الونش الأمامي 00أسعاره ومواصفاته

[almojaly]

الأخوان00 السلام عليكــم ورحمة الله وبركاته وبعد/
أرغب في تركيب ونش أمامي ( بكرة سحب) سيارتي سفاري لكن أبغاها مخفية تحت اللوحة مثل اللي تجي في سيارات الفكس آر ولكن أرغب في معرفة مواصفاتها وأسعارها
*- ما هو الأفضل ( يعني كم طن 00 أركب00)
*- الصناعة00الشركة0
*-أفضل طريقة إستخدام00
*- يعني أرجو تغطية الموضوع ولكم خالص شكري وتقديري


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
*- إذا أحد لدية ونش مستعمل ونظيف أرجو التكرم بإعلامي بالقيمة لأن شراي0

[اليعنني]

افضل شركة على الإطلاق warn الأمريكية
http://www.warn.com

[almojaly]

الرسالة الأصلية كتبت بواسطة اليعنني
افضل شركة على الإطلاق warn الأمريكية
http://www.warn.com


شكراً أخي اليعنني 000 دخلت في الموقع ولم أستطع معرفة هل يمكن أن المنتجات الموجودة بعضها يمكن تركيبة في السيارة السفاري 00 وكم الأسعار 0000
خويك000 لك عليه حبتين في الأنجليزي0000 شكراً لك0000
لأن فيه بكرات تجي ترهم بين الأديتر والصدام لها محل مجهز من بلدها000 وشكلها جداً أنيق وش حليله اللي عنده واحد منها لايبخل علينا يفيدنا أفاده الله00 في الدنيا والآخرة000

[العليمي]

قبل مده كنت عند السليماني الخاص بالجنوط و الونشات ولاحظت انه عنده انواع عديده من الونشات و قام بعرض لانواع الونشات من شركات مختلفه على اشرطة فديو و صراحه انها تسحب السياره من الطين بشكل قوي .. الاسعار مختلفه حسب النوع لاكن قالي انه فيه انواع سعرها 3500 ريال .
لاكن لا تستعجل و استشر من استطعت استشارته ..

هذا المحل في الرياض على طريق الملك عبدالعزيز بحي المرسلات ..

[الخبير]

السلام عليكم
انا شاري لي ونش نوع وورن من يجي سنة ، قوته 4 طن .

احرص انك ما تاخذ ونش قوي مرة لانه قل ما زادت قوة الونش كلما كبر حجمة . اهل الشواص مثلاً عنهم مساحة كبيرة في الصدام بحيث انه يوزي الونش ، طبعاً بعضهم يركب 5.5 طن و هذا خطأ كبير جداً لان هذا النوع حجمه كبير يمنع دخول الهواء و يخلي السيارة ترتفع حرارتها.

[عبدالعزيز الدباسي]

حياك الله اخوي ALMOJALY

وبالنسبة لسؤالك ، سبق وان كتب مشرفنا العزيز (شقران) موضوع جميل عن الونشات وانواعها ومعلومات كثيرة ومفيدة حولها ، وسوف تجد ذلك على هذا الرابط من هنا بارك الله فيك (http://www.mekshat.com/vb/showthread.php?s=&threadid=1850&highlight=%C7%E1%E6%E4%D4)


وتقبل تحياتي

[almojaly]

الأخوة الأفاضل00
العليمي00 شكراً على ما تفضلت به من معلومات
الخبير00 بارك الله فيك0000على ما قدمت
شقردي000 شكراً لك على تجاوبك وملاحظاتك00 ولقد إطلعت على ما أشرت به ولكن الموضوع لم يعطى حقه حيث أن الأخ إستعرض نوع واحد بدون ذكر الأسعار 00 وأنا أرغب في الأسعار وهل هي في الأمارات أرخص0000 كما سمعت000 وشكراً للجميع على التجاوب

[عاشق النحم]

دخلت الموقع بس ماقال وش يركب على السفاري

[M2W2M]

مشكور وبارك الله فيك

[ظل الماء]

يا ليت اللي عنده خبر يفيدنا

[الصقار10]

ياخوي مر السليماني في طريق الملك عبدالعزيز وراح يوريك صور للسيارات اللي مركبين لها ونشات عندهم

[درب الصحراء]

اهم شي لايكون اقل من اربعة طن

ومن ناحية الشركات فعليك بالاصلي من المريكية والاستراليه

الصيني ابعد عنه لانك بتشترية مرة وحده في العمر

[تركي الضرغام]

السلام عليكم
أخوي مريت ورشة المميز أو المواهب ترى لهم خلفيه
وزين إذا حصلت أصحاب الورشات يفيدونك
وعلى فكره أنا من فترة شفت موضوع بالمنتدى بخصوص واحد من الشباب مركب ونش على باترول وصاير من خلف اللوحه ومخفي وشغلهم ممتاز الصراحه بس مدري أي الورشات المميز أو المواهب
بالتوفيق

[aziz2727]

زي ما قالو الاخوان السليماني عنده ونوش بأحجام مختلفه ويوجد عندهم ورشه للتركيب وعندك محل السليماني الى على طريق الملك عبدالعزيز في حي المرسلات
واحرص على الجيد من الونوش ويعتبر warn الأمريكية من النوعيات الممتازه