[}رحلة كشات العائليه الاولى للصمان{]2007

[كشات]

http://www.mekshat.com/pix/upload/images24/mk485_besmellah.gif


اخواني جميعا

كل عام وانتم بخير

بفضل الله وحده قمنا برحله مع الوالد والاخوان وبعض الشباب(عيالنا) لأحد افضل الاماكن في هذا الوقت حسب علمي


بداية الرحله يوم العيد ونهايتها يوم الثلاثاء

وبصراحه

المكان جميل وفيضه معروفه وكبيره

ليلة الاحد ماكان فيه غيرنا(من بيطلع يوم العيد)

ويوم الاحد زادو الناس والاثنين اكثر


يغلب على الرحله شي واحد وهو البرد الشديد(وش مطلعكم)

ولأن البرد فيه حرفين نحبهم كلنا وهي (بر) طلعنا ولا همنا الجو


الربيع (تقريبا) بكل الفيضه وسبق اني حطيت لهاصور بالرابط التالي


http://www.mekshat.com/vb/showthread.php?t=67601&highlight=%C7%E1%D8%C8%ED%C8


والان مع الصور اللبسو الفروات وشبو الضويه

عساه تعجبكم رغم برودتها


درجة الحراره بمقياسين

مقياس السياره (-4) ومقياس دعاية السنيدي(-8):eek:

http://www.mekshat.com/pix/upload/images25/mk485_tn_sany0480.jpg


وهذه الفيضه في صباح الاحد

http://www.mekshat.com/pix/upload/images25/mk485_tn_sany0490.jpg


http://www.mekshat.com/pix/upload/images25/mk485_tn_sany0491.jpg

http://www.mekshat.com/pix/upload/images25/mk485_tn_sany0493.jpg






ويوم الاثنين الصبح

اكتست الخضره باللون الابيض وغطاها صقيع (يجمد على الاغصان)

http://www.mekshat.com/pix/upload/images25/mk485_tn_sany0502.jpg

http://www.mekshat.com/pix/upload/images25/mk485_tn_sany0513.jpg

http://www.mekshat.com/pix/upload/images25/mk485_tn_sany0514.jpg



يتبـــع

لاتروحون





.

[كشات]

تـتـمـه


واثناء تجولنا بالفيضه شفنا هالشباب نايمين

نومه تجيب القرحه بالدماغ

http://www.mekshat.com/pix/upload/images25/mk485_tn_sany0521.jpg



وهذه صوره مقربه لهم (لاحظو فرشهم عليها الصقيع) اشششششش لاتقومونهم:no2:

http://www.mekshat.com/pix/upload/images25/mk485_11.jpg





صورة الصقيع بأستخدام المايكرو

http://www.mekshat.com/pix/upload/images25/mk485_tn_sany0518.jpg





صورتين للفيضه


http://www.mekshat.com/pix/upload/images25/mk485_tn_sany0500.jpg


http://www.mekshat.com/pix/upload/images25/mk485_tn_sany0535.jpg



وفي النهايه


اتمنى ان يحوز هذا الموضوع على استحسانكم


وجزاكم الله خير

[بني حسن]

الله يهنيكم والله طلعه تفتح النفس

[فايز العامر]

بصراحة كشتة منتازة بالحيل... وهالصورة رهييييييبة قداً قداً... تقول مبيعة خيام...:D أمزح لاتصدق ونبتلش معك، عاد وش اللي يفكنا من عيالكم...

http://www.mekshat.com/pix/upload/images25/mk485_tn_sany0500.jpg

[كشات]

رعاد

انت حاط توقيعك زينه والا يعنني حاطن توقيع
اقرا اللي بتوقيعك :D هههههههههههههه

خذ راحتك يالغالي
:rolleyes: بس اي الخيام تبي ؟

[كشات]

الف شكر اخوي عماد

وجزاك الله خير على المرور والتعليق

[فايز العامر]

رعاد

انت حاط توقيعك زينه والا يعنني حاطن توقيع
اقرا اللي بتوقيعك :D هههههههههههههه

خذ راحتك يالغالي
:rolleyes: بس اي الخيام تبي ؟
وش رايك أنت؟:) تتوقع أن الكلام اللي كتبته فيه شي ..؟ ;)

بصراحة أعجبتن الخيمة اللي بدون غطا أم عمودين:D ..

قال صلى الله عليه وسلم: ( أحب الأعمال إلى الله عز وجل سرور تدخله على مسلم )... حديث حسن..





رعاد...

[كشات]

تقول مبيعة خيام...

هذا الكلام اللي قلت؟
لاياخوي مافيه اي شي والاكان ماحطيت لك هالخشه :D

بالعكس استانس على القفشات اللي مثل ذي


نرجع للبياعه
وش رايك تطلع معنا بحدا كشتاتنا تجرب اي الخيام يعجبك

والا اطلع مع شايب الصمان والمترو وابو فراس وابوذيب وشف خيام الهنود الحمر :good:


سرني ردك وسعة صدرك يارعاد :) فمهما قلت فأنت اخي الكبير;)

[فايز العامر]

وش رايك تطلع معنا بحدا كشتاتنا تجرب اي الخيام يعجبك

بدون مجاملة،،، بصراحة لي الشرف،،،




والا اطلع مع شايب الصمان والمترو وابو فراس وابوذيب وشف خيام الهنود الحمر :good:


الله يهديك تبيني أطلع مع شيباننا (الله يسعدهم) وبعدها بيوم أشوف الفضايح من صيد الكاميرا على مكشات...

تسلم على أريحيتك (حلوة أريحيتك)...





رعاد...

[مروق الثعلب]

ماشاء الله ..

الحمد لله على سلامتكم .. والصور تروّع !! عسى الله يحجى على الربيع :(

[لمع السحاب]

اقول مير الله يعين اللي نايمين وانت مصورهم وودي اسئلك سؤال بالله هالشباب اللي معكم ما نفضهم البرد والا مدفينهم
عموما الله يصلحهم لكم و ينفع بهم و رحله موفقة مع الشباب الكبار الله يخلهم لكم
تقبل تحياتي

[الجرنـاس]

واثناء تجولنا بالفيضه شفنا هالشباب نايمين
نومه تجيب القرحه بالدماغ

وهذه صوره مقربه لهم (لاحظو فرشهم عليها الصقيع) اشششششش لاتقومونهم:no2:
http://www.mekshat.com/pix/upload/images25/mk485_11.jpg



ماشاء الله صور رائعه
الله يعين الي في الصوره ذي

[ابوذيب]

والجمل سفينة الصحراء
يسير فوق الكثبان الرمليه ولا تنغرس قوائمه
ويستطيع ان يصبر على الجوع والعطش اياما
ونستفيد من انثى الجمل بان نشرب حليبها الغني بالبروتينات
وثبت علميا ان بول الجمل به 12 نوع من المضادات الحيويه
ونستفيد من الجمل اكل لحمه
وصنع الحقائب والاحزمه من جلده
ومن وبره تصنع الملبوسات الشتويه اتقاء شدة البرد

هههههههههههههههههههه انا نسيت وشو الموضوع بس وبر الجمل نبهني اني ابي ارد على موضوع ابو علي اللي ورانا درجاة الحراره مابين -5 و-8 تحت الصفر

ايه نرجع لمحور حديثنا

ابو على والله ونستنا بها الصور والشرح الذي لم يشبه تقصير مخل ولا تطويل ممل
والحمد لله البرد مقدور على معالجته
لكن لو طبع مركب بن عيدان مثل ماكان هههههههههههههه باكا الفيضه العام الماضي

نتمنى لكم اوقات سعيده قادمة باذن الله
وعظم الله اجركم بفقيد الامة العربيه والاسلاميه حامي البوابه الشرقيه

[الفهد11]

يعطيك العافيه يا كشات على الطلعه الحلوه

والتقرير الاحلى.

تحياتي.

[مسافر1]

تشكر أخوي كشات
تقرير مصور ما أجمله ..
ولعل البرد ما ضركم ..

[كشات]

هلا والله بالشباب كلهم

لحظات وراجع لكم

ابشوف رعاد وشهو قايلن عن( شيبابنا;) ) ترى الغمزه بين القوسين..


الله يهديك تبيني أطلع مع شيباننا (الله يسعدهم) وبعدها بيوم أشوف الفضايح من صيد الكاميرا على مكشات...


اذا السالفه عن الفضايح وصيد الكميرا كان تهون
لكن لايجيك (يادافع البلا)ويقعد جنبك وهو جوعان
والاتنام جنب (اللهم ياكافي)ولاتدري باي ديره يصبح عليك الصبح
او يمكن تجي على الاحداثيه المتفق عليه ولاتلقاهم وتراسلهم بالكينوود ويستلمك (اللهم سكنهم مساكنهم)ويوصف لك المكان وتغدي كنك باصات خط البلده( رايح جاي)
:D


الله لايحرمني منك ومن الاريحيات يارعاد والشرف لي بمخاوات امثالك


[line]

الاخ مروق الثعلب
الله يسلمك ويبارك فيك
هالبرد ما شفنا مثله من قبل او ان طلعاتنا هالمره بدري شوي(شفقانين عقب العام)
اشكر لك مرورك وتعليقك ياغالي

[line]

الاخ لمع السحاب
الله يعين الجميع ياخوي
الشباب اللي معنا البرد مانفضهم وبس الا غدت جنوبهم تقل كفرات يبيلهن ترصيص رغم الملابس والفرش لكن نبي نطبق مقولة عمر بن الخطاب(اخشوشنو)
واللي صبر شبابنا الكبار يصبر الصغيرين
اشكر لك مرورك وتعليقك لاهنت ياغالي

[line]

الاخ الجرنـاس
اتوقع ماقامو الا عقب ماكبو عليهم ماء حار كود يفك الثلج عن ضلوعهم وعراقيبهم
اشكر لك مرورك وتعليقك

[line]
الخ ابوذيب

ههههههههههههههههه وين,,,,,,, مسكت بنا خط خريص ؟؟؟

لكن لو طبع مركب بن عيدان مثل ماكان هههههههههههههه باكا الفيضه العام الماضي

وش فيها اذا طلعت رحله بحريه وانت بحجرة لينه :( ؟؟؟

بس ابشرك عقب دشتنا للغوص بالزعبيه صرنا نخلي الرجوم اطناب لخيمتنا

[line]

الاخ الفهد11

اشكر لك مرورك وتعليقك وان كان به شي حلو بالموضوع فهو ردك عليه وزيارتك له

[line]

الاخ مسافر1

الاجمل مرورك وتعليقك ياغالي
ابشرك لا اضرار تذكر غير بعض المشق وقليل من شطوب اطراف الاصابع ومعاميلن ماغسلن

[ابو سمر]

رحلة جميلة وتجربة أجمل أخي كشات ، ما أجمل أن تصحى صباحا لترى مالم تراه في المدن ، فما رأيتموه قلما نراه في في حياتنا اليومية ..

رحلة موفقة وشكرا لك ..

[فتى المنيصف]

اشاء الله والله كشته كايفه..



بس والله يا هاللي نايمين تحت الرواق ذابحهم البرد..



ومشكور يالغالي على الكشته...وماقصرت..

[سيف السيف1]

مشكور ياكشات على التقرير والصور .. بارك الله فيك..

[كشات]

الاخ ابو سمر

اشكرك على المرور والتعليق الجميل بارك الله فيك


[line]
الاخ فتي المنيصف

اشكرك على مرورك وتعليقك
اتوقع مانامو الا عقب ماطلعت الشمس والا فرشهم سوبر اكسترا باور دفايه

[غضنفر]

الحمد لله على السلامة
لكن تسن ما ودك تعلمنا عن اسم الفيضة الي بالصور
اذا ما فيه مانع الله لا يهينك اذكرلنا اسم الفيضة
وهل رايتم فياض افضل ربيع من الموجودة بالصور

[ذيب ساقان]

رحله موفقه ، عسى الله يوسع صدوركم بالعافية .:D

صور رائعه وعسى الله يتبع له السيل ياكريم . :p

[كشات]

الاخ ابوفارس
شاكر لك مرورك وتعليقك بارك الله فيه

الاخblack path
الله يسلمك من كل شر
اشكرك على المرور
وكلامك للأسف صحيح مابي اعلم عن مكانه
والسبب ارسلته لك بالخاص

الاخ بن دخيل
الله يسلمك ويبارك فيك
نرجو من الله ان يمتعنا بنعمه بعد ان يتمها لنا

[الوافي88]

جزاك الله خير

[المملوح]

ماشاء الله

صور حلووةة



بس برد وانا اخوك

[رسلان]

عليكم السلام ورحمة الله وبركاته ...
حمد لله على سلامتكم أبا علي ..
وعافاكم الله على الموضوع والصور المتنوعة ...
بورك فيكم ....

[أبومجيدة]

أخي هل ممكن أن نعرف هذا المكان لأني رأيت بالأمس مكاناً يشبه هذا المكان في الصمان الجنوبي وليس بعيداً عن أم المصران وشقران

[ياسر الصيخان]

بصراحة صور ولا احلى
وتفرير رائع تسلم يالغالي
وعطيك العافية

[فارس بريده]

مبدع كعادتك اخي كشات

موضوع رائع وصور ممتازه وفيضه جميله

واصل ابداعاتك بارك الله فيك

[جرير الشاعر]

ما شاء الله تبارك الله


الفيضة هذي وين بالضبط

[ابـ معزي ـو]

ماشاء الله طلعه رائعه
لكن برد برد
سلمت اناملك على هالتقرير
وقسمن بالله رحمتهم اللي بالصوره نايمين

تحياتي لك

[أبو فراس]

السلام عليكم ورحمة الله وبركاته

الغالي ايو علي

ما شاء الله علي هالرحلة ووقاكم الله شر هالبرد وانتظر تقرير رحلتنا من شايب الصمان وتبي تشوف الثلج الصحيح

وبعدين اثركم سابقيننا لهناك ولا علمتونا ومرسلين مندوبكم معنا

ايه هين

ولكن لا تخاف من القفشات هالشيبان لا تحارشهم ولا يحارشونك

[المترو]

السلام عليكم ورحمة الله وبركاته

حبيب القلب ابو علي كشات
اولا الحمدلله على السلامه انت والربع

وما شاء الله علي هالرحلة ووقاكم الله شر هالبرد اللى هالسنه كلن يشكي من شدته
وبيض الله وجهك على الموضوع والتقرير الجميل
وكان بأمكان هالاسكيمويين (نسبه الى الاسكيمو) ان يضعو طربال بخمسة عشر ريال فوقهم ويقي من الصقيع فوق فرشهم اذا صار ما هنا خيمه ( لكن الجهاله شينه )

تسلم عموما والى لقاء قريب ان شالله

والسلام

[ابو شكاع]

ماشاء الله

صور ولا أروع .... وبرد ولا أبرد ... وش ذا .... فمان تحت الصفر << من شد البرد عيت تطلع معه ثمان صح

واللي نيمين وفرشهم عليه الصقيع

دي دي دي دي دي <<< يرتجف من البرد

يامال العافية ياخيي

[دغيم]

وعليكم السلام


الحمد لله على السلامة ..

صور رائعة والبرد شديد الله يكفيكم والجميع شره




.

[احمد الثقفي]

ابداع وتميز أخي كشات .... ماشاء الله

لاتحرمنا من جديدك

وكل عام وأنت بخير

تحياتي

[قناص سدير 999]

الله يعطيك العافيه وطلعه حلوه وصور جميله وبارك الله في الجميع والله يديم السعاده

[كشات]

الاخ الوافي88
ويجزاك خير ياغالي
شاكر لك مرورك وتعليقك


[line]


الاخ المملوح
برد برد وش نسوي بنا طبع ريوسنا مفصول ان قلنا قدام طلعنا بمشيئة الله

اشكرك على مرورك وتعليقك


[line]


الغالي رسلان
يازين ابا علي من بين اصابعك
لها نكهه ثاني:D (مسوي مطبق منتب كاتبن اباعلي)
الله يسلمك ويخليك ياغالي
[line]
الاخ ابو مجيده
المكان حول هجر الصمان العاذريه والقرعاء
وسط الصمان تقريبا

[line]


الاخ المجهول
مرورك وتعليك هو الرائع والاجمل
لله يبارك فيك ويسلمك من كل شر

[line]
الاخ فارس بريده
لاهنت ياغالي
وكلامك مبالغه لا استحقها بارك الله فيك


[line]


الاخ جرير
اشكر لك مرورك وتعليقك
راجع ردي على ابو مجيده


[line]


الاخ ابـ معزي ـو
بارك الله فيك وسلمك من كل شر
اللي نايمين اتوقع ماراح ينسون هالنومه بحياتهم ربي يعينهم على ماجاهم


[line][line]
المجموعه القويه يبيلكم قعده وفنجال شاهي ثقيل مع نعناع المدينه:rolleyes:

اصبرو اللتقط انفاسي وانكس لكم

[شايب الصمان]

[QUOTE=كشات]


نرجع للبياعه
وش رايك تطلع معنا بحدا كشتاتنا تجرب اي الخيام يعجبك

والا اطلع مع شايب الصمان والمترو وابو فراس وابوذيب وشف خيام الهنود الحمر :good:

وين خيام الهنود الحمر ؟؟؟
بسم الله نفتتح جلسة المحاكمه على أخوي كشات بأحضار كم قرص حنيني من عمل ؟؟؟وفي حال التنفيذ تحفظ القضيه .

وهذا دليل على خيامنا مثل خيامكم



http://www.mekshat.com/pix/upload/images25/mk5882_um%20almasran-%202006-12-25%20073.jpg

[فايز العامر]

كشات
وين خيام الهنود الحمر ؟؟؟
بسم الله نفتتح جلسة المحاكمه على أخوي كشات بأحضار كم قرص حنيني من عمل ؟؟؟وفي حال التنفيذ تحفظ القضيه .
وهذا دليل على خيامنا مثل خيامكم


صادوا المسكين،،، معليش أخوي كشات ماكان ودي اتسبب بهالخنقة،،، بس الله يعينك على الشباب:j ...
إذا تبي فزعة اطلع خمس وعشرين،،، :cool: ... وكثر من النعناع وانا اخوك...:bounce: ....

مع السلامة :redcar: ...

[تركي الضرغام]

السلام عليكم

صور أكثر من رائعه

هذولا اللي نايمين من زود الوناسه والجو البارد تزين النومه

ولا أتوقع أنهم قايمين بس كل واحد يقول للثاني قم شب الضو وسخن الماء

[المرقاب]

الله يسعدكم دنيا وآخرة أخوي كشّات وأخوانا المكشاتين

تصدق عقب هالصور فتحت ستارة المكتب " وحلالاه يا الشميسه " مالوم الربع الي رقود

يالربع جاني عن طريق الأيميل خبر منقول عن جريدة الحياة والكلام للفلكي خالد الزعاق يحذر فيه بشدة من قدوم برد قارس جداً مع دخول الشبط.
الله يحامنا وأياكم وكل مسلم