اول سيارة سقتها في حياتك

[فكسار_2004]

اول شي السلام عليكم ورحمة الله وبركاته
كيف الاحاول عساكم بخير
هذا الموضوع اتوقع انه متكرر لاكن نعيد الذكرى
ياليت كل واحد يذكر اول سياره ساقها ويذكر موقف طريف صار له
و وش نوع قير السيارة عادي ولا تماتيك؟
وشكرا:good2:

[المميـز]

:

شجعنا وابدأ من عندك :)

:

[اليامي قطر]

موضوع مميز وممتع

انا اول سياره سقتها

جمس 78 رفرف دبل قير عادي كانت عندي معاناه فالتقويمه هههههه احطه بالاول
مع اشوي بنزين وانا مرتبك ثم اهج انا وياه في البراري ههههه والوالد الله يحفظه
يقول لي عطه ريوس وركب على نفس الجره تمشي ورا يبيني اتعلم صح
ثم يقول لي عشق له بالنمر كلها واستمريت على هالحال كم شهر الين م عرفت امسك الطاره والقير صح 100% والله يجزاه عني وعنكم خير الجزاء

شكرا لك على هالموضوع المميز

[ابو عزام الشمالي]

جمس صالون 82 قير عايدي ،

[Ababidoo]

بونتياك بريزنان موديل 1964 م قير عادي .....

[s3ed]

مرسدس

450sel 6.9

[عمرين العمري]

مازدا سيدان 74 أو أقل يمكن

[اورنس الشمري]

وانيت 85 gmc

[سعيد الصبحي]

ااندروفر 83

[sulaiman.fj40]

فولكس واجن موديل 59 مافيها استماره
حصل لي صدمه خفيفه مع شفر 64 من الخلف في تقاطع شارع الوزير مع شارع الشميسي واستمريت ماشي وكان صدام سيارتي مربوط بحبال ونشب بصدام الشفر وانا مادريت ولحقني يحددني وانا مستعجل وعند إشارة بوابة مستشفى الشميسي قال لي تعال خذ صدامك ابلشتني فشكرته واخذت الصدام. كان الوضع مضحك

[متولع بالقنص]

ددسن نيسان 85 قير عادي ..

[المتلولس]

ددسن نيسان ٨٤

[حسين2002]

وعليكم السلام ورحمة الله وبركاته

أول سيارة

ميستوبيشي - جالنت مويل 79 قير عادي

[GM_400]

فولكس واجن موديل 59 مافيها استماره
حصل لي صدمه خفيفه مع شفر 64 من الخلف في تقاطع شارع الوزير مع شارع الشميسي واستمريت ماشي وكان صدام سيارتي مربوط بحبال ونشب بصدام الشفر وانا مادريت ولحقني يحددني وانا مستعجل وعند إشارة بوابة مستشفى الشميسي قال لي تعال خذ صدامك ابلشتني فشكرته واخذت الصدام. كان الوضع مضحك

:D:good2: مشاركه رائعه انت تتكلم عن 30 سنه قبل ماشاء الله يعطيك طولة العمر...


انا تعلمت على جمس 84حوض وصدمت فيه نص سيارات الحاره لين تعلمت كان قيره قوي وصعب ،اذكر اذا مشيت في الشارع يوخرون عني الناس يدرون اني غشيم

[قنطورس 1989]

فولكس واجن موديل 59 مافيها استماره
حصل لي صدمه خفيفه مع شفر 64 من الخلف في تقاطع شارع الوزير مع شارع الشميسي واستمريت ماشي وكان صدام سيارتي مربوط بحبال ونشب بصدام الشفر وانا مادريت ولحقني يحددني وانا مستعجل وعند إشارة بوابة مستشفى الشميسي قال لي تعال خذ صدامك ابلشتني فشكرته واخذت الصدام. كان الوضع مضحك
هههههههههههههههههههه ، مستعجل ولا زابن الذرا

[جموول]

اول سياره تعلمت عليها السواقه ددسن 85 فل مكيف غمارتين حقة الشايب الله يسكنه الجنه

[محسن اليامي]

ددسن 83 وصدمت به سور المسجد ومن عقبها ماتركت الصلاه ههههههههه

[ذيب المراجل]

ددسن 83 اخطوط غماره وحده .... ولي مواقف واجد معها :)

كنت مره توي متعلم السياقه ورحت وحملت علف الغنم من المزرعه وشلت العامل بالحوض ... واتجهت للغنم وكان لازم تلز الموتر للشبك علشان العامل يحذف العلف من فوق الشبك وكانت بالنسبه لي مهمه صعبه .. المهم جيتك طاير وصدمت الشبك والحمد لله فك الله الغنم ..... المهم مالكم بطوالها كانت ( مغربيه قشرا علي ها كاليوم وموقف لااحسد عليه قدام ابوي الله يرحمه .. وتعرضت لشماتت اخواني والعامل الله يذكرهم بالخير... وكان منظر السيارة بشع يوم طاح صدامها الي قدام :D)

[ذيب المراجل]

هههههههههههههههههههه ، مستعجل ولا زابن الذرا

اههههههههههههههههههههههه

الله يهديك يا قنطورس
الرجال قصده مايبي يكلف على احد

[قانوص زمانه]

هايلوكس مديل 78 غماره وحده قير عادي

[بحر6]

لاند كروزر جكسار موديل 90 او 91
قير تماتيك

ماكان عندهم نيه يعلموني بس كان وقت ربيع وفقع علموني السواقه وراحو يلقجون الفقع وانا ادرج وراهم

بعدها بديت اتعلم القير العادي على هايلكس 82

[صاروخ الغطغط]

دادسن م 82 مافيه نسفات اعشق بواحد ثم بالرابع على طول توي اتعلم ماعرب اشوف ابوي يعشق بالواحد ويرص الكلتش ويحطه ب2ونا من واحد وجر القير تحت ويلقم الرابع ماعرف موقع نمره الثنين

[أبومحمدالشهري]

صالون لاندكروزر موديل 89 vx قير عادي حق الوالد الله يحفظه
ذيك السنة يوم تعلمت كان ماله ثلاث سنوات من يوم نزل موديله ، والوالد كان خايف كثير على الموتر بس مضطر أنه يعلمني عشان أكفيه مقاضي البيت��
وبعدها شرالي هايلكس 85 غماره واداوم فيها المدرسة ومحد قدي��
أيام وذكريات جميلة الله على ذيك الأيام ��

[مخطط 2008]

اول سيارة سقتة هايلوكس 82 حقت الوالد الله يرحمة اول سيارة ملكتة ددسن 84 م بدون مكيف

[Mr.2BaC]

دووج رأأم
79
عـاادي طرب الطرب هـرس
:redcar:

[الوعب]

ددسن غماره موديل 80 كنت اسرق المفتاح الظهر من مخبا الشايب رحمه الله عليه ،، الى ان صدمت باب الحوش وخليته يفتح غصب ،، و المغرب انا و الشايب الله يسكنه الجنه نصب اسمنت لقواعد الباب الي في الارض ،، انكسرت :(

[شغب007]

جيب شاص 80 ما طول معي والي كرفته كرف ددسن 82 الله يذكر ذيك الايام بالخير

[الرجل الخير]

ددسن 92
قير عادي
الموقف الطريف
فيه حفرتين بالخط يعني زي ما تقول من الماء متحفرات
يوم تعديت الاشارة نبهوني اللي معاي فيه حفرة صفيرة يمينك ووحدة يسارك
المهم
لفيت يمين طحت بالأولى و لفيت يسار طحت بالثانية
اللي معاي نبهناك منهن وطحت فيهم كلهن

[الجوكر حسن]

اول سياره سقتها


(نيسان لوريل 200 إل)

موديل (1985)

قير عادي (4 سلندر×)×

[بندر المشهوري]

كرسيدا ٨٠ الشنيوووووور على قول اهل مكة

[خالي الهم]

نيسان لورل موديل 1988 سقتها سنة 90 فالغزو طلعتها من الكويت للسعوديه وانا عمري 13 :(

[شمالي 44]

وعليكم السلام ورحمة الله

اول سياره سقتها بصف رابع ابتدائي بيوك م 81
رحنا للدمام زياره لعمي انا واخوي الكبير
واخذها اخوي من ولد عمي نبي نزور خالي بالأحساء
ويوم مسكنا الخط السريع قال اخوي تعال سوق وخلك على 120
ويوم سقت شاف سواقتي راكد وعلمني كيف اطوف السيارات
قال بنام وإذا جتك لوحه الهفوف أو الأحساء صحني قلت ازهلني
طفشت من الخط وهو نايم قمت أدور شريط بدرج الباب والقالك شريط ماانساه للشاب خالد مغربي وشغله وهاتك مع الخط ددي ددي اوه ولا وقفت إلا بالرياض
وصحى اخوي وليته ماصحى لاتعليق صراحه
المهم اني رجعت الحسا بشنطه البيوك
والله لايعودها من سواقه .

[البدر2]

http://img1.haraj.com.sa/userfiles30/2015-04-30/55418d492330f.jpg

هالحبيب هذا او سيارة تعلمت قيادتها كان تابع لشركة جيتي للبترول في المنطقة المحايدة ومسلمينه لوالدي الله يرحمه الوكاد عذاب عشان تعلمت سواقته كان قير عادي واذكر يوم من الايام الظهر لطشت مفتاحه وادق سلف واخذ لفه في الحارة كان الوالد الله يرحمة باني صندقة عبارة عن كراج والله واجيك برجعه مكانه جنب الصندقة مدري وش اللي صار واقشع الصدنقة يوم صارت فوق بعض جدرانها وسقفها هههههههههههه ساويتها بالارض
يوم لا انساه بحياتي انجلدت جلد الله لا يوريكم

[بربنجي]

فولكس واجن موديل 59 مافيها استماره
حصل لي صدمه خفيفه مع شفر 64 من الخلف في تقاطع شارع الوزير مع شارع الشميسي واستمريت ماشي وكان صدام سيارتي مربوط بحبال ونشب بصدام الشفر وانا مادريت ولحقني يحددني وانا مستعجل وعند إشارة بوابة مستشفى الشميسي قال لي تعال خذ صدامك ابلشتني فشكرته واخذت الصدام. كان الوضع مضحك


هههههههههههههههههههه
يقول ابلشتني خذ صدامك بيض الله وجهه والله انه اجودي

ع العموم اول سياره سقتها كان عام 1987 ميلادي سياره كابرس موديل 87 او بيوك موديل 83
نسيت صراحه

[فارس بن عقاب]

ددسن76 اللي مالها خطوط

[1993 _vxr]

اول سياره سقتها افيو موديل 2009يمكن ؟؟

المهم الزبده بالموضوع ضيعت الريوس مدري وين !!!

وبعد ماتعلمت عليها عرفت انه جنب نمره واحد