اللي مجرب الشاص القديم والجديد يساعدني [الأرشيف]

عاشق HW 80

27/05/2015, 02:03 PM

السلام عليكم ورحمة الله وبركاته
قررت اشتري شاص رفرف انا مني حق حلال
انا بر وكشته بس عندي سؤال
ايش الشاص الجديد ولا القديم فقط في انخفاض الصوت والعزم
وبس مع ذكر السبب]

مطر وربيع

27/05/2015, 02:30 PM

بر وكشتة انصحك بشاص النيسان ثلاجة ودفلوك ويايات مريح للظهر وعزم قوي في الرملة والطلعات وسعره مناسب

عاشق HW 80

27/05/2015, 10:17 PM

شباب ٦٣ مشاهد ولا احد يعرف للشاص مره محد جرب الشاص وينكم يالمكشاتيه
انا لي نفس في شاص تيوتا ما ابغا شاص نيسان

مشوت الذيب

28/05/2015, 02:56 AM

الصوت :
الموديلات الجديده مافيها صوت

السبب: مادري

العزم :
القديمه اقوى

السبب : المكاين القديمه راس واحد ومصنوع من حديد يعني يتحمل اكثر
اما المكاين الجديده راسين والمنيوم والدعسه كهرب

واذا تبي وجهت نظري مع انك ماطلبتها:

خذلك من الموديلات الجديده
لان القديم نادر تحصل النظيف واذا حصلته تلقا سعره مثل سعر ال2014 او ال2013
من واقع تجربه

عاشق HW 80

28/05/2015, 10:57 AM

جزاك الله خير تسلم والله
في احد غيره

أبوصالح9

28/05/2015, 12:37 PM

قديم من 2005 - 2009 - بس يبيلك تدور على رواقه

تويوتا طبعا - ونش ودفلوك

عاشق HW 80

29/05/2015, 02:54 PM

تسلم سؤال المكينة الجديد 4000 تصلح للبر
ولا لا
معايا سيارة ابويا الله يحفظه نوع السيارة ديماكس 2005 واشوفه ممتاز في البر بس الصوت مزعج
والعزم : عاد هذة مافيها كلام شبه معدوم
وابغا شاص عشان خفة الصوت والعزم بس انا ما جربت الشاص بس شكله عاجبني وش قلتو

كم كيلو باقي

29/05/2015, 04:49 PM

والله انا ماجربت شاص التويوتا
جربت شاص النيسان
وجهة نظري أنه يستحق تفكر فيه وأشوفه ممتاز ومافيه عيب غير صغر بسيط في الغمارة
التويوتا مايمدحون مكينته الجديدة
والله يكتب لك اللي فيه الخير

محمد1415

29/05/2015, 06:09 PM

كل موديل يقولون اللي قبله احسن

وانا من وجهة نظري

مادام الشاص مازال ينزل دفرنسات قدام وورى

ف هو مووووتر بغض النظر عن المحرك

وبالنسبه للمحرك الجديد

حسب التجربه ممتاز ولا به عذروب ويشيل الموتر

بالعكس اهدى واوفر بنزين من اللي قبله

المحرك السابق -4500- كان شفاطة بنزين ومايختلف على قوته

هيوماكس

29/05/2015, 06:33 PM

الشاص عيبه الوحيد السست حقته نازلة
في الاماكن الوعرة تحك في الحصى واحيانا ينشب في العقوم

عاشق HW 80

30/05/2015, 03:41 PM

طيب اقدر احول دعسته الشاص الكهربة الى سلك

صدى الاطلال

30/05/2015, 11:18 PM

شاص مكينة 4500 خذ
شاص 6v هج عنه

عاشق HW 80

31/05/2015, 12:38 AM

شباب اللي يقول الموديل القديم افضل وين القاه جديد
غريبه الشاص الجديد ما ينفع للبر
مشلكة القديم ما تلقى جديد
تكفوون الجديد ينفع للبر
لاني ابغا اللي اهداء في الصوت
بس

خوي السطحه

31/05/2015, 09:13 AM

جاوبوك الشباب ماقصرو التايوتا الجديد ماينفع استخدام للبر بس يغسل ويصف على الرصيف لحسن شكله حتى 2016 بينزل نفس المكينه ابحث عن القديم او شاص نيسان

ابن كديميس

31/05/2015, 09:50 AM

عز الشاص بكل مواصفاته وقف على موديل 2006
قوة +اخف صوت هواء+تماسك بدي +قوة تحمل.
الموديل من 2010وفوق صح انه اضعف عزم وصوت هواء بس عملي ويكد واذا اخذته جديد خمس سنوات ماتحط فيه الا اشياء استهلاكيه
والسياره في الاول والاخير على استخدامك والمحافظه عليها
فيه شباب يفجر السياره تفجير وتبوش المكينه وبالاخير يقول فاشله وهذا غلط من سوء استخدامه.و

اذا تبي شوري خذ جديد ومبروك مقدما

عاشق HW 80

31/05/2015, 11:09 AM

جزاك الله ي ابن كديميس
الله يبارك فيك ي حبي

تميم2222

31/05/2015, 11:52 AM

الجديد يبرد عزمه مب مثل الاول محشور

رملان

31/05/2015, 03:11 PM

الاخوان اللي ردو عليك ان الشاص الجديد ماينفع للبر يمكن يقصدون للتطعيس والتفحيط
جربنا ولقينا نفس الجودة العيب اللي يذكر دعسة الكهرب ومع الوقت تاخذ على الدعسة,
انت سالت عن الشاص ما طلبت خيارات اخرى..
اذا تبي خيار اخر وعلى مسؤوليتي الان الفورد F150 بسعر 83000 نوع ستاندر V8غمارة صندوق قصير دبل

عاشق HW 80

31/05/2015, 10:31 PM

وبستخر ربي واشوف الافضل

ابوحسام9

31/05/2015, 10:44 PM

خذ الجديد ولا تردد من واقع تجربه وبعد عن القديم
سيارات راحت ولت خلك مع الجديد والسياره حسب الاستخدام

ابونبيل

01/06/2015, 01:42 AM

حل دعسة الكهرب قطعة اسمها سبرنت بوستر مركبها على الهايلكس ممتازة الموتر في القومه فرق
اما بخصوص الشاص اذا انت راعي مكاشيت فماعليك من الي يقول المكينة والمكينة لاني اكشت على هلي ٤سلندر دبل ومرتاح ومستانس
الشاص الجديد يقولون ان عزمه مايقارن باللي قبل بالتحميل اما موتر الكشتة منت شايل فيه حمولة شعير ولا غيره اذا عاجبك خذه وياكثر الكشاتة الي ماشيه مواترهم معهم مثل اللوز

عاشق HW 80

01/06/2015, 12:23 PM

تسلم ي ابو نبيل
صدق لسانك

moath2700

01/06/2015, 02:31 PM

على القار ماتسمع هواء من وراء البيبان
وعلى الرمل مايدخل مع الشنطه أغباره
تيوتا ولاغيره ولا يصغر النيسان
من الله عليه من الحسد ستر وستاره..

لامقارنه تقارن مركب العز التايوتا بغيره ..

الشاص مصمم لصحاري والحمول الثقيله اما الامريكي فهو دلوع يبي البحر وعلى الشاطى والنيسان للبر القريب اللي حول الديره ..

انا اوويد الشاص الجديد لسبب الموديل يفرض روحه من ناحية كل شي اما القديم حتى لو تلقى نظيف يبيله شغل للمرور الزمن عليه والجديد اشوفه مع ربعي من افضل مايكون بس اهم شي خذ دفلوك خذ دفلوك خذ دفلوك وغيره لايهمك ..

وطن العزة

01/06/2015, 08:37 PM

خذ الجديد وما عليك و أي موتر دبل يمشي بالبر بس عليك بتنسيم الكفر

والركاده ، بعضهم تلقاه حاطن الهواء فوق 30 وحاشره بنمره ويبيه يطلع

غصب و مبروك مقدما

وطن العزة

01/06/2015, 08:47 PM

صادق يا معاذ النيسان موتر طربال وتحت البايكه حتى لابغيت تشتري

ما تبحل بالنظيف من قل الممشى من المخطط للبايكه :D

عاشق HW 80

01/06/2015, 10:01 PM

الله يكتب اللي فيه الخير

azeezx

01/06/2015, 10:07 PM

الله يرزقك الي يطيب خاطرك ويسعدك

استفدت من موضوعك جزاك الله خير

ابن كديميس

01/06/2015, 11:25 PM

جزاك الله ي ابن كديميس
الله يبارك فيك ي حبي

ومن يقول يالغلا
الا بسالك الديماكس 2005دعستها عادي ولا كهرب
ان كنت ماني غلطان دعسته الديماكس 2010كهرب
دعست الشاص الكهرب ماتلاحظها الا لا دعست للاخير مباشره تلاحظ فيه قطعه خفيفه ثم يشد معك ولا ممشى عادي ماتحس بذاك الفرق
والصوت اذا مقصدك صوت المكينه فصوتها خفيف مره ومن اخف المواتر صوت وخاصه اذا معطيه الخامس مع الخط .
الشاص اكبر عيب فيه مطبه يكسر الظهر
والشاص الرفرف مطبه اخف من الشاص السلق لان سستاته الريش اقل والياي قدام لفاته اقل
بس ترى الارغب الشاص السلق في البيع وزبونه اكثرلانه 11ريشه وياي مقفل لانه يشيل وماينزل
ونصيحه خذ الشاص السلقه ابو 11ريشه
وسحب من السست وركب لعبات اطول بيخف مطبه ويصر اريح من ابورفرف.

ابن كديميس

01/06/2015, 11:37 PM

صادق يا معاذ النيسان موتر طربال وتحت البايكه حتى لابغيت تشتري

ما تبحل بالنظيف من قل الممشى من المخطط للبايكه :D

انا مدري وش دخل النيسان بالسالفه احس من كلامك انك من صنع تويوتا
الشركات تنافس بالسوق وتصنع الافضل للمستخدم!
و
النيسان ميزته اذا بتلعن والدينه والدينه وتمرتدغه البر
فهو قمت الطرب بس تحافظ عليه ودايم تغسله مايطربك
وشف اهل القنص والطرد وش مواترهم الاغلب باترول و كل سياره فيها سلبيات وايجابيات

الاطار

01/06/2015, 11:39 PM

خذ الشاص الجديد ....والله وباالله وتاالله ان حبه يزيد كل يوم في قلبي...ويشرفني في كل مكان في البر والزفلت ....بس خذ لك فل كامل ....واذا دخلت الطعوس نسم الكفر خمسة عشر وعلى هونك وتمتع بالبر والطعوس ...ومر اقرب محل رحلات وخذ لك ثلاجه تبريد الطمره وحط التيس وولع النور على الدهنا ولا الصمان واذكر الله في كل مكان والرفقه الطيبه لاتنساها ....ومبروك مقدما ....وان شاالله يسوقه من تحبه وتغليه قدام عينك ....

وطن العزة

02/06/2015, 02:27 PM

انا مدري وش دخل النيسان بالسالفه احس من كلامك انك من صنع تويوتا
الشركات تنافس بالسوق وتصنع الافضل للمستخدم!
و
النيسان ميزته اذا بتلعن والدينه والدينه وتمرتدغه البر
فهو قمت الطرب بس تحافظ عليه ودايم تغسله مايطربك
وشف اهل القنص والطرد وش مواترهم الاغلب باترول و كل سياره فيها سلبيات وايجابيات

يابن كديميس الله يسعدك :)

أنا من عشاق الباترول وبالنسبة لي هو رقم 1 للبران وأغلب مواترنا نيسان

لكن ردي مزحه للي يقول النيسان موتر للبر اللي حول الديره :D

بحرالقلزم

02/06/2015, 02:56 PM

اولا لاتاخذ الا دفلوك من واقع تجربه الدفلوك هو المنقذ بعد الله في اكثر المواقف
ثانيا اللي يقول السست نازله الحل تسحب من كل جهه عدد4 ريش وشوف كيف ترتفع

بحرالقلزم

02/06/2015, 03:01 PM

اولا لاتاخذ الا دفلوك من واقع تجربه الدفلوك هو المنقذ بعد الله في اكثر المواقف
ثانيا اللي يقول السست نازله الحل تسحب من كل جهه عدد4 ريش وشوف كيف ترتفع

احب اضيف لازم تاخذ قفزان ومسمار السنتر وكاله طبعا حقت ابو رفرف

عاشق HW 80

02/06/2015, 06:32 PM

ماشاء تبارك الله الموضوع بدأ في المشاركات
ابن كديميس
الديماكس 2005 دعسته سلك

اسبيدر مان

03/06/2015, 12:02 AM

يبدو ان اغلب الردود مبنيه على العاطفه

بنسبه لي انا قبل كم شهر ماخذ واحد واسئل الله ان يبارك لي فيه 2014
السلبيات
العزل صفر
استهلاك البنزين عالي
الراحه صفر
الرساوه لك عليه
العزم متواضع
فيه حراره شديد تحت عند الدواسات ومكان وضع الرجلين الله يكرمكم مما يضطرك تحول المكيف الى تحت من شدة الحراره
صوت وشيش يطلع من البيبان خصوصا لا صار فيه هواء بطريق
المميزات
اتوقع الصبر والتحمل
شكل ووقفت السياره جميله

لكن اذا جزمت على الشاص حط في بالك لازم يكون عندك سياره ثانيه
وانا احمد الله واشكره اني مابعت سيارتي الاوله

والله يكتب لك الى فيه الخير

عاشق HW 80

03/06/2015, 11:37 AM

الله يجزاكم خير لجميع من شارك في هذا الموضوع

شاق النفد

04/06/2015, 03:33 PM

قالك اسبيدر مان
هو الموتر لاثنين راعي الحمول وراعي الحلال
غيرها والله ان يتوهق اللي بيشريه

عندك شاص النيسان والله ابداع راحه قوة رساوة عزل هواء صاحي وارضية الغمارة ما تحتر
وصرفيته فل تانكيين يمشيك الف كيلو

وانت ومايبديلك وتهواه

abomohannad

04/06/2015, 04:50 PM

نصيحة لك ولغيرك من الي يرغبون شراء شاص
أهم شيء (الدفلوك) لأن الموتر طويل

عاشق HW 80

04/06/2015, 05:30 PM

انا ادري ان اادفلوك مهم انشاء الله اشري شاص دفلوك

بحرالقلزم

04/06/2015, 07:05 PM

انا ادري ان اادفلوك مهم انشاء الله اشري شاص دفلوك

:good::good::good:

الحربي حاتم

05/06/2015, 12:42 AM

الله ييسر أمرك للأفضل .

عاشق HW 80

05/06/2015, 03:53 PM

الله ييسر أمرك للأفضل .

امين يارب وييسر جميع احول المسلمين

((ابوملاك))

08/06/2015, 08:03 AM

انا بعطيك الكلام ونصيحه اخويه انا مجربه بكل موديلاته
واقسم لك بالله انه حتى الكلبليتر القديم اشوفه افضل عزم بالنفود من تجربه
الجديد كان معي 2011 بالخط عادي معك زين ممشاه لكن تدخل نفود او بر تحسك على هايلوكس دبل او ددسن دبل اقسم بالله غثيث لدرجه ماتتصوره كل ممشاه بواحد ولا حملت عليه ما ينزل من ورا عادي زي القديم بس ممشاه زفت لدرجه ماتتصوره ولا يهمك ترا قطعة السبرنت بوستر اللي يقولون تخلي دعسته سلك خرطي والله ماتنفع ماغير خلت الكلتش ثقيل اشتريته جديد علي يدي جلس معي سنتين ونص تقريبا وبعته وبنفس قيمته خذيت لي 2004 بنفس قيمته الحين معي له حول تقريبا سنتين ونص او اكثر
اقسم بالله ارتحت نفسيا وندمت اني ما اخذته قبل
نصيحه لوجه الله وترا الجديد سعره لا جيت تبي تبيعه تبلش به اقسم بالله حقي جلس معي كم شهر احاول ابيعه ومحد يلتفت بي

عاشق HW 80

08/06/2015, 09:54 PM

طيب القديم وين القاه ي ابو ملاك
بعدين القديم مستحيل تلقى نظيف وبعدين انا ما اضمن المستعمل
علمتني محل عنده شاص قديم من 2009الى2007 جديد او نظيف مره لدرجه انه ينشاف جديد

اليامي قطر

08/06/2015, 10:51 PM

بالنسبه لك يصلح لك أي موديل

لانك راعي مكاشيت وبر على الخفيف

والددسن وهي 4 سلندر وبدون دبل مع تنسيم التواير مايردها الا سواقها

فما بالك بالشاص دبل و 6 سلندر وعزم تووب

نسم كفراته 15 ولو تبي ترقا جبل مكه مايقول لا

الناس بيتكلمون حتى على الارض اللي تمشي عليها

اشتر لك جديد على يدك ومكفي شره

عاشق HW 80

08/06/2015, 11:50 PM

اليامي قطر

09/06/2015, 04:48 AM

تسلم والله ناس تقول القديم وناس تقول الجديد نسبه اللي قالو الجديد اكثر من القديم باتوكل الله واخذ 2015

مبروك ويعطيك خيره ويكفيك شره

عاشق HW 80

09/06/2015, 07:30 AM

مبروك ويعطيك خيره ويكفيك شره

الله يبارك فيك

صياد تميم

19/06/2015, 09:20 AM

بقولك ومن تجربة اخوياي واقاربي وبقارن بالتيوتا والنيسان في التحميل التيوتا بدون مقارنة وفي القوة النيسان يتفوق وصرفية البنزين لصالح التويوتا ومن ناحية المواصفات التويوتا افصل شاشة ، مكرة ، دفلك قدام و وراء النيسان خلفي فقط ، التويوتا تخاشيب ونياكل على المكيفات ، كاميرا ، طبعا النيسان ماتوجد فيه المواصفات هاذي ماعدا الدفلك والثلاجة، الراحة النيسان اريح . والسعة الداخلية لتويوتا النيسان ضيق من داخل وشكله من داخل قبيح مقارنة بالتيوتا الرساوة متقاربين ومابه فرق .... وهاذا ماعندي واذا فيه اخطاء فالبشر يخطون جميع واذا في زيادة من الشباب فيههم الخير والبركة

قناص الوعول

22/06/2015, 08:20 AM

نصيحه اشتر جديد وخل الموديلات الي اكل عليها الزمن وشرب وصدم ولعب في الموتر و الجديد افضل من القديم في كل السيارات وهاذا الناس كل ما طلع موديل اتجهو الى القديم