه
بصراحة نواشف بالبر ماهي مناسبة في نظري
فطور مقلقل او فول او طماط مطبوخ او كبدة او كلاوي مع الشاهي
غدا كبسة على لحم او دجاج او ضبان وملحقات الكبسة المعروفة وتوابلها
عشاء ان كان الجو بارد فا لحليب من المشروبات اللذيذة
ولاباس ان يكون العشاء خفيف حسب الرغبة والنوم باكرا افضل للاستمتاع بالنزهه اطول وقت والسمر احيانا يكون مفضلا في الصيف

[abdu_35]

جزاك الله خير يا اخ عبدالله
:good: :good: :good:

[عاشق النحم]

فشلتو الرجال حرام عليكم
رايحن لم 120 محل رحلات وآخرتا
+++++++++
منب قايل
مشكور على المضوع واشاء الله الموضوع اللي عقبه يصير ازين
عـــــــــــــــــ النحم ـــــــاشق

[عبدالله الدوسري]

الأخوة الكرام....


توقعت أن أكثركم قد سحب ملف الأخ أيمن (طلبات الرحلة المتكاملة) وهو مرفق مع الموضوع الآن...


والملف (طلبات الرحلة المتكاملة) فيه كل شيء عدا عدة الفطور والعشاء:)


على العموم كل واحد يطول باله ولا يزعل...


أنا ما غصبت أحد أنه يمسك الورقة ويسوي اللي مكتوب فيها!!


لالا

أنا أرفقت الملف مع الموضوع واللي ما يعجبه يحذف الملف من جهازه وانتهينا:)


وآسف على التسحيب بكم


ــــــــــــــــــــــــــــــــــــــــــــــــــ ـــــــــــ
عاشق النحم.. abdu_35..
شكرا على التشجيع
ــــــــــــــــــــــــــــــــــــــــــــــــــ ـــــــــــ
راعي شقراء..
راجع الملف المرفق
ــــــــــــــــــــــــــــــــــــــــــــــــــ ـــــــــــ
شقردي....
طول بالك علي وأنا أخوك احذف الملف من جهاز وكأن شيئًا لم يكن:)
ــــــــــــــــــــــــــــــــــــــــــــــــــ ـــــــــــ
سمنان..
الله يسامحك يعني لهالدرجة أسعدك شقردي!!:rolleyes:






في أمان الله


############
الملف المرفق:
(طلبات الرحلة المتكاملة)
############

[عبدالله الدوسري]

رد سريع

شقردي تكفى سو لنا ملف جديد... وحط فيه اللي تبي


وجزاك الله خيرا مقدما:)

[عبدالعزيز الدباسي]

ههههههههههههههه

الله يرجك يا ابو عابد الى هالدرجة ودك تخسرنا بشراء مواد تموينية ، وتكلفني بكتابة الاغراض ،،،

لا يااخوي الي وده يخاويك يا هلا ومسهلا واللي وده يكشت الحاله ،،، لا يعتمد على قائمة التموين حقتك:p

مشكور اخوي ابوعبدالعزيز على هالمشاركة ، ومشكور على اضافة الملف الخاص بطلبات الرحلة .

وتقبل تحياتي

[انا نجدي]

هذي طلبات رحلة تجويع والا تعذيب !!!!!!!!!

[عبدالله الدوسري]

شقردي...


بيني وبينك تهزّأت وودي إذا ما عليك كلافة تحذف الموضوع...


أنا نجدي..

والله مدري وش تقصد بالضبط

[عبدالعزيز الدباسي]

بالعكس ياابو عبدالعزيز موضوعك اصبح متكامل الآن ، وفضلك صار على الموضوع الاساسي بحيث انه اكمل الناقص ،،،

مشكور وماقصرت ، ولا يحز بخاطرك ، ترا الدعوى كلها وسعة صدر وفرفشة قبل الطلعة :D

[نـnadarــادر]

يمدحون الرجيم

[عاشق النحم]

شباب كل واحد يصلح سيارته

[الفرعاوي]

الاخ/ عبدالله

تسلم و ما قصرت على المشاركة و بصراحة زين بعضهم يعني أضاف ردود لو مهيب مرة تشجع لكن غالبا يمزحون معك (ترى أغلب القصمان كذا يدخلون فيك عرض لكن ولله من طيبة في قلوبهم).

لكن اللي يقهر صدق اذا ردو بك !!!:mad:

أخوك / الفرعاوي

[ابوعمر-زهران-]

جزاك الله كل خير

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8667) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[عبدالله الدوسري]

أشكرك أخي أيمن على حسن ظنك...


ولو أن الشباب هاوشوني عليه...



بعدين...

شقردي....

ليه أنا أبو عبدالعزيز!!!!

أحد قال لك أني أبو عبدالعزيز؟؟؟ ولا على بالك اكتشفت اسمي من الملف:)

[الفرعاوي]

الاخ عبدالله الدوسري (ابو عبدالعزيز الله يخليك له :D )

مرحبا فيك ... طولت الغيبة ولا اما ما اتابع ؟

اخوك الفرعاوي

[مجنونها@@]

يعطيك العافيه