لأصحاب السفر لتركيا + محبين الطبيعة

[hani356]

السلام عليكم ورحمة الله وبركاته

بإذن الله راح تكون رحلتي لطرابزون في شمال تركيا الشهر القادم لكن لم يتم إلى الان اختيار التاريخ

وعندي اكثر من استفسار يا ليت تفيدونا الله يجزاكم بالخير

1- فيزا الدخول هل في مشكلة لو اخذتها من المطار عند وصولي ولا شي إجباري اخذها قبل الوصول؟
2-رأيكم نختار الحجز في بداية شهر مايو او آخره ، (حاب يكون توقيت وصولنا في وقت الربيع لشمال تركيا)
3- كيف راح يكون الجو في شهر مايو (ناخذ ملابس شتوية ولا صيفية)
4- نصايحكم و ملاحظاتكم او اقتراحتكم في هذي الخطة

محطة الوصول لتركيا هي طرابزون ومدة الجلوس في الشمال التركي 6 ايام
والخطة هي بعد الوصول نستأجر سيارة ونتوجه لأزونجول ونجلس فيها يومين
وبعدها نختار منطقة قريبة لأزونجول هنا عطونا نصيحة لمنطقة تكون قريبة ..!
و اليومين الاخيرة تكون في طرابزون

4- ماهي افضل المناطق القريبة من اوزنجول من ناحية الطبيعة ، وكم تبعد ..!

5- هل المناطق هاذي متقاربة من بعض او لا يعني نقدر ناخذها في خط سير واحد ( ايدر / ريزا / بورصا / يلوا / اوردو بوزتبا /حمصي كوي وزيكانا) وتنصحوني بزيارتها او لا ..!

6- كم راح تكون إجمالي التكلفة للرحلة من (سكن+ايجار سيارة+مصاريف الوقود+مصاريف يومية "اقتصادية او بسيطة نوعاً ما") ، هل تكفي 6 آلف ريال لشخصين ..!

آسف طولت عليكم بالاسئلة ، يعطيكم ربي العافية مقدماً
و اوعدكم بإذن الله بعد رجوعي من تركيا راح اسوي تقرير مفصل للرحلة

[خالد الفوزان]

متابع للموضوع وبنتظار الرد من قبل الاعضاء

لاني افكر برحله لتركيا ,,؟

[أبوعبدالله الحربي .]

السلام عليكم ورحمة الله وبركاته

بإذن الله راح تكون رحلتي لطرابزون في شمال تركيا الشهر القادم لكن لم يتم إلى الان اختيار التاريخ

وعندي اكثر من استفسار يا ليت تفيدونا الله يجزاكم بالخير


اهنيك على هذا الاختيار وراح تدمن على الشمال :)

1- فيزا الدخول هل في مشكلة لو اخذتها من المطار عند وصولي ولا شي إجباري اخذها قبل الوصول؟

تاخذها من المطار مافيه اي مشكلة 60 دولار للجواز والاحوط خذها اكترونية عن طريق موقعهم وهذي الطريقة مشروحة بالصور
http://www.travelzad.com/vb/t112918.html

2-رأيكم نختار الحجز في بداية شهر مايو او آخره ، (حاب يكون توقيت وصولنا في وقت الربيع لشمال تركيا)

اخر مايو جدا جميل والاسعار جدا جميلة

3- كيف راح يكون الجو في شهر مايو (ناخذ ملابس شتوية ولا صيفية)

لابد من الملابس الشتوية فهي قرية باردة بالنسبة لنا في الليل تصل درجة الحرارة الى 9 وفي النهار تصل الى 18


4- نصايحكم و ملاحظاتكم او اقتراحتكم في هذي الخطة

اولا مادام انكم شخصين وماعندكم دراسة فتوقيتك حلو ولايحتاج انك تحجز عن طريق النت بالنسبة للفنادق والسيارة ( اهم شي ربعنا مايكون عندهم اجازة )

محطة الوصول لتركيا هي طرابزون ومدة الجلوس في الشمال التركي 6 ايام
والخطة هي بعد الوصول نستأجر سيارة ونتوجه لأزونجول ونجلس فيها يومين
وبعدها نختار منطقة قريبة لأزونجول هنا عطونا نصيحة لمنطقة تكون قريبة ..!
و اليومين الاخيرة تكون في طرابزون

شوف ياعسل 6 ايام حلوه بس لا تخربها بكثرة التنقلات انا اقترح عليك تستاجر في اوزنجول وهي تكون محطة انطلاقاتك للاماكن مثل ( سلطان مراد , بحيرة السمك , آيدر , اوزنجول نفسها السكن فيها لحاله تمشية) طبعا كل وحده يوم

4- ماهي افضل المناطق القريبة من اوزنجول من ناحية الطبيعة ، وكم تبعد ..!

سلطان مراد ( مسطحات خضراء جدا جميلة تاخذ معك عدة الشوي تستاجرها بـ 3 ليرات وتتمشى في الطريق الين توصل للقرية ثم فيه ملحمة ودك تسلم على اللحمة قبل لاتشويها تاخذ منه وتشوفلك جلسة وتجلس وتنبسط

بحيرة السمك ( الطريق لهذي البحيرة انا اتوقع انك ماراح تكملة لانك بتجنب من شدة جمال هذا الطريق و عسى الثلج ماتلقاه مقفل الطريق عن البحيرة

شكرسوا ( نفس السلطان مراد بس طريقها خطير مايصلح

خلف الجامع فيه طريق صعود جدا جميل بمكانك تصعده وتجلس فيه بحيث اوزنجول تكون تحتك وتشوفها بكل وضوح وجمااال

آيدر ( تبعد عن اوزنجول حول 180 ك منطقة باردة طريقها جميل بعد ماتصلها فيه جلسات حلوة تاخذلك شاي اشي يعدل مزاجك وبعدين فيه مطعم مطل على الشلال الطويل تتغدا فيه وبعد ماتخلص لاتنسى الحمامات الكبريتية لا تفوووووووووتها وابعد كذا ارجع دربك لاوزنجول

5- هل المناطق هاذي متقاربة من بعض او لا يعني نقدر ناخذها في خط سير واحد ( ايدر / ريزا / بورصا / يلوا / اوردو بوزتبا /حمصي كوي وزيكانا) وتنصحوني بزيارتها او لا ..!

ههههه بورصا ويلوا هذي جهة اسطنبول ماهي في الشمال
ريزا فيها مصنع شاي ممكن تزوره في ساعات
اوردو بعيده بس ماعرف عنها شي
حمصي ... ماعرفها

واذكرك لا تكثر تنقلاتك ترا بتخرب على نفسك

6- كم راح تكون إجمالي التكلفة للرحلة من (سكن+ايجار سيارة+مصاريف الوقود+مصاريف يومية "اقتصادية او بسيطة نوعاً ما") ، هل تكفي 6 آلف ريال لشخصين ..!

انتم شخصين احسب كل يوم 1000 ريال وبزيادة ( طبعا ياحبيبي هذا في توقيتك يعني ممكن تدبلها اذا رحت في شهر يونيو )

آسف طولت عليكم بالاسئلة ، يعطيكم ربي العافية مقدماً
و اوعدكم بإذن الله بعد رجوعي من تركيا راح اسوي تقرير مفصل للرحلة

هذا ما قدرت افيك فيه ومن واقع تجربة في السفر في هذا الشهر الجميل

[hani356]

جزاك الله خير يا ابو عبدالله

ماقصرت شرح وافي + شفت موضوعك عن رحلتك لطرابزون وتمت إضافته للمفضلة ..

ونصيحتك على العين والراس من ناحية عدم التنقل الكثير
طيب وش رايك في ان الرحلة تكون
اوزنجول الثلاثة الايام الاولى اتمشى في ( السلطان مراد + بحيرة السمك + آيدر) مثل ما تفضلت كل وحده يوم
وباقي الثلاثة الايام ارجع لطرابزون واقضيها هناك وش رايك ..!

سؤآل : ريزا اللي فيها مزارع الشاي اخليها مع خطة الرحلة اوزنجول ولا مع طرابزون عشان احسب عدد ايام السكن ..!
وهل هي في نفس طريق العودة لطرابزون ولا بعيدة ..!

سؤآل : هل فيه بالليل اماكن للكافيات والجلسات الخارجية ينصح الذهاب لها ..!

السؤال : كم مدة الرحلة من جدة إلى طرابزون ..!
آسف على الاطالة

[سنت22]

روووعه







http://tatarm.com/ts7/register.php?ref=52

[أبوعبدالله الحربي .]

جزاك الله خير يا ابو عبدالله

ماقصرت شرح وافي + شفت موضوعك عن رحلتك لطرابزون وتمت إضافته للمفضلة ..

ونصيحتك على العين والراس من ناحية عدم التنقل الكثير
طيب وش رايك في ان الرحلة تكون
اوزنجول الثلاثة الايام الاولى اتمشى في ( السلطان مراد + بحيرة السمك + آيدر) مثل ما تفضلت كل وحده يوم
وباقي الثلاثة الايام ارجع لطرابزون واقضيها هناك وش رايك ..!

حلو 3 ايام في اوزنجول يوم سلطان مراد ويوم بحيرة السمك ويوم حولين اوزنجول
3 ايام اقترح عليك السكن في النوفتيل طرابزون وتخلي يوم لحيدر نبي وبحيرة سراجول ويوم تنطلق لايدر تتمشى فيه والاخير تخليه تسويق وتمشية على شاطي اكشبات والعشا في مطعم بوزنتية المطل على طرابزون

وبصراحة لو انا مثلك لاخليها كلها في اوزنجول الستة ايام

سؤآل : ريزا اللي فيها مزارع الشاي اخليها مع خطة الرحلة اوزنجول ولا مع طرابزون عشان احسب عدد ايام السكن ..!
وهل هي في نفس طريق العودة لطرابزون ولا بعيدة ..!
خليها وانت رايح لايدر من طرابزون

سؤآل : هل فيه بالليل اماكن للكافيات والجلسات الخارجية ينصح الذهاب لها ..!
ماعندي علم ولاانصح تتمشى في الليل وعلى فكرة ترا المغرب ياذن عندهم 8.30 والفجر 3.45 يعني يادوب تتعشى وترقد

السؤال : كم مدة الرحلة من جدة إلى طرابزون ..!
رحلات مباشر ماقد سمعت الاعن طريق العجاجي والااعرف احد جرب السفر معهم
هي لابد من ترانزيت في اسطنبول اقل حاجة 3 ساعات

آسف على الاطالة

انا تحت خدمتك تحياتي لك

[ابوغلاالقصيمي]

ماقصر ابو عبدالله

لكن اذا تبي احداثيات ومعلومات شامله وكل شي عن الشمال التركي

ادخل بتويتر هاشتاق #موسوعة- الشمال- التركي

بتحصل فيه كل مالذ وطاب من المعلومات

[براعة فنان]

مدة الرحلة من الرياض إلى طرابزون مباشرة عبر رحلات العجاجي ( 2:45د )
معلومة أبهرتني
هل تعلم أن طرابزون تبعد عن الرياض 1950كم ؟
قريبة مرة ههههههه

أنا رحلتي زيك بالتمام في منتصف مايو
ومحتار وين أسكن!
جيت العام لها وسكنت بطرابزون واونجول
هالمرة بخلي طرابزون آخر يوم
والباقي بوزعه في المناطق الثانية
للحين ما قررنا

بالتوفيق

[nikkor]

يعطيك العافيه يابو عبدالله على ردك ، افدتنا جميعا

وبإذن الله سأزور طرابزون واوزنقول بعد اربعة اشهر :)

[عبدالله ابها]

بصراحة كفى ووفى الاخ ابوعبدالله وزي ماذكر لو انا مكانك قضيتها كلها في اوزنجول بالنسبة للشمال
اوزنجول موجود بها فنادق وشقق رائعة وجميلة اذكر منها الانصار سبق وان سكنتها

[رووس النايفات]

السلام عليكم ما قصر معك ابو عبدالله .. مشكلتك 6 أيام ما تكفي وش تروح وش تخلي .. ؟؟
لكن خير وبركة .. بالنسبة لأيدر يا ليت يحصل تبات فيها لو ليلة .. انا جيتها يوم وتحسفت جميلة وما يكفيها يوم ..

[سنت22]

يعطيك العافيه







http://mtatar.com/ts5/register.php?ref=82

[سنت22]

يعطيك العفيه



http://mtatar.com/ts4/register.php?ref=206