إخواني الغالين ابي مشورتكم في - جنوط وكفر الشاص

[اللهم اغفر لي]

السلام عليكم ورحمة الله وبركاتةً

صباح الخير / مساء الخير ... على إخواني الغالين

كيف حال كلن باسمة الله يوفقكم جميع

إخواني احبابيً عندي شاص 2013 بريمي ماشاء الله

ابي أغير جنطة الشنبر الى نوع طيب وخطر في بالي جنط الهلل
هل هو طيب ولا فية أطيب منة وهل هو نوعين أصلي وتقليد
وعندي كفر الوكالة نحيف ليس بعريض ماينفع في الرملة
خطر في بالي كفر حجري عريض ينفع في البر والحجر . وفي بالي كفر مضلع حجري عريض هل هو طيب ولا فية افضل منة
انا من الرياض وين المحلات الي تنصحون أروح لها وكم أسعار الجنوط والكفر
والي يخبر لي احد يبيع شئ مستعمل من الي ذكرتة يعلمني تراني شراي
' اسف على الإطالة عليكم '

[بحرالقلزم]

جنوط الهلل الصيني طيبه بس اتوقع ماتنفع للحمول الثقيله
اذا قال لك صاحب المحل ياباني ابعد عنها لانها حقت دبي ماتنفع بريال
انا مركب صيني 6 انش ونص وكفرات هانكوك 235\85 اعرض من حقت الوكاله اشوفها طيبه في الرمل والجبل
فيه جنوط ياباني اسمع الشباب يمدحونها ما اعرف اسمها فتحاتها مثلثه لعل الشباب يفيدونك فيها
بالتوفيق

[اللهم اغفر لي]

الله يبيض وجهك اخوي الغالي بحر القلزم ومشكور على الإفادة الطيبة منك
بالنسبة للجنوط الهلل فية اعتقد يااخوي الغالي
صيني وفية أصلي
انتظر إخواني الغالين يجاوبون على ويفيدونً الله يجزاكم بالخير
واشكر اول من رد علي وهو أخي وحبيبي الغالي بحر القلزم

[اسبيدر مان]

نعم الهلل فيه اصلي الى هي حقات اللاند كروزر جي وفيه الصيني وهي مقاسات من 15 الى 17 انش وفيه خمس مسامير وفيه ست مسامير
الصيني كويس اذا انت مهب راعي تحميل ثقيل او تمسك جلد لانه يتقص من عند فتحات الصواميل حقات الكفر والاصلي نادر وغالي ولا يفرق عن جنوط البلد الى شي بسيط من ناحية الوزن لكن هو اجمل شكل من البلد خاصه اذا رش رشة ورشة الرمال
اما من ناحيه الكفرات فهي معروفه كفرات حجريه دانلوب وهي مقاس واحد وخاصه بجنوط الهلل اغلب حقين الهلل يركبونها
وفيه جنوط اللاند الديزل و الهدد اشوف الشباب طايحين فيهن هل يومين لكن شكلهن ما جازلي وهن عمليات ومتوفرات اصلي وتجاري
لكن وجهه نظري انا تطيح لك بجنوط فراشه اصليات مقاس 16 انظر واعرض وارسى للموتر وممتازات لرمل لكن الاماكن الحجريه مايصلحن لها

[اللهم اغفر لي]

الله يبيض وجهك ويجزاك بالخير يااخوي الغالي
ومشكور على الإضافات التي أضفتها لي
وانتظر بقية الإخوان يدلون بدلوهم