المساعدة ياربع أبي شوركم وهيدياة الله

[تمساح]

السلام عليكم يارجال ويالربع النشامى

عندي جمس سوبربان قطع 1500 بدون دبل يعني دفرنس واحد موديل 2006 وأبغى منكم تشورن علي بفكرتي الي انا ابطرحا عليكم وهي إني ابي اركب دفرنس ثاني للموتر وابي منكم انكم تدلوني على ورشه مظبوطة بالرياض

وأرجو الرد في القريب العاجل وتقبلو تحياتي لكم وشكراً لكم جميعن ودمتم

[القويعي]

يفيدونك الشباب

[بيرق التوحيد]

نصيحتي وشوري عليك

أنك ماتعبث في الموتر

بعه في السوق واشتر لك واحد دفرنسين

لأن شغل الترهيم والتلفيق ماش لك عليه

هذا شوري لك والله يحفظك ويسر أمرك

[شبح الصحراء]

حسب علمي ان الجموس الجديدة ما يجي فيها دفرنس قدام حتى الجمس الدبل لأنها صارت عكوس كلها مثل اللاند كروزر الجديد واذا تقصد انك تخليه دفع رباعي فهذي صعبة جداً ومكلفة وحتى لو نجحت وحولته دفع رباعي ما راح يمشي معك مضبوط لأن شغل المصنع غير شغل التعديل وش جاب هذي لهذاك أخاف تتورط بعدين بخرابات ومشاكل مالها اول ولا آخر .
اذا مصمم على دبل بع الموتر وزود فلوسك شوي واشتري آخر دبل وانصحك بالياباني واترك عنك شغل الكلاب الأمريكان والله استغرب كيف الواحد يدفع ريالاته لأمريكا وهم دمروا العراق .

[بن حـــمـــد]

صح لسانك والله يا شبح الصحراء وأظف طال عمرك الى ذلك أفغانستان والصومال وفلسطين و تيمور الشرقية و .......

أخي تمساح بارك الله فيك الموضوع ممكن ولكنه مكلف و بتعدم السيارة للأسباب التالية

* لازم تغير الجير لأن الدفع الرباعي طال عمرك يحتاج "تورك" عزم دوران اكثر.
* لابد تركب جير دبل، ولأنه ماله مكان عندك لابد يركب تحت شوي يعني كثيرا ما رح يحك.
* لابد تجيب دفرنس أمامي نسبة تروسة مساوية تماما للدفرنسالخلفي.

وبعدين طال عمرك في ضني وحسب علمي أن مكينة سيارتك أصلا ضعيفة بعض الشيء
وأخيرا أخي على شان تحصل على سيارة دفع رباعي جيدة لازم تركب شي اسمة "تراكشن كنترول" زي اللي موجود باليكون أو دف لوك زي اللي موجود بالجيوب المحترمة

وبعدين وش سالفة الموضوع اللي تقول فيه اني ماعندي سيارة :)
http://www.mekshat.com/vb/showthread.php?t=68498

[تيتشر]

المواتر الجديده مالي خبره فيها
لكن صعب الحين تلقى موتر نظيف وان لقيت بتلقاهم مطيرينه فوق لان هذا موسمه

[تمساح]

السلام عليكم
اولاُ أحب انا اوبارك لكم بالعيد الاضحى المبارك وكل عام وأنتم بخير وثاني حاجة الي هي اني احب اشكركم على مروركم على هذا الموضوع الي نور بي حضوركم فيه وثالث حاجة يا اخي مدرب غوص الموضوع هذا الي هو عن الجمس هذاي طال عمرك وعمر الجميع هذاي سيارة الوالد يعني ماهي تبعي او خاصة في ني عرفة الحين يامدرب غوص و موضوع قصة صارة لي هذاي قصتي الحقيقيه الي انا اعيشها الحين تصور يا اخ مدرب غوص تقعد خمس سنوات بدون سيارة تمتلكه او تكون خاصه بك تروح عليها في اية مكان بدون ما تطر فلان وعلا كين البان عشان يودونك لي المكان الفلاني لا كن قال وش حدك يا المسمار قال المطرقة وقال انفخ ياشريم قال مامن برطم ينفخ الغبار الي قادم وجهي و البيب بالإشارتي يفهمو وهذا اختصار القصة كلها و شورو علي الله يخليكم لكل عينن ترجيكم وتقبلو تحياتي من اخوكم التمساح وشكراً على موركم جميعن ودمتم