ساعدوني وجدت صغير حمامه

[بنت الاحبابي]

السلام عليكم

امس لاقيت حمامه صغيره بالحوش صباح وللان عندي (يعني صارلها عندي يوم ونص يوم)
اطعمتها (علف المكعبات المشكل مطحون وشاخلته)مع ماء ..
مرتين باليوم
بس ماني متاكده من تماسك الي اطعمتها هل لازم رايب او لين ماعرف ..وكم الكميه
فقلت اسالكم
كم كميه العلف؟ اذا مثلا قلتولي بالمره اطعمها ملعقتين (علف) طيب كم ملعقه ماء ؟

ارجو ان تعطوني كميه ظامنين منها لاني قريت بالنت ان المبتل زياده يجيبلها اسهال
ومشاكل

(ماعندي ابره واحقنها بكيس نايلون سويته ع شكل مخروط مثل عصار الحناء)

[ابومشعل3]

اختي الكريمة .الاكل بالنسبة للطيور الصغيرة تكون بابرة موجودة بالصيدلية تؤخذ الابرة ويرمي سهم الابرة وتحقن بعلف الحمام .ارسكو . الوطني . الشويعر . لانة سريع الذوبان ولايعطي الماء لان الماء يستخلصة من الاكل وبكون الاكل لين ولايكون قاسي الما ء يعطي بعد يكون عمرة 3 اسابيع . تحياتي

[مريقب العيفار]

لو اكلتيها من باقي رز البيت بيمشي

خل الرز لين واهرسيه

ثم بيدك حطي في فم الطير

[بوعبداللهuae]

عطيها سيريلاك الاطفال في ابره اطفال لين تنترس الحويصله شفتهم يسون جذي فالنت
وماجوره انشا الله

[بنت الاحبابي]

شكر عالردود
انا مستحيل مليون بالميه (اجيب ابره)
اهلي مايعرفون انها عندي الحمامه اصلا فكيف اقولهم جيبو ابره عشان فرخ حمام!!!
ثانيا ياخواان انا سالت (وبردودكم كلها مالاقيت الجواب عسؤالي)!

انا اريد اعرف كم كميه العلف والماء بالمره الوحده يوم اطعمها؟يعني مثلا قلت لي ٦ملاعق علف طيب كم الماء؟
بس تكون متاكد واذا تبون صوره بعد برسل
اتمنى الاجوبه عسوالي فقط صارلها يومين اطعمتها وزينه بالعصار الي صنعته

[بنت الاحبابي]

اختي الكريمة .الاكل بالنسبة للطيور الصغيرة تكون بابرة موجودة بالصيدلية تؤخذ الابرة ويرمي سهم الابرة وتحقن بعلف الحمام .ارسكو . الوطني . الشويعر . لانة سريع الذوبان ولايعطي الماء لان الماء يستخلصة من الاكل وبكون الاكل لين ولايكون قاسي الما ء يعطي بعد يكون عمرة 3 اسابيع . تحياتي

؟
اخوي كيف يعني لين ؟ترا لين يعني مليون نوع
(اتمنى بس ترد علي كم كميه الماء بالنسبه للعلف وكم العلف (بالمره )لاتقولي بنسبه50٪ماعرف للنسب بس ابي اعرف كم ملعقه صغيره اتمنى تسويها عندك بالبيت وتشوف كم ملعقه بالمره علف وماء وتخبرني قبل ترد علي)

[بنت الاحبابي]

عطيها سيريلاك الاطفال في ابره اطفال لين تنترس الحويصله شفتهم يسون جذي فالنت
وماجوره انشا الله


مافي عندنا اطفال ولاسيريلاك (طحنت من المكعبات حقت الدجاج) وماقدر اشتري سيريلاك

[سليل قروم]

اختي اولا الله يجزاك خير على هالعمل

ثانيا تقدرين تعطينها من اكل البيت

زين ماقال احد الاخوان فوق من الرز المتبقي او تهرسين خبز وتطعمينها فيه

في البداية بتتعبين شوي وبعدها الطير بيتعود على طريقتك انتي في تقديم الاكل

[لامبالي]

الله يجعلها في ميزان حسناتك

وان شاء الله اذا كبرت الحمامة تسوينها احلى حمام بالفرن مية بالمية

[بنت الاحبابي]

وين الرد ع سؤالي ياناس؟

[سلطا]

السلام عليكم ورحمة الله
الله يجزاك خير
المطلوب قطارة انف عند الصيدلي شكلها مثل المحقان او ابرة كبيره
سريلاك قمح بدون سكر
نص بيالة شاي ماء +نص بالة سيرلاك تخلط الين تصير سائل تشفط في الابره او القطارة
يفتح منقار الطير وتحقن السريلاك بشويش دفعه وحده
الوجبات الصبح الساعه 9 والعصر 5 الين تنتفخ حوصلت الطير ومع تقدم عمرالطير تزيد النسبة السرلاك
انا عندي فرخ حمام كبر وبلشت فيه اطيره يرجع يوقع على كتفي
افضل سريلاك قمح بدون سكر
ودمة سالمين

[بنت الاحبابي]

شكرا جزاك الله خير عالرد
بس انا مثل ماذكرت فوق بالسابق(ماعندي سريلاك وماقدر اشتري وابره وقطاره كذلك)
استعمل المكعبات حقت الدجاج والارانب واطحنها مع ماء فقط

[سلطا]

نعم ينفع الخبز اليابس مطحون وصامولي اهم شي ليكون فيه سكر بزياده
يسبب مشكل لطير

(ماعندي ابره واحقنها بكيس نايلون سويته ع شكل مخروط مثل عصار الحناء)

فكره جميله عصارالحناء بس متعبه الطير يبيله شخصين عشان ياكل

[الذيب الأبيض]

خبز صامولي منقوع بالماء

لو تركتيها بالحوش في مكان ظلال افضل عشان يجون والديها ويأكلونها

اذا كان عليها ريش

اتوقع لو فكيتها بالحوش بتطير لأنها كانت منهكه من العطش وماتقدر تطير توها ماتعرف اماكن الماء

[الفريح1]

الحل سمي وذكيها واطعميها اقرب قطو

[هواوي عشيرة]

شوفي أي حمام تحته فراخه وحطيه معهن سبق وجربتها واطعمته مع فراختها

[Thamer506]

يخلط الماء مع علف الدجاج حتى يكون شبه سائل ويوضع بنفس الطريقه الي سويتي وتوكل مرتين في اليوم في الصباح والمغرب حتى تمتلى الحويصله والله يوفق

[ابو البر]

السلام عليكم
الحمامه عادة تروح لاماكن وتلقط الحبوب وتحطها في حويصلتها
وطبيعي وهي في الحويصله بتتعرض للرطوبه داخل الحمامه
واذا راحت للعش فراح تطلع الاكل وهو رطب وتطعمه لصغارها .
معنا كذا ان الحبوب ليست لينه مثل الجريش المطبوخ ولا ناشفه مثل الحب المرمي على الأرض .
--------
اتمنى وصلت الفكره
واذا ما وصلت الفكره
عليك بالصامولي المرشوش عليه ماء
او الجريش المرشوش عليه ماء ايضا .

جزاك الله خير .

[نمر شهبة]

خذي سيخ العلاقه حقت الملابس ودخليها في الفرخ من جهتين واشويها وكليها
يقول لك يا زين طعم لحم الفروخ الصغيره شي عجب امممممممممم الز الز مع مرقة الدجاج المشوي