ارق يم المجد بدرجه درجه

[صافى السريره]

مجارات للشاعر الاخ : عدم الانحيازurl]http://www.mekshat.com/vb/showthread.php?t=683660[/url]

بسم الله الرحمن الرحيم

ارق يم المجد بدرجه درجه
............ لا تسرع ثم تسقط من علي

مايطيراللي يخالف مدرجه
........... تنعطب طيارته تتحطملي

ومن مشى مشين يخالطه عرجه
.......ما وصل قصده ولاهو مكملي

يعرف الفاهم طرايق مخرجه
............. والغشيم يظل لينه ينبلي

ومن رفع صوته يجي له حشرجه
.... ما يبين الحق من صوت(ن) علي

والذي هرجه يوزن مخرجه
.......... ما يظل ودايم(ن) قدره ملي

والكلام اللي يجي به رجرجه
.......... ماوزن بالقيس لازم يخجلي

كل مافي القدر لازم يخرجه
.......... محرك الملاس لو هو ممتلي

وظيفك المجهول حذرا تحرجه
...... بالسؤال ان كان قصده تجهلي

خل عدوك والدما به تظرجه
....... ابتعد عنه ترى المخرج ملي

عاسف(ن) خيلي ودايم مسرجه
.... واطرق العسرات صارت مدهلي

ومن سرى ليله يوكد معرجه
......... لا يظل الدرب وقت الموئلي

وان ترك ذا الطير بيضه يمرجه
..... ماجنى من بيضته فرخ(ن) ولي

ومن يظن المجد كله ببرجه
.............. لو رفعها للثريا ما علي

والغيوم اللي تلوح ببهرجه
........... لازم(ن)عنا تروح وتنجلي

يارفيقي وانت خيلك مسرجه
......... الفضل لك وانت كنت الاولي

وخالقك ماضاق شي(ن) يفرجه
.............. اتكل يمه وهمك ينجلي

واكتبه بمماالذهب ثم ادرجه
...... في صحايف بيض قبل يعطلي
ال-بوهلال التميمي(ابوراكان)

[أبوعبدالرحمن99]

صح لسانك يا ابو راكان،،

تحية ود و تقدير .

[عدم الانحياز]

اخي صافي السريره
صح لسانك ومثلك من ينشرح الخاطر بمجاراته


جا التميمي والجمال استدرجه
زانت الصفحه بزينٍ من هلي
باحسن القيفان طيبه ارجه
عودٍ ازرق فوق جمره ويغلي
من رقى يخشى سقوط وحدرجه
همه اللي قد جناه وزلزلي
والحديد يضم عقب الصهرجه
من نواى له بالخراب منولي
كم هبيل شال دابه بخرجه
لا بغى المونه لقا له منكلي
يضحك الجمهور شاف مهرجه
ضاحك منهم وطبله يطبلي
النحو ما جاك يم الهدرجه
يدرس الغلمان علمٍ دبلي
من بغانا بالهباله ندرجه
لين صار الفكر منه عطلي
ومن بغى السلوى وهم يفرجه
نبتسم له زود نذبح له طلي
شمس ياللي للغروب معرجه
اسجدي للي على خلقه ولي
ياصلاة عد نضمٍ لاشرجه
وبعدد تمرٍ بوسطه اشعلي
للنبي تزهى بلون وزبرجه
ما اثمرت الاشجار لوزٍ ونخلي

ودمتم سالمين

[صافى السريره]

صح لسانك ولا فيك حيله.

بسم الله الرحمن الرحيم
ياللي ماتنحاز مامنك اخرجه
----------------سقتنا للعسر وانت تذللي

مابقى بالقاف شي ندرجه
------------- قد حفرنا حروفها لين اسفلي

لكن الدنيا تمايل بعرجه
-----------------حولنا وغبارها يبلى بلي

ما ينام الليل منهو يرجه
--------------- هم في الدنيا وعيا ينجلي

راح وقت الحرث يوم النورجه
-------------- وابعد الزراع حتى المنجلي

وبادي(ن) للصبح بعض السورجه
--------------- والامل ما ضاع للمتاملي

وانت تنصح للشرا بالكورجه
-------------كل حنيني مع لبن ثم ادع لي

والعيون اللي بدتها الغورجه
---------------- سلهمت للنوم ما تتجملي

خل خيلك دايم(ن) مسورجه
------------- باقي في الدرب شي يجهلي

والهبيل اللي تقول بمخرجه
------------- حية(ن) قد شالها سمه خلي

وان بقى في الخرج شي نخرجه
--------------- وانتحصن بالذكر لا ننبلي

ياخويي قد وصلنا اعلى درجه
--------------- والقمم يثبت بها من يفعلي
ال-بوهلال التميمي(ابوراكان)


×

[عدم الانحياز]

صح لسانك ولا فيك حيله.

بسم الله الرحمن الرحيم
ياللي ماتنحاز مامنك اخرجه
----------------سقتنا للعسر وانت تذللي

×

صح لسانك ولا هنت اخوي صافي السريره
مخرجك وسيع يالطيب ودربك أخضر - ولا بالله ما نبي العسر - والي يفارق الرفق ما نبيه كلنا
شكراً لتواضعك والى لقاء آخر في مساجلة باذن الله وهذي حلاة القصيد
دمت طيباً سالماً

[صافى السريره]

ابرك الساعات مجارات شاعر مثلك والى لقاء

[bebeto20]

الله يعطيك العافية

[صقر السديرات]

صح لسانك ملايين
شاعر متمكن
قصيدة في منتهى الجمال
فاقدينك ية غالي في خيمة الالغاز
ارجو انك تكون في تمام الصحة والعافية
وياليت تتحفنا بالغازك الرائعة في الخيمة
دمت بخير

[صافى السريره]

الله يعطيك العافية
الله يعافيك

[صافى السريره]

صح لسانك ملايين
شاعر متمكن
قصيدة في منتهى الجمال
فاقدينك ية غالي في خيمة الالغاز
ارجو انك تكون في تمام الصحة والعافية
وياليت تتحفنا بالغازك الرائعة في الخيمة
دمت بخير

هلا وغلا بالصقر شرفت ونورت الصفحة ، اما الالغاز والله مافي شده لمجاراكم ، رفع الله قدرك.

[أبوعبدالرحمن99]

صح لسانك ملايين
شاعر متمكن
قصيدة في منتهى الجمال
فاقدينك ية غالي في خيمة الالغاز
ارجو انك تكون في تمام الصحة والعافية
وياليت تتحفنا بالغازك الرائعة في الخيمة
دمت بخير


حيا الله ابو فيصل ،،
نورت الخيمة ،،،
لو سمحت يا ابو فيصل لا تاخذ خويانا هههههه،،
و الله انكم مبدعين في خيمة الالغاز و لنا الشرف كلنا بمشاركتكم و لكن فعلا مثل ما قال ابو راكان الله يحفظه الالغاز تحتاج لياقة عالية و تواجد مستمر ،،
حياك الله .

[المكشاتي 1]

بارك الله فيك

[صافى السريره]

حيا الله ابو فيصل ،،
نورت الخيمة ،،،
لو سمحت يا ابو فيصل لا تاخذ خويانا هههههه،،
و الله انكم مبدعين في خيمة الالغاز و لنا الشرف كلنا بمشاركتكم و لكن فعلا مثل ما قال ابو راكان الله يحفظه الالغاز تحتاج لياقة عالية و تواجد مستمر ،،
حياك الله .
لاهنت يابوعبد الرحمن