ياشباب الفزعه,,,ناوي اروح لميونخ وأستأجر سيارة على سالزبورج

[abukadi]

الله يعافيكم ياشباب ناوي اسافر ان شاء الله على ميونخ وأستأجر سيارة واريح يومين وأطلع على سالزبورج ومنها على زيلامسي ’’’ وبعد كذا الرجوع ل ميونخ وتسليم السيارة بالمطار,,,وما أستغني عن نصايحكم الطيبه ,,, عن ايجار السيارة من المطار ونوع الوقود ايهما افضل ديزل او بنزين ..والطرق المختصرة ’’’ والرحلة تقريبا 16 يوم .كم يكفي مصاريف يعني بكم تقريبا تتغدا وتتعشا باليوم ... أشكر مرووووركم ...والرد على استفساااراتي

[رمال النفود]

لعل من زارها يفيدك لو عندي علم كان افدتك وأنا أخوك والشباب مايقصرون بإذن الله.

[رجل الطوف]

مرحبا نفود الرمال ..
الطريق بين المانيا والنمسا جميل .. وماكدونالد موجود ومضمون ووجبته ب37 تقريبا .. لكن خلك حذر من فيزا الراجحي في استيجار السيارة يمكن ما يقبلون تسدد بها . والسيارة خذها ديزل لأن البنزين غالي .. حنا خذنا فليكسواحن ونفللها ديزل ب150 وتمشينا 700ك . وبحيرةزيلامسي ليست أجمل ما في النمسا .. حذت أكثر من حقها وسنتر قرية زيلامسي لا يفوتك ثتراه ناااار في الاسعارلا تسكن فيها استاجر بعيد . وقمة كابرون ب 150ريال حللوة بس زحمة وبرد شين و تأكد أن الصيانة خلصت وانهم وسعوا مكان التزلج .

[رجل الطوف]

من تجربتي في أوروبا الفرنسيين ودودين أكثر وأكرم .. وتشوفهم فاميلي .. اما الالمان فكل رجل وحرمة مع بعض .. وان كان تبي راي أخوك لا تعدى أربع او ثلاث دول وركز عليهن .. امتع واثفر وقت ويمديك تمخمخ عليهن وتزور كل شي .. اوروبا يبي لها كم زيارة .. لا تحاول تظف كلش برحلة وحدة .
الله يوفقكم ..

[خالد تميم]

من عدة تجارب سفر لأوربا افظل لك
مرعلي شركة يورب كار في الملز الفرع الرئيسي واحجزمنهم سياره وسددلهم من هنا مدة رحلتك وتكون تسليم واستلام مطارميونخ وعندالوصول تجدسيارتك بنتظارك فقط يطلب عليك فيزاللتأمين باالمطار .
ولاتنسا تاكد عليهم التأمين فل انشورنس تأمين شامل ودام رحلتك قصيره ماتفرق بنزين او ديزل
واﻷفظل طبعاالديزل وانصحك باالسكن بكابرن انظف وارخص واقل زحمه من زيلامسي الي كلها باعوض
ولاتفوتك الزلاجات في كابرن روعه وبطريقك من ميونخ مرعلي بحيرة قانق تستحق الزياره .
ولاتحرص علي سويسرا ماتستحق المشوار كانهافي برنامجك
واحرص علي الجي بي اس بيريحك هناك وقبل ماتمشي تكون مجهز اﻷحداثيات لفنادقك ومحلات زيارتك.
والله يوفقك برحلتك

[abukadi]

الله يعطيكم العافيه ياشباب .. والله العظيم ما قصرتوااا.....ومعلومات مهمه بلا شك راح أستفيد منهاااا:good2::good2::good2:

[abukadi]

من عدة تجارب سفر لأوربا افظل لك
مرعلي شركة يورب كار في الملز الفرع الرئيسي واحجزمنهم سياره وسددلهم من هنا مدة رحلتك وتكون تسليم واستلام مطارميونخ وعندالوصول تجدسيارتك بنتظارك فقط يطلب عليك فيزاللتأمين باالمطار .
ولاتنسا تاكد عليهم التأمين فل انشورنس تأمين شامل ودام رحلتك قصيره ماتفرق بنزين او ديزل
واﻷفظل طبعاالديزل وانصحك باالسكن بكابرن انظف وارخص واقل زحمه من زيلامسي الي كلها باعوض
ولاتفوتك الزلاجات في كابرن روعه وبطريقك من ميونخ مرعلي بحيرة قانق تستحق الزياره .
ولاتحرص علي سويسرا ماتستحق المشوار كانهافي برنامجك
واحرص علي الجي بي اس بيريحك هناك وقبل ماتمشي تكون مجهز اﻷحداثيات لفنادقك ومحلات زيارتك.
والله يوفقك برحلتك
الله يعافيك أخوي خالد ... أفضل جهاز جي بي أس.. أسمه ووين ألقاه .والتكلفه...فضلاااا,,, الإستفسار للجميع تكرمااااا

[الدبل الثقيل]

الله يسهل لك الخير ياصاحب الموضوع

لفائدة الجميع
استمعوا من الدقيقة 3:25 وبعد

https://www.youtube.com/watch?v=xGMxNdDzPhg

[tmdmgm]

الله يعافيك أخوي خالد ... أفضل جهاز جي بي أس.. أسمه ووين ألقاه .والتكلفه...فضلاااا,,, الإستفسار للجميع تكرمااااا

اي جهاز قارمن وافضل 3597 فيه خرائط اوروبا كاملة وسعره قرابة 1900ريال وتلقاه في محلات جارمن او مكتبة جرير وفقك ربي لكل خير وابعد عنك كل شر