وصفتني بدوٍ وجهلٍ وفقرى .... وكسرت قلب اللي من الناس مغليك

[مخاوي الصقور]

هذه رائعه اخرى للأخ العزيز متعب


لو بالجفا والبعد يالجرح تبرى "=" اكذب على نفسي واقول متناسيك
واليا نسيتك ضقت لا حل ذكرى "=" صاحت جروحي من خفوقي تناديك
0ماقلت لك كذبٍ ولاجيت غدرى "=" بعت اقرب الناس وتقدمت بشريك
وصفتني بدوٍ وجهلٍ وفقرى "=" وكسرت قلب اللي من الناس مغليك
لو جبت من زلتك تسعين عذرى "=" من كبر ذنبك يالغضي ما يغطيك
مادامة انك شلت عزٍ وكبرى "=" ما جا لك الفقران يطلبك يرجيك
والله احبك وانت في حبي ادرى "=" حبٍ حشى مايبلغه حب واليك
وإن جا نهارٍ فيه موتٍ وقبرى "=" تكفى على قبري تجود بخطاويك
وانثر عليه الدمع والحزن نثرى "=" واكتب على قبري ضحية تغليك
متعب المنصوري "="(( برق الحيا))



تحياتي,,,

[ابوعلي الشمري]

قصيدة جميل جداً تحمل العتاب الشديد

[المسفهل]

مشكور أخي مخاوي الصقور على هذا الاختيار الموفق وعلى الجهد في اخراج هذه النادرة الجميلة .

[مخاوي الصقور]

الاخ ابو علي الشمري
والمشرف العزيز المسفهل
اشكركم من كل قلبي على الدخول لهذه القصيده
تشرفت بردي على هذه القصيده واريد ان تطلعوا عليه

شكيت لي والقلب به هم سرى "=" جتني مراسيلك عسى الوقت ينسيك
همك وهم اللي جلب لك مضرى "=" وانا اعرف انه ناوي اليوم ينفيك
انته شكيت الحب محدٍ تجرى "=" يقف معك وقفه تعينك وترضيك
الحزن في قلبك والأفراح برى "=" مرسوم في وجهك تقاسيم ماضيك
ياويل من هو ياعرب حب عذرى "=" يعيش عمره دايم الوقت تشكيك
هذا كلامي لك على ماتورى "="يلفي عليك وينطرح بين اياديك
طارق العتيبي "="(( ذيب غدرى))

[صمت الوداع]

اشكرك على كتابة هذه القصيدة

واتمنى ان تتحفنا بالمزيد

لاكن ودي ابين انه في خطأ في بيت من الأبيات
وهو :


وليا نسيتك ضقت لا حل ذكرى "=" صاحت جروحي من خفوقي تناديك


والصحيح :


وليا نسيتك صدق لاحل ذكرى "=" صاحت جروحي من خفوقي تناديك .


وارجوا المعذره في التدخل
:good: شكراً :good:

[مخاوي الصقور]

عادي وانا خوك ترى هالأعضاء مكملين بعض
وسلمت يمناك على التعديل
تحياتي

[ابو عايد]

السلام عليكم ورحمة الله وبركاته :


مشكور أخوي مخاوي الصقور



تسلم على هذا الاختيار .


شكرا لك


جزى الله الشدائد كل خير """" وان جرعننـي غصصاً بريقي
وما مدحي لها حباً ولكن """" عرفت بها عدوي من صديقي

[المرتحل]

مشكور اخوي مخاوي الصقور على هالاختيار الذي يدل على حسن ذوقك وننتظر المزيد

اخوك المرتحل