المساعد الشخصي الرقمي

مشاهدة النسخة كاملة : بخصوص نظام A B S (مانع الانزلاق) ....


فارس الرس
01/01/2007, 10:42 AM
السلام عليكم ورحمة الله وبركاته
يالربع انا موتري نيسان باترول سوبر سفاري 2002 فيه نظام (A B S) والمشكله بالنظام مايمسك بريك زين اذا كنت بالبر وسبب لي كثير من المشاكل خاصه بالنفود .

س : هل يمكن فصل النظام بشكل مؤقت اذا كنت بالبر؟

ولكم خالص تحياتي ...
imksa
01/01/2007, 01:28 PM
هو صحيح يوهق ، لكن اكيد له فائده حتى في الطعوس عشان تتوزع قوة الفرامل على الاربع كفرات

اتمنى أن تجد طريقة لفصله

في امان الله
الربذي
01/01/2007, 04:05 PM
الا في المطاب يوهق وخايس بصراحه ارجو من الاخوة الانتباه تصدق يضيع البريق قبل كم يوم كنت امشي بالبر الا وقدامي مطب قوي ابي البريك يوم ضاع ولا مسكت زين فقط اصوي كركره والبريك يرقص تحت رجلي ولا مسك واكلت المطب اكله قويه
الي بي اس في البر او لاسفلت اللي فيه مطاب الامان فيه صفر وخصوصا البريك المفاجي
مدور ربيع
01/01/2007, 04:31 PM
فعلا مثل ماتقولون ياخوان ... ولاتنسون عيون القطط ... مالك سنع بالفرامل فوقها !!!!


عموما" اخوي صاحب الموضوع ... يوجد فيوز خاص بنظام abs

راجع كاتلوج الموتر ورايح تعرفه ...

جرب تشيل الفيوز !!

وشف النتيجه اذا زبط معك الفرامل ... ولا رجع الفيوز

احسن من تخلي احد يلعب فيه
فارس الرس
01/01/2007, 07:59 PM
الله يعطيكم العافيه ياخوان على الرد على الموضوع
ولكن يا أخوي (مدور الربيع) اخاف افصل الفيز ويحوس علي النظام
انا سمعت انه فيه طريقه للفصل المؤقت اذا كنت بالبر بس اللي جاب لي العلم مايدري وشلون
ياليت لو فيه احد عنده علم يفيدنا وذلك للمصلحه العامه ...
ودمتم .....
imksa
01/01/2007, 08:33 PM
شباب فيه نقطه مهمه جدا ، جربوها ولاتنسونها لان الواحد في الحالات الصعبة ما يتذكرها



اذا سمعت طقطقة abs فخفف الضغط عن الفرامل ليزول هذا الصوت وتعاود الفرامل العمل


في امان الله