العزبه و الصيف

[اسبيدر مان]

السلام عليكم

انا ياشباب دايم معي العزبه بالسياره لكن بالاونه الاخيره بديت اخاف من الدافور لاني شفت صور تتداول على الوات ساب عن انفجار الدافور واحداث اضرار في السياره بسبب حراره الشمس او الجو ولا ادري عن صحه هذه الصور

لكن لو فرضنا ان هذه الصور صحيحه فما الحل
لانه من الصعب تنزيل الدافور بالبيت وتحميله بالسياره مره ثانيه بسبب النسيان وايضا العزبه بلا دافور مالها فايده

احد الشباب يقول انفجار الدافور بسبب كونه غير اصلي
والاخر يقول لا تعبي الدافور فل بالصيف ولا ينفجر بسبب التمدد والانقباض للغاز داخل الدافور حسب حراره الجو

نبي مشورتكم ياالربع

[ريان2002]

وعليكم السلام ورحمة الله
جودة الصناعه يبدو أنها أختلفت عن القديم زمان كان عندي دافور جلس سنين مانزل من السياره وفي أجواء مكه اللطيفه الله يعمرها
مسألة عدم تعبئة الدافور بالغاز بالكامل هذا مجرد إجتهاد من وجهة نظري ولا له تفسير علمي
من أجل سلامتك ومن باب الإحتياط لاتترك الدافور بالسياره وعلشان تتأكد إنك ماراح تنساه لو كان عندك طلعه أقترح عليك تنزل العزبه ومع الوقت بتتعود تنزلها البيت وتطلعها السياره وإذا في هالأمر تعب عليك فهو أفضل من أن تكون خبر في صحيفة سبق عن إنفجار دافور
الله يحفظنا وإياك من كل شر

[الضرغامي]

عليكم السلام
عندك حل واحد نزل الدافور واترك معك ربطة حطب صغيره عشان لو لا قدر الله احتجت الدافور وانت ناسيه تمشي امورك بالحطب

[لامبالي]

والله انزل الدافور في البيت وفي الدور الثالث ساكن
ولا اكون خبر في سبق ولا في الواتس
.
انا مع الضرغامي حله مناسب حط حزمة حطب طيبة وان شاء الله امورك طيبة

[ريان2002]

عذراً على تعبيري القاسي بخصوص سبق ولكن بعض الأمور تحتاج حزم

أخونا الضرغامي فكرته ممتازه وماجت على بالي لأنك ممكن تروح بر مافيه شجر ميت وإنت على بالك إن الدافور معك ووقتها تلقى بأنك لا معك دافور ولا حطب

[المميـز]

عليكم السلام
عندك حل واحد نزل الدافور واترك معك ربطة حطب صغيره عشان لو لا قدر الله احتجت الدافور وانت ناسيه تمشي امورك بالحطب


فكرة الحطب ممتازه تكون احتياط لو نسيت الدافور
والدافور نصيحه لاتخليه بالموتر ، والله خير حافظ

:

[جراح الجر]

فيه الدوافير اللي تعتمد على البنزيم مثل البوستر بلس 1 كمثال
البن يم غير قابل للانفجار و موجود بكل محطة

[بحر الاشواق]

وعليكم السلام
انا ياخوي مثلك عندي جمس حوض وركب له شنطه وحاط فيها عزبه حقت اقهوة بس وشيل وحط انا والدافور نوب انساه بالبيت ونوب انساه بسياره .المشكله مالي طلعات معينه اطلع لاي مكان واذا حصلت الشباب طلعنا لبر او منتزه وما نشيل هم القهوة لكن البلشه الدافور
اما موضوع الحطب ماجاز لي بسبب ان الحطب يحوس الدلال والبرقان يعني يسودن وغير كذا اذا كانت الطلع في منتزه او ثيل خصوصا وقت الصيف مايمديك تشب بالحطب

[اسبيدر مان]

الله يعطيكم العافيه ياشباب

واحد يقول ركب عازل "لباد" على الشنطه حقت الحوض وان شاء الله تضبط معك

[هكيير]

انا من وجه نظري استخدم البديل من الدافوور الدبات السفري......... وراس الدافور الي يفك ويركب ....... الي يباع عند محلات البريه فيه مواد تبرد الغاز ولا يحدث حريق بأذن الله
قيمه العلبه 12 ريال

امن بصيف

[newhorizon]

وعليكم السلام
safety first
السلامة اولا الله يسلمك ويسلم جميع الاعضاء

[ابوراكان تبوك]

من قبل لاتطلع الدوافير الجديده معروف انه الدافور خطر في السياره

اذكر قديما سمعنا دوي انفجار وتوجهنا للمصدر فوجدنا سياره نيسان 200L انفجر الدافور بالشنطه وطعج الباب

الكلام ذا عام 1422 او 1421 قبل لاتجي الدوافير الجديده

اذا الموتر دائما في ظل ماعيك من الدافور

لكن في الشمس خطر جداااااااااا سواء الدافور من القديمه او الجديده