المساعد الشخصي الرقمي

مشاهدة النسخة كاملة : سوال مستعجل وأريد اجابه سريعة بخصوص تركيب لِيَد ع التنده من قدام


Laith123
21/05/2015, 10:50 AM
وصيت مع شخص في دبي يجيب لي لِيَد اللي يضعون اهل الرانجلر من ع التنده فوق القزازة


لكن انا أريد اركبه لسيارتي الباجيرو 2002

السؤال كم آخذ سنتمتر 80 او 60

انتظر الاجابات
ريان2002
21/05/2015, 12:18 PM
المقاسين اللي ذكرتها عادةً تركب في الصدام أو الشبك وإذا ركبتها على التنده يطلع شكلها ماهو حلو لأنها قصيره

إذا تبغى شيء للتنده خذ أطول مقاس متر وشوي ومستقيم زي المسطره وفيه اللي أجمل منه وأقوى نوع في الإضاءه ( يجي بنفس طول المستقيم تقريباً أو أطول شيء بسيط ولكن مقوس وماخذ شكل تقويسة القزاز الأمامي )
Laith123
21/05/2015, 01:02 PM
عشت يا ريان
ذيبان_
22/05/2015, 05:52 AM
ترى بتطلع لك اصوات من الهواء
اليامي قطر
22/05/2015, 06:23 AM
ترى بتطلع لك اصوات من الهواء

ايش اللي دخل الهواء فالموضوع ..؟؟
almutllaq
22/05/2015, 02:17 PM
السلام عليكم ورحمة الله وبركاته .

خذ لك مقاس 50 انش = 127 سم ( كومبو ) سواءً كان مستقيم او مقوس .

كومبو : النور يكون موجه للأمام ومنتشر لليمين ولليسار .

سبوت : النور يكون موجه للامام فقط .

فلود : النور يكون منتشر فقط .

وكلام ذيبان صحيح إذا كان بين الليد والتندة فراغ تبدأ تسمع اصوات الهواء بشكل مزعج .

احرص ما يكون فيه فراغ بوضع ربل بين الليد والتندة .

تحياتي .
خالد تميم
22/05/2015, 03:10 PM
الصراحه انا كنت ناوي اركب وشفت العروض عندنا ببعض المواقع وعند بعض محلات الرحلات والغرابي واسعارهم مبالغ فيها حيل ورحت السوق الصيني بدبي قبل عدة ايام وحصلتهم بنصف اسعارنا ونفس النوعيات .
وفيه نوع حلو شفته يجي معاه غطاء بلاستيك عشان الرمل والحصااويجي مقوس ونفس عرض التنده وسعره رخيص وقوته اتوقع ا180 وات وسعرها بحدود 400 درهم .
الحربي 591
22/05/2015, 03:40 PM
اخواني نصيحه لاحد يشتريها من عندنا كلها رديئه واسعارها اسعار ماركات خارج البلد
اطلبوها من المتاجر امازون او ايباي تلقون سعرها رخيص اكبر شي سعره من 400 إلى700 دولار يعني من 1500..3000 هذا افضل شي!!!
وعندنا الصيني نفس الاسعار اللي ذكرتها واحتمال تطفي بعض الليدات
..
وبالنسبه كم متر تاخذ انا اقول خذ متر من العده طبعا تكون عارف مقاسات اليد اذا هي 80 حط في المتر 80 وشوف كيف متناسقه ولالا..... وهكذا


تحياتي....
ذيبان_
22/05/2015, 11:11 PM
ايش اللي دخل الهواء فالموضوع ..؟؟

عاد جاك العلم من مجرب
Laith123
26/05/2015, 01:14 PM
سلمتوا ودمتوا وعشتو

وشريت مقاس متر


لكن ناقص التركيب
الحربي 591
26/05/2015, 01:21 PM
سلمتوا ودمتوا وعشتو

وشريت مقاس متر


لكن ناقص التركيب

من وين شريتها لاهنت ووش نوعها وصناعاعا وياليت ترسل لتا صوره عن قوه النور ;)
عاشق القصيد
04/06/2015, 01:40 AM
ايش اللي دخل الهواء فالموضوع ..؟؟

هلابك اخوي
الرجال صادق الهواء بيكون مزعج بين التنده والكشاف
ماتقدر تتعدى سرعة 100 الا والهواء تسمعه يضرب التنده
Laith123
08/06/2015, 04:03 PM
من وين شريتها لاهنت ووش نوعها وصناعاعا وياليت ترسل لتا صوره عن قوه النور ;)



خذيتها من دبي من سوق نايف ب260 وسوق نايف أرخص من السوق الصيني

ونورها قوي فوق المتوقع
نوعها صيني

وإذا فضيت صورت النور وأرسلتها


وأما مزعجه فصحيح مزعجة تسمع صوت صفير