ابو ما بغى
01/06/2015, 12:01 AM
السلام عليكم ورحمة الله وبركاته
دام لكم التوفيق والسداد من الاولى الى الأخرة
ابو ذيبان وما ادراك ما ابو ذيبان ! ؟
المشكلة أن طارح السؤال اخوكم صاحب هذا الموضوع هو احدثكم عهداً بهذا الرجل القامة الشامخة فلم اشاهدة عيناً ولم المح له صورة ولا اعرف شكله ولكني تمتعت وحلقت في رحاب مجالسة خلال خيمة الالغاز ولم يسعفني الزمن الا بمدة وجيزة لا تتعدى في مجموعها عدة اشهر او قل مجموعة سابيع الا أن لكم ان تتخيلوا مدى عشقي لحرفة وتتبعي لطرحه وسعادتي بردوده وتعليقاته فما استمتعت بنظم الشعر مثلما استمتعت في مجاراته وما سعدت بثناء مثل ثناءه ، كلماته تلك التي يشع منها الطيب والتؤدة والاناة والحلم والصفاء وانا هنا لا ازكي على الله احداً ولكن اترجم مشاعر اسرتني وطوقتني في رحاب هذا الشيخ المبجل ، خلال تلك الفترة والله اني احسست اني لو اردت ان لا ارد على احد خلال مشاركاتي في الخيمة الا شعراً لأستطعت بفضل الله ثم بمدى سعادتي الغامرة بوجودي في حضرته (من غير قصور في بقية الاعضاء الفضلاء) ، وكما قال احد الأخوان هذا رجل من الذين اذا قابلتهم تأكد لديك انك لا زلت تتعلم في هذه الحياة ، اطلت ولو طاوعت نفسي لأسهبت واطنبت ، وقد يلاحظ انني لم اتطرق لشاعريته والسبب يعود ان التقييم ينبغي ان يكون من فاضل الى مفضول او على اقل تقدير من ند الى نده وهذا ما لا يتوفر فيّ .
المراد انني اجتهدت في جميع عدد من قصائد المجارات المبعثرة داخل صفحات خيمة الالغاز ولم اورد الا ما تم نظمه من قبلي باستثناء قصيدة واحدة موجهة لي واما بقية نظم استاذنا ومعلمنا منهل الابداع ابو ذيبان يتطلب أذن منه حفظه الله ولمن ارد الاستزاده فله الرجوع الى متصفحات الالغاز الاصلية .
اورد هنا لغز والحل فيه (ابو ذيبان)
ياللي عزمت الكسب نيتك وارهيت
ارفع نياشين العلم عزتي له
رجواك تبغ الزين حياك حييت
طيري عديم ما لقينا مثيله
وليا صملت الرمع مشكور واقديت
دربك على جزلان وافهم دليله
ماريته لامن على أمرك تواسيت
من كل طيب زايد له نفيله
عينك تشوف الدر من وين ماجيت
يامدور المثلب فلا فيه حيله
كل يحسب لجودته ليت ما ليت
وكلٍ تشاوى قسمته في الجليله
عنه نعد الزين رسم مع صيت
واظن لو يظهر تديم مخيله
ياعزتي لي جيت اقلده وازريت
لكن عزانا منه كلمه جميله
رمز الوحش بكتاب رب ترجيت
آخر ثلاثه حروف بالعكس ميله
واليا لحقهن رابع صرت تميت
اسمٍ تعالى عن وطاها وسيله
اول ثلاثه حروف قرم وعديت
سِبعٍ تعشى يوم غيره عِشي له
هذا سمي الذيب عزاه ماخطيت
طبعه تلبس يوم بسمه كِني له
تراه قرم فوق راسي وحطيت
عودٍ نزود بالجلاله مكيله
هذه قصيدة مجارات له في احد الغازه
ياهيه ياعاشق على البعد مطفوق
حذراك من قولٍ عجول طفوقي
اللي تمنيته مجرب ومسبوق
من عقب تحليقك تكفخ سبوقي
في العشق لا تذكر لحقٍ ولا ذوق
الكل خاسر رابحٍ له بذوقي
وان كان تشكي زود حرقٍ ومحروق
البعد والله زاد قلبك حروقي
العشق بلوى ما تصاليه وتروق
في القرب ولا البعد صعبٍ تروقي
احساس مرهف بالعواطف له شروق
واعلم ترى الصده تزيده شروقي
إطعم حلا لذة جروحك مع الشوق
يازين لذة جرح طاويه شوقي
اليا قرب خَلك مطيعٍ ولا عوق
وان ابتعد ياويل ويلك بعوقي
والله ان تشوف من الوله خنق مخنوق
والله ان تكابد زفر صدرٍ خنوقي
هذا جواب اللي على خوه مشفوق
اللي قليبه من همومه شفوقي
عزاه يا قلب بلايات معلوق
بسباب منهو في عناهم علوقي
يالله يامنشي سحاب له بروق
تسقى بلاد اللي ثمانه بروقي
ملا حظة : وهنا اوضح ان انني لست راضي عن كلمة مطفوق ولكن مقصدي هنا مقصور على العجلة لي الا
وهنا مشاركتي بحل لاحد الغازه
يازين نظمك يا سليم الطبايع
ياحظ منهو صاير له زبونه
ترى الزهايمر يجعل الراس ضايع
لو هو يصيب مركزاتٍ سنونه
وبناء عليه وجه لي عدد من الابيات جوابته عليها بالابيات التالية
وبك البقا ياللي له الطيب خايع
ياللي على طيبٍ تستْر كنونه
ممنون ممنون وللمن طايع
اشكر جنابك يامحسن ظنونه
ياما دخلت اشوف نظمك وجايع
ابرد غليل القلب واستر جنونه
يامصرف حرفه على حلو رايع
دامت لك العليا بدايم سنونه
وهنا ايضاً قصيدة مجارات له في احد الغازه
اهلا هلا يامن سلب لب والباب
من زار خيمتنا بعقله تبرع
ياحاطب قلبه وغيره تحطاب
اللي جعل غيره بسكره تصرع
من نار حرك ذاب صبر العنى ذاب
نقض جروح اللي بثقله تدرع
عزالله اني من سبايبك مرقاب
صرت اتحرى كل يوم اتضرع
يالواحد المعبود يالله طلاب
ترزق ابو ذيبان نظم مسرع
عله يرش الكبد بعلوم الاحباب
اللي لهم في القلب ريف مزرع
واللي تحرى نظمي اجيه محضاب
يلقى صدى صوته لذيذ يجرع
وانا اتبرع والله لبذل لك اسباب
وورد المشتاق ما اشتاق يكرع
ازهل وانا عباد حاضر لمن غاب
ذاك الردي باللوم راسه يقرع
يا عود ياللي تارد الطيب مشراب
ياشوق منهو باسود الليل فرع
اسند وانا عينيك يفداك من خاب
هاب المساري من ظلامه تخرع
وهنا ايضاً قصيدة مجارات له في احد الغازه
سلام ياشاعر شكى من ظليمة
يامسيل نهر المشاعر بديمه
عجيبه ذا المشاعر كيف تخدم
حبيب كاوى قلبك بسيمه
عجيبه كيف فكرك طاع قلبك
وصاب الجسم من فعله سقيمه
عجيبه كيف كلك ضد كلك
وراح العمر كله في كليمه
عجيبه كيف حبك رام ذبحك
وصار الشوق في حسبة غريمه
عجيبه ضايع حبه تدلل
وجاك اللي حفظ يشكي صريمه
اقول وكل ما تلقى وناسه
رشوش لقلب من يرجي نديمه
وهنا قصيدة مجارات له ولأخي العزيز النبهاني في احد الغازه حيث اسند النبهاني له لغز وجاراه ابو ذيبان
اطرب مع شوف الوفاء بين الاخوان
ماهي غريبه واديٍ سال سيله
طيب المعادن يجعل القلب ولهان
واصّدق مشاعر يمطر بها خليله
لا من ظهر قول من القلب هتان
يدخل على قلب تذوّق هميله
القلب شاهد صوب قلب ولو كان
اجسامهم بِعدٍ بشوفٍ وزيله
نبهاني يسند زين قوله لذيبان
والكل منهم يستحق الجليله
ذيبان جاوب باميز النظم نبهان
كل يحذف الطيب وجهة عميله
حبيت اشارك بالنظم والله طربان
يطرب مزاجي في مزارق جميله
وهنا قصيدة مجاراة منه في احد الغازي
سلااام يالشاعر سلااام الرفاقة
وسلام ياصل بالمعاني هل الذوق
قلبي تهيّض شاقه الطرق شاقه
والرمع يالصاحب ترى الرمع ملحوق
ياحبني لاهل الفنون الدقاقة
النّدر اللي ماعرضوهن على سوق
تاتي القوافي حاملات الرواقة
تجبر متابعهن على لهفة الشوق
حي البديع اللي عشقنا سياقه
تبارك الله بالتفانين مطروق
صح اللسان اللي بدع بالطلاقة
وصح البنان اللى مع الحبر مطلوق
كالعود الازرق يوم زاد احتراقه
بالطيب يجزل كل ما صار محروق
وهنا ردي عليه الله يحفظه
ارحب تراحيب المطر يوم ساقه
رب نوى به سيل غرب مع شروق
وارحب عدد ما ماج موج وعاقه
موج تبع موج على الشط مسبوق
اهلا هلا يامسخر الطيب طاقه
ياكاسب الطولات طوق بثر طوق
والحب منثور من القلب ساقه
شف يروم القرم يمشي له وفوق
في مدرسة فنك علوم وثاقه
يامأصل فنه مع الفن بعروق
يوم ارتوى جمه عطانا مذاقه
حلو كما در المصاغير من نوق
صحت حياة الل فعوله عشاقه
جزل يسوق الجزل والطاق مطبوق
لقيت في الالماس وصفك وفاقه
انسان شخصك والمشاعر له دفوق
وهنا اختم بقصيدة نضمتها ثناء لجميع اعضاء خيمة الالغاز والذين حاولت جاهداً ان اشملهم جميعاً ولكن بحكم حداثة عهدي بالخيمة فلا بد انه فاتني ذكر كثير ممن لا يققل من جهودهم واثر بصماتهم عدم ذكرهم
خيمه عساها دايماً للسعود
اعضاءها قمه وفيها شهود
واللي قلط الله يحييه بعهود
قدر وحشمه رافق القول بسمات
هذا ابو ماجد زعيم وفارس
جمه غزير وفن يحوي مدارس
ينقض صعيب وينظم اللي متارس
بحر عميق ويضرب الشط موجات
وهذا ابوذيبان منهل نقاوه
بالفن يخطْب روح زايد حلاوه
والحل اقرب منه روحتك جاوه
نظم مع فتل بذوق وجزلات
دكتورنا ناصر عميد وهلا به
لمن حضر يشبه لديمة سحابه
بالحل يمطرها على كل جابه
ياما وياما يذبح الطير صكات
صقر السديراتْ مشرف الرمع بادع
لمن حضر حضْر خيار المقادع
وانهو رمع رميه على الراس جادع
الشعر عنده بين نصح وحِكمات
قوافي اللي وسط مكشات نحله
تبذل من المجهود ما هي ببحله
ترسم لنا المشوار في وسط رحله
ندعي لها حفظ وخير المجازات
ذيب الفقاره جاب جزل وتعلا
من فوق رجمه حاضر له مطلا
مجهود يذكر دون كلٍ وملا
اللغز يزهى به جميلٍ ببصمات
ياراعي العجراء هلاً ياهلا بك
هذي الوناسه تلتجي في جنابك
تطلب مدد وتدوره في رحابك
الله يسعد مسعد الناس كرات
ومسير اس ياحلى كل جلسه
والغازك اللي بالحلى زود ونسه
تلاعُب الالفاظ حرف وجنسه
يالله توفيقك على خير مرضات
نجم القوافي بالمكامن يغوصي
ياما وياما جاب حكمه ويوصي
ما تفلت الدره ولا هي تحوصي
يسعد حيات اللي شباكه مكينات
والنبهانيِ إِللي ما يملكث صويبه
اما تروح الروح ولا عطيبه
ما شلْع الا ذا عشاه يهوي به
مخلابه اللي يقطع الراس شتلات
عليق بري ياخطير يحلق
ما مر لغز الا لطيره يعلق
لو هو هروب للخصيراء تسلق
ولا بغب البحر ناشه وقل مات
عطري سمي الطيب في حضرته عبق
ياما كشف غطو على الصيد له سبق
لوهي تروغ يروح في طلبته لبق
تِقبل الجوري مع الفُل وردات
لبوماريا بالمواصل علامه
اللون ارزق طيب في كلامه
والخط تحت اللي سطرهن ولامه
ان صاد ولا مكسبه فالتحيات
هذا حمد وهو الحمد ياحمدنا
النابغه ذكره وطيف تكنا
فعله حميد وخف نفس تهنا
طيرٍ يهوزه ما تنجيه حوصات
يابو سليمان الرمع ما يعوقك
والذكر انك للفتل راج سوقك
لابد ما تنفق من الزين ذوقك
اشكر كريم يعطي العبد مدات
لاشك عبدالمؤمن اضفى طبيعه
الهادي اللي مادرى به تبيعه
يزرق على الغطوه وهذي صنيعه
قناص شاطر كاسب له مهارات
الشاعر اللي قال يمكن تمكن
القاف طوع له وخاضع تمسكن
وكم غطوة يرمي وللكفو يركن
حماك ربك يامْتمكن بزينات
هذا حبيب اليوم بالنظم جاكم
يظهر يشعوره مهتنى من هناكم
ادعي عسى ربي بخير غشاكم
يامن تجمعتوا على الونس ساعات
لو كان قافي طايع جيت اسوقه
والكل منكم انصفه في حقوقه
لكن ضعيف النبع والله يعوقه
واعلم ترى الطيب يسمن هزيلات
في كل عضو للتميز بخصله
والكل منكم اقتسم منه وصله
والكل منا مثل مقبض ونصله
يالله عساها في أيمن الكتب حسنات
مــــــــــوفــــــــــقــــــــــيــــــــــن
دام لكم التوفيق والسداد من الاولى الى الأخرة
ابو ذيبان وما ادراك ما ابو ذيبان ! ؟
المشكلة أن طارح السؤال اخوكم صاحب هذا الموضوع هو احدثكم عهداً بهذا الرجل القامة الشامخة فلم اشاهدة عيناً ولم المح له صورة ولا اعرف شكله ولكني تمتعت وحلقت في رحاب مجالسة خلال خيمة الالغاز ولم يسعفني الزمن الا بمدة وجيزة لا تتعدى في مجموعها عدة اشهر او قل مجموعة سابيع الا أن لكم ان تتخيلوا مدى عشقي لحرفة وتتبعي لطرحه وسعادتي بردوده وتعليقاته فما استمتعت بنظم الشعر مثلما استمتعت في مجاراته وما سعدت بثناء مثل ثناءه ، كلماته تلك التي يشع منها الطيب والتؤدة والاناة والحلم والصفاء وانا هنا لا ازكي على الله احداً ولكن اترجم مشاعر اسرتني وطوقتني في رحاب هذا الشيخ المبجل ، خلال تلك الفترة والله اني احسست اني لو اردت ان لا ارد على احد خلال مشاركاتي في الخيمة الا شعراً لأستطعت بفضل الله ثم بمدى سعادتي الغامرة بوجودي في حضرته (من غير قصور في بقية الاعضاء الفضلاء) ، وكما قال احد الأخوان هذا رجل من الذين اذا قابلتهم تأكد لديك انك لا زلت تتعلم في هذه الحياة ، اطلت ولو طاوعت نفسي لأسهبت واطنبت ، وقد يلاحظ انني لم اتطرق لشاعريته والسبب يعود ان التقييم ينبغي ان يكون من فاضل الى مفضول او على اقل تقدير من ند الى نده وهذا ما لا يتوفر فيّ .
المراد انني اجتهدت في جميع عدد من قصائد المجارات المبعثرة داخل صفحات خيمة الالغاز ولم اورد الا ما تم نظمه من قبلي باستثناء قصيدة واحدة موجهة لي واما بقية نظم استاذنا ومعلمنا منهل الابداع ابو ذيبان يتطلب أذن منه حفظه الله ولمن ارد الاستزاده فله الرجوع الى متصفحات الالغاز الاصلية .
اورد هنا لغز والحل فيه (ابو ذيبان)
ياللي عزمت الكسب نيتك وارهيت
ارفع نياشين العلم عزتي له
رجواك تبغ الزين حياك حييت
طيري عديم ما لقينا مثيله
وليا صملت الرمع مشكور واقديت
دربك على جزلان وافهم دليله
ماريته لامن على أمرك تواسيت
من كل طيب زايد له نفيله
عينك تشوف الدر من وين ماجيت
يامدور المثلب فلا فيه حيله
كل يحسب لجودته ليت ما ليت
وكلٍ تشاوى قسمته في الجليله
عنه نعد الزين رسم مع صيت
واظن لو يظهر تديم مخيله
ياعزتي لي جيت اقلده وازريت
لكن عزانا منه كلمه جميله
رمز الوحش بكتاب رب ترجيت
آخر ثلاثه حروف بالعكس ميله
واليا لحقهن رابع صرت تميت
اسمٍ تعالى عن وطاها وسيله
اول ثلاثه حروف قرم وعديت
سِبعٍ تعشى يوم غيره عِشي له
هذا سمي الذيب عزاه ماخطيت
طبعه تلبس يوم بسمه كِني له
تراه قرم فوق راسي وحطيت
عودٍ نزود بالجلاله مكيله
هذه قصيدة مجارات له في احد الغازه
ياهيه ياعاشق على البعد مطفوق
حذراك من قولٍ عجول طفوقي
اللي تمنيته مجرب ومسبوق
من عقب تحليقك تكفخ سبوقي
في العشق لا تذكر لحقٍ ولا ذوق
الكل خاسر رابحٍ له بذوقي
وان كان تشكي زود حرقٍ ومحروق
البعد والله زاد قلبك حروقي
العشق بلوى ما تصاليه وتروق
في القرب ولا البعد صعبٍ تروقي
احساس مرهف بالعواطف له شروق
واعلم ترى الصده تزيده شروقي
إطعم حلا لذة جروحك مع الشوق
يازين لذة جرح طاويه شوقي
اليا قرب خَلك مطيعٍ ولا عوق
وان ابتعد ياويل ويلك بعوقي
والله ان تشوف من الوله خنق مخنوق
والله ان تكابد زفر صدرٍ خنوقي
هذا جواب اللي على خوه مشفوق
اللي قليبه من همومه شفوقي
عزاه يا قلب بلايات معلوق
بسباب منهو في عناهم علوقي
يالله يامنشي سحاب له بروق
تسقى بلاد اللي ثمانه بروقي
ملا حظة : وهنا اوضح ان انني لست راضي عن كلمة مطفوق ولكن مقصدي هنا مقصور على العجلة لي الا
وهنا مشاركتي بحل لاحد الغازه
يازين نظمك يا سليم الطبايع
ياحظ منهو صاير له زبونه
ترى الزهايمر يجعل الراس ضايع
لو هو يصيب مركزاتٍ سنونه
وبناء عليه وجه لي عدد من الابيات جوابته عليها بالابيات التالية
وبك البقا ياللي له الطيب خايع
ياللي على طيبٍ تستْر كنونه
ممنون ممنون وللمن طايع
اشكر جنابك يامحسن ظنونه
ياما دخلت اشوف نظمك وجايع
ابرد غليل القلب واستر جنونه
يامصرف حرفه على حلو رايع
دامت لك العليا بدايم سنونه
وهنا ايضاً قصيدة مجارات له في احد الغازه
اهلا هلا يامن سلب لب والباب
من زار خيمتنا بعقله تبرع
ياحاطب قلبه وغيره تحطاب
اللي جعل غيره بسكره تصرع
من نار حرك ذاب صبر العنى ذاب
نقض جروح اللي بثقله تدرع
عزالله اني من سبايبك مرقاب
صرت اتحرى كل يوم اتضرع
يالواحد المعبود يالله طلاب
ترزق ابو ذيبان نظم مسرع
عله يرش الكبد بعلوم الاحباب
اللي لهم في القلب ريف مزرع
واللي تحرى نظمي اجيه محضاب
يلقى صدى صوته لذيذ يجرع
وانا اتبرع والله لبذل لك اسباب
وورد المشتاق ما اشتاق يكرع
ازهل وانا عباد حاضر لمن غاب
ذاك الردي باللوم راسه يقرع
يا عود ياللي تارد الطيب مشراب
ياشوق منهو باسود الليل فرع
اسند وانا عينيك يفداك من خاب
هاب المساري من ظلامه تخرع
وهنا ايضاً قصيدة مجارات له في احد الغازه
سلام ياشاعر شكى من ظليمة
يامسيل نهر المشاعر بديمه
عجيبه ذا المشاعر كيف تخدم
حبيب كاوى قلبك بسيمه
عجيبه كيف فكرك طاع قلبك
وصاب الجسم من فعله سقيمه
عجيبه كيف كلك ضد كلك
وراح العمر كله في كليمه
عجيبه كيف حبك رام ذبحك
وصار الشوق في حسبة غريمه
عجيبه ضايع حبه تدلل
وجاك اللي حفظ يشكي صريمه
اقول وكل ما تلقى وناسه
رشوش لقلب من يرجي نديمه
وهنا قصيدة مجارات له ولأخي العزيز النبهاني في احد الغازه حيث اسند النبهاني له لغز وجاراه ابو ذيبان
اطرب مع شوف الوفاء بين الاخوان
ماهي غريبه واديٍ سال سيله
طيب المعادن يجعل القلب ولهان
واصّدق مشاعر يمطر بها خليله
لا من ظهر قول من القلب هتان
يدخل على قلب تذوّق هميله
القلب شاهد صوب قلب ولو كان
اجسامهم بِعدٍ بشوفٍ وزيله
نبهاني يسند زين قوله لذيبان
والكل منهم يستحق الجليله
ذيبان جاوب باميز النظم نبهان
كل يحذف الطيب وجهة عميله
حبيت اشارك بالنظم والله طربان
يطرب مزاجي في مزارق جميله
وهنا قصيدة مجاراة منه في احد الغازي
سلااام يالشاعر سلااام الرفاقة
وسلام ياصل بالمعاني هل الذوق
قلبي تهيّض شاقه الطرق شاقه
والرمع يالصاحب ترى الرمع ملحوق
ياحبني لاهل الفنون الدقاقة
النّدر اللي ماعرضوهن على سوق
تاتي القوافي حاملات الرواقة
تجبر متابعهن على لهفة الشوق
حي البديع اللي عشقنا سياقه
تبارك الله بالتفانين مطروق
صح اللسان اللي بدع بالطلاقة
وصح البنان اللى مع الحبر مطلوق
كالعود الازرق يوم زاد احتراقه
بالطيب يجزل كل ما صار محروق
وهنا ردي عليه الله يحفظه
ارحب تراحيب المطر يوم ساقه
رب نوى به سيل غرب مع شروق
وارحب عدد ما ماج موج وعاقه
موج تبع موج على الشط مسبوق
اهلا هلا يامسخر الطيب طاقه
ياكاسب الطولات طوق بثر طوق
والحب منثور من القلب ساقه
شف يروم القرم يمشي له وفوق
في مدرسة فنك علوم وثاقه
يامأصل فنه مع الفن بعروق
يوم ارتوى جمه عطانا مذاقه
حلو كما در المصاغير من نوق
صحت حياة الل فعوله عشاقه
جزل يسوق الجزل والطاق مطبوق
لقيت في الالماس وصفك وفاقه
انسان شخصك والمشاعر له دفوق
وهنا اختم بقصيدة نضمتها ثناء لجميع اعضاء خيمة الالغاز والذين حاولت جاهداً ان اشملهم جميعاً ولكن بحكم حداثة عهدي بالخيمة فلا بد انه فاتني ذكر كثير ممن لا يققل من جهودهم واثر بصماتهم عدم ذكرهم
خيمه عساها دايماً للسعود
اعضاءها قمه وفيها شهود
واللي قلط الله يحييه بعهود
قدر وحشمه رافق القول بسمات
هذا ابو ماجد زعيم وفارس
جمه غزير وفن يحوي مدارس
ينقض صعيب وينظم اللي متارس
بحر عميق ويضرب الشط موجات
وهذا ابوذيبان منهل نقاوه
بالفن يخطْب روح زايد حلاوه
والحل اقرب منه روحتك جاوه
نظم مع فتل بذوق وجزلات
دكتورنا ناصر عميد وهلا به
لمن حضر يشبه لديمة سحابه
بالحل يمطرها على كل جابه
ياما وياما يذبح الطير صكات
صقر السديراتْ مشرف الرمع بادع
لمن حضر حضْر خيار المقادع
وانهو رمع رميه على الراس جادع
الشعر عنده بين نصح وحِكمات
قوافي اللي وسط مكشات نحله
تبذل من المجهود ما هي ببحله
ترسم لنا المشوار في وسط رحله
ندعي لها حفظ وخير المجازات
ذيب الفقاره جاب جزل وتعلا
من فوق رجمه حاضر له مطلا
مجهود يذكر دون كلٍ وملا
اللغز يزهى به جميلٍ ببصمات
ياراعي العجراء هلاً ياهلا بك
هذي الوناسه تلتجي في جنابك
تطلب مدد وتدوره في رحابك
الله يسعد مسعد الناس كرات
ومسير اس ياحلى كل جلسه
والغازك اللي بالحلى زود ونسه
تلاعُب الالفاظ حرف وجنسه
يالله توفيقك على خير مرضات
نجم القوافي بالمكامن يغوصي
ياما وياما جاب حكمه ويوصي
ما تفلت الدره ولا هي تحوصي
يسعد حيات اللي شباكه مكينات
والنبهانيِ إِللي ما يملكث صويبه
اما تروح الروح ولا عطيبه
ما شلْع الا ذا عشاه يهوي به
مخلابه اللي يقطع الراس شتلات
عليق بري ياخطير يحلق
ما مر لغز الا لطيره يعلق
لو هو هروب للخصيراء تسلق
ولا بغب البحر ناشه وقل مات
عطري سمي الطيب في حضرته عبق
ياما كشف غطو على الصيد له سبق
لوهي تروغ يروح في طلبته لبق
تِقبل الجوري مع الفُل وردات
لبوماريا بالمواصل علامه
اللون ارزق طيب في كلامه
والخط تحت اللي سطرهن ولامه
ان صاد ولا مكسبه فالتحيات
هذا حمد وهو الحمد ياحمدنا
النابغه ذكره وطيف تكنا
فعله حميد وخف نفس تهنا
طيرٍ يهوزه ما تنجيه حوصات
يابو سليمان الرمع ما يعوقك
والذكر انك للفتل راج سوقك
لابد ما تنفق من الزين ذوقك
اشكر كريم يعطي العبد مدات
لاشك عبدالمؤمن اضفى طبيعه
الهادي اللي مادرى به تبيعه
يزرق على الغطوه وهذي صنيعه
قناص شاطر كاسب له مهارات
الشاعر اللي قال يمكن تمكن
القاف طوع له وخاضع تمسكن
وكم غطوة يرمي وللكفو يركن
حماك ربك يامْتمكن بزينات
هذا حبيب اليوم بالنظم جاكم
يظهر يشعوره مهتنى من هناكم
ادعي عسى ربي بخير غشاكم
يامن تجمعتوا على الونس ساعات
لو كان قافي طايع جيت اسوقه
والكل منكم انصفه في حقوقه
لكن ضعيف النبع والله يعوقه
واعلم ترى الطيب يسمن هزيلات
في كل عضو للتميز بخصله
والكل منكم اقتسم منه وصله
والكل منا مثل مقبض ونصله
يالله عساها في أيمن الكتب حسنات
مــــــــــوفــــــــــقــــــــــيــــــــــن