هل للجيب فلتر مكيف

[أبو فراس]

السلام عليكم ورحمة الله وبركاته
عندي جيب جي اكس ار 2003 تبريده مش ولابد بحثت عن فلتر للثلاجة ما لقينا قال العامل ان هذا الجيب ليس له فلتر
هل هذا صحيح
واين اجده

[صياد الخبر]

السلام عليكم


افتح الدرج الامامي وفكة شفه وراه او
بالشنطة في جهة اليمين


بالتوفيق

[مسير عليكم]

رح لمحل قطع الغيار وساله اذا له فلتر يباع دور مكانه في المكيف

[عواد الأحمدي]

فيه سيارات كذا مالها فلتر مكيف ، بس دور عليه خلف الدرج اللي في الطبلون ،،
وذا ما حصلت ، مالك الا انك تفك صندوق الثلاجة يجي وصلتني بالنص ويختلف حسب السياره موقعه
ورش الثلاجة بالماء والفيري وخلها شوي وعطاء بالمنفاخ من الجهه المعاكسه للروحه الداخليه
يعني أنفخ من اليسار للييمين، بس مررره برفق ودقه عشان منفاخ البنشر يكون قوي واذا حصلت أضعف يكون ازين ، بس أهم شيء تكون مروق وبلهداوه،بس لو الثلاجه مره مرتفعه في الطبلون فوق زي الكوامري2003 ويحول بينك وبينها ما يحول ، الله يكون في عونك ،انا كلامي ذا للي تلاجاتهم تحت مثل سيارات نيسان سهل صيانتها ، وانصح أي أحد تكون ثلاجة مالها فلتر انه ما يفتح الهواء اللي من الخارج اللي يدخل هواء لثلاجه، زي الددسن مثلا، ولا تحاول ترهم فلتر لأن الهواء راح يضعف مره حت لو الخرقه الحمرا حقت التمسيح ههههه نصيحه مجرب
حياكم الله

[مخاوي المكشات]

ال GXR من 98 الى 2007 ما يجي فلتر للمكيف

[سليمان الصقر]

انا معي جي اكس ار ٢٠٠١ فكفكت ابوه مالقيت فلتر مكيف

[عمرين العمري]

انا معاي في اكس ار 96 وسألت الفني إذا له فلتر قال لي ماله فلتر فهل هذا العلم صحيح أو لا

[اورنس الشمري]

بالنسبة للباترول ماله فلتر ، له ثلاجة تحت الدرج ، بالنسبة لتظيفها سهل جدا تفك الدرج وتنظف الثلاجة بالهواء وانتبه من الماء لا يلتمس عليك سلك او ما شابه لا سمح الله

وان بغيت تنظفها بالماء فلا بأس شرط أن تجف بشكل كااامل


بالنسبة للتبريد اذا كان موترك يبرد بشكل ممتاز في درجة حرارة 42 فلا داعي لتصليح اي شيء

اذا زادت الحرارة لدرجة 48 اكثر او اقل بقليل فشيء طبيعي انه ما يبرد لأن السيارة تحتاج للهواء .

انا سويت كل شيء بموتري واكتشفت ان الجو لا يرحم . عسى الله يجيرنا من حر نار جهنم ووالدينا وموتانا واموات المسلمين .

[سلسيف]

نظف الثلاجه اللي عند رجلين الراكب وبيطلع ثلج

[عبد الاله]

وعليكم السلام ورحمة الله وبركاته.
بالنسبه لسؤالك عن الفلتر فلا يوجد فلتر للمكيف
واذا بغيت طريقة تنظيف بدون فك يعني تأدي الغرض
فك مروحة المكيف الامامي واستعمل كشاف للإضائه وراح تشوف الثلاجه او جزء كبير منها وبتلاقيها مسكره من الأوساخ اعزكم الله.
جب لك فرشاه اكبر من حقت الأسنان وحاول انك تنظفه بس بشويش.
راح ينزل منها تراب في وجه العدو جب مكنسه كهربائيه وولف لك لي صغير واشفط التراب والوساخ من الثلاجه.
بعد الإنتهاء من التنظيف جب رشاش الماء الخاص بتنظيف الزجاج ورش على الثلاجه بمساعدة الفرشاة بس بخفيف وراح تنظف الثلاجه تقريباً 70% .
وهذا رابط راح يفيدك عن مكيف اللاندكروز.http://mekshat.com/vb/showthread.php?t=310805