عندك تفتفه في الباترول ... ؟ (( الحل ))

[حـاتـم]

السلام عليكم


أخواني الكرام

والاعزاء

اعضاء منتدى مكشات

سياره احد الاخوان باترول الـ2002 مكينه الفتك

شراها من الامارات وبعد مده طلعت فيها تفتفه يعني والموتر مرتخي بنمره وتدعس يتفتف ثم يمشي

يعني عندما يكون الـRPM على 1.5 او 2 وتحت

وتعبنا مالقينا حل قلنا كهرب قلنا بواجي قلنا كويلات !!!!

وغيره وغيره

لكن والحمد لله لقينا الحل

سهل وبسيط

ومايبيلها تعب

لكن الي عنده المشكله يراسلني وانا اعلمه الطريقه

لان يجب يكون الي بيسوسها فاهم وداري

(( ما ودي اي واحد يتعبث في الموتر ويخربه بدال مايصلحه ))


والطريقه مجربه والحمدلله مفيده جدا

بس على مكائن الفتك

واتمنى اني افدتكم

وشكرا

أخوكم / حاتم

[هلال المطيري]

السلام عليكم أخوي يليت توضحلنا عن طريق الموضوع يكون واضح لللأعضاء وياخذون فكره عن الحركه يمكن تفيدنا في المستقبل وشكرا...

[حـاتـم]

اخي الغالي

طريقتها يبيلها درايه

لان لو الي حاول يتعبث فيها يمكن تخرب الموتر يبيلها وزنيه ودرايه

وانا كل خوفي ان يخطى فيها احد

وشكرا لأهتمامك

أخوك / حاتم

[العيبان]

انا عندي جيب باترول 95 بخاخ نفس الحالة مع دخان ازرق اوبيض و اسود وضغط مايتعدى 3

[hasham]

قال ابشروا بجمل . . قالوا وينه ؟ قال : هاذي جرته ! !

ما كان فيه داعي تمن على الناس بهالمعلومة و تسويها قصة .

[هاوي الله]

قال ابشروا بجمل . . قالوا وينه ؟ قال : هاذي جرته ! !

ما كان فيه داعي تمن على الناس بهالمعلومة و تسويها قصة .

الله يهدينا ويهديك إنشاءالله

الأخ حاتم ثقه من ثقات المنندى ولا يبي لك إلا الخير أنت وغيرك

اخوي حاتم أنت كذا :good:

[أبوأحمد98]

عندي مشكلة التقطيع باترول 98 بخاخ
كل شي سويته كهرب طرمنه بنزين فلاتر حساسات
والمشكله الى الان موجودة
نبي الحل يالاجودي

[فتى الدهناء]

أتوقع الحل ياحاتم .. عن طريق حركة تسويها بالديلكو .. صحيح ؟ ولا أنا غلطان ؟

[دفي الوقت]

اخوي حاتم يعطيك العافيه على اهتمامك


بس فيه بعض الاعضاء او الزوار لا يملكون خاصيه الرسائل الخاصه ويجب علينا مساعدتهم وياليت يكون التوضيح بنفس الموضوع ولك الاجر والثواب انشاءالله

[Mohammad]

الله اكبر على هذا الاسلوب..اسلوب المنه. نعوذ بالله

[SilverSniper]

تكفى يا أسرار البنتاجون:p ... مسمار الديلكو.. حله خفيف.. وقدم الديلكو أو أخره لين يصفي الموتر وبعدين شده مره ثانية.. بس

[الهدد98]

السلام عليكم

تكفى ترى تكفى تهز الرجاجيل
ماخليت شي غيرت بواجي وتأكدت من الكويلات وشيكة على ليات البخاخ بس بدون نتيجة
ماباقي الا نغير المكينة لأنه حوم كبدي يقطع ويرامي أول مايمشي همين يسلك بعد مايمشي بشوي
وقال واحد من الشباب تأكد من الديلكو وزنة بس مالمسته وزيدك من الشعر بيت فحصته كمبيوتر ولاطلعنا بنتيجة
الحل لعدمتك على الخاص أو على العام
وتراي عندي خبرة شوي
أبو أحمد

[الواااافي]

الله لا يهينك اخوي حاتم


بس ترا بعض الشباب مثل ما قال اخوي دفى الوقت ماعندهم ميزة الرسايل الخاصة

مثلي انا يامحاكيك

ولا يهونون الربع

حط طريقة حل المشكله مع ملاحظه صغيره انه يجب على من يقوم بعمل هذي الاشياء يجب ان يكون على وعي ودراية واللي يتعبث في موتره بصوره خاطئه يتحمل عواقبها ولا لك اي ادنى شي في ذلك


لاهنت على كل حال وسلام يالسنافي

[فتى الدهناء]

وراكم ياخوان ..... الرجال ناصح .. ولهوب يمنّ ...

أعوذ بالله .... اساءة ظن ... وش يبي منك أنت ويّاه ... فكر فيها يالي تتهم ... الله يهديكم بس ماهكذا .. عهدنا أعضاء مكشات

..... الدواء مرّ

[ع.ف.الدرويش]

وراكم ياخوان ..... الرجال ناصح .. ولهوب يمنّ ...

أعوذ بالله .... اساءة ظن ... وش يبي منك أنت ويّاه ... فكر فيها يالي تتهم ... الله يهديكم بس ماهكذا .. عهدنا أعضاء مكشات

..... الدواء مرّ

:)

فتى الدهناء.. بارك الله فيك.. وكثر من أمثالك..

يا شباب.. يا أعضاء يا كرام.. طولة البال مطلب.. والصبر جميل..

فـ انتظروا الرد من أخونا حاتم.. ومثل ما قال فتى البران هو ثقة وبإذن الله عدم ذكره للحل بشكل مباشر فيه خير للجميع..

أخوكم..( أبو فهـد )......

[بواسامه]

هذا اسلوب راقي في التعليم وتثبيت المعلومة

ويعجبني اسولبك اكثر يالحاتمي

لان طريقتك شدتنا جميعا لمعرفة الحل

وياليت تفرد لها بالصور موضوع

شاكر لك واحسان الظن مطلب

[حـاتـم]

شكرا لكل من احسن الظن فيني

والله يسامح الباقين

اخوي فتى البران

كلامك صحيح

نعم


القضيه هي ان مع واحد من ربعي باترول الـ2002 ومعه تفته عجزنا عنها

لكن جانا الحل من واحد من ربعنا مسويها لتقويه الموتر ليس إلا وطلعت حل والحمد لله

وهذي الحركه فقط فالـ4800 بس يعني الـ2002 وفوق


وهي
1/ تفك الغطاء البلاستيك الي على المكينه

http://www.q8boy.com/uploads/baa912ff63.jpg (http://www.q8boy.com)

يطلع لك في وجه المكينه مقابل المروحه ديره سودا وهي الديلكو

http://www.q8boy.com/uploads/ad19ebca2c.jpg (http://www.q8boy.com)

ترخي المسمار الاول والثاني (( مسمارين )) مكان المسمار الثاني موازي للاول من جهه الديلكو الثانيه

وتفره عكس عقارب الساعه الى يطق ثم اربط على المسمارين

http://www.q8boy.com/uploads/ab702b4047.jpg (http://www.q8boy.com)

وبعدها شغل الموتر وادعس بنزين الى الضغط 1.5 وارفع عن البينزين اذا علق الضغط ثم شوي ونزل

فأن إن شاء الله المشكله انحلت

وجرب موترك بعدها

والله يوفق الجميع

واسفين على ردا الصور لكن كنت مستعجل عقب زعل بعض الاخوان وبغيتها مصوره وهذا احسن ماطلع

وشكرا مره اخرى على الثقه ويشرفني يكون لي اصدقاء مثلكم والله ولي كل الفخر بصداقتكم

وآسف على انقطاعي لكن لأسباب خارجه عن الإراده


أخوكم / حاتم

[الشــامخ]

لاهنت وبيض الله وجهك

[حـاتـم]

مشكور اخوي الشامخ

_______________

والان بعد ما سردنا لكم الحل اين الاخوان ؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وشكرا

أخوكم / حاتم

[SilverSniper]

ما قلت لك.. :)
مشكور يا حاتم...
بس الطريقة هذي ماهي للباترول وبس.. لأي سيارة فيها ديلكو.. الجموس القديمة.. اللاند.. الهايلكس.. الددتسن.. حتى الكراسيدا..:).. لأنك تقدم الشرارة أو تأخرها عن شوط البستم..

[راعي الفزعه]

شباب المكشات :

عندي تعقيب على هذا الموضوع ولا يهنون المشاركين . وزيادة الخير خيرين

انه يوجد في بعض الورش في الصناعية القديمة بالرياض جهاز يسمى مسدس ضوئي لوزن الديلكو ، ولهذا الجهاز سلكين الاول يركب على البطارية والثاني على سلك البوجي الاول .. ويقوم الكهربائي بتسليط المسدس الضوئي على مكرت المكينة الرئيسية (التي تدور عليها السيور) حيث ينطلق من هذا المسدس شعاعين غير متطابقين وفي نفس الوقت يقوم الكهربائي بتحريك الديلكو بعد فك المسمار فوق تحت حتى يتم تطابق الشعاعين معاً
وبهذا يتم وزن الديلكو .



وعسى ان يكون هذا الشرح المختصر مفهوم للجميع ....

[ملاعب الريح]

مشكور وماقصرت

تحياتي (ملاعب الريح)

[البرحه]

السلام عليكم


بس الطريقة هذي ماهي للباترول وبس.. لأي سيارة فيها ديلكو.. الجموس القديمة.. اللاند.. الهايلكس.. الددتسن.. حتى الكراسيدا..:).. لأنك تقدم الشرارة أو تأخرها عن شوط البستم..

:good: :good: صدقت

[حـاتـم]

مشكورين اخواني على الردود واشباع الموضوع

انا كل همي فالموضوع ان يستفيد غيري من هالتجربه

وشكرا

أخوكم / حاتم

[المميـز]

مشكووور اخوي حاتم على هذي الطريقه

لكن ابسألك هل تضبط مع سفاري 2001 بخاخ ..؟؟

[المقراة]

تسلم وما قصرت

[تورا بورا]

أخي حاتم الصور لاتظهر يبدو بسبب قدم الموضوع ولكني اعاني من نفس المشكلة فهل يمكنك رفع الصور ثانية

[عزٍيزٍ]

يآليت ترفع الصور من جديد اخوي حاتم

عندنا نفس المشكله

[سلمان الخالد]

السلام عليكم ورحمة الله وبركاته
اخي موتري نيسان سوبر سفاري 99 اتومتيك مكينه 4500 قبل اسبوع طفى علي الموتر من الدنمو وكان يتفتف ويطفى بعدها اخذت الموتر على سطحه للورشه وزينت الدينمو وغيرت البواجي وطرمبة البنزين و صفاي البنزين ونظفت بلف الهواء في الورشة وما زالت التفتفه بداية التشغيل لما اعطي الموتر d وامشي يبدا يتفتف ويطفى احيان اذا كنت في مكان يسمح اني اطفي الموتر وارجع اشغله يضبط ولكن فيه شي ارجو المساعده

[اليامي 911]

والله المشكلة في اليوكن 99 حقنا بعد اذا جينا عند اشارة او على الخط شوي الا تف تف تف الزبدة يهتز حاولنا وغيرنا البنزين الى 95 رجعناه 91 مافي فايدة