يامن عينهن يالربع

[سعود الشمري]

يالربع من عينهن لي! الظاهر ماتدرون وشن؟

السمقان (الكروان) يامن عينهن ياجماعة الخير يبلغني .حيث ان الوقت قرب لربطة الطير.
أخوكم عنده شويهينه جبليه ولا يدري عنه........................

[راعي الحزم]

يذكرونهن هالايام واجد وصدنا منهن خير ونصيحه انقل الموضوع لخيمة الصيد احسن تلقاء اجابه وافيه هناك
وتبي الكراوين اتبع الحياء واماكن تواجد الباديه وخصوصا مكانهم اذا شدو تراك تلقاه الله يخسه قبل عند القمامه تكرم والله ها الوجيه

[سعود الشمري]

مشكور اخوي راعي الحزم . بس ابي وين بأي المناطق حروتهن ؟
وجزاك الله خير

[راعي الحزم]

والله شف يالحبيب اما من ناحيه مناطق حفر الباطن فالدبدبه ماتناسب الكروان لانه بطبعه يحب الاختفاء ويبحث عن الارض التي تشبه لونه الى حد ما لكن انا وجدهن حول ديرتكم عند سماح وتعرف سماح ارضها يوجد فيها بعض شجيرات العرفج واحيانا الرمث بشكل قليل واعتقد لو تتبع مجرى وادي الباطن يمكن تلقاهن
واحرص على الارض التي يوجد بها احجار متناثره بكثره وخلك فطن اذا مريت بالعوشز او مكان دمنه الباديه
وهو مكانهم بعد الشديد اما نحن في القصيم نجدها غالبا في مجرى وادي الرمه ووادي الداث غرب الرس
وفي كل مكان توجد به احجار

[جني ابوشوشه]

الكروان موجود بالقريه العليه
سلاااااااااااااااااااااااااااااااااااااااااااااااا اااااام
باي:p

[المري]

يامن عين اسعود الشمري عسى الجبليه صادت شي من الكراوين.

[المرتحل]

هاه بشر يابناخي عطنا علومك عساك توفقت وارضيت الجبليه قبل حزة الربطة . تحياتي

[سعود الشمري]

أبشرو بالشبب ياوجيه الشبب
أبشركم ولله الحمد لقيت اللي طيب خاطري