المساعد الشخصي الرقمي

مشاهدة النسخة كاملة : الجنوط فيها رجه يا شباب الحل


صحيح
27/12/2006, 08:26 PM
السلام عليكم ورحمة الله وبركاته:
يا شباب شريت جنوط وكفرات جديده بس يوم ركبتها على السيارة نوع هايلكس غمارة اذا وصلت عند سرعة ثمانين فيها تحس السيارة انها ترج والدريكسيون كذلك مع اني رصصتها في الصناعية عند ميزان معروف الحل ياشباب
يعطبكم العافبه.
الطير المهاجر
27/12/2006, 09:00 PM
مرحبا الشيخ

انت طال عمرك رصصت الكفرات واذا طلعت فيهم رجة

معناها الجنوط يبي لهم ترصيص داخلي

اتوقع ذلك

تحياتي لك
بن حـــمـــد
27/12/2006, 09:54 PM
من تجربتي

أولا تأكد من نظافة الكفرات من الداخل وأن ما في تحبيل بيها

ثانيا اذا استطعت ترصص الكفرات وهي على السيارة بالنظام القديم فهذا أحسن

والله يوفقك
الدبوس
27/12/2006, 10:04 PM
تقول أن الكفرات والجنوط جديدة ، إذا كان هذا صحيح رصصها مرة ثانية عند (المجد - اليرموك - الغضيب - الدرع) هذا إذا كانت السيارة سليمة قبل ماتركب الكفرات والجنوط .
وقبل الترصيص تأكد أن السيارة مافيها عرجه عند سرعة (10 - 30) كيلو متر في الساعة يمكن الكفرات فيها عيب مصنعي أو الجنوط والرجة ماتتضح إلا مع السرعة .
إذا كان البودي يهدر وليست رجه تأكد من حاجتين (عمود كردان - الكنداسة وماصورتها ما تلامس الشاص) .
nejjer
27/12/2006, 10:55 PM
أخي شيك على المقصات والربلات والاذرعه وربلاتها وإذا كل شي سليم شيك على الهوبات يمكن يكون فيه خلل بأحد الهوبات (طعج) بسيط ولا طلع هالخلل إلا لمى ركبت الجنوط الجديده.
راعي الرجم
27/12/2006, 11:14 PM
تاكد من نظافة الجنط من الداخل
عدم اصلاح الرجه بسرعة مع الوقت سيوؤدي الى خلل اخر بالسيارة سيؤثر على الرمان والفرامل والعكس والاذرعه الى الاجهزة الاكترونيه في السيارة تتأثر من رجة السيارة
غالي
28/12/2006, 01:59 AM
يارجال ارجع للي رصصلك
وقله فيها رجه
قد صارت لي عى خط سفر
رجه ورصصتها عند محطها ومازالت رجه لكن اخف من قبل
يوم وقفت عند محطه ثانيه وشرحت له الوضع رصص جنبها وحده ثانيه وراحت
وكانك اخوي طاب في طين بالبر ترا الرجه من الطين
حاليا انا اعاني من هالشيء اوصل 110 وترج الطاره
الهائم
28/12/2006, 02:54 AM
اخوى صحيح ، روح للطيار مخرج 14 علي يدك اليسار وانت متجة شرق ، عندة جهاز ترصيص الوكالة ترصيص داخلى ، خلة يفحصلك كفر واحد ، ويعطيك النتيجة اذاكان بينفع يرصص البقية ويعطيك ضمان ، واذا مانفع ترصص ترصيص ارضى ، مع خالص التحية ،،،،،،،،،،،،،،،،،،،،،،،،،،،،،
صحيح
28/12/2006, 05:05 AM
يعطيكم العافيه يالربع وما قصرتو على هذه الردود الطيبه وانشاء الله ان الرجه تروح
ودمتم بخير
ابوعبدالهادي
28/12/2006, 06:05 PM
شوف انا باضيف شي

اذا كانت الجنوط المنيوم صيني أو تايون
فهذا من الاسباب
صحيح
26/02/2009, 08:39 AM
اشكر كل من قام بالرد على الموضوع وأبشركم رجعت حنوط الشد بلد أحسن.
صحيح.
ابوفرايديز
26/02/2009, 12:47 PM
يمكن الجنوط اللي مركب مو اصلي تجاري