شريت سيارة مستعملة للبر وفيها رائحة مخيسة من دخان السجائر

[شقردي]

السلام عليكم
يا شباب شريت سيارة للبر مستعملة موديل 2012
السيارة نظيفة من حيث المحركات والبدي وممشاها قليل
لكن داخل السيارة مخيييييسسة من رائحة السيجائر لا بارك الله لمن باع وورد الدخان
اذا رجعت للسيارة وهي موقفة في الشمس بدون مبالغة تقل ميت فيها حمار من شهر
أو كأن راعيها (....) فيها

وش افضل طريقة للتخصل من رائحة الدخان
علما أني وضعت عطورات وبخاخات
لكن تروح الريحة الطيبة وتبقى الخبيثة مع الوقت

[awa141]

جرب تضع القليل من الفحم داخل السيارة.

و الافظل انك تسوي غسيل لفرش السيارة من الداخل يكون افظل

[abohmad]

سلام عليكم بسيطة يا اخي فك الجامات يوم واحد والجو صيف راح تروح الريحة والله يبازكلك فيها ومكفي شرها انشاء الله

[Obu-Nasser]

السلام عليكم
الدخان ما يطلع ريحه خايسه مثل ماتقول
اذا توقف الانسان عن التدخين بالسيارة تروح الريحه بعد اسبوع بالكثير
يمكن الريحة ماهي من الدخان من شي ثاني طايح بالسيارة
انصحك تحط فحم في السيارة وتسكر القزاز، وتتركها يوم كامل
الفحم يشفط اي ريحه شينه.

[N.m.a]

غير فلتر المكيف و اعتمد على الدرايش لفترة محدودة وان شاء الله تبدأ الريحة تخف تدريجياً
واذا عندك كراج خل الدرايش يومين ثلاثة ةراح تلاحظها خافه

والله يهدي كل مدخن

[بدر بن براهيم]

شيك على الطفايات الخلفيه و تحت المراتب

[خيال الغلبا]

اخوي في مثل هالوضع وهالاجواء لاتقفل القزاز

اذا كان عندك حوش دخلها وفتح قزازها اسبوع كامل

[بني سعد]

السلام عليكم
الامر سهل جدا:
اخلط خل ابيض مع ماء و حطه في وعاء فيه منشفه صغيرة على قده
وخل الوعاء تحت درج السيارة في اقرب مكان من مدخل هواء المكيف
وخلي المكيف شغال في كل مشاويرك لين تنشف الموية
وان شاء الله تروح الريحة

[كم كيلو باقي]

اضيف على ماذكروا الشباب
تلميع داخلي مع تغيير فلتر المكيف وان شاء الله وضعك سليم

[شقردي]

جرب تضع القليل من الفحم داخل السيارة.

و الافظل انك تسوي غسيل لفرش السيارة من الداخل يكون افظل

غسلتها ومسحت الديكورات بدون فايده

لكن وش طريقة الفحم ..؟؟

[شقردي]

سلام عليكم بسيطة يا اخي فك الجامات يوم واحد والجو صيف راح تروح الريحة والله يبازكلك فيها ومكفي شرها انشاء الله

شكرا لك........

[شقردي]

السلام عليكم
الدخان ما يطلع ريحه خايسه مثل ماتقول
اذا توقف الانسان عن التدخين بالسيارة تروح الريحه بعد اسبوع بالكثير
يمكن الريحة ماهي من الدخان من شي ثاني طايح بالسيارة
انصحك تحط فحم في السيارة وتسكر القزاز، وتتركها يوم كامل
الفحم يشفط اي ريحه شينه.

فعلا مخييييييييسة بقوة الله يقطع دابر من يصنعه

والريحة دخان مية بالمية واضحه

لكن وش طريقة الفحم..؟

[اليامي قطر]

اقرب مغسله فك المراتب واغسل الفرشه الارضيه

صح وابد وحده بوحده تظبط ان شاءلله

[تزبطي]

اول شي غير فلتر المكيف


تجربته مرت علي

لسحب الروائح بشكل معقول

عليك بريحة رحال اللي تجي كيسه صغيره فيها حبوب

خذ الريحه الزينه اللي تقارب للفانيﻻ لونها قريب للرصاصي ترا الباقيات مايصلحن

حطها وبعد 3 ايام بدلها لين الله يفرجها


كان عندي ريحة دم منسكب بثﻻجة الجيب يوم تفتح السياره
ريحة فطيسه اعوذ بالله
وحطيت الريحه وسط الثﻻجه
والحمد لله راحت وصار ريحة الثﻻجه فانيﻻ تفتح النفس
مع اﻻستمرار باستخدام الريحه بالسياره

وبالتوفيق

[ناصح]

الله يعينيك
طلبت من واحد يجيب لي سيارة من الامارات مستعملة
ووصلت ولا رائحة الدخان تصرع :(
ونظفت وغسلت وفتحت الدرايش في الشمس
وعطرت كذا مرة

والآن بعد مرور 5 سنوات إذا وقفت في الشمس ترجع الريحة :mad:

[Dr.Cinta]

شفلك نوع بخور دخانه واجد وريحته قويه وحط المبخره داخل السياره وقفل الدرايش وشغل المكيف وسكر الهوايه خلها مكتومه من ساعه الى ساعتين وكرر العمليه كم يوم ورا بعض الين تختفى ريحة الدخان بس انتبه لاتطيح المبخره وتحرق موترك

[كاشت وحداني]

بعد اذن الادارة ولكن الفائدة للجميع
شف موقع حراج
اعلان رقم 7593636


أرسلت بواسطة iPhone بإستخدام Tapatalk

[بندر بن سبيل]

الله يبارك لك

بس غريبه ريحة الدخان تطول زي كذا
اكيد في شي
لان مهما كان ريحة الدخان تختفي بمرور اسبوع كا حد اقصى
لكن في طريقه
خذ بخاخ موياء وبخ على المراتب والديكور ومحل الارجل الله يعزكم
وخل معك مبخره
اول ماتخلص من البخ
حط المبخره داخل السياره وسكر القزاز واتركها ساعه او اللي تشوف انه مناسب
وابد انسئ ريحت الدخان بعدها

[قليقلان]

الحل طال عمرك اقرب محل تلميع

سو غسيل للمراتب والارضيع ولبس الارضيه بلاستك شفاف وغير فلتر المكيف وفيه بخاخ للمكيف عند شركة تويوتا يشيل روايح المكيف

وضع سيارتك مثل الفروه اللي لها ثلاث سنوات وانت تكشت بها وريحة دخان النار معلق بها وترش عليها من العطور
اكيد مافيه فايده الين تغسلها طبعا مع فارق التشبيه بين ريحة النار والتتن

[مرتاااح احبك]

بع السياره ولاتقلق

[مرتاااح احبك]

واذا بغيت تشتري سيارة ثانيه عليك باللي ريحتها عود وطيب !!

[ابونبيل]

غير فلتر المكيف ونجد الاسيات

[المتليك]

ضع شيء بسيط من دهن العود اوالورد اواي عطر اخر في فلتر المكيف بعد تنظيف الفلتر وبالتوفيق

[كاشت وحداني]

ضع شيء بسيط من دهن العود اوالورد اواي عطر اخر في فلتر المكيف بعد تنظيف الفلتر وبالتوفيق


ما انصح بها الطريقة
كنت اسويها والله ياهي تخيس ثلاجة الممكيف وتقعد ريحتها سنين معاد تروح


أرسلت بواسطة iPhone بإستخدام Tapatalk

[لامبالي]

غسل المراتب وغير فلتر المكيف
لايوجد غير هذا الحل

[سعيد الصبحي]

مثل ما قال أحد الأخوة اخلط خل أبيض بشرية ماء وحطه في ماعون صغير وحط عليه منشفه صغيرة وحطه تحت الكرسي .. وبعد فترة بتروح ريحة الدخان .. كما انصحك تأخذلك كل يوم جريدة بعد ما تقراها خلها فالسيارة وسكر الجامات وحط السيارة في الشمس .. شي غريب كيف تقضي ريحة الجرائد (الصحف) على كل الروائح فالسيارة

[alsahli]

وعليكم السلام اذا ارتفعت طرق الاخوان فيه شركة شليدر حق حماية الوجهييه عندهم ماده تروح اي ريحه بس والله ماجربتها لاكن على كلام مدير محلهم سعودي والله يعينك وانا جربتها عطناء خبر وسعرها اعتقد 400 او حاولها

[شقردي]

شفلك نوع بخور دخانه واجد وريحته قويه وحط المبخره داخل السياره وقفل الدرايش وشغل المكيف وسكر الهوايه خلها مكتومه من ساعه الى ساعتين وكرر العمليه كم يوم ورا بعض الين تختفى ريحة الدخان بس انتبه لاتطيح المبخره وتحرق موترك


بعد اذن الادارة ولكن الفائدة للجميع
شف موقع حراج
اعلان رقم 7593636


أرسلت بواسطة iPhone بإستخدام Tapatalk


الحل طال عمرك اقرب محل تلميع

سو غسيل للمراتب والارضيع ولبس الارضيه بلاستك شفاف وغير فلتر المكيف وفيه بخاخ للمكيف عند شركة تويوتا يشيل روايح المكيف

وضع سيارتك مثل الفروه اللي لها ثلاث سنوات وانت تكشت بها وريحة دخان النار معلق بها وترش عليها من العطور
اكيد مافيه فايده الين تغسلها طبعا مع فارق التشبيه بين ريحة النار والتتن

اشكركم جميعا على النصائح

[شقردي]

بع السياره ولاتقلق


واذا بغيت تشتري سيارة ثانيه عليك باللي ريحتها عود وطيب !!

واضح انك من النوع اللي يسويها في السيارة ولا تفرق معه ..!!

[شقردي]

غسل المراتب وغير فلتر المكيف
لايوجد غير هذا الحل


مثل ما قال أحد الأخوة اخلط خل أبيض بشرية ماء وحطه في ماعون صغير وحط عليه منشفه صغيرة وحطه تحت الكرسي .. وبعد فترة بتروح ريحة الدخان .. كما انصحك تأخذلك كل يوم جريدة بعد ما تقراها خلها فالسيارة وسكر الجامات وحط السيارة في الشمس .. شي غريب كيف تقضي ريحة الجرائد (الصحف) على كل الروائح فالسيارة


وعليكم السلام اذا ارتفعت طرق الاخوان فيه شركة شليدر حق حماية الوجهييه عندهم ماده تروح اي ريحه بس والله ماجربتها لاكن على كلام مدير محلهم سعودي والله يعينك وانا جربتها عطناء خبر وسعرها اعتقد 400 او حاولها

شكرا لكم جميعا على هذه التوجيهات

[ساهر اليل2010]

السلام عليكم

ياراعي الموتر اذا لقيت حل
ونفع معك

طمنا الله يطمن قلبك وجميع المسلمين


بالتوفيق

[ابو حسان الجنوبي]

فيه قنبله تنباع في محلات التلميع ب٦٠ تزيل جميع الروائح من السيارة وترجع ريحه الوكالة

فيه محل تلميع في جدة يبيعها وله اعلانات في حراج


لا تفوتها ووالله مااعرف هذا الرجال ولكن موتري كان مثل موترك واخس بعد كان يدخن بشراهه لدرجة اني لا رحت مشوار الناس يوم انزل من السيارة يشكون اني انا الي مدخن وجربت والحمد لله

[مسير عليكم]

مادري يالغالي لقيت حل ولالا ولاكن من تجربه لصاحبي ٣ ايام مخلينها مفتوحه وماراحت الريحه والسبب عمال الورشه صلحنا عندها ومسكت ريحتهم فيها الله يكرمك وماراحت الا بعد اسبوع من تعطير وسياره ٢٤ بالشمس والقزاز منسمين له مانقفله ابد انصحك دام مديله جديد ماهي خساره به تلميع داخلي وغسيل مراتب والارضيه

[faisal 506]

اذا انت بالرياض
فيه محل بالصناعيه القديمه مخرج 17
عند مسجد العويضه بالضبط فيه محلين واحد شكله مرتب والثاني عادي
رح للمرتب شغلهم ممتاز ويرجعلك الموتر كنه توه طالع من الوكاله عن تجربه
واشرط عليه قبل تغسلها في حال عدم ذهاب الريحه يرجعولك فلوسك وذا من حقك

[0صقرالجنوب0]

انا اعرف ادا راعى الموتر دايم يدخن ومشغل التكييف بتعلق الريحة اكيد عشان رطوبة هواء المكيف تعلق فى فرش ومراتب السيارة بس ارا انك كبرة الموضوع شوى ؟؟؟
تلاقى بى محلات مواد التنظيف انواع كثيرة من معطراة التى ترش على المراتب وفى محلات كمليات السيارات ايضا .
شف وانا خوك انتا رح حق راعى حراج غسيل السيارات واطلب منه يفك كراسى السيارة جميعها ويفك حتى فرش الارضية ويغسلهم زين ويغسل ارضية السيارة من الداخل وادا ما مشى الحال عليك بهدا الحل ؟

شف وانا خيك بعد ما تشيل السيارة حق المعسلة وتردها للبيت جيب مبخرة وحط فيها الجمر وحط البخور اللى انتا تبغاة وحطة بوسط السيارة وخلى السيارة شغالة وشغل المكيف وخلها ريع ساعة وتعال شيك عليها بأدن تمشى امورك .

بالتــــــــــــــــــــــــــوفيق

[ابوخلف..]

اعطيت سيارتي شخص الله يهديه
وبعد ما اخذت السيارة طلعت لي رائحه كريهه
وكل يوم تزيد وبعد تفتيش السيارة حصلت سندويتش لحم
تحت المرتبة وبعد رش معطرات بالسيارة لمدة يومين راحت الريحة
لكن انصحك ترش على فتحات المكيف وكررها

[turkiq]

الله يبارك لك في الموتر
بس انا اشوف ان ريحة السجائر (اعزكم الله) ما لها حل للأسف

جرب تغيرها .. يعني استخدم بخور .. حط لك مبخرة وقفل السيارة والمكيف شغال
وكرر الحركة اكثر من مرة .. واترك المبخرة مرة قبل النوم والسيارة مقفلة وطافية طبعا
وطلعها الصباح

[محمد1415]

اخوي اشتر المعطر اللي يجيك بعلبة حديد ( يشبه علب التونه )

خذ بنكهة الكرز او الفانيليا وخله مفتوح لمدة اسبوع بالسياره


وعلى ضمانتي انه الريحه بتختفي تماااما

[zayed98]

https://www.youtube.com/watch?v=LbuPWNmWXtc


في نفسه من نفس الشركه بشكال ثانيه وانواع

[احلى نواف]

افتح فلتر المكيف شفه تحت الدرج وكب فيه دهن عود او زهور الريف

[خالد الشمري20]

يا بعدي مالك الا البخور ولا المعمول يومياً بخرها لين تطبع الريحة الطيبة وتروح الريحة الخبيثه


الدخان يحرق <> والبخور يحرق قابل المثل بالمثل

[شقردي]

أخيرا راحت الرائحة المخيسة ( دخان وانتم بكرامة ) وذلك بعد تعب وجهد
*تنظيف كامل السيارة من الداخل الديكورات والفرشات
*رش عطر ومعقمات بين فترة وأخرى
* التبخير بالبخور والمعمول ووضع شوي دهون عود على فرش السيارة
* شريت مناديل معطرة وافتح المنديل واضعه على التكاية وفي فتحات المكيف
طبعا ترجع الريحة بعد الوقوف الطويل في الشمس
فصرت إذا طلعت البر
* أترك الأبواب مفتوحة
* اترك الدرايش مفتوحة شوي والسيارة واقفة في الشمس

والآن والحمد لله انتهت المشكلة
والله يهدي صاحبها الأول رغم أنه معتني بالسيارة ولا جاها كرف وصيانة وكالة
إلا أن رائحة الدخان كانت مخييييييييييييسة جدا وأكيد بحكم أنه مدخن لا يعرف مدى الخياس الذي كان يعيش فيه وإذا كان هذا غمارة السيارة وشلون ريته :(

اشكر كل من وجه في حل المشكلة واعطى توجيه وحلول

[حصان القايله]

السلام عليكم
افضل شي تسوي تلميع داخلي وغسيل مراتب
وتغير فلتر المكيف الداخلي
بأذن الله رح تحس بالفرق

[Blue Diver]

اعتقد السبب ان صاحب السيارة من النوع اللي يدخن ونوافذ السيارة مقفلة والمكيف شغال وبذلك تعتقت الريحة
بالاضافة الى تناثر رماد السجائر على موكيت السيارة
الحل قد يكون بتنظيف السيارة بالبخاراو تنظيف باسخدام مكنسة اللتي تستخدم الماء والصابون من الداخل ويفضل ان يكون بعد استخدام مكنسة كهربائية على كامل الموكيت ( قد تحتاج فك المقاعد )
وتغيير الفلتر ومحاولة شفط مابداخل مواصير المكيف ايضا لاتنسى شنطة السيارة ولاتنسى السقف

[أحمد محمد1429]

السلام عليكم
يا شباب شريت سيارة للبر مستعملة موديل 2012
السيارة نظيفة من حيث المحركات والبدي وممشاها قليل
لكن داخل السيارة مخيييييسسة من رائحة السيجائر لا بارك الله لمن باع وورد الدخان
اذا رجعت للسيارة وهي موقفة في الشمس بدون مبالغة تقل ميت فيها حمار من شهر
أو كأن راعيها (....) فيها

وش افضل طريقة للتخصل من رائحة الدخان
علما أني وضعت عطورات وبخاخات
لكن تروح الريحة الطيبة وتبقى الخبيثة مع الوقت
ههههههههههههههههههههههه

[برق العطاء]

:
الله يعينيك
طلبت من واحد يجيب لي سيارة من الامارات مستعملة
ووصلت ولا رائحة الدخان تصرع :(
ونظفت وغسلت وفتحت الدرايش في الشمس
وعطرت كذا مرة

والآن بعد مرور 5 سنوات إذا وقفت في الشمس ترجع الريحة :mad:

:D:D:D:D

[الدبا]

:

:D:D:D:D

خخخخخخخخخخخخخخخخخ ممكن يكون دخان ابو بس:looney:

[قناص502]

اختصر عليكم المشكله في المدخنين انه يدخن ومقفل القزاز + مايفتح الهوايه وهو مشغل المكيف

بحكم اني مدخن الله يبعدني عنه وعنكم لو تركب سيارتي اتحداك تشم ريحه دخان

الحل بسيط جدا نظف المكيف بس وادع لي بتنقطع الريحه باذن الله

[اشتاء الشمال]

[QUOTE=N.m.a;10485075]غير فلتر المكيف و اعتمد على الدرايش لفترة محدودة وان شاء الله تبدأ الريحة تخف تدريجياً
واذا عندك كراج خل الدرايش يومين ثلاثة ةراح تلاحظها خافه

[اسهيل]

شب ارطى فيها كم مره وتروح الريحه

[أبو شيري]

دام تم تجربه جميع الطرق ولا راحت ريحة الدخان

ما بقى الا تشتري لك بكت وت......... :D أمزح

لا الحل لسحب الروائح هو الفحم

تجربة شخصيه في ثلاجة تعفن فيها لحم بعد انقطاع الكهرباء بسبب سرقة الشقه وصاحبها مسافر
جميع التجارب تم عملها للتخلص من الرائحه ولم يقضي عليها الا الفحم

[راعي الهلي 8]

شغل جمر وحط عليه ( جاونيه ) وحطه بالسياره بس ثبته كويس علشان ما يطيح الجمر ويعدم موترك وسكر الدرايش وخله نص ساعه او 45 دقيقه الين تكتم السياره وان شاء الله تختفي

[N.m.a]

اللبان العماني خير طارد للروائح
حط كسرة كبيرة علي جمر وبخر بها السيارة

[ناصح]

الرجال يقول انتهت المشكلة

وش فيكم معلق عليكم مثبت المشاركات ...........:)