باجيرو سبورت او هايلوكس

[taal0]

ايهم افضل كدفع رباعي باجير وسبورت او هايلوكس لاني ناوي ان شاءالله وحده من السيارتين وبشوف ايهم افضل والي
عنده خبره يفيدنا وبالتوفيق للجميع

[محمد1415]

خذ الباجيرو العادي

سعره جديد ب 80 بالمعارض ستاندر اماراتي

ومواصفاته ممتازه جدا

حساسات زينون ليد مكيف خلفي تخشيبه داخليه بيج ريموت وغيره كثير


وميد ان جابان 100%

[taal0]

خذ الباجيرو العادي

سعره جديد ب 80 بالمعارض ستاندر اماراتي

ومواصفاته ممتازه جدا

حساسات زينون ليد مكيف خلفي تخشيبه داخليه بيج ريموت وغيره كثير


وميد ان جابان 100%

يعطيك العافية وننتظر باقي ارا اﻻخوان

[المميـز]

:

باجيرو سبورت مكينته ضعيفه ٣٠٠٠ لكن الباجيرو مكينته اقوى ٣٨٠٠
اتمنى انك تجرب قيادته قبل اقتنائه .. والجيب احلى من الهايلكس
الحوض ياخذه اللي هاويه واللي يحتاجه دايم بالتحميل
ميزة الجيب عندك شنطه بالخلف تحط اغراضك من ماطور هوا وعدة وعزبه وغيرها
لكن الحوض عكس ذلك لابد من تأمين الحوض علشان اغراضك
ومثل ماقلت لك اذا مالك حاجه بالحوض دور لك جيب
والله يكتب لك اللي فيه الخير ولاتنسى الاستخاره

:

[محب الجهاد]

أنا معي هايلكس٢٠١٤ فأكها جديدة نصيحة لا تأخذ الهلي خذ الباجيروا جديد فل كامل مكينة ٣٨٠٠ ب ١٠٠٠٠٠ او ١٠٢٠٠٠ في هالحدود او مكينة ٣٥٠٠فل الفل ٨٥٠٠٠ نصيحة ابعد عن الهلي من واقع تجربة وانا ابي أبيع الهلى وأشتري الباجيروا

[taal0]

يعطيكم العافية ماقصرت
إن شاء الله باجيرو سبورت

[الوانيت1]

الرجال يسأل عن الباجيرو سبورت وهذا نوع يختلف تماما عن الباجيرو وبأمكانك عمل بحث في قوقل بعنوان ماهي عيوب الباجيرو سبورت وراااااااح تلقي من العلوم والردود ماااااايشفي غليلك كما ان المكينة في الموديلات الحديثة اصبحت حجم ٣٥٠٠ واصبح توزيع التكيف لبقية الركاب في الخلف بالسقف بدلا من جانب واحد فقط .
اما الباجيرو فيأتي عليه ثلاث مكاين ٣٠٠٠ / ٣٥٠٠ / ٣٨٠٠ انحش عن الصغيرة حنة وقلة عزم وصرفية بانزين والافضل الكبيرة لان القير ٥ خانات وعزم ودفلوك وافضل بكثير عن البقية لوجود تحسينات اكثر ويمكنك ايضا عمل بحث بقوقل وستجد ماتريد .....////.

[التعـ King ـديل]

الباجيرو 3800 هذا يصنع في اليابان والخليجي منها فل كامل بحدود 110 موتر جبار وانا اقولك 5 سنوات ماتحط فيه ريال غير كفرات وزيت وبنزين

الباجيرو السبورت وال 3500 هذا تجميع فيتنام وسعره 85 الف وانا انصح الفرق بسيط بين الاثنين خذ 3800

الهايلكس لا يقارن بالباجيرو صحيح انه ممتاز ولكن اذا بوصل 80 الف في ونيت احطها في باجيرو افضل

[taal0]

يعطيكم العافية ماقصرت والله أخذت باجيروسبورت

[المميـز]

يعطيكم العافية ماقصرت والله أخذت باجيروسبورت


ماشاء الله تبارك الله
مبروك الموتر الله يعطيك خيره ويكفيك شره
ننتظر التقارير بعد تجربتك للموتر ان شاء الله

:

[محمد1415]

الباجيرو 3800 هذا يصنع في اليابان والخليجي منها فل كامل بحدود 110 موتر جبار وانا اقولك 5 سنوات ماتحط فيه ريال غير كفرات وزيت وبنزين

الباجيرو السبورت وال 3500 هذا تجميع فيتنام وسعره 85 الف وانا انصح الفرق بسيط بين الاثنين خذ 3800

الهايلكس لا يقارن بالباجيرو صحيح انه ممتاز ولكن اذا بوصل 80 الف في ونيت احطها في باجيرو افضل



اخوي جميع انواع الباجيرو (العادي) 3000/3500/3800


جميعها تصنع باليابان

[جني صغير]

خذ باجيروا افضل لك وأريح

[جني صغير]

بعض المعلومات اللي جمعتها من كم موقع

تعتبر ميتسوبيشي باجيرو سبورت السيارة الSUV الوحيدة ضمن المجموعة التي بنيت على الطريقة القديمة (طريقة جسم على إطار أو شاسيه منفصل) مما يعطيها صلابة عالية للعمل الشاق على الطرق الوعرة وهي تعتبر بديلة ناتيفا
أما بقية مجموعة ميتسوبيشي من الSUV: باجيرو وأوتلاندر وASX فكلها مبنية على طريقة الجسم الموحد

1- V6 3500cc بقوة 190 حصان عند 4750دورة في الدقيقة مع عزم دوران30.9م/كيلو عند 3750 ورة في الدقيقة مع ناقل حركة عادي بـ 5 سرعات أو ناقل حركة أوتوماتيكي بـ 4 سرعات مع التنقيل اليدوي الرياضي (تتوفر في السعودية بهذا المحرك فقط)

ونظرا لتركيبة البنيوية لهذه السيارة تستطيع ميتوبيشي باجيرو سبورت التوغل في الطرق الوعرة بكل سهولة يساعدها في ذلك خفة وزنها (1950كيلو للموديل الأعلى تجهيزا) وخلوصها المرتفع عن الأرض وتعليقها الأمامي المستقل والخلفي المتصل وعزمها العالي

بالنسبة للتجهيزات:

كشافات ضباب
شبك كروم في الموديل الأعلى تجهيزا
نوافذ وأبواب ومرايا كهربائية
ريموت كنترول
خشب
جلد
فتحة سقف
مكيف الكتروني مع فتحات للمكيف خاصة لجميع الركاب
جنط 17
فرامل ABS
نظام EBD
ديف لوك خلفي
أكياس هواء أمامية
مسجل 1 CD و6سماعات
شاشة معلومات


أي أن علاقة ميتسوبيشي L200 بميتسوبيشي باجيرو سبورت هي نفس علاقة تويوتا هايلكس بتويوتا فورتشنر منافستها الرئيسية
بنيت ميتسوبيشي باجيرو سبورت على قاعدة أو شاسيه ميتسوبيشي L200


ومعليش اذا كثر المعلومات

[جني صغير]

عيبها سعر يطيح على طول

قطع غيار الاستهلاكية غاليه مقارنه بالتايوتا

مالها طلب وغير متماسك بالخط

منقول من مواقع

[taal0]

الله يبارك فيكم يعطيكم العافية ماقصرتو وباالنسبه ماخذت السياره الا عشان مواصفاتها حلوه
وتصلح للبر
ويعطيك العافيه ياجني صغير على المعلومات الي ذكرته ولك جزيل الشكر

[التعـ King ـديل]

اخوي جميع انواع الباجيرو (العادي) 3000/3500/3800


جميعها تصنع باليابان


ال 3800 فقط ياباني تصنيع وتجميع


البقيه تجميع فيتنام

[ابن كديميس]

الهايلكس طيبه بالحيل و عملي ويصبر عيبه سعره مبالغ فيه اذا تاخذه جديد و تدفع كاش انصحك تشتري جيب مستخدم لاند كروزر او باترول فتك ازين بواجد وترى قطاع غيار الهايلكس
مرتفع شوي مثلا فحمات اماميه 300ريال و مساعديات اماميه 300 ريال بواجي 70 ريال تقريبا واذا مازادت مانزلت.
الباجيرو مالي علم فيه بس الهايلكس اكثر تواجد بالشوارع منه.

[Laith123]

باجيرو سبورت ما يصلح
شكله مخيس


لكن الباجيرو العادي الربع منظر وروعة وواسع من داخل لا يغرك حجمه من الخارج

وشكله مليح ومواصفاته نفس مواصفات اللاند كروزر من الداخل وخذ الفل ومكينة 3800 واللون لولوي والله يحفظك من العين
يجملك في خط في بر في كشخة في رزه

[كاتم2]

يعطيكم العافية ماقصرت والله أخذت باجيروسبورت
عل بركه الله يعطيك خيره ويكفيك شره ،، واذا ممكن تقرير عن السياره

[SNIPER07]

هلا و غلا
خليك من الباجيرو لسبورت ،،، خذ الباجيرو العادي المتعارف عليه افضل

اذا كان معيارك الدبل فالباجيرو اكثر كفاءة من الهلي من جميع النواحي

و كل بين فترة يكون عروض عندهم ممتازه قبل فترة كان الفل الذهبي 3800 محرك بـ 120000 الف

تحياتي